Outback Steakhouse (銅鑼灣廣場一期)

營業中

休息中

—————————————————————📍 Outback Steakhouse 嗰日係銅鑼灣行街諗住買外賣番屋企食，睇openrice 有咩好食，見到呢個set好似幾抵，點知去到發現用HSBC卡仲平🥲 買完之後諗諗吓荃灣都有outback點解要山長水遠係銅鑼灣抬翻去…..真係好蠢！不過好食嘅！質素好！—————————————————————❣️ 特惠外賣套餐A (四人用) $442又喺openrice見到呢個set好似幾抵就嗌左，不過佢係for 4人但🐷屋企得3個人，所以剩左好多放係雪櫃第二日再食🤣套餐配以下食品：🍲 是日餐湯（四份）嗰日係洋蔥🧅蔬菜湯，🐷爸一飲就話好臭，因為佢唔食洋蔥，🐷就覺得幾好飲！🥖蜜糖麥包（四件）呢個係outback signature啦，唔多講，好軟熟，有4條咁多，🐷媽用氣炸鍋整熱食左幾日早餐🤣🍖燒肉醬味豬肋骨好味！好淋！好香肉味！個醬好食！🐥燒肉醬味烤雞係雞髀！仲要配炒飯係底，夠香！🍗香辣炸雞搥咁遠番到屋企都仲好脆！犀利！肉質小小鞋，更嫩更好！🦐香辣燒蝦飯呢個好食好惹味！蝦新鮮，一人一啖KO!!🍝芝士白汁燒蝦寬麵呢個🐷第二日午餐，都好食，係寬條面好掛汁

同男朋友慶祝生日，預約咗呢間餐廳慶祝我哋叫咗一份牛扒、意粉、同埋小食前菜係黑糖面包，好大舊😝😝牛扒我地叫左7成熟，熟度岩岩好，唔會太un同太冧🥰真係比想像中大份，隔離仲配左薯菜焗薯都惹味十足！意粉熟度都可以接受，不過都有少少硬如果煮多陣先出應該都幾好食既🤣炸洋蔥呢句必叫，不過如果可以細份啲平啲就好，呢個價錢有啲貴同埋食唔哂，同埋一定要點中間既醬汁醬汁令到炸洋蔥增添左唔少美味😜不過我覺得佢個醬比得唔夠多，食到一半已經冇晒

西餐極度喜愛者🍴今次我朋友揀左間高水準平民扒房首選——「Outback Steakhouse 」🥩好適合同同朋友食飯傾偈地方，我地被安排坐卡位，座位好闊落，感覺私隱度亦好高，唔會有種傾計比人望實既感覺✨我地9點先去到都仲有得入去 9點半先last order，好多餐廳都9點截單，9點先入去仲有得食西餐真係好難得😍😍坐底左即刻嗌野食，前後嗌左4樣野加杯野飲，以為個扒要等好耐啦，點解全部前後十分鐘內上齊，速度驚人之餘啲野食仲要唔差 大贊👍🏻👍🏻👍🏻

Outback Steakhouse 係一間以澳洲特色為主題的連鎖餐廳。食咗咁多年，覺得出品幾好，餐廳員工專業且充滿熱誠。😊1️⃣迷你沙律及黑糖麵包🥗- 沙律唔算迷你，有芝士碎🧀- 黑糖麵包新鮮出爐熱辣辣，合格。🥰2️⃣美國頂級肉眼牛扒 $438🥩- 香噴噴，鐵板夠熱，medium well，切得來啱啱好🤤- 外層少少脆，肉汁唔夠- 牛肉味唔濃🤥3️⃣美國頂級紐約牛扒 $398🥩- 價錢比起者平$40 ，厚啲，滿足啲💯- 叫咗medium well，但Raw左啲🤦🏻‍♂️- 肉質較為韌，更加有肉味👍呢兩個頂級特色牛扒套餐配尊尚特色配菜4️⃣意大利黑醋椰菜仔🥦- 淨係食到苦味，其他味一律食唔到😂5️⃣楓蜜炸南瓜🎃- 唔會太油膩，火喉恰到好處，糖霜賣相加分😍6️⃣美國厚切牛柳配烤龍蝦尾 $378🦞- 叫medium well。入邊熟，但出面熟得滯，少少燶- 肉汁尚算保留得到- 龍蝦尾香，顏色靚😄- 食落口得個鹹字，龍蝦味俾個鹹味蓋過晒，大失所望🥲跟餐亦有配菜，我哋選擇左炒飯。唯今次飯水份太多，太濕太爛唔惹味，比起之前退步咗好多。🥲7️⃣新南威爾斯特飲 $62🍹- 即西班牙水果酒，加入白蘭地、新鮮蘋果、菠蘿汁、芒果汁同埋

