PAPER STONE BAKERY

營業中

休息中

有次同媽媽行過上環，平時唔會留意店舖嘅佢竟然識得呢間Paper Stone，仲話佢啲蛋糕幾好味，所以自始我就bookmark咗Paper Stone。就嚟母親節，我就去咗睇蛋糕，見到呢個《 Lady Berry 藍莓芝士慕絲泡芺蛋糕 (5”) 💲298 》幾吸引，心大心細下未到母親節就買嚟試吓先。紫色嘅係"法國黑加侖子藍莓忌廉芝士慕絲"，上面加咗新鮮藍莓🫐、開心果碎、鮮忌廉同食用花作點綴🌸幾靚～🔪切開中間仲有"吉士忌廉泡芙5 粒"~最底就有sponge cake加朱古力脆脆餅底～多重口感又唔會好甜，符合現時微甜健康嘅準則～見到《 Dressy Hat士多啤梨紅桑子慕絲甜品 💲38 》粉紅色幾靚所講買埋嚟tea time食～最底就係粉紅蛋白蛋糕，on top就係" 法國士多啤梨紅桑子慕絲 " 加上1/4 粒新鮮士多啤梨，味道酸酸哋幾好味～呢兩款蛋糕好似賣到5 月 14 日咋！

就到母親節特別多母親節蛋糕推出，今日就去咗上環呢間Paper Stone睇定啲蛋糕，見到款款都幾靚。但我就睇中呢個 Lady Berry藍莓芝士慕絲泡芺蛋糕 (5”) $298 ，賣到5 月 14 日，為咗安全起見我決定買一個嚟試吓先xd因為我地都好中意食藍莓，我媽就更加中意食慕絲。有新鮮藍莓、開心果碎、鮮忌廉、食用花做裝飾中間有法國黑加侖子藍莓忌廉芝士慕絲、 5 粒泡芙(吉士忌廉)，最底就有原味海綿蛋糕，仲有朱古力脆脆餅底。少少酸甜唔膩幾好味，入口有脆脆同泡芙幾有口感，幾討好。另外，我買多個Dressy Hat士多啤梨紅桑子慕絲甜品 $38，粉紅色幾靚。法國士多啤梨紅桑子慕絲加上1/4 粒新鮮士多啤梨，最底就係粉紅蛋白蛋糕，味道酸甜清新。

網紅店，很多人都挺喜歡的，確實樣子還是很好看的，每一款都很誘人，不過我覺得不值得大老遠跑去試，他家之前都沒有做bagel，這兩年開始做，樣子也都很好看，顏色豐富！不過我買過蛋糕，味道和價格還是成正比的，不算貴！路過試試沒問題

酥香滿滿 甜而不膩 芒果法式拿破崙～～～情人節就到，儀式感滿滿嘅小Q就決定買返個情人節甜品同大舊一齊慶祝一下。Paper Stone 嘅To My Valentine 士多啤梨🍓朱古力慕絲蛋糕單睇樣已經令人神魂顛倒，粉紅粉紅的一個大大立體心形朱古力，時尚香甜，加上新鮮士多啤梨及紅桑子配搭，非常eye catching！內層嘅法國士多啤梨慕絲夾心，同配酸香果醬及低甜法國朱古力忌廉，入口非常滑溜，搭配咖啡☕非常合適，而且貌相真心係節日感滿滿。Rosée Berry 玫瑰莓果丹麥酥就食落酥脆非常，口感豐富，朱古力醬同杏仁碎喺口腔合二為一，加上濃厚牛油香氣，邪惡又滿足。一個酥，兩個人share，幸福又甜蜜❤。

就嚟情人節了！我地由👫變👨‍👩‍👧‍👧，而家都多咗時間係屋企簡簡單單歡度節日，儀式感不能少哦🙌🏻Paper Stone今年新出情人節蛋糕～To My Valentine 士多啤梨朱古力慕絲蛋糕粉紅色嘅造型好吸引，表面有新鮮士多啤梨及紅桑子配搭鮮忌廉立體心型朱古力中間夾心係法國士多啤梨慕絲，配搭紅桑子果醬和法國朱古力忌廉，微酸口味唔會太甜，好欣賞底層和夾住嘅朱古力海綿蛋糕，口感濕潤，夠晒軟滑❤️另外仲有～Rosée Berry 玫瑰莓果丹麥酥丹麥酥外皮酥脆芳香，表面有新鮮士多啤梨、藍莓🫐、無花果，cream cheese打得非常結實，內層質感細密，一半原味，一半沾上朱古力醬及果仁碎，整體口感豐富🥰兩個寶寶都勁鍾意！

