Pepper Lunch Express (朗豪坊)

營業中

休息中

和朋友一月一度飲食品嚐，一個月前已決定了這間「煎煎煎」，見圍攏人眾，且賣相特別，心想不會味道不差矣...怎料卻是叫人失望不已饅魚鐵板飯-->豉油混飯放在鐵板中央，圍在飯的周圍有零零碎碎的饅魚「粒」，可能是放得太久沒有翻動，都燒焦了一面，淋上了那裡提供的蜜糖醬料，吃上第一口，很鹹！！再吃下去，簡直如同飲海水，如同翻了整樽鹽在飯裡...晚上即使回到家裡，口裡的鹹味仍然難然消去....漢堡排鐵皮餐-->一拿到枱上，已沒有了鐵板應有烤煎的聲音，好像在廚房裡放了很久才拿出來似的，漢堡排還一般而已，但就是很油膩的模樣，賣相不太吸引....一句到尾，我懷疑我在吃鹽多過在吃飯...

因為朗豪坊感恩大特賣的關係, 昨晚的晚餐喺美食廣場度過, 大約係八點左右...抬頭見banner介紹黑椒鰻魚飯只售三十九, 包飲品同湯, 另外煎蛋漢堡扒就四十八蚊都係連汽水同湯, 於是一樣買了一客, 買左飛之後, 職員說等廿分鐘左右, 於是就去隔離再買泰國野食十分鐘之後, 已經有十幾人圍住pepper lunch等攞食物, 只見我的兩個鐵板餐已經半個小時都未見縱影... 最後四十分鐘過了, 終於有得食, 因為用熱板盛, 所以個鰻魚飯好熱, 煎了一會, 飯都變得好硬, 其實覺得幾得意, 因為好似自己煮, 不過又唔係特別好味! 朋友個煎蛋漢堡扒塊漢堡扒都幾厚, 朋友既評語係 "甜"食既時候只見左鄰右理的人都等了很耐先有得食, 其實唔知點解美食廣場出品會咁慢, 或許想形做一種好多人等, 好熱鬧的感覺吧

約左女朋友去朗豪坊睇戲, 睇之前去foodcourt食野上到去見pepper lunch企滿哂人, 好似好好食咁, 於是就買左一客黑椒牛肉飯餐食, $38包埋湯同可樂!買左飛之後, 就同大家一齊企喺度等, 企喺度等既原因係... 以為好快有得攞, 但係原來... 三十分鐘已經過去, 都仲未有, 崔左一次, 話要等等, 戲就快要開了, 最慘係買左飛, 女友開始發爛渣, 因為坐左成半個鐘都無得食, 好後悔點解會買左飛四十分鐘後, 終於有得食, 係幾得意, 自己攪, 加左一些甜甜地既醬落去食, 牛肉係一片片的, 肉質一般, 有點鞋, 其實飯係唔好食, 因為得個甜字終於知道點解會咁多人圍住佢, 因為個個都等左成半個鐘有多, 啱啱上嚟既人仲以為佢好多人所以又哄埋佢, 最激氣係, 場戲足足開左二十分鐘之後先入到場, 女友勁唔開心

睇左OR呢間店好一陣架嘞! 原來新港中心food court 都新開左一間, 試下先得~bf去買, 一心o念住食鐵板燒牛肉既, 點知佢唔知呢間店出名牛肉, 走去買左鐵板鰻魚飯 !!! 激死人呀!!算啦, 試下鰻魚先啦!$39 跟一個味噌湯, 都幾抵, 不過冇得加錢買o野飲呢~ 一o黎到, 個鐵板好熱呀!!! 4圍都冒緊煙呢! 見佢飯上放左好多粟米, 好似都幾好食敢~ 等左一陣先食, 先炒一炒佢, 不過d飯都唔係太乾身既~ 好味wor!! 佢落左好多黑椒呢! 仲有本身有汁, 都唔駛再加佢比既蜜糖汁lu! 鰻魚唔係太多, 不過都算ok既~ 畢竟只係$39 o者!!如果佢有多d配菜, 唔係只係粟米就更加好lu!!!味噌湯可加$5 轉蕃茄湯, 不過我地o個時8點幾已經賣哂lu不過味噌湯都幾好味, 唔太咸, 入面有豆腐粒同海帶, 都幾豐富o架!食完都幾口乾, 要即刻去飲野, 如果佢個餐可以加野飲會好d呢~ 下次一定要試下鐵板牛肉呀!!

