Oyster C

營業中

休息中

這裏曾經是我最喜歡的餐廳，一段時間來，原來老闆轉了手，價錢不變，但係沒有一樣東西好吃😓🤬，比快餐連所店還要差，最後索性去另一家店食雲吞麵填肚，一肚無氣🤬，以後也不再來!

📍 Oyster C（天后） 網上啲好評多到爆，聽講食生蠔🦪好岀名🤩但今次黎食lunch 唔食生蠔🦪我哋食肉🥩估唔到呢度既牛、豬肉都甘滋味🐷🐮首先有個蘋果忌廉餐湯，開個胃🤤之後再食沙律🥗呢個lunch set好滿意😀@oyster_c_hk✨ Caesar Salad沙律菜新鮮爽脆，面上灑上芝士和脆麵包粒！✨ 香煎澳洲薄切牛柳就係貪佢夠薄，捲埋一嚿以為好厚，外面焦香脆，入面夠生肉嫩，完全做到牛味濃，口味正，高質😎配紅酒燒汁，令牛肉更有清新感覺🥳✨ 美式燒豬肋骨燒豬肋骨大大份，燒得剛剛好，不單保留到肉汁，外層帶點焦脆，嫩滑多汁。用刀輕輕一切 就已經骨肉分離，最鍾意呢一種🥰配料伴碟有大大份薯蓉，薯蓉夠晒淋身同埋入味，食落好滿足😌

位於天后嘅**OYSTER C**，呢間專門提供生蠔嘅餐廳，環境簡約又舒適，係個好地方嚟享受海鮮。我試咗**Ostra Regal Oyster**，生蠔新鮮，肉質鮮甜，啤酒醋嘅搭配令口感更加豐富。接住又試咗**Josephine Oyster**，同樣係生蠔，但味道又有少少唔同，清新又滋味，真係唔錯。最後，我仲點咗**澳洲薄切牛柳**，肉質滑嫩，火候掌握得好，配上少少醬汁，味道一流，絕對值得一試。整體來講，**OYSTER C**嘅生蠔質素高，食物新鮮，非常適合喜歡海鮮嘅朋友。如果你係海鮮愛好者，呢度真係一個唔可以錯過嘅地方！👍**OYSTER C** 地址：天后榮興街9-11號地下A舖。

今次黎食午巿套餐🫰🏻香煎澳洲薄切牛柳牛柳部位好嫩口 熟成度亦岩岩好 薄切唔會食落好韌 伴碟有薯蓉同少量蔬菜伴碟 薯蓉好香滑 食得出香濃的牛奶味烤檸檬香草春雞(半隻)色香味俱全 擺盤都滿分💯 春雞表皮好香脆 加上新鮮檸檬🍋汁 更可添加春雞的鮮味午巿套餐會跟埋餐湯同飲品 今日餐湯係雜菜羅宋湯 滿滿雜菜 餐湯亦非常濃 好惹味鐘意食蠔嘅你絕對唔可以錯過 如果晚巿黎可以試到唔同地區嘅新鮮蠔 由蠔專家同你一一分析各產地嘅口感分別😛

餐廳出名食蠔，不過其他食飯都唔錯👍🏻 店員非常之熱情有禮，晚市仲有個超抵二人晚餐，仲包兩杯白酒，非常易入口新鮮生蠔揀咗Ostra Regal Oyster➕Josephine Oyster，兩款都大隻肥美，十分新鮮，口感爽甜黑松菌蟹肉醬配蒜蓉包呢個都係必食之選，蒜蓉包外脆內鬆軟，黑松露醬香而不膩凱撒沙律配🈶脆煙肉、巴馬臣芝士及香草脆包粒，沙律菜非常新鮮美味北海道帶子、紋甲魷魚配墨魚汁意粉帶子口感鮮嫩，魷魚咬落彈牙，加上濃郁嘅墨魚汁意粉，食落每一口都好滋味杏仁醬流心朱古力馬卡龍好大個馬卡龍，夠晒兩個人食，外層酥脆又香鬆，內餡係香濃嘅杏仁醬流心朱古力，配上棉滑嘅雲呢拿雪糕，好滿足嘅一餐💕