朋友生日，在lunch hour想買左個生日蛋糕比佢慶祝一下，好在找到呢間麵包店，咁大個蛋糕都只係$298， 係柚子芝士味蛋糕，外觀都靚靚，打卡一流。食落又唔會太甜，好香柚子味，但唔覺有芝士味，可以再試其他款。

上環地鐵站附近有間裝修靚靚既西餐店，門口有個蛋糕櫃，次次行過都見好多人睇緊。今日放工行過見無咩人就要左3件。放工時間無咩好選擇，得返朱古力同果仁等等味，無晒想食既水果口味。朱古力布朗尼係最好食，味道唔會太甜，蛋糕入面有埋果仁有咬口，面頭有提子乾🍇幾夾。另一舊曲奇芝士普普通通，中間芝士偏淡，曲奇餅乾又偏濕。果仁撻呢個都係普普通通，中間係好多好淡忌廉，食太多好油膩，餅底唔算脆，俾分係俾啲果仁同提子乾。

呢間麵包店不時都會轉款推出一d特色麵包同蛋糕咁岩在公司附近平時經過都會俾佢吸引左最近間鋪裝修完擺位唔同左門口櫥櫃嘅蛋糕件件都好精緻我就買左一件果仁朱古力撻黎試下撻上有大量果仁、蔓越莓、葵瓜子等不過果仁食落咸咸地蔓越莓又甜甜酸酸入面面色個層cream cheese又係甜嘅中間有一整粒朱古力， 好在唔太甜食落味覺可能太豐富，覺得怪怪地，over左同埋個份量勁飽肚有點濟雖然呢件撻味道好一般我冇食哂不過都好有創意有好多新款式

醒起早前，我自己的 Long Staycation 期間，放工走到上環德輔道中的 Paper Stone Bakery 買點食物，留待第二日在酒店食早餐！除了多款麵包之外，還有甜品及飲品！班戟 $25 (配果醬)一包有 4塊班戟，配上不同口味果醬，我選擇了香橙果醬！住在酒店，就地取材，我把果醬先拿出來，將全包班戟放上熱水壺上當翻熱； 班戟芳香鬆軟，質感綿密，甜度剛好！香橙果醬有點似啫喱般挺身！塗上香橙果醬，口味清新又濕潤口感！最近經過 Paper Stone Bakery 發現圍板翻新兩星期， 5月28日重開！

蛋糕嘗試了一塊朱古力慕絲，略甜，但是朱古力的品質還是不錯的，而且大大的一塊，但是買了蝶豆花切片，我覺得味道一般，因為可能蝶豆花也沒有什麼味道吧，不會特意再去，但是也不會中伏！

行過買左個蛋糕當生日蛋糕，呢間啲size細細個唔會一泥就一磅，3個人食岩岩好，唔會太飽。要加個生日朱古力牌要加$12蚊，啲字寫得都幾醜，所以我就無加到。呢個抹茶朱古力千層都幾好食，比起生日一定要食生果蛋糕特別😂啲皮唔會好乾，每層都夠cream，淨係得個面有朱古力，唔會太甜，中意抹茶真係可以試下。

小時候媽媽沒有時間煮早餐和午餐，從小學到中學返學前一個麵包加一杯水，放學回家又是啃麵包加一杯豆漿，導致我好厭惡麵包。出來工作後為了可以睡多一會兒，麵包又成為我日常早餐，但改變的是我對麵包變得特別挑剔，不只是依飽個肚。這家歐洲風格的麵包店叫Paper Stone Bakery，非常適合我個人口味，不能說十分的令人滿意，但也不至於令人失望。店家對材料要求比較高，價錢相等比普通麵包店稍為貴少少，店面有半開放式的廚房，可以隔著玻璃觀看麵包師父們即場搓麵包和烤麵包，日日新鮮出爐，款式口味甚具特色，會隨着季節而改變材料和款式，充滿著新鮮感。除了麵包還有賣相精緻的蛋糕也好美味。接近聖誕節多了很多款聖誕麵包，造型十分可愛今天買了咸蛋黄肉鬆包，外脆內軟，中間餡是肉鬆，入口有香香牛油香，好軟不會乾巴巴的，這款甜甜鹹鹹麵包好好吃喔十分有口感。

