Panash

營業中

休息中

經過商場又未到晚飯時間有點小餓 所以就到去買點小食店裏的包一向有質素這次因為只是想墊肚 所以就選了泡芙原味$12 巧克力和曲奇$13選了一個曲奇味曲奇的並不是指裏面的忌廉餡是曲奇味只是表面脆脆的 甜甜的實在沒有任何曲奇的感覺不過要讚一讚 裏面的忌廉十分飽足 料滿滿的下次會試一下巧克力味的

今早想食西式包，經过見到panash啱啱開門，入去睇下有咩吸引。佢有好多包如～吉列豬扒包～炸魚柳包～合桃提子包～煙三文魚火腿牛角酥～粟米型包(名子只供參考)全部over $10吸引我嘅係白色外表嘅蕃薯包。點解？因為我平時食開唐記蕃薯包，想比较下～首先佢係$11 (唐記$7), 係長條型，手掌咁長到，外面有啲紅包粒粒，應該係果醬。一拎上手係暖暖地，真係剛岀爐。咬一口，外面軟，入面少硬，原来係成條蕃薯！好誇張！唐記只不过係蕃薯容，佢係一整條。本人就較喜歡唐記，因為panash呢個包好似太甜，可能係因為佢有啲果醬。不过俾佢成條蕃薯而感到驚喜～

行完megabox,返到去德福，經過見到呢間麵包舖俾佢嘅香味吸引，就諗住入去買個包咬下。見到芝士餅覺得好吸引，理性嘅我決定停低腳步，夾佢員工嘅手腳好快，雖然人多但三兩下手勢就已經比完錢芝士餅嘅質感同我想像嘅大有不同因為餅底比較濕，唔知係放得太耐定係太多牛油，但芝士味及忌廉味好重，雖然份量細細地但食多兩啖會覺得好膩而且呢個芝士餅唔太特別所以我都不推介大家買另外見到店內不烏蠅，大家買麵包嘅時候記得留意清楚究竟有冇烏蠅係麵包上面

是日在另一間Panash Bakery買早餐！早起工作關係，吃軟身麵包未必據供到足夠體力應付一天工作，所以選擇了其中一款較硬身的麵包：合桃提子法包。當然，這款不是最硬的一款麵包，不過以法式棒包為模板，倒是硬得來不會讓人難以撕開。切開麵包，餡料不算十分多，但清楚見到提子乾和核桃，還可看到小麥粒的分佈。喜歡這麵包的質感，還有較濃的麥香。吃半條，基本上應付5公里跑是迎刃有餘了。推薦指數：4/5下一次再為大家推介其他麵包，收筆後也要繼續工作了。

在法國，不論電影或小說裡的巴黎人，總抱著大紙袋，裏面是法國長棍麵包。在香港，賣法包店舖唔多，好的法包更難搵。見到法包我必買一條來試，今日來到九龍灣德福廣場 ，在Panash買了條，$20，唔算貴。 麵包新鮮， 外皮酥脆 但內裏柔軟 ，略帶濕潤感， 有大小不均的孔洞。 就算兩日後食 ，放回焗爐 ，一樣煙韌， 質感依然，我最喜歡蘸陳醋同橄欖油， 健康又好味。

一向都覺得呢間麵包舖嘅麵包好好食，逢星期三仲有九五折優惠添，所以每逢星期三放工時間經過呢度都有好多人排隊買麵包。不過可能因為太多人買嘅關係，6點零鐘嚟到已經得返好少款嘅麵包揀。我最鍾意食嘅抺茶忌廉紅豆包已經無晒喇😣，唯有轉戰朱古力吉士包啦。

近年的大型連鎖的麵包店數目增長速度很快，除了原有那些本土品牌之外，還出現一些日本，外國品牌的麵包店，如「東X堂」和「Panash」。跟傳統的麵包店品牌不同，Panash好像走較中上階層路線，出來的麵包較一般品牌更精美，價錢亦較貴。不過一分錢一分貨，外表更精緻更美觀的麵包，即使價錢較貴一樣可以博得顧客歡心。現在的Panash跟其他餅店一樣，也有坐位提供，讓客人可以即場食麵包歎下午茶。除了精美的麵包外，切成一片片的袋裝方包麥包也不乏食客選擇。Panash的麵包款式繁多，連鹹和甜的麵包也幾乎分開兩邊供人選擇，鹹味的吞拿魚麵包和焗雞肉火腿麵包亦不錯，但我在Panash的喜好偏向甜味的麵包多一點。如果你有看日本漫畫習慣的話，「忌廉號角」你一定不陌生，忌廉釀入麵包內，再在麵包表面淋上朱古力漿，咬一口麵包，朱古力和忌廉融合在一起。有人喜歡先從麵包吸吮一口忌廉，然後才慢慢品嘗麵，亦是不錯的選擇。「杏仁紐繩丹麥酥」是我在Panash的First choice，麵包表面沾滿杏仁碎片，每一口都可以感到杏仁碎片的香味，還有麵包鬆脆的快感。杏仁紐繩丹麥酥和忌廉號角是光顧Panash的首選，價錢貴了一點都是值得

星期六嘅早上黎到Panash買早餐，揀選麵包時，眼睛好快俾呢個【杏仁紐繩丹麥酥】($10)吸引住！二話不說就買佢！！【杏仁紐繩丹麥酥】上面嘅杏仁絕不吝嗇，鋪到密密麻麻，未食見到都已經有絲絲滿足感個麵包好大絛，有大約20cm咁長～職員會用透明印有Panash logo膠袋將麵包袋起，好靚麵包上面有層白色薄薄嘅糖依，然後再放滿香脆嘅杏仁片！呢張睇到麵包係放上面頭食材前，麵包烤得金黃色杏仁片真係好多好多！每啖都食到，散佈成個口腔，而且好脆口，配合些少糖衣甜甜地好好味！估唔到咁夾麵包質地都好出色，空氣密度平均一試便愛上 :【杏仁紐繩丹麥酥】，下次都會再揀佢

