Pause It

營業中

休息中

我經常嚟食嘢位置坐得好舒服就算自己一個去都唔會有壓迫感我最推薦嘅係煙三文魚牛油果班尼迪克蛋♥️個蛋係每一次都做到流心煙三文魚同牛油果都好多食落口每一啖都有牛油果加埋沙律菜 有柚子汁超級開胃食極都唔厭呢度嘅咖啡都好好飲飲完會有嗰種好苦嘅味道最怕飲咖啡飲完個口好苦澀同埋好大浸咖啡味但係呢一度唔會有咁嘅情況所以我超鍾意❤️平時如果有朋友一齊嘅話會再叫埋薯條薯條嘅份量都好大平日有下午茶餐都係超級好食真心推介！

餐廳環境好舒服 員工都好友善繁忙時間用餐時間為90分鐘叫咗個紅酒慢煮肉碎闊條麵同一杯伯爵茶鮮奶咖啡紅酒慢煮肉醬闊條麵味道一般肉碎都較多嘅但係味道唔係好出闊條麵偏硬 伯爵茶鮮奶咖啡 咖啡師拉嘅花好靚完全唔係好捨得飲伯爵茶好香可以揀脫脂奶 不另收費週末嚟講唔算等好耐大約等咗5分鐘就有位同埋keep住都有好多人入去嘢食上得好快如果週末係想食個簡單嘅午餐呢一間嚟講都算係咁下次比較想試吓佢嘅all day breakfast 價錢嚟講又唔係太貴仲可以儲到K11 Dollar添都幾推薦呢間餐廳嘅

☕️ 今日去咗旺角Pause It咖啡店，試咗兩款特色咖啡，拉花靚到唔捨得飲！ ᑦ꒰ • ༝ • ྀྀི꒱ᐣ💕 心形拉花拿鐵 咖啡師手勢好穩，拉出對稱完美嘅心形。牛奶打得好綿密，入口順滑，咖啡味同奶香平衡得剛好。 🦝 浣熊拉花黑芝麻拿鐵 超級可愛！浣熊樣畫得好精緻，黑芝麻味香濃得嚟唔會太甜。最驚喜係飲到底都仲keep到個拉花，證明奶泡夠厚實。 ᑦ꒰ • ༝ • ྀྀི꒱ᐣ💡 咖啡店環境舒服，採光好好，好適合打卡。兩杯咖啡都係$45左右，以咁精緻嘅拉花同質素嚟講算合理。 ᑦ꒰ • ༝ • ྀྀི꒱ᐣ✨ 見到隔離枱叫咗杯抹茶latte，拉花都幾靚，下次想試吓！

今日悠閒的我又尼到旺角奶路臣街17號THE FOREST商場地下一間名叫“Pause It”的西餐廳食早餐。 入內由侍應帶位，坐下隨即奉上一杯水。餐廳地方寬敞，光線充足，坐得都頗為舒適。 這裏有多款早晨套餐，仕君選擇，頓時令我有選擇困難症，最終我就揀選了全日早餐，但早餐不包飲品，飲品要額外自費，飲品的種類也很多，我就揀了蜜桃綠茶。 全日早餐$118全日早餐食材十分豐富，有炒蛋、香腸、煙肉、沙律菜、蕃茄、雜菌、焗豆和多士。半生熟的炒蛋食落感覺十分嫩滑，有蛋香味，香腸極長，不過有少許偏咸，沙律菜鮮嫩爽口，表面微微焦燶的蕃茄感覺新鮮多汁，雜菌很有菰的香味，多士外脆內軟，整個早餐有肉又有蔬菜感覺不會太漏。 蜜桃綠茶$42蜜桃綠茶係用透明玻璃水壺另上，飲落有著很香的蜜桃香甜味滿佈口腔裏，十分好飲。

食材好新鮮，每樣少少一齊食，味道非常夾特別係個包，未食之前係覺得口感偏硬，點知係軟綿綿㗎外面係脆脆的，同溏心蛋一齊食，真係好棒另外，特別推介抹茶Latte ，茶粉同奶嘅比例剛剛好，有濃郁茶味之如，仲有奶味，兩者幾平衡而且仲有拉花添😆

