Pepper Lunch (新都會廣場)

營業中

休息中

又到lunch，今日同同事去左Pepper lunch到食，鋪頭環境幾好，以木既裝修為主暗暗既黃燈，比人感覺都好舒適，座位又舒服，都唔錯!我地3個人叫埋同一樣野，都係叫呢到出名既鐵板黑椒牛肉飯，好like鐵板上既食物，keep保度時間長d，可以熱辣辣咁食，岩晒冬天食鋪頭都好細心驚鐵板上d汁彈到周圍係，鐵板邊都套左張紙圈圍住，咁冇容易整污糟 d衫，個飯未撈之前牛肉都係生生地，一撈之下，全部都熟晒，熟既程度岩岩好，牛肉幾嫩滑一d都唔會韌，好好味，配埋粟米，蔥花，黑椒更加惹味，牛肉同飯份量都好多，一個人真係食唔晒! 飲品就冇特別，係咁上下架啦!

Pepper lunch 呢間連鎖店09年去日本旅行時食過，熱辣辣的一份鐵板餐，留下一個好印象。這幾年香港都有分店，當然我都是常客啦！平民價錢卻食得飽飽又大滿足。二人午餐都是約$150。是最好的冬日之選！葵芳呢間剛完成裝修又不是以food court 型式，坐位較舒適。

呢間Pepper Lunch 不嬲係新都會都係長龍之選。呢排熱力開始減退，個日見唔係好多人等緊位，諗住晚餐係個度解決啦。拎左飛o係同層行左一個圈，反黎岩岩過左1個籌，咁當然搵店員處理啦。不過有d感覺呢度D 店員十問九唔應，哦完，佢又繼續禁飛。企左o係度我都唔知佢係唔再接受我個籌丫定係其實佢安排緊。如果安排唔到，咁無所謂食第D，係我地行開左，但無回應真係感覺好差。見有第2個店員出黎, 我地諗住問最後一次究竟係安排緊定過左要拎過個籌, 終於係一個會回應既台員，佢安排我地o係下一張台。除左服務, Pepper Lunch 我覺得真係平價之選。又係食最平個個牛肉鐵板飯，勁香，D 牛係唔多，但都算夠食。成日都好出奇點解黑椒加栗米可以煮到咁香咁好味!叫Set 可以有埋野飲, 同埋雪糕, 我覺得今時今日算係幾抵食喇!

有好細個開始已經成日聽到呢個餐廳嘅名字，去到美食廣場都有好多人叫呢間餐廳嘅鐵板食品，賣點主要係鐵板好熱可以燒熟表面嘅牛肉，而且加上好多黑椒，就係呢間餐廳嘅名字。 ------------------------------ 上面嘅牛肉嚟到嘅時候底部已經有少少過熱，即係都燒得有啲黑，所以啲牛肉質感好一般。而且黑椒都比較多，食完個人都幾㷫烚烚！不過整體味道就over左，太濃郁。D牛都一般，對得起價錢。不過加錢食嘅薯蓉就麻麻哋，唔夠熱而且好似用粉沖。

係葵芳見餓餓哋 見到有pepperlunch餐廳 好似坐得幾舒服咁，出面聞都又好香，所以入去試試。呢間店平時係food court個啲好似冇咁多野揀 呢間好似多啲咁 所有汁丫個啲都係自己張枱到 幾方便叫咗一個咖哩芝士奄列漢堡扒飯加牛肉套餐揀左薯蓉凍檸茶$111 都幾快手 等咗一陣，有staff會攞埋黎除左芝士奄列薄左小小，唔夠滑芝士唔夠多之外，其他都好好味。個漢堡扒同牛肉都好香唔會太硬 ，個薯蓉又好入味，係杯檸茶就甜咗少少 。總結黎講都唔錯，但間鋪頭通風系統無夠勁，食完成身有陣味。