今次我要同大家分享又搵到間係天后小店有靚生蠔🦪！仲要有套餐，一打🦪送一支紅/白酒！首先係佢哋嘅生蠔🦪，每日有唔同款生蠔新鮮運到，店員會按我哋喜好，幫我哋配搭！全部都好新鮮同偏向爽身，大大隻都唔膩！配上特製醬汁同醋，真係令味蕾大開！再嚟就係芝士帶子焗菠菜🥗，啲帶子好大粒同鮮甜，芝士嘅香味同菠菜嘅清香結合得恰到好處。啲芝士拉絲嘅感覺真係令人欲罷不能！仲有加拿大厚切極爽穀飼黑毛豬扒🥩，豬扒煮得剛好，肉質鮮嫩，配上蘋果醬，帶出啲豬肉嘅甜味同蘋果嘅酸甜滋味，絕配！整體嚟講，餐廳嘅食物質素高，被蠔吧耽誤嘅餐廳😂😂

作為一個海鮮愛好者，我一直對生蠔情有獨鍾。朋友介紹來Oyster C，品嘗到傳說中的法國皇御生蠔Ostra Regal，那感覺可以用驚艷來形容。口感非常獨特，汁水肥妹，入口帶有淡淡的果香味。主廚說，這種生蠔在愛爾蘭西北部養殖兩年後，再運往法國中部養殖一年，難怪保持如此高品質。其實驚艷的除了生蠔本身的美味，餐廳服務體驗也非常周到：主廚對生蠔的介紹詳細而專業，搭配的白葡萄酒也恰到好處。如果你也是生蠔愛好者，強烈推薦你來嘗試一下這款法國皇室指定的頂級生蠔！

好多品種嘅生蠔可以選擇，價錢優惠實在👍每款都叫左兩個試試，覺得呢款係我嘅至愛。當然各人各味啦，朋友就鍾意另外一款海水味重嘅🦪除左生蠔亦到叫左個海鮮拼盤，師傅手法幾好，隻蝦開得好靚👍食落好新鮮，特別係帶子，好鮮甜環境都唔錯，適合同朋友過來聚餐。氛圍上都好優雅，服務態度好好👍離天後地鐵站都近近地，過來都幾方便。要坐的士都好多車😂飲左酒嘅都方便番屋企🌚見到好多明星簽名😂估唔到竟然有咁多明星來過🫣🫣

因為搬左屋，好久沒有來Oyster C 了。久别重來，D嘢食仍然咁好味抵食，啲蠔都仍然咁鮮美，服務都仍然咁好。自攜酒水 每支$100 開瓶費，咁嘅收費也非常友好了。新地方比北角舊鋪喺細咗好多，不過坐地鐵到天后站出來只需步行3-4分鐘，對我來講反而方便左 ，

好久沒有來Oyster C，預先兩星期訂位，來個超豪/蠔晚餐。同侍應話要爽身海水味淡口的蠔，來了一打共6款法國生蠔，一個字，鮮！老公最後的一只不太新鮮，侍應也幫我們換只新的，讚👍🏻另外點了一份頭盤，一份洋蔥湯及一份美國牛排來分享。頭盤的hamachi tartar 新鮮可口，配上微辣的餅乾，味道出奇的夾。本人尤愛芝士洋蔥湯，Oyster C的水準一直保持著，正！反而是牛排就有些強差人意，HKD 580元一份牛排，我會有較高的期望，但相對其他所叫的食物，只能用一般般來形容，肉質比較硬且嚡，反而碟中的配菜比牛排出色多了。下次再到訪的話，絕對避開不是海鮮的食物！整體來說，海鮮類食品是滿意的，只有那牛排把好味指數拉低了！