剛落機，搭了一小時多的車才到九龍灣，由於未食晏的關係，到panash 買了一個包充飢，另一個就當早餐。 新出品的超濃朱古力忌廉芝士包（$12），體積手心一樣咁大，外面灑上少許朱古力粉，實在看不出有多濃，咬一啖，原來除左中間的朱古力忌廉芝士餡之外，個包仲有一舊舊的朱古力粒；忌廉芝士沒有被朱古力味蓋過，朱古力和忌廉芝士味都同樣品嚐到，不太甜，但芝士始終有點滯。 合桃提子法包，有著法包的質感，外硬內軟，有咬口，提子為包的甜味來源；合桃為麵包肉帶來脆口感。麵包不會空心，但略嫌料的份量不多。

健康食品往往都是我的首選。 11雜谷粒+黑米包，單是個名就已經夠健康啦。 呢個包，很喜歡它的內涵，啖啖都食到谷粒，口感很好，有麥香味，而且價格合理，作為早餐食品是相當適宜的。

今朝返工，路經這裡，心想中午都係唔好食咁多野，減減肥先，就不如食包飽啦。於是就入去睇下食乜先。其他都食過，但聽講芝士包好正，咁就要試下喇。芝士包，外面有好多芝士，經烤焗後，外層芝士好香好脆，散發着陣陣芝士香味，聞下都覺得係好享受。入面好鬆化，軟錦錦，而且仲有好多芝士，如果鍾意芝士既一定係超滿足。不過，雖然我都好鍾意芝士，但是一個人就食唔到一包，因為好漏。早餐或下午茶與家人朋友分享，配杯紅茶，簡直正啦; 但是今天我把它當午餐就似乎不太合適喇。而家佢地仲有優惠，買麵包蓄印花，可當現金用，不過promotion今個月尾就完喇。

中意食麵包嘅我，無論行到邊見到都會想買麵包。呢次行屯門市廣場見到Panash 當然都要入去買啦！ Panash相信唔少人都食過，而且田碑好，當中有唔少都相當有水準。在眾多選擇之中，我今次就選擇在呢三款朱古力牛角包一向視朱古力牛角包為摯愛嘅我又點可以錯過呢？比起一般普通麵包，咬落去更實在，食完真係有飽肚嘅感覺。而且，朱古力味道恰到好處唔會太甜。用黎做下午茶真係一流。綠茶紅豆冬甩圈對於我黎講，綠茶紅豆呢個組合真係無得輸。綠茶紅豆係最夾嘅組合，綠茶香中又可以食到粒粒紅豆。紅豆份量多，每啖都食到，真係好足料。建議朝早拎去焗爐翻熱，會帶出更重綠茶味，更高享受。午後茶點雖然賣相和普通brownes差不多，但食落唔會乾，再加上有不少nuts同提子乾等嘅混合在中間。真係好好味，難怪屋企人再三推薦！合共：＄91

五穀全麥包($13/180g/五小片)：這五穀包主要是加了小麥粉，只加了少許便叫五穀全麥包(據包裝成份標示: wheat flour, meal flour, iriticale, maize meal, kibble rye, whey solids)，不過很多麵包店都是這樣的。這包不像有些外硬內軟的穀物包，它們是比較淡味或帶有少許酸味，這包甜甜哋，屬軟身包，內裏有少許硬穀物、類似亞麻籽、乾小玉米粒，以穀物包來說，味道吸引。藍莓忌廉芝士撻($10)：外表像一個大蛋撻，但用麵包做底，饀換上忌廉芝士，內裏有少許藍莓醬，忌廉芝士軟滑夠濃，配上藍莓醬，酸酸甜甜，吃一個撻能有雙重享受，一口是忌廉芝士味；吃到有藍莓醬時，又藍莓又忌廉芝士味，好味啊。

剛好要到九龍灣便順道到Panash買麵包稍微充肌，我一向不太喜歡吃麵包，不過帶麵包比較方便，而且我也吃膩了普通的三文治。店內有很多麵包，有選擇困難症的我當然很困惑，最後見到有麵包新鮮出爐便下決定了！我選了吞拿魚法國包（＄８），最近好像正在做推廣，所以放在當眼處。新鮮出爐的吞拿魚包非常熱辣，跟平常一般街坊餅店的吞拿魚包不同，法國包皮質地脆軟，裡面的吞拿魚餡軟綿綿，香味十足！果然新鮮出爐麵包最棒，下次有機會希望再試其他種類～

之前嚟過兩次買芝士方包都踫壁, 搞到我更加懷念佢嘅滋味… 今日又路經此處, 當然要嚟個三顧草廬, 睇吓買唔買到啦!哈哈, 啲芝士方包好似知道我真係好有誠意食佢哋, 今日終於俾我買到喇 (≧3≦)表面嘅芝士焗到好香脆, 方包本身亦好軟熟, 外脆內軟, 口感一流~ 切開一片片, 清晰可見內裡有好多芝士粒 (^o^) 融化喺包身不同位置, 真係芝味十足, 令人回味無窮!! 不消一刻, 我就一個人食哂成條方包, 唔記得留返啲俾男友試吓添 (￣∇￣) 哈哈, 佢等下一次啦~