早前星期六晚飯時間係銅鑼灣行街路過Outback見無人等位直入 數數手指 應該都有六七年無食過了我地兩個食肉獸眼甘甘望住個牛扒二人套餐而食完之後都真係覺得水準都仲保存得到💡黑糖麥包彷彿人人都係為左佢而入去outback烘到微暖既佢 外脆內軟 軟綿綿而又帶有彈性帶有淡淡黑糖甜味 真係令愛不釋手 搽埋附上既牛油 簡直係perfect match 令人忍唔住食左三個喇💡頂級紐約牛扒拼加拿大龍蝦尾先向職員問左是否用鐵板上既情況 叫左三成熟影左陣相之後 火喉都仲岩岩好牛扒厚薄適中 除左有啲位置筋比較多配菜方面除左有兩條露筍 仲有半個蒜頭🧄同半個檸檬🍋可以按個人喜好幫牛扒同龍蝦🦞調下味💡帶子煙肉白汁燴飯燴飯入口忌廉味超濃 煙肉味帶出令成件事唔會單調帶子煎得有點焦香 不過其實呢碟飯好濟 食少少就已經好滿足💡Chocolate Thunder +$48朱古力brownie 入面有大大粒果仁 但如果朱古力味再濃仲正

同朋友經開呢區食下outback 最鐘意食緊黑糖麵包但第一次黎個陣唔熱，係凍搞到第二三次refill 時同佢講「要熱架」之後次次就熱咁上黎，正由於本人濕疹唔可以多食牛同羊所以自己食個豬肋骨試過牛同羊幾口都唔錯架肉眼好食d

位處於銅鑼灣一期既Outback steakhouse，鄰近地鐵站B出口，地點超就腳成一年幾無食過，只因晚市價格真係偏高聽同事講午餐set價錢較貼地，一於黎試下Set lunch 有light or heavy selection，任君選擇🥯黑糖麵包：終於食到心心念念左好耐既黑糖麵包！剛上枱既麵包熱辣辣，外皮微脆，內裡超鬆化，仲有淡淡黑糖香，係懷念既味道呀！聽同事講，outback既牛油係特別滑身既，我自己就因為on diet中，無試～重點重點重點：個包可無限refill既但因為我地都叫左兩個main course，食左一條就收手lu白湯(跟餐)：超香濃既忌廉白湯，應該落左大量牛油😂🍖豬肋骨條烤得岩岩好，肉質好嫩直身粗薯條炸得香脆，不過略嫌太咸啦，調味好重手溫馨提示：左下角小小的伴碟沙律菜好好食，好surprise😆🦐香辣燒蝦飯嗯，除左影相時驚艷左一下最大既感想就係：伏中之伏調味為0，飯炒得又油又濕，很難吃～～果斷放棄今次撇除難食既燒蝦飯，整體黎講我都願意相信outback扒類既質素係有保證既，會再黎試下其他套餐～