今日兩點幾去到，人唔係好多，即刻就有位環境唔錯既，乾淨闊落，有種文青既感覺我叫左個炸軟殼蟹鹹蛋飯$108，落單之後大概十五分鐘就有得食了，速度係滿意既賣相本人覺得一般般，然後味道方面：炸軟殼蟹好味！但係個飯就太鹹啦，開頭幾啖不過不失，但食到後面越黎越鹹，啲飯入面既肉（唔知係煙肉定火腿）亦非常鹹，後來要一啖水一啖飯咁食，而且食到後面見到碗底係一浸油，真係搞到啲飯唔好食，最後都係剩左少少飯食唔落（太鹹）😖😖

Satisfying breakfast in a cafe with lots of natural light✨All Day Breakfast - Pork Sausage 🐷, Bacon 🥓 , Mixed Mushrooms 🍄, Tomato 🍅, Mixed Greens 🥬, Sourdough Toast 🍞, Baked Beans 🫘, Scrambled Eggs 🍳: A hearty portion of food. Personal favourite was the sourdough toast which was not too tough. Other elements were typical ones that make up an All Day Breakfast, nothing too surprising☕️ Earl Grey Latte: Very presentable Latte Art. Loved the slight Earl Grey aroma A chill and satisfying brunch 🥣

🤍今次介紹既就系來自旺角 ✨📜 Pause It (旺角)📍旺角奶路臣街17號THE FOREST地下G11號舖🌟Feedback🌟芝士黑松露薯條 $78水牛城單骨雞翼 $68All the breakfast $108冬䕃海鮮意大利飯 $98環境係白色又落地玻璃既餐廳😍😍唔洗book都可以入到😍😍坐位空間都好舒服 比較中意啲小食，做到好吸引又好好食！好岩同朋友share~ 薯條又大大份 食到最後都仲可以傾計🙆🏻‍♀️意大利飯口味比較特別 中意cushion野既朋友仔可一試🙈-KS評分- 🌟5分最高🌟🏵環境指數:⭐️⭐️⭐️🏵味道指數:👅👅👅 👅🏵抵食指數:💰💰💰🏵回訪指數:❤️❤️❤️❤️#美食推介 #旺角美食 #foodhk #hkfoodie #美食分享 #hkfood #食好西 #吃貨 #hkfoodig #hkfoodblogger #食評 #foodiekek 旺角#foodiehk #foodieshk #hkfoodies #foodpics #852food #香港餐廳 #香港必食 #hkfoodblog #香港好去處 #旺角餐廳 #香港美食

今次去既餐廳純粹喺開飯啦是但揾卻有驚喜 餐廳裝修以白色為主色 光線充足 走簡約風格 首先呢度應該係所有野拎係單點 冇套餐的現場所見應該所有Latte類都係有拉花的 好岩打卡而且年齡層大多為年青人 坐入去頓時覺得自己年輕左冇記錯要加一服務費的今次夜左試唔到咖啡 下次再訪一定會試咖啡溫馨提示：人多時有限90分鐘入座＊＊＊＊＊＊＊＊＊＊地點：8／10 未去過 要睇住Google map揾食物： 9／10服務： 9／10 CheeseRose

杯Mocha完全唔知發生咩事 難飲到極致唔知飲緊華田定係咩..之後兩個主食等咗好耐先到都算其中一個叫榛子牛油汁配香煎帶子天使麵($108)估唔到食落完全冇味 好似食緊健康版星洲炒米咁得兩粒帶子係好食..建議可以改善一下

一向都喜歡到這家cafe, 原因是早營業。這次叫了 flat white, Earl grey latte, chicken focaccia. Earl grey latte 最出色, 茶、咖啡、奶味都恰到好處，還有聖誕樹拉花。 flat white 相對之下味道淡許多。chicken focaccia 的focaccia跟我想像中完全不同，沒有香草，質感也不像正宗focaccia, 但味道仍然不錯，只是跟預期的不一樣。