好滿意=)食到都好飽,我食左個68蚊既黑椒牛肉飯,d牛肉好好味,!好肥吾廋真系好正d飯都同其他餐廳吾同,特別香咖買左返尼仲有得炒下炒下好好玩xd佢仲有得比你任羅d蜜糖汁同另外1隻(吾記得左)- -任裝幾多都得,不過因為我尼款有個牛肉醬汁比我炒,炒左之後仲好味!旦系如果加埋蜜糖汁就麻麻,所以如果大家食68尼款就吾好加蜜糖,因為感覺真系麻麻地

之前和同學看飲食男女這雜誌,發現介紹pepper lunch的一頁(好像是這樣- -? 忘了是不是突然飄出的話題)反正又很巧合的我同學吃過,就故意放了學,由佐敦出發去旺角朗豪坊乘坐巴士去 都還滿方便的麻煩就只是麻煩在要去很多層電梯才到達由於那間pepper lunch是在food court所以環境這些就不予置評,理所當然的點了是自己拿回座位他將食物放在我們前面的速度,快,SO NICE收銀的服務態度,都OK的那碟可愛的食物,拿到座位,還沒熟,將他mix一mix,鐵板的熱力一直傳到肉當中,再將飯倒進鐵板當中,再倒醬料UMMMMMM,可以跟你說是吃到幸福的味道,好有新意,從未踫過這種食法,有趣點了漢堡扒+雞扒的SET LUNCH(由於餐點那裡是寫什麼什麼單點,所以不太肯定不否SET LUNCH),$68,有飯有飲品如是SET LUNCH,價錢都OK,如不是,加飯$8,都OK飯的份量,都適中吃到差不多最後幾口,有點滯如果再來朗豪坊,必選這間

上次想去APM食, 不過好誇張,話要等40分鐘,因為太多人, 所以食唔到。今次去左朗豪坊E間分店食, 人不是太多,可能係閒日, 所以等左唔係好耐。$38可以食到個黑椒牛肉飯加野飲,但我挑剔, 選擇了不$5X既三文魚飯加橙汁!一個鐵板上盛著一個飯, 幾塊三文魚圍住D飯, 沒有汁, 汁是自己自由去盛的, 想淋幾多就幾多, D飯內有粟米, 我將D汁兜亂開始食, 好熱~!!!!!!!熱到要狂吹~!!!! 先說飯, 味道一般, 三文魚落鐵板就真的麻麻, 只怪自己蠢, 下次叫牛肉好過~仲要因為個飯太熱,HEA左好耐先入到口!!!D三文魚又迫住要快D食完,因為已經見佢開始變魚乾, 呢個飯一路食一路覺得又熱又口渴,要邊食邊飲橙汁!!!!!仲要杯橙汁味怪怪的..........

承接上回，2月18日晚我和女友去到朗豪坊的FoodCourt“開飯”，先在韓國屋買了一個“純豆腐辣湯”給女友，轉個彎就去Pepper Lunch ，試試D.I.Y.版鐵板燒。難得來這裡吃，就點最貴的一款牛扒==>特選牛肉眼扒罷。買的時候已經見到很多人有等，所以知道要等頗耐，店員說約二十分鐘左右。所以我和女友把另外的食物吃到差不多一半的時候，我才走出去等，果然到了我的號碼，不過我點的食物要過多約一分鐘左右才出來。於是我取了食物後，趕快走回去，影了相就把肉眼扒上的牛油塗勻在牛扒和蔬菜上，然後連忙將牛扒反轉。不過可能我有點生手和時間耐了些，牛扒有些“黐底”，女友也幫忙替牛扒“轉身”，以免過熟。經我們二人努力合作下，總算把牛扒煎成約七成熟，然後把牛扒放在芽菜上面。這時終於可以吃牛扒了，試了一口，肉質尚算嫩滑且不韌，有牛肉味，其餘的也是一樣，口感和味道都不錯，而且不用醮任何醬汁來吃已經足夠。所以我將隨意添加的蒜蓉汁用來撈飯，更覺美味，且送飯一流，大半碗白飯就被我完全幹掉，就連女友也有點驚訝！以這個價錢來說，能夠吃到有如此不錯的牛扒，我和女友都覺得物有所值。P.S.:我買的時候忘記已經有杯

觀塘的Pepper Lunch就吃得多。 今日到旺角店一試作比拼。不用多說, 旺角店的鐵板牛肉飯可以用差來形容。(1) 鐵板不夠熱,(2) 胡椒不夠多,(3) 吃完不會回味。吃過旺角店的朋友, 可以試試觀塘店的鐵板牛肉飯。 簡直是兩個世界的作品。〈我斗膽說句: 這品牌的quality control做得不好。它不能像某連鎖快餐店, 將全線的快餐都做得很難吃〉。

