Pizza Pan

營業中

休息中

又黎到鴻圖中心搵食～～貪依度選擇多，我地試左幾間都唔錯今次試埋依間pizza, 平時外賣都幾多人排隊除左單人餐，d 套餐睇落都抵食我地叫左一個意粉set, 一個pizza set, 加$8 有粟米湯同蒜蓉包，加$8 轉埋水果桃茶粟米湯都算杰身，唔多粟米湯，勝在夠熱辣辣，開餐前暖暖身蒜蓉包夠哂脆，蒜蓉味岩岩好，唔會太over香辣蕃茄汁底，有少少辣，好開胃，蕃茄味都夠，蝦都有成6隻，份量都ok, 螺絲粉又夠味北京烤鴨pizza~~見依個味比較特別每塊都有一大舊鴨，食得出有片皮鴨個隻甜醬， 夾埋d 青瓜夠清爽芝士味又夠，依個pizza 真係好食， 每人食兩塊都好飽依度應該可以食飽3個人， 每人除開都係$50 喳最後講埋支水果茶可以揀蜜桃味同荔枝蜜桃味好香，唔會好甜，岩哂食埋pizza 解膩～～

觀塘愛琴海呢個美食廣場，有好幾間好受歡迎嘅食店，呢輪肺炎肆虐，又要食外賣，不過今日見唔多人，而且天寒地凍更加想食熱辣辣嘅食物，所以就來Pizza pan 呢度食一個堂食午餐。卡邦尼意大利粉$58另配餐湯及蒜蓉包只需加$8意大利粉好好食呀，好香芝士味，個汁煮得好吸引另外就係意粉嘅質地易煮得好好食，爽口彈牙。超級夏威夷pizza$78呢個Pizza真係即叫即做的，餅底厚薄適中，而且夠多芝士，配上菠蘿火腿呢啲傳統香港口味嘅Pizza餡料，真係超正呀。香辣蕃茄大蝦螺絲粉$58，加$8可以飲特色咖啡包括Latte Or 泡沫咖啡。呢個大蝦螺絲粉同樣做得出色，螺絲粉煮得啱啱好，蕃茄醬汁微微辣，所以好開胃。大蝦本身肉質都唔錯，配上呢個汁真係正到暈啦。

觀塘 food court 除左APM仲有個地方叫愛琴坊！😽今日Lunch 同朋友食意大利餐廳價錢好親民 隔住口罩都嗅到香味😍我地點左B4 焗肉醬千層麵滿滿既芝士加上大量既茄醬 三層既千層麵 都係$55！😋加$8 轉埋套餐 包餐湯，蒜蓉包同飲品！是日餐湯 忌廉南瓜湯！ 都尚算濃郁 🙆🏻‍♀️ 蒜蓉包好出色 蒜香滿滿 又爽脆 推薦😬👍另加$5 轉左熱朱古力B5 松露醬帕爾瑪火腿長通粉 $58混合左忌廉醬 松露醬相對不太濃郁 帕爾瑪火腿有4片 份量十足👍👍👍 值得一提環境舒服😌 服務員好禮貌推薦👏🏻

好少去開觀塘呢頭, 咁岩要去試衫所以去左鴻圖道食D野先, 估唔到呢到有個類似FOOD COURT既AREA, 都幾多野食!作為麵包控好快就揀到呢間PIZZA PAN, 1人餐都係60幾蚊, PASTA果D仲平!叫左個意大利經典PIZZA, 同埋1個千層麵, 加左雞翼同蒜蓉包~等左唔洗10分鐘就有得食, PIZZA都幾大個, 薄批所以好脆, 有HOMEMADE感覺!芝士好多而且唔係勁多醬, 所以唔會漏, 好脆好食!!千層麵又係大量芝士好邪惡好好食!!題外話, 呢到既咖啡都幾好飲, 雖然PIZZA配咖啡有D奇怪

