Parkview (新都會廣場) (已結業)

住了在葵涌這麼久，眼見有一間餐廳，座落在葵芳新都會廣場1樓135號鋪，百老匯戲院旁，未去過這間餐廳，今日見有時間，帶了家人一行四人去吃一頓晚飯，地方非寬敞，有卡位有圓枱又方枱，無論是傾生意、聚會、慶生日都非常合適。我們點了：07 - 特級初榨橄欖油煮青口配薯條 $88*****13 - 牛油炒雜菌 $72*****38 - 三文魚明太子意粉 $128***配沙律及橙汁09 - 南瓜忌廉薯餅 $49****S19 - Corona $35 *****並配了一個套餐，蒜香橄欖油烤羊架***配餐湯、橙汁、雪糕喜歡敘舊的朋友一定要到這裏試一試，環境非常寧靜。*****為最喜歡💕

晚上放工，近近地，就約朋友去葵芳行下街食下飯咁，我覺得葵芳新都會，會坐得舒服些，就決定去新都會食晚餐，最後選擇左近巴士站個層的西餐廳，環境好大，有好多坐位，唔會太逼，可以同朋友談天最合適，我地叫左2人餐，有湯，麵包，2個主菜，2杯飲品，2杯雪糕，個湯係南瓜湯，有濃濃南瓜味道，主菜要牛扒5成熟，好大槐，唔會話好硬，有肉汁肉味都好濃，香煎帶子南瓜飯，好好食，帶子好大粒，出面煎到好香，裏面有少少生生地，煎得剛剛好，滿足一天

🔎Parkview (葵芳)📍葵芳興芳路223號新都會廣場1樓135號舖-🔹香煎北海道帶子野菌南瓜意大利飯 $128南瓜味適中 有d野菌提味 意大利飯濕度就做得幾好帶子夠大粒 而且好嫩幾好味 唔錯🔹軟殻蟹番茄意粉 $118去到邊都好鐘意嗌軟殼蟹嘅意粉 今次係配番茄 意粉偏酸 但食落都幾開胃 意粉軟硬度剛好🔸升級套餐＋$68 焗龍蝦忌廉酥皮湯＋即焗麵包＋是日甜品＋咖啡/茶龍蝦酥皮湯好好飲！龍蝦味夠濃 湯又夠熱 飲到底略咸 但我地兩個人share再配埋餐包就岩岩好。

雞肉蘑菇芝士墨西哥餅黎到葵芳新都會廣場 餐廳非常多好難選擇打完波就試吓呢間近近地唔使諗 比較開揚嘅餐廳 經過香噴噴 雞肉蘑菇芝士墨西哥餅 味道清淡啱口味 做完運動想健康啲唔想食咁濃味嘅嘢就啱啦另外卡邦尼意粉 都係唔濃味 啱我地 總括嚟講 對於食開西餐廳嘅人可能會覺得唔夠味 選擇下午茶黎 都OK啦👌😌 當係輕怡既西餐廳

第一次試，俾待應推介二人餐好飽，配菜都食唔哂有湯、面包、主菜、飲品同甜品主菜揀左澳洲和牛扒原價貴點估唔到唔用鐵板上，係用熱石板上成塊上，肉汁先唔會流走😝中意幾成就幾成熟，中意熟d就自己煎耐點好好食，肉質有咬感，又唔多筋汁就普通，好大份，兩個人先食得哂第二個主菜揀左軟殻蟹意粉蟹都大隻，蕃茄汁唔錯，意粉唔會太軟面包夠熱，好食甜品就普通朱古力雪糕，朱古力味濃，不會太甜，入面有朱古力碎添埋單差不多四百幾，晚餐黎講都唔錯！

呢間係新都會開左好多年嘅西餐廳，今次都係第一次試。Book左夜晚7點，有一半位已經滿左我地四個人食，得一個男人大食，所以淨係叫左三個主菜～都好夠食軟殼蟹蕃茄意粉軟殼蟹好夾個意粉，煮得岩岩好，唔會話太軟無哂口感但軟殻蟹份量略嫌太少，share左每人只係食到一小啖黑松露蘑菇意大利飯（$118）飯粒煮得岩岩好，唔會太硬，索埋個汁好夾西餐黎講呢個價錢食到咁嘅質素好抵西班牙海鮮飯相比之下，呢個就有啲失色。佢飯有啲overcook，所以感覺好乾身海鮮有陣雪藏味，最後都食唔哂酥皮湯我個人好中意酥皮湯，呢個亦無令我失望