自從寫字樓搬遷後，開心了一星期，又開始為吃飯的問題而苦惱。雖然說葵涌廣場美食多，但只是小食，正正常常的午餐還是需要找地方解決。每次路過pepper lunch，門口總是站滿了等候的人，樓下經過就已經聞到香氣，於是同同事決定等候，20分鐘後等到的結果令人有點失望。四人被安排到店內靠後的位置，臨近廚房。卡位坐得舒適，可惜氣味令人窒息。抽風系統不足，感覺就像在廚房中吃飯，煙味一流。這次選擇了壽喜燒，天氣變冷，暖笠笠的火鍋令人嚮往。套餐$87，包括飲品，味噌湯，份量足夠。原來生的牛肉放在鐵板上，自己淋上甜醬油汁，煙幕升起，拌勻，牛肉就變熟了。光看圖片就知道又老又韌，雞肋之理，食之無味，棄之可惜。牙齒差一點的，胃不好的，奉勸止步，不要作無謂的挑戰。唯一一點可讚的，壽喜燒味道不錯，還有隻雞蛋可以拌飯。一次足矣，該找下一次的午餐之地了...

睇完戲黎醫肚，攞飛嗰陣都見多人的了，所以周圍行下等夠鐘先返去，大概十五分鐘後返到，都仲要等十分鐘。入到去拿拿臨叫左個牛肉飯黎食。ER....普通打邊爐肥牛+一碗飯+幾十粒粟米，就賣五十幾 六十蚊？！ 食落油𣺉𣺉，又無乜認真調味，我真係唔識欣賞。好彩佢跟飯有個沙律杯，係呢個沙律杯挽救返個飯，唔係我真係食唔落。呢度絕對唔值得排咁耐，但如果你認為值嘅就排把啦。室內環境係好嘅，但食物質素就真係麻麻了。

經過附近，聞到好香既氣味，原來係pepper lunch。見唔算好多人排隊，所以決定食呢間。等左一陣就有位。我叫左個黑椒牛肉飯。鐵板好夠熱，撈一撈d牛肉都熟曬。加上醬汁，非常香口惹味。

早兩日行葵芳，諗住食飽飽再去睇戲🎬平時食pepper lunch都係food court ，而葵芳分店係店鋪形式！平時經過門口聞到好香都會有衝動想食，但次次都企滿好多等位既人所以一次都無食過，點知7點左右經過竟然無人等位😳所以決定晚餐係度解決🍴入到店鋪會有服務員安排你入座並會給你一個枱號牌，於櫃臺點餐時只要話比佢知枱號，食物隨後便會有服務員送到枱上，而餐具則需要自取！原來店鋪比起food court 更多選擇，所以今次點左極量肉眼牛扒餐，跟薯蓉及白飯一碗🍚另加$15有湯及一杯雪糕！鐵板剛上時好香，牛扒份量雖然大，但係鐵板上煎一陣就已經熟左大部分。就是因為大份，所以好難咬開😬食頭一兩件都還好，食到第三件已經咬到牙都軟😬最後三件已經咬到好攰所以我放棄左😅個薯蓉都唔錯，不過個湯竟然同個薯蓉一樣味。。連口感都極為相似😳總括黎講，下次都係食返黑椒牛肉飯穩陣😅

叫了餐後很快就有得食，食得快的話，半小時食曬成個餐！我本人比較喜歡搖搖沙律和那杯熱綠茶，喜歡熱辣辣的感覺，一定覺得正! 整個套餐有菜有肉感覺營養均衡！本人食到上曬癮！

由於身邊的朋友很喜歡吃pepper lunch 的關係，一個月總有一天會到葵芳新都會廣場光顧餐廳。餐廳頗多人光顧，因此等候時間相對比較久，拿到電腦等候號碼後，大約等了10分鐘左右才安排我們落座。我點了一個忌廉肉醬汁雞扒蛋包飯，配上餐湯及飲料，送到來桌上時，一看便覺頗為豐盛。鐵板溫熱著雞塊，再配以醬汁慢慢倒入。濃郁的醬汁與被鐵板熱得金黃的雞塊，教餓著肚子等午餐的我食指大動。雞塊入口嫩滑多汁，外皮脆而香口。沾上醬汁的飯還真的很好吃，這個忌廉肉醬汁味道香濃，質地濃稠，可見是挺足料的醬汁。是日餐湯是忌廉蘑菇湯，喝一口很濃郁，再喝一口有些蘑菇碎粒的口感。這餐廳最讓我覺得別出心裁的定是充當盤子用的鐵板。很少店舖會一如這間般，以鐵板熱著飯餸，不讓餐點太快冷掉。所以說，鐵板大好～