由舊舖食到新舖嘅蠔吧。愛食蠔之人的必試餐廳。餐廳主打食蠔，每日供應幾款新鮮的蠔，即叫即開。餐廳服務好認真，會因應客人嘅口味要求，推介蠔的種類。其他熟食都做得好好。千奇唔好比餐牌價錢嚇親，因為樣樣野都大大份，一份主食都夠兩個人share食。由其是個豬肋骨，真係夠三個人食。所以性價比都幾好。鍾意食蠔嘅人一定要黎試試。

禁堂食之前和朋友的最後一餐生日飯，真係多L謝香港政府🤷‍♀️，仍然趕得切食，希望14日之後晚市會開返，今日去咗舊址位於北角現搬咗去天后既Oyster C ，人氣依舊，晚晚爆埸，這裡主要做熟客仔生意，我老友記係熟客仔，帶我嚟食餐好既💛這裡主打當然係每天時令生𧐢，各種刺身，師傅會準備當日最新鮮食材，所以都唔需要諗定食啲咩，好似今日我哋想食海膽，師傅就話因為今日質素唔係太好所以冇入，另外熟食例如扒類，串燒 ，意份，湯，炸物亦做得非常出色👍🏻👍🏻仲有好多款甜品都好正，不過今日有生日蛋糕，所以冇叫到。這裏已經有一定嘅口碑，黎食過嘅客人一定會回頭，黎食就知道咩料😎是日晚餐5人前▪️白洒 x 3 枝 （洒名請睇相）▪️各款生蠔 x 30 pcs ▪️時令刺身 （魷魚，牡丹蝦，赤貝）▪️龍蝦湯 （冇影相🤷‍♀️）▪️洋蔥湯（冇影相🤷‍♀️）▪️炸牡丹蝦頭▪️炸小池魚▪️蒜蓉包配蟹膏醬▪️蒜蓉包配沙甸魚醬▪️串燒 （牛舌，雞腎，墨魚）▪️美國頂級西冷扒 500g 配美國焗薯▪️燒加拿大厚切極爽穀飼黑毛豬扒配鮮蘋果醬及美國焗薯✨必須回訪的餐廳，樣樣食物高質✨ ✨太好食了✨

Craving for oysters recently and we picked the small restaurant located in the quiet residential area in Tin Hau. Not a lot of tables inside but the environment is cozy and relaxing. We were seated comfortably in booths.Start with oysters 🦪 we preferred the creamy ones and only 1 species is available. We ordered a dozen for sharing of 2. Didn’t add any sauce except for lemon juices for the natural marine flavour. Fresh and rich, great appetisers perfectly matched with our Prosecco 🥂 Next, Escarg

每次食生蠔都會黎呢度，不論新舊地址。即使唔知食邊款，職員都會細心推介。而且服務細心，有次叫左兩款主菜，佢都會叫我考慮叫返一款。因為份量大碟，擔心我地食唔晒，真心唔不硬推😊😊❤️

有日行過見到舖頭外觀不錯，上OpenRice了解一下，食評幾吸引，話好抵食，但週末很爆，於是平日去一試。 一坐低馬上研究有咩生蠔，什麼價錢，各款都成＄59一隻，並不便宜，開始懷疑食評讚佢抵食。 結果係：我們專攻爽口濃味蠔，叫服務員代揀，最後每人食了9隻分別8款蠔，但隻隻巨型，超新鮮，味濃，好食到震，抵！ 之後叫了阿根廷玫瑰蝦，＄160四隻，大大隻，又甜，蝦頭重幫我地炸埋，抵；還有赤貝，不過赤貝就普普通通，但相對平。 其間叫咗客蒜蓉飽，蒜香又濃，脆得黎又軟熟，好正，＄35大大兜，抵。 最後叫了白汁藍青口天使麵，超多青口，又嫩又甜，抵。 果真美而廉呢～