「Paper Stone」，從未幫襯過嘅麵包店，喺友人介紹其新推出嘅「紅菜頭系列」麵包，所以，專登走過嚟睇睇。以麵包店而言，店內嘅地方算闊落，一邊喺餅櫃，一邊喺開放式工場，入到最深位置就喺擺放各式各樣麵包嘅地方。晌入門口位，就楝咗個宣傳牌介紹其紅菜頭麵包家族，估唔到有咁多款式，有法包，有方包，有比薩，更講到明喺用上法國麵粉，質素嘅保證，以每日新鮮榨嘅紅菜頭汁製作，夠晒天然。行到入麵包擺放區域，一眼就望到啲紅菜頭麵包晌邊，因為集中擺放，兼有個牌特別標明。紅菜頭紅莓扭紋方包 $22呢次所試嘅方包，一包有4片，其實都有兩片裝，似乎幾好銷量，因為見其他產品仲有好多貨時，隻方包已賣到七七八八。但亦有可能喺烘焙中，因為見啲師傅晌旁邊嘅工場密密做，不時有新鮮出爐嘅麵包。其實，紅菜頭嘅味本身唔強，但就喺一樣好健康嘅食材，有抗氧化之效，見到啲紅色扭紋，就知確喺落咗唔少紅菜頭汁；而包身屬歐陸做法，比較有嚼勁，唔會一陣風咁，當早餐食兩片已好有飽肚感，此外，混入好多紅莓乾，更有口感，更加好食。初嚐「Paper Stone」嘅麵包，感覺喺真材實料，賣有質素嘅麵包，加上款式多之餘，配搭嘅口味獨特，喺一家值得再幫襯

日期：9月21日人數：2人星期六下晝返左公司OT，OT之前跟同事係上環食咗個lunch。食完lunch之後，大家都諗住買杯咖啡提神，就嚟到西港城電車站馬路旁邊嘅麵包店買咖啡。所以麵包或咖啡店，位置真係好重要。我自己買咗一杯凍Americano，而同事買咗一杯熱flat white。個人覺得杯Americano 仲苦過Starbucks, 提神效果極佳。當然價錢係比Starbucks便宜。麵包啲賣相都唔錯，當下食到飽哂無咩胃口，但以後都可以考慮買翻個來食。

打開個盒已經聞到好香紅菜頭麵包味~而且三款賣相都勁吸引😍💕加入紅菜頭製作出黎既麵包顏色靚得黎麵包亦更健康💖紅菜頭士多啤梨芝士杯 麵包中間注入忌廉芝士 口感軟滑味道香濃🧀頂上粒士多啤梨都好甜🍓紅菜頭麵團軟熟 紅菜頭味道微酸帶清香亦係今次三款之中最軟熟既一款♥️軟熟得黎同時又帶點煙韌既口感～配埋面頭鋪上香濃的朱古力 加了不少分😍又靚又好味又精緻😋🥰紅菜頭白朱古力合桃法包圈 Paper Stone既招牌法包 今次加入咗紅菜頭汁、合桃、白朱古力，味道層次更加豐富💕合桃香脆 而且份量好多 幾乎每啖都食到但相反白朱古力佔既比例就比較少😢麵包質感好紮實 比較硬少少 有嚼勁越嚼越香～硬得黎唔係乾個種 鍾意硬包同合桃既應該會幾鍾意呢款😆紅菜頭紅莓法包 紅莓份量超級多 味道偏酸麵包質感外皮微脆少韌 內鬆軟 口感不錯😆加入紅菜頭和紅莓再使用高質麵粉製作出來的麵包整體十分健康💕整體三款麵包甜度唔高，用料豐富亦好健康，麵團紮實有小麥香，賣相精緻，注重健康的麵包控可一試😋🙌🏻