影片
港鐵銅鑼灣站 E 出口, 步行約4分鐘
繼續閱讀
電話號碼
23488889
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
相關文章
今次喺銅鑼灣一個睇落好貴嘅日式cafe食到其實唔系好貴仲好好食嘅basque burnt cheesecake😋👍🏿開心果流心巴斯克蛋糕 $68呢個價錢一件話貴唔貴話平唔平主要系有得坐喺度慢慢歎🤣算系打返個和巴斯克嘅質感真系非常之滑唔單止系軟滑 直頭系呈流心狀態 冇改錯名!😎食到開心果嘅香氣 都算濃郁不過媽媽👩🏻話唔算超濃可能因為佢有其他items嘅開心果味更加突出😎但呢件巴斯克嘅質感同軟心程度都值史努比比佢勁高分🤪On top仲加咗焦糖 多咗啲脆脆口感雖然甜度高 但真系好滿足!隔離有啲cream同士多啤梨裝修好食又有睇頭 $68都值嘅🤭味道: 8.5/10性價比: 7/10👍🏿伯爵茶流心巴斯克蛋糕 $68估唔到伯爵茶味比開心果更加驚喜!雖然呢件好似失咗手冇開心果咁流心但個味真心好正 而且其實都好滑 只系未去到流心狀態🤣史努比平時食cake都系一啖起兩啖止但呢件真系令人食完一啖又一啖😋茶味非常香濃啖啖都食到伯爵茶嘅香氣而唔苦澀連平時唔鍾意食茶味甜品嘅媽媽👩🏻都話有驚喜!味道: 9/10性價比: 7/10👍🏿和栗班戟Mont blanc (配雲尼拿雪糕) $138一向唔鍾意食栗子嘅史努比食完呢個mont blanc真系對栗子改觀😳表面系大量嘅栗子蓉 口感細滑充滿住栗子嘅香氣 而唔令人討厭入面一層cream再包住雲尼拿雪糕仲有麻糬最底就系pancake 甜度都高 但唔系死甜嗰種雪糕夠滑 pancake鬆軟 麻糬煙煙韌韌 不過幾甜下😂加埋一齊食口感豐富 好有層次感😋溫馨提示份量好大 一個人食會好飽好飽好飽建議多人share🤣🤣味道: 8.5/10性價比: 7.5/10👍🏿開心果Tiramisu $68第一次見用杯嚟裝tiramisu🤣Tiramisu cream超級滑😳開心果都濃郁但同時奶香幾重 食一啖其實已經漏咗建議搵個人share🤣底部有lady finger食落竟然系脆嘅😳可能因為咁冇乜咖啡味史努比覺得唔太似tiramisu但味道唔錯🤣🤣味道: 7.5/10性價比: 6.5/10👌🏿芒果拿破崙 $168呢個價錢 史努比就唔太建議大家嗌🥴拿破崙脆口但唔算好酥脆 冇牛油香中間夾住煙韌麻糬同埋估唔到拿破崙會配搭雲尼拿雪糕😳幾特別 但史努比覺得唔夾~就咁拿破崙同cream會好啲Btw可能因為芒果偏酸嘅關係加埋食好似啱啱好 冇咁甜😂味道: 6.5/10性價比: 6/10👍🏿開心果咖啡 $58呢杯系媽媽👩🏻嗌嘅佢話on top嘅開心果cream其實同tiramisu嘅一樣口感滑 開心果味濃 奶味亦重配搭咖啡好好飲媽媽👩🏻話至少有8.5-9分😋另外呢杯咖啡仲有兩件仔類似拿破崙咁嘅酥酥但味道就一般lol*另設加一服務費*偷偷話比你哋知史努比喺Openrxxx見到佢哋嘅負評主要踩主食同價錢反正本身史努比都想食甜嘢 所以最後就嗌晒甜品😋果然甜品系有啲質素!史努比建議去食tea好過食正餐一人嗌一份甜品慢慢歎🤪佢個環境都唔錯 咁嘅話價錢都還好嘅至於服務方面又唔算特別差嘅但就等得比較耐 同埋唔好期待佢會好好service整體評分：味道: 8/10環境: 8.5/10服務: 7/10衛生: 8.8/10抵食: 6.8/10(品牌合作分享)
繼續閱讀
位於銅鑼灣日式班戟專門店，除左班戟外亦提供不同人氣話題甜品!!最近流心巴斯克蛋糕更被譽為精品，開心果味絕對要試試!!🔥- 開心果流心巴斯克蛋糕 HK$68 🟢🧀精品般香氣!!半熟開心果芝士蛋糕質地幼細濃厚，滿滿開心果香氣!!高級芝士香氣非常濃郁，配上脆脆焦糖面雙重口感，口感豐富!!- 和栗Mont Blanc班戟 HK$138 🌰🥞秋冬滋味!!超輕盈和栗蒙布朗香氣溫和天然，配上香甜栗子雪糕及空氣感班戟，清新口感香氣濃郁!!- 開心果Tiramisu HK$68 🟢🍸開心果與咖啡完美結合!!細膩日本忌廉散發溫柔開心果香氣，配上浸滿焦糖咖啡手指餅，開心果香甜及咖啡甘香互相襯托，香濃迷人!!- 焦糖燉蛋班戟配72°朱古力醬 HK$128 🍳🥞超幼滑非常驚喜!!焦糖燉蛋充滿蛋香又嫩滑，配上空氣感班戟，細膩輕盈!!再淋上香甜朱古力醬香氣有層次!!- 抹茶富士山 HK$56 🍵400次奶蓋!!超幼滑抹茶400次奶蓋濃郁醇厚，甘香抹茶香氣有深度!!嚐一口奶蓋後再拌入牛奶中，奶香與甘香形成另一重香氣!!- 榛子咖啡 HK$58 ☕榛子控必試!!細緻榛子奶蓋香甜又滿滿果仁香氣，配搭甘香咖啡非常易入口，香氣十足!!