因為幫朋友慶生見菜單吸引,於是決定在這裡吃生日飯😁價錢不便宜,本身抱着太大期望,但有一些失望😢希望有進步空間...但店員服務態度十分良好👍加了不少分數!環境舒適,用餐時很開心🥳南瓜湯🌟南瓜味濃郁😋加上奶油口感順滑很不錯!沙律🌟雞胸肉不乾,肉質嫩身沙律菜新鮮好食!牛扒🌟真的有點失落😭叫了7分熟變了全熟!肉質徧韌筋位較多,比較難咬,不過醬汁好味都還可以接受!!鵝肝煎得岩好入口即溶😋同意大利飯好夾!軟殼蟹意粉🌟意想不到的好食😋軟殼蟹炸得酥脆可口,意粉軟硬適中!

1. 態度服務差 侍應扮聽唔到 野食未嗌完已經嗱嗱林收餐牌 想要餐牌睇飲品佢地就口述俾你聽 唔知做咩2. 南瓜帶子飯: 唔好食 帶子係一陣燶味 好似鑊撈嘅味3. 軟殼蟹蕃茄意粉: 軟殼蟹係好林 意粉正常金寶湯但好重芝士 4. 雜扒拼盤: 差 塊羊扒未食已經聞到騷到不得了 5. 辣魷魚: 用鐵板上但係係凍冰冰 冇味 咬咬下成抽咬唔開 6. 雞肉磨菇饀餅: 好難食 冇味 雞肉應該係白烚 成陣雪&肉味7. 餐湯: 淡味8. 餐包: 全晚最好食 9. 野莓紅茶/蜜桃紅茶: 一劈糖漿撈茶10. 雪糕: 雪糕係放係一個小碗入面 但小碗係放係一隻好熱嘅碟上面 埋單$922 差到冇得再差 唔會再幫襯

話說新都會廣場嘅餐廳係長期淪陷嘅，尋日放假下午茶只係想搵間coffee shop飲下咖啡，但係廣場同埋附近嘅coffee shop都係超級多人，咁唔打唔撞搵到地下中庭嘅呢間本身係食西餐廳嘅，咁有咖啡飲，有甜品食就試吓啦呢個係班cake配雪糕同鮮果， 60幾蚊，上菜時嘩咁大碟嘅，係咪一人份量嚟跟住發現Menu有個二人套餐，我見人哋個pan cake係堆到山咁高味道正正常常囉，咁簡單嘅材料其實好難整得難食嘅加咗$12要咗杯Cappuccino, 我就覺得麻麻地啦，啲奶泡好鞋口，下面Double shot espresso 冇混入奶，即係泡還泡，啡還啡，以我認知係好似係1/3奶1/3咖啡同1/3泡，呢間就係1/3咖啡，2/3泡，同埋佢個造型都唔靚

雙重芝士薯條（馬蘇里拉芝士及車打芝士）明明寫兩款芝士但得一個醬，應該係混合左超級普通的薯條煙三文魚凱撒沙律不錯。煙三文魚足料，有好多塊青咖哩海鮮燉飯好惹味但好辣。並唔係辣椒果種辣，而係因為太多薑所以好辣雞肉磨菇芝士墨西哥薄餅不太有芝士味，雞肉都無咩味，勝在上面既醋醬汁帶點fresh既感覺烤美國安格斯西冷牛扒配自家製紅酒磨菇醬這個不錯。煎得香口，筋唔算多。醬汁除左有紅酒磨菇醬仲有芥末醬。千層鬆餅鬆餅有點硬，而且基本上係分開一層層食，無咩特別