lunch time一定係觀塘區最繁忙既時間,要係短短既lunch hour內揾到位又好味既餐廳真係一個大挑戰.今次專門覓好西既同事話要帶我試呢間都幾受歡迎既pizza店到試下.海蝦紫蘇彩椒薄餅Pizza係我自己比較鍾意既薄批,食落無咁滯而且相比厚批更加清楚品嚐到pizza餡既味道.薄批另外一樣特別之處就係食到烘得香脆既批邊既同時又食到陣陣麵粉香.pizza價錢合理之餘配料又夠晒豐富,足足有7款:海蝦•三色椒•紫蘇葉•焦糖洋蔥•青蔥•蕃茄醬•mozzarella cheese.輕輕拉開pizza已經感受到mozzarella cheese濃密感,入口香軟creamy而且帶微奶香.再加上新鮮蕃茄醬令pizza入口更香甜又唔單調.海蝦肉彈牙爽脆,每一塊pizza都會食到海鮮,夠晒誠意,紫蘇葉其獨特香味為pizza帶黎一種不平凡又共有特色既清香.白汁蜆肉意粉意粉上滿佈蜆肉粒,蜆肉雖然肉仔較為細但入口無沙肉質亦爽彈.配上忌廉白汁及芝士碎令味道更濃郁香滑.意粉充分地掛起忌廉汁,creamy既忌廉汁加上淡淡蜆肉海洋鹹香感相當配搭.烤雞翼估唔到雞翼同樣有水準,雞翼醃得夠晒入味之餘又唔會過鹹.內裏雞肉

今晚又過嚟愛琴坊搵食，貪佢嘢食款式夠晒多。今次嚟食pizza,見到佢有個$148既二人餐，真係幾抵食。✨呢邊座位嘅牆身仲好靚好特別～坐得幾舒服。✨雞翼有四隻，焗得啱啱好，食落嫩滑多汁。✨三文魚蘆筍忌廉汁長通粉：個忌廉汁幾香食落唔會好杰好漏，BB露筍夠爽脆。煙三文魚味道偏鹹，不過撈勻落個長通粉度食就幾好味。✨海蝦紫蘇彩椒pizza: 呢個Pizza味道唔會太濃，加咗紫蘇葉都幾特別， 芝士味好香，批邊仲好夠脆。✨焗肉醬千層麵：面頭嘅芝士真係勁厚，食落軟綿綿，鍾意食芝士嘅朋友啱晒。 個肉醬茄味濃郁juicy, 整體來講都幾好食，不過就最好同朋友一齊share，因為真係超飽。

👧🏻Wodafoodie in Kwun Tong鴻圖中心地下有好多價錢相宜既小店 今次想講呢間專食pizza / 意粉既Pizza Pan我每次黎都叫佢既Pizza🍕 價錢唔貴又好食份量同朋友share又岩岩好👍🏻今次試下佢既意粉套餐🍝 可以任揀意粉/ 長通粉/ 螺絲粉套餐送汽水🥤或加$8可以要水果茶✨🐽松露醬帕爾瑪火腿長通粉 $58Parma Ham有3片 白汁好creamy 撈埋黑松露醬好香🤤醬汁足夠每條長通粉/菇都沾到 😋✨🦐🍅香辣蕃茄大蝦意粉 $58蝦都好大隻 至少有6隻😍呢個出乎意料地好食 真係食得出有少少辣🌶就係佢既辣同蕃茄既酸甜味撞埋一齊所以覺得幾正😋呢到木製既枱凳 加上畫左🇬🇷歐洲風景既牆令人有種好relax既感覺 加分☺️📍 Pizza Pan (觀塘)觀塘巧明街94-96號鴻圖中心地下5G1-4號舖