原打算 奶路臣街尾尾個間coffee shop有窩夫食，去到無人， 所以褪軚， 行回頭路，見到此間， 落地大玻璃， 有人排隊即ok，有啲feel！煙三文魚賓尼蛋$108， 賣相我覺得麻麻地，荷蘭醬不像火山熔岩漏瀉舖湢（cupping room係漏瀉及滑溜），用火焦過都不香，上到枱都係凍，放久了嗎？煙三文魚反而卷起夠多，可補救。慢煮雞胸香草汁燴梨意大利飯$98， 飯粒無生米感，因為唔係咁creamy即係冇咁多芝士忌廉，自然濃香減低，我喜，配梨，食時清新清甜感，舒服， 雞胸肉一啲都唔鞋都算嫩肉。香茅甘薑茶 $42，薑味少。

同朋友快閃短聚兩個鐘，找左一家小咖啡店坐下傾偈～簡單點左all day breakfast 單骨雞翼和一杯 tonic espresso。All day breakfast 睇落幾豐富，bacon 都煮得剛好，正常發揮~麵包有點硬，我太飽了，最後無食個包🤣🤣單骨雞翼也還可以，外皮炸得酥脆，少少辣，好食至於 tonic espresso，飲起來有點清新，咖啡的苦味和氣泡的感覺搭配還好～☕️位置比較迫，傾偈時旁邊可能會聽到～整體，小店雖然沒有什麼特別驚艷地方，但環境輕鬆，服務幾好，適合隨意食個brunch飲杯嘢，下次有機會還會再來的

高質超人氣Cafe “Pause it “人氣Cafe “Pause it “ 如果假日嚟基本上都要大排長龍，等位時間大概10分鐘至15分鐘， 不過都值得等待，始終食物質素唔錯同環境好舒服！食物推介：雞肉墨西哥餅。佢嘅辣味適中唔算太辣。不過，餅皮真係好成功，食落去仲有酥脆香口嘅texture。蕃茄醬菠菜芝士意大利雲吞。蕃茄醬睇落非濃厚，差唔多將啲意大利雲吞都覆蓋起黎，味道不會太酸很惹味，芝士也很足料。睇起黎細細碟，但其實都幾飽。Salmon Eggs Benedict。每次去cafe我都會叫，好鍾意eggs benedict嘅層次感，一篤開隻蛋見到d蛋汁流出嚟，再將個包索蛋汁加埋煙三文魚食，又香又滑 。煙三文魚加蛋汁再加牛油果嘅口感好豐富。以Cafe價錢嚟講，價錢適中，唔算貴，而且質量唔錯。同埋以旺角呢個咁煩忙嘅地方嚟講，呢度比到種忙裏偷閑嘅感覺。

今次係旺角行完街血拼完，見到依間叫Pause it嘅咖啡店，就去坐低休息下先🤭餐廳的空間感十足，店舖外面都用落地大玻璃，景觀一啲都唔壓迫，店舖內主要用白色做主調，亦睇到店舖牆上掛滿了與咖啡相關的物品水牛城單骨雞翼🐔 ：$68醬汁口味酸酸辣辣，辣度偏向微酸，唔係太辣，作為開胃前菜都幾好🍅蕃茄醬菠菜芝士意大利雲吞 ：$88意大利雲吞一上枱超香，蕃茄醫汁包裹住所有雲吞。雲吞外面的皮好薄，一咬開雲吞就可以食到入面滿滿的菠菜芝士餡料，而蕃茄醫汁亦加左分，解膩效果一流，食多幾粒都唔怕牛肝菌汁雜菌🍄意大利飯 ：$88雜菌意大利飯上面仲有一隻大啡菇，一切開黎入面嘅汁全部流哂出嚟🤭，再加埋牛肝菌汁令意大利飯十分juicy 焙茶拿鐵 熱飲轉加大杯（天馬圖案🎠）：$42+$6一見到杯飲品，即刻心心眼😍天馬圖案勁靚。每一啖都飲到濃郁嘅焙茶味，加埋牛奶中和，整體恰到好處👍🏼👍🏼咖啡仲可以自己揀想要咩圖案，我今次就揀左天馬🎠，下次要再試埋其他圖案先總結：整體來講餐廳的服務都好好，會主動過嚟幫我哋落單同加水，又唔會趕我哋走，我哋食完仲可以坐低慢慢吹水。唯一美中不足嘅係，餐廳冷氣好大，吹到餸菜好快凍左，冇左一上枱既口