繼續閱讀
前幾日同個fd經過見到哩間店，係外面望落好似幾好，裝修唔錯同埋當時入面人好多就入咗去，點知原來大伏。首先，一入去完全冇人招呼，企咗係度等，發現原來成間餐廳得1個侍應，個侍應落緊單完全冇功夫理我哋，等佢落完單起碼5分鐘，佢都有同我哋講唔好意思，坐低佢俾水同餐牌，餐牌種類好多，我哋於是叫咗兩個main，等咗起碼半個鐘先黎，個牛肋條意粉㴝到成pat野錦，重點係「凍」嘅，另一個牛肉丼完全冇汁，牛又老，真心好難食，哩世人冇食過咁嘅嘢，想搵侍應同佢講，佢講咗句稍等一陣之後就冇咗影，唔明一間餐廳滿晒人點解可以得一個侍應，咁亦導致根本完全冇咩服務可言，但又要收服務費，好心搵多幾個人，又等咗10分鐘侍應得閒幫我哋，攞咗我碟野入去廚房，唔使2分鐘已經出翻黎，其實都幾明顯係叮翻熱，百幾蚊個餐咁樣比人食，翻熱既牛肋條味道一般，就係街度40蚊質素，原本好似有個湯跟，我哋都算，一黎都feel到唔係d咩好嘢，二黎冇人理到我哋，個侍應忙到爆，我哋都費事麻煩佢，甜品我哋真係冇擔再試，最後埋單不出所料又要等，等既時間仲多過食。總結一下哩家就係食物唔掂服務唔掂既餐廳，錦人哋入黎為咩呢？
繼續閱讀
二訪呢間人氣甜品cafe☕️除左「蛋糕界Chanel」巴斯克芝士蛋糕❤️🔥最近仲推出和風貓貓主題下午茶 價錢唔貴啱打卡🐱.📌Good Afternoon, Meow $288 FOR 2兩層高玻璃木架 充滿和風氣息🇯🇵有兩款鹹食同五款甜品 下午茶份量剛好🫖.1️⃣迷你伯爵茶Pancake-班戟口感超鬆軟🥞忌廉綿滑輕盈 但伯爵茶味唔出☕️配搭無花果 香甜清新💜2️⃣Homemade芝士蛋糕-蛋糕紮實creamy 芝士香濃郁🧀配上餅乾, 餅底同忌廉 細細件都幾有層次🍰3️⃣蘑菇小泡芙-泡芙酥脆鬆軟 朱古力忌廉香甜🍫野莓醬忌廉酸醒開胃🍓香蕉燒過有心思 但偏生🍌最底仲有塊甘苦朱古力脆餅🍪4️⃣手工紅豆大福卷-紅豆餡清甜軟綿🫘麻糬皮超煙韌有咬口 但略嫌太厚唔夠軟糯🍡5️⃣伯爵茶Tiramisu-忌廉軟滑Creamy 奶味濃郁 但0伯爵茶香☕️手指餅好鬆脆 但比例太少 整體以忌廉為主 有啲膩👀6️⃣日式炸雞-外層酥脆乾身 肉質鮮嫩入味🍗7️⃣蟹粉帶子-帶子大粒厚肉 爽嫩鮮甜🤍淋上甘香蟹粉 鮮味十足🦀8️⃣精選咖啡-咖啡甘苦濃醇☕️.📌自家製曲奇配雪糕 $68曲奇揀左濃朱古力口味 自家焗製 外層酥脆 內裏鬆軟 可可甘苦味濃郁🍪再加埋特濃朱古力醬同軟滑朱古力雪糕 出奇地甜而不膩🤎冰火交融 每啖都充滿朱古力味🍫.〰️流心巴斯克蛋糕〰️勁大件有份量 灑上砂糖炙燒 香甜焦脆面好加分🍮未去到好流心 但超軟滑‼️不過末端位就夠乾硬👀.1️⃣朱古力百利酒 $68全新口味🆕朱古力甘苦味好濃郁🍫配以百利酒甘甜味 兩者超夾🥃甜度唔高 自己KO一件都唔膩💯.2️⃣伯爵茶 $68店家嘅伯爵茶甜品一般 茶香味好淡☕芝士鹹香就好濃郁🧀.📌開心果咖啡 $58開心果奶蓋濃厚綿滑 啖啖堅果香💚拌勻甘苦香醇咖啡 平衡甜膩感☕️另附有酥脆拿破崙條🧈.📌冷萃咖啡 $78相對齋啡fruity啲 帶微酸☕️.如欲查看相關食物相片 可查閱本人已上傳之影片🎦
繼續閱讀
之前bookmark 左一排終於有機會去試下，夜晚差唔多8半walk in 勁多位。睇完menu 最後決定order 個焙茶巴斯克同草莓大福pancake。兩個個presentation 都唔錯。焙茶巴斯克上枱前係邊位燒左d 焦糖，整到好似cream brulee個頂咁脆令個口感加晒分，巴斯克本體唔錯中間做到順滑口感，有茶味既但個扣分位係唔夠焙茶味。大福pancake 個樣勁得意好似舖左張被咁，內有雪糕同細細粒大福，pancake 唔係平時d 空氣soufflé個種，成個combination 夾埋確係不錯。
繼續閱讀