前幾日在約咗個係牛頭角返工的朋友，佢帶我去佢平時食開lunch嘅一間餐廳食飯，佢話嗰度嘅意粉好高質又平，夜晚又坐得舒服，所以就約咗去鴻圖中心嗰度食嘢啦。餐廳附近嘅位係仿希臘嘅設計，所以我覺得都好靚，而且位置寬躺，坐得都好舒服。我哋叫咗一個松露醬Parma ham長通粉同一個雜菌松露Pizza，跟餐可以加$10換購兩隻雞翼，我哋叫咗兩客雞翼，總共四隻，餐飲可以飲汽水或加錢配水果茶，我哋就揀咗飲水果茶，嗰日嘅水果茶係蜜桃茶。叫咗嘢食之後，餐廳會比一個電子叫餐牌比你，當有嘢食嘅時候，就會震，所以客人可以返埋自己位到等，食物方面過咗一陣就有嘢食啦，Pizza嘅皮做得適中，唔會太厚和太薄，而且Pizza外圍係比較隨意一啲，所以知道是手製pizza，加上就算只係素食，都唔會覺得好單調，而且入面更有一些煮到好腍的洋蔥，調味都好好。意粉方面以58蚊來說，其實都真係好高質，味道都唔錯，松露味都有少少出，即使就咁食長通粉都覺得好好食，因為每條通粉都入晒味，而且有一些雜菇，就算無ham都一樣出色，所以朋友非常推薦呢一個意粉，因為佢平時多數都係食呢一個，或者其他嗰幾個意粉類嘅食物。雞翼是用焗爐焗，所以製作需時

觀塘友返工咁辛苦，究竟附近有咩好西可以繼續吸引佢地繼續留低呢？相信呢間pizza店都有份。喺新開嘅food court入面，有間平民價但遊埠級數嘅意大利嘢講真，開頭睇到價錢都唔抱有期望，平平地醫肚就算啦，但呢碟長通粉狠狠地打開大胃嘅胃口水果茶味道相當清新，加$8都抵呀中意混合嘅北京填鴨pizza，出奇地吻合醬料應記一功，芝士都好足呀蒜蓉包大塊又有味，如果有湯就好喇雞翼好大舊，煮得幾嫩幾入味呢度啲pizza即叫即整，果然唔同啲食落溫度啱啱好，又夠晒煙韌大胃食完再唔相信呢個世界下下都要等價交換，原來平嘢係有好嘢㗎

我自問其實係一個幾寬容既人，第一次係Openrice留差評。因為我接受唔到咁既用餐體驗竟然來自一間執筆時超過100正評0負評既餐廳。首先，有Screencap為證，我係Openrice叫左外賣自取一個煙鴨胸Pizza同一個意大利經典。根據Openrice menu既描述，煙鴨胸Pizza係有焦糖洋蔥，但你睇下幅相，我見唔到有洋蔥… 反而係唔應該出現洋蔥既意大利經典裡面見到。好啦，個意大利經典仲過份。大家都知道唔係個個都接受到Pizza上面有菠蘿。又係根據Openrice既menu，意大利經典除左基本既蕃茄同芝士，剩低就係辣肉腸同菠菜。你睇下幅相，邊度有辣肉腸同菠菜？？點解變左做火腿同菠蘿？？？我以為佢俾錯左夏威夷人我啦，但夏威夷人應該有既三色辣椒同蘑菇又去左邊？？？？？其實你地睇下幅相，如果我唔落描述，你地分唔分到兩塊pizza有咩分別？？？？？？？我想你地去睇下其他正評既意大利經典既相，睇下相差幾咁遠？？？？講真，個pizza其實就唔算難食，但亦絕對唔係好食，pizza最外圍條邊已經變左炭。而且哩個價位我真係寧願去pizza hut嗌個芝心批仲開心。

觀塘工廠大廈成日都有好多好味、隱世餐廳，依間就係其中一間。佢主打pizza同意粉，但整體唔係好貴，但好好味。佢都係鴻圖中心地下，上次本身都想試，但佢冇開到，只好今次黎試下。餐廳嘅裝修好靚，好有童話風，好適合打卡。平時去cafe都會點卡邦尼意粉，因為佢係一個芝士味同奶味同時好濃嘅意粉，今次都係點左依個意粉。估唔到雖然佢幾平，但都好好食，佢落左好多芝士粉，令人好幸福，同時份量都幾多，非常抵食。加兩隻雞翼都係$10，仲要好大隻，同時都幾抵，佢係啱啱係焗爐出黎，所以熱辣辣，食落仲有蜜糖嘅香味。加樽健康水果茶都係$8，今日係新鮮嘅蜜桃茶，平時飲起嘅蜜桃茶都好甜，甜味多過蜜桃味，但依樽唔會，佢只係帶住淡淡嘅蜜桃味，飲落唔會太甜，仲有微微嘅酸味，可以一試。