今日同老朋友篤完波之後，喺葵芳諗住搵嘢食，話說新都會廣場嘅地下正中央都有一間大型嘅餐廳，易左手之後我就冇再試過喇，反正唔使等就試下啦。餐廳嘅環境都係開放式，算係葵芳區比較特色嘅餐廳啦。午餐埋單平均超過100，如果食扒就再貴啲，抵唔抵食就見仁見智喇。套餐都會包餐湯同餐包飲品。餐包熱辣辣，而且都鬆軟嘅，都幾有誠意。餐湯係羅宋湯，飲落有啲粉粉地，我個人就麻麻地呢種口感喇。朋友叫咗個煙熏牛胸肉蕃茄沙律。其實我都對呢個幾有興趣，不過佢冇得跟飯同意粉，吸引力就減咗啲喇。牛肉食落非常鮮嫩同有肉汁，係幾唔錯嘅。英式早餐。作為一個一嚿水起跳嘅早晨全餐，好似略嫌失色左啲，首先係普通嘅煎蛋，仲要得一隻，比較吸引嘅就係條牛仔腸，食落都係香脆嘅，但綽頭嘢如煙三文魚同埋漢堡扒等都係冇嘅，其他嘅配菜都係比較一般。凍飲就係自己落糖落嚟嘅，我叫佢凍咖啡都係正常水平。總結嘅係，如果大家嚟食，都係叫返佢嘅推薦菜會比較好啲。

這天跟朋友到葵涌廣場及新都會逛街，逛了半天開始累，找個地方喝點東西休息一會。在新都會地下找到這間Parkview，看到餐牌有下午茶就不作他選囉。選擇S1原味班戟層層塔伴香蕉及朱古力雪糕配雞翼及薯條。原來下午茶的份量頗多，食物擺放亦很好看，薯條和雞翼亦有各自的醬汁。 雞翼香脆肉滑，不錯吃。班戟層層塔有七片班戟，中間塗上糖醬，味道口感可以，香蕉新鮮，其他味道正常。作為中場休息喝杯東西的地方，是不錯的。

第二次去Parkview食晚餐，發覺食物水準都幾好，選擇又多，價錢算合理，最難得葵芳新都會有間可以坐得舒又冇限時嘅餐廳，唔洗食到趕頭趕命，最啱同朋友gathering!黑松露野菌手磋麵，呢款麵真係有驚喜！煙韌彈口唔會太𣺉又唔硬，野菌同黑松𩃭都好足料，好好味，值得推！青咖哩大蝦海鮮碢飯，賣相唔錯，上枱時真係滾滾吓，勁熱！味道ok，可惜辣到飛起最後食到一半都頂唔順放棄，朋友食得辣都覺得好辣！食到出哂汗！

帶著兩個孩子外出晚飯最重要是「果斷」因為一行四人（兩大兩小）實在沒法任性選擇/等候，最好就是0分鐘等候時間，直接入座，上菜速度夠快，吃飽肚子就走，不想等其中一個方法就是「提早進餐」。週末要在新都會廣場晚飯一位難求，這晚我們6：30開始「揾食」衝衝忙忙取了幾間餐廳都要等上10張枱以上，看到Parkview 仍有位置馬上取票，直接入座，好快就決定點個二人餐。由於兩個大人都不太肚餓，看到套餐「齊全」就點了個最為清淡小朋友都能吃到的～先出忌廉蘑菇湯，明顯不是罐頭的，蘑菇粒幾香也有咬口，要求不高的話是不錯的～也可以加錢轉酥皮龍蝦湯。然後才到餐包，這個就是隨隨便便，還好有翻熱，叫做有些麵包入口啦～也不是離譜到硬到不能入口的程度，孩子肚餓還是會一整個吃光。叫了較清淡健康的牛油果蝦肉意粉，這個有驚喜，味道不錯，意粉有咬口，蝦亦算有鮮味誠意，沒特別吃到牛油果的香，但是也是會encore的選擇。再來是主菜三文魚扒，這個賣相 OK, 實際就一般，三文魚只煎香表面，內裡無味，本想放棄但發現夾雜薯蓉（有味）一起吃不錯，單吃三文魚的話如果遇著沒有脆邊位就一般了。最後是甜品，另可加錢轉蛋糕，但這個是有誠意的朱古力雪

之前都試過沙田的parkview 水準都不錯的今日諗住試下葵芳的parkview結果食了今年暫時最難食的lunch set 雜菜湯只有咸味軟殻蟹蕃茄意粉軟殻蟹好似咸魚咁咸好似想用咸去蓋過佢D食材唔新鮮蕃茄意粉越食越很涸喉凍奶茶茶底如苦茶咁苦只有餐包同熱咖啡比較正常以佢呢個食物的質數，over $100 蚊既一個lunch setParkview 既 lunch set 完全唔值呢個價位唔會再食任何一間parkview！！！