Pick Coffee

行完樂富UNY超市買到又攰又餓，即刻搵Tea食！Tiramisu牛角窩夫配雪糕甜美十足，窩夫外脆內軟帶牛油香，沾上咖啡味雪糕，冷熱交融好過癮！ 自家製日式餃子皮薄爆餡，煎得金黃香口；脆炸雞翼外皮鬆化，肉汁鎖得好好，配粗身薯條夠飽足。加錢轉嘅特飲更有驚喜-咖啡啫喱杯層次豐富，倒入濃縮咖啡時充滿儀式感！啫喱Q彈、雪糕滑溜，夾雜餅乾碎同焦糖脆脆，口感玩味十足。 環境開揚舒服，啱晒行到腳軟坐低 recharge。由鹹點到甜點都睇得出用心製作，絕對係樂富區高質 cafe 之選！ （滿足，創意與味道兼備）…查看更多

抓住下午茶的尾巴，唔使排隊，呢間絕對係肉食愛好者嘅驚喜之選！下午茶食「亂切牛扒」一次過征服五個牛部位，由油脂豐腴嘅牛小排到軟嫩多汁嘅牛柳，口感層次豐富到爆。鐵板熱辣辣上枱時滋滋作響，肉香瞬間爆發，誘人香氣令人未食先興奮！拼盤火候掌握得剛好，鍾意嚼勁可以揀牛腩部位，偏好軟嫩則必試切得厚薄適中嘅西冷。每款牛肉都保留濃郁肉汁，簡單惹味。下午茶時段意外發現餃子同樣出色，外皮煎得金黃香脆，內餡飽滿多汁，同牛肉形成完美配搭。環境舒適，服務亦夠細心。無論係想大啖食肉定悠閒嘆咖啡，呢度都係樂富區內值得回訪嘅好地方！（性價比高嘅肉食盛宴）…查看更多

門口有排隊位，我哋先到鋪頭就排，個侍應叫我哋等一陣間，另一家人無排隊自己衝左入去就坐低，個侍應不但無阻止，仲由得佢哋坐入去，質問下俾個走廊位我哋，一係就叫我哋繼續等，態度勁惡劣…查看更多

做完gym餓到可以吞牛？樂富廣場呢間Pick Coffee簡直係飢餓救星！牛魔王朋友神神秘秘帶路，原來暗藏重量級「亂切牛扒拼盤」！亂切牛扒拼盤一次過征服5大部位。西冷油花起舞、牛柳芯嫩到滴汁、牛腩膜煙韌有嚼勁，仲有兩款神秘部位連食肉獸都考起！鐵板滋滋響上枱那刻，肉香攻勢比健身室汗味更濃烈！20厚切牛扒鎅開粉紅肌理，配埋醬勁邪惡，罪惡感與滿足感同步爆燈。最過癮係拎住餐刀自由一次食到唔同口感既牛，健身後補充蛋白質嘅藉口都特別理直氣壯！餓足七日嘅牛魂終於得到滿足～重有好多間分店未試，又有藉口約牛魔王食牛…查看更多

第一次到這新開的餐廳， 希望反映我在餐廳的用餐經歷。 埋單時，我向某職員詢問有關電子支付方法時，該名員工的態度非常不佳。當我詢問是否接受電子支付時，該員工不僅對我白眼相向，還用非常不友善的語氣回應我，讓我感到非常不悅。我相信良好的顧客服務是任何餐廳成功的關鍵，這樣的態度不僅影響了我的用餐體驗，我希望貴餐廳能夠加強對員工的培訓，提升服務質素。…查看更多

點餐前客氣叫唔該點餐，著住黑色恤衫應用係經理。過程中語氣唔多好，做餐飲可以沒笑容，但說話要有禮貌。之後都廢時食，我臨走時有同另一職員講唔食喇唔該，呢位帶眼鏡職員反而有禮貌。跟手走左去食壽司郎。…查看更多