焗肉醬千層麵套餐🍝 $55💛💛💛💛好多肉醬，芝士都多，千層厚薄適中，醬汁以酸味為主。松露醬帕爾瑪火腿意粉套餐🍝 $58💛💛💛💛💛帕爾瑪火腿非常香口，醬汁好Creamy，濃厚芝士，仲有菇菌類北京烤鴨pizza🍕 $68💛💛💛💛💛口味創新，所以揀咗黎試，pizza餅底偏薄身，醬料係甜醬，面頭有芝士、蔥、青瓜、鴨，口感清新，好好味，必試所有套餐都有一罐汽水🥤服務💛💛💛💛環境💛💛💛💛

觀塘工業區好多食肆，但係提供pizza 既餐廳唔多。 呢間係鴻圖中心美食廣場內，專門提供pizza, 意大利粉，仲有肉丸雞翼。 Pizza 嘅種類好多，還可以自選pizza 配料，價錢仲抵到爆🤩。北京填鴨Pizza ($68)芝士焗肉丸 （$68） 蜜桃水果茶 Lemonade 北京填鴨薄餅咁特別，真係忍唔住要試吓。 即叫即焗，上碟熱辣辣。 薄餅厚薄適中，烤得很脆口。Topping 可以清楚見到勁多芝士、鴨肉、青瓜等等。除咗芝士外，pizza 亦食到香濃嘅北京填鴨醬汁，口感十足。 芝士焗肉丸好大粒，上面芝士厚厚的，蕃茄醬酸酸甜甜，可減低肉丸的膩。

是晚黎左Pizza pan度食野，點了pizza同小食後，便到店附近搵枱坐。落單後廚師即刻預備食材，所有食物都係即叫即整的。等了大概十五分鐘就有得食了，香噴噴啊。點了北京烤鴨薄餅，主要是煙鴨胸，青瓜等“北京烤鴨”的食材來做薄餅。薄餅是薄的餅底款，烤得很香脆。芝士多得可以拉絲呢，醬汁是中式的烤鴨醬，甜甜的又同芝士好夾喎，加上清新的青瓜夠爽口，整體味道平衡又好味，讚！另外就是點了呢個意式肉丸，濃濃的茄醬配上大大粒肉丸。肉丸肉味濃郁，啖啖肉好正呀，蕃茄醬帶點酸正好去膩，一客六大粒很抵食。最後再配上一罐汽水，很完美的一餐。

鴻圖中心有好多野食，兜個圈睇下食邊間嘅時候見到有幅牆畫左d好靚嘅壁畫，令我不禁目不轉睛。望望下見隔離有間意式餐廳，價錢又ok就搵個靚位坐底啦。意粉套餐價錢都係$50至$60左右，重送一罐汽水，晚餐黎講真係超值啦！白汁蜆肉意粉有蜆肉同菠菜。菠菜好香。蜆肉有好多粒，冇沙，夠新鮮有咬口。意粉軟硬適中。芝士味濃而不膩。黎意式餐廳食飯，除左食意大利粉，點少得食Pizza呢？見收銀處有張相寫住「海蝦紫蘇彩椒薄餅」，今個月做緊優惠$68。呢個薄餅係餐牌冇架，一於試下新野啦！好耐冇食pizza啦，今晚Happy Friday，一於食盡佢，一人一個！叫左「海蝦紫蘇彩椒薄餅」同埋「夏威夷薄餅」。海蝦紫蘇彩椒薄餅每一塊薄餅上面都有一隻海蝦。海蝦大大隻，味道鮮甜，質地挺實夠新鮮。薄餅一入口就食到好香嘅紫蘇葉味。紫蘇葉將海蝦嘅鮮味帶上另一層次。彩椒有紅椒同青椒，夠新鮮清甜。除左紅椒同青椒，原來重有洋蔥！洋蔥是熟的，如果唔整咁熟就可以食到洋蔥嘅辛辣味，可能會更好。總括黎講，薄餅有d蔬菜感覺更清新。夏威夷薄餅用羊芝士，入口好香，如果呢個時候有杯酒邊食邊送酒就啱曬啦！因為落左菠蘿，食落酸酸甜甜。菠蘿食落酸甜多汁，一咬