13/1(二) 7:30pm跟友人協力輔助小老兄應付期考後,於朗豪坊會合阿梁,住足於出現人龍的"Pepper Lunch".小試牛刀,點了壽喜燒套餐$42及鐵板黑椒三文魚飯餐$54.壽喜燒--自行將牛肉放於鐵板上燒至心水的熟度;富原味的牛肉蘸以燒汁,洋蔥絲,蘑菇及半生熟雞蛋食之,素質對辦!鐵板黑椒三文魚飯--黑椒三文魚的份量適度,弄以八成熟的三文魚肉質的嫩度得以保持;傾入蒜蓉汁或蒜蓉扒汁,味道挺匹配的;唯事後之口乾乃為其代價也...跟餐的麵豉湯水準不賴,豆腐及海苔份量奇多...噱頭貴於味道的鐵板碟頭飯...

一月上旬午餐同一屋簷下卻沒見近一星期，說出來自己亦覺神奇，要訂好日約出來交收，只得半小時的空檔，乾脆吃Foodcourt吧，簡單一點，也有多一點時間傾傾。老弟要了金寶海南雞飯，這裡幾間快餐店，就只得Pepper Lunch未吃過，雖然對鐵板牛肉無甚好感，但未試過，加上門口互動式的攻勢很吸引，嚐嚐新口味也是好事。這東洋鐵板牛肉店，選擇也真的不少，除牛外還有雞，是日胃口麻麻，不要漢堡了，簡單地要了Sukiyaki。等約五分鐘有得吃，店員介紹過吃法後，拿拿臨捧埋位趁熱吃，大保溫鐵板用紙圍著，是幾貼心的防熨手設計，本地好似無幾間鐵板會咁做。大碟Sukiyaki用上厚肉澳洲牛，配上「新鮮」生菜、野菌及太陽蛋，簡單而色彩豐富賣相，還不錯，按指示將甜甜的汁倒入，熱力迫人，撈兩撈鮮紅牛肉很快變成半生熟，牛肉味很重加上蛋黃的香，配軟熟白飯既簡單又美味，汁是一味得個甜，牛肉吃起來羶味也輕了一點，四十二元的快餐，效率高而用料不錯，吃得滿意。傾過一些近況，又各自各的去忙了，都市生活就是如此，懷念小時候在鄉下爬樹擇生果的日子。

琴日同女友來o左呢間店到食飯,叫o左個特級牛肉餐,要等成20分鐘先有,在於foodcourt來講,冇可能要d客等咁長o既時間,好啦,終等到啦,就開始自己煎啦,加d黑椒同燒烤汁煎一陣,可以食啦,但塊扒都幾韌,我地已經唔係煎得咁熟,仲生生地,都咁韌......佢呢個餐要$85,唔係好食,分量唔算多,仲要係o係foodcourt食,呢個價錢,我情願去花園果d鋸仲好,起碼人地塊扒都大d,同好食d啦.

好想試PEPPER LUNCH好耐啦~ 今日黎到朗豪坊就叫左一個黑椒牛肉飯~見佢寫住呢個係"超人氣"所以就試下啦!!! $38 仲可以飲橙汁, 唔係只得汽水選擇~一黎到熱熱的, 同埋沙沙聲, 之後一坐低就影左張相, 即刻就開始撈啦! 見住D牛肉由紅紅地生變到熟, 其實幾好玩, 有少少似韓燒, 不過係小型D, 好香o既黑椒味, 同埋顏色好靚, 炒完之後, 雖然係日本菜, 但係感覺好有鑊氣!!!!食落牛肉唔太林, 好熱, 同埋混合黑椒味岩岩好!!!仲有份量唔太多/太少, 一個人份量岩岩好!因為今次食lunch, 唔想食太飽, 下次有機會dinner, 會去其他分店試下pepper lunch d扖!

I don't usually eat beef, but felt like giving this a try, so I ordered the Pepper beef rice,it was presented neatly, beef surrounding the rice, topped with an abundance of sweetcorn, black pepper generously sprinkled over.After mixing the beef and rice together, it smelt nice, espcially after the beef had been cooked.The rice was not too soft and not too hard, and tasted just right after adding soya sauce to it.

同友人又黎到朗豪坊搵食今次試下Pepper Lunch 我黑椒芝士雞肉飯 - 栗米同芝士份量足夠，撈撈撈，芝士溶化係熱飯中，我覺得本身以夠味，無需要再落其他調味，食時有一絲絲芝士，雞肉薄薄的，但我覺得份量偏小，吃完未必會飽喔！