唔知幾時開始 食pepper lunch已經食上癮 間唔中經過都會俾佢吸引住 自問已經係港九新界好多唔同分店食過 其實覺得間間分店既都差唔多 今日叫既係三文魚 （其實次次叫既都係三文魚）依舊加左佢地既醬汁同熱辣辣既鐵板後 味覺已經被聽覺刺激左 再加上果堆罐頭粟米粒同已經半焦糖化既三文魚後 令我用最快既速度食完個一d都唔平既快餐我相信雖然pepper lunch已經好popular 但肯定仲有好多朋友未試過 有機會真係要試試佢個勁熱既鐵板加上自己任加既sauce 真係好過癮 雖然配搭好簡單 不過佢既sauce加上熱辣辣既鐵板就係佢靈魂所在 令我真係會係咁想返去食 每次食完都好滿足同埋以快餐黎講都幾正呀 有專人送個熱辣辣既餐到你枱

今日lunch 去左附近商場食Pepper lunch。環境感覺舒服清潔，也具有足夠空間感。叫左個黑椒牛肉飯，額外添加芝士。聽人講額外再加芝士會令飯更入味，有口感。材料看落很新鮮，金黃色的芝士和粟米鋪在整碟飯的面層上。牛肉分散於飯的周圍。牛肉外觀亮澤，肉質通透，十分誘人。牛肉逐漸轉色變熟，隨即放入口，口感十分爽彈鮮味。大量的芝士溶化於白飯之間，令感覺十分開胃。

Pepper Lunch一向都係Food Court首選，無他的，貪佢熱辣辣、香噴噴嘛，再加上香氣彌漫，人人都當然愛吃啦！今日經過葵芳，發現Pepper Lunch已經脫離美食廣場，可以自己開店做生意啦，入去捧場一下吧！與Food Court不同的是，門口排隊點餐，之後找個位置坐下，店員就會將食物奉上，食物牌後就有整樽醬汁，不用拿膠杯慢慢倒，既安全又環保！鐵板飯加15元就可以升級至套餐，有一杯飲品及小食，可選餐湯、沙律、雪糕等等！個人選了沙律杯，密封獨立包裝，麵包粒又會分開放，乾淨衛生，值得一讚！👍🏻👍🏻吃完沙律，店員就將鐵板飯送到了，很香很正！又可以隨自己喜好加添蜜糖汁或蒜蓉汁，牛肉幾成熟又可以自己話事！白飯看似平平無奇，但店員已經預先拌了黑椒和鹽，令飯更加惹味好食呢！😝😝最後有一點不得不讚，付錢後店員給了我一個膠袋，正奇怪著有甚麼用處時，他說是給我們入電話用！其實現今愈來愈多低頭族，很多人吃飯時仍然機不離手！入了膠袋就仍可繼續上網、打機、發短訊啦，不怕給飯汁沾污啦！這服務完全是超貼心呢！😃😃😃

對於好多人嚟講，Pepper Lunch真係個唔錯嘅選擇。差唔多次次都係食黑椒牛肉飯，加啲醬汁再自己炒呀炒呀，真係好好玩，味道同牛肉生熟度又可以自己控制，而且因為有個鐵板慶住，食到最尾都係熱嘅。唯一唔好係可能因為佢哋怕癡底，所以落咗好多油晌個鐵板度，怕肥怕膩嘅女仔就要注意一下。飲汽水係例牌，今次我揀配佢個搖搖沙律，貪佢有多啲菜，感覺健康啲。佢哋都係預先整定再放入雪櫃嗰種，啲菜就冇咩發紅，應該都唔係擺咗好耐，同埋因為啲麵包粒係分開包，就冇咁易吸到啲濕氣而變腍。