平時覺得 Outback好貴， 朋友介紹openrice優惠有五五折，依家全面禁晚上堂食，所以唔知食乜好就叫咗外賣自取。叫咗一個澳洲芝士漢堡同白汁雞肉寬麵; 原本以為淨係得個包同麵； 呢個78蚊嘅白汁雞肉寬麵餐真係好足料，寛麵個份量唔細，食得飽，跟餐仲有一個黑糖包同埋白湯。 漢堡包就跟薯條白湯同黑糖包， 薯條分量略少， 但係以78蚊呢個價錢我覺得都係抵嘅。因為佢覺得抵食之後再叫多咗次，發現每間店外賣牌略有不同， 趁佢仲有優惠應該會再食

Outback嘅lunch真係好抵！有湯，黑糖麵包，主菜，飲品。個忌廉湯非常creamy，我一個人去吃，有全條黑糖麵包😂真係飲完個湯，食完個包，我已經飽左🤯主菜係芝士雞肉夾薄餅，啲芝士真係拉絲嘅🤩又夠熱，個皮脆軟適中，好好味。當然唔少得粗厚嘅薯條！炸得剛好，熱辣辣！配上酸酸嘅蕃茄仔，正呀！👍🏻最後加埋杯冰凍嘅檸茶，自己好好enjoy一個午餐，真係舒服同滿足！當然，咁多嘢一個人真係食唔哂，仲可以拎走回家食埋晚餐😂普通會員仲有九折👍🏻👍🏻

限聚-限聚形容呢晚食飯的心情真是沒錯相約成年沒見的朋友食飯就是因為呢個限聚攪到本來一個由七個人組成的群組要變成得翻四個人才可以一齊食飯有人曾提議分兩張枱食咪得囉！其實如果要食到咁不如簡簡單單四個人食算吧！Outback出品一向都不會有太大問題，我們每人叫了一個晚餐，共叫了3個牛柳配龍蝦尾加1個澳洲M3/5和牛，本來有個朋友話唔係好肚餓，可能只會食小小，但最終佢成個餐食晒👍🏼因為其實傾吓傾吓妳就會不自覺的食晒，不過噚晚唔知係咪坐正個風位，全晚吹住好大風的冷氣，食到震騰騰。侍應細心醒目👍🏼👍🏼因為我哋有位朋友遲來，叫我哋幫她叫住餐先，但沒有講要湯定沙律，牛柳幾成熟，同埋四選二的自選特色配菜食咩，侍應話不如幫我哋三個新落order先，等到我朋友一來到時他便好主動的幫我朋友落單👍🏼👍🏼👍🏼

已經有幾年冇黎過outback, 對上一次對佢印象唔錯，所以本身都期待既。點左rib eye steak, pork rib, 炸洋蔥同炸蘑菇，睇標題就知我咩comment，每一樣都咸到傻，食第一啖還可以，食多兩啖真係要用水送，最後係太咸食唔晒。全晚最好食既係送既黑糖包，因為佢係甜既。環境方面因為有訂座，我地兩個人都比左個卡位我地，呢點值得一讚既。因為朋友係會員有折扣，如果唔係以佢正價價位係唔值既，折左後加埋環境同服務叫做合格啦，如果唔係就打左腐皮了。

Boyfriend and I were unsure what to have for dinner. It seemed there was a lot of people planning to eat out that weekend so there were long lines every where.  Finally, we decided to see what was available here and came across Outback. We hadn't been to Outback in a while as we think it serves the worst steak in Hong Kong as it's always over cooked. But then we noticed this the new menu. Apparently, during the pandemic, they have dwindled down their menu to be very limited in selection. And all

我因為疫情關係，都好少出去食嘢。但係有時人懶，自己廚藝又不精，想食下西餐都好難。有日喺社交平台見到Outback做緊特價，一個芝士白汁鮮蝦寛麵，都係$88蚊，再加埋佢哋嗰個黑糖包，真係冇得輸。我仲嗌左個烤美國白汁帶子燴飯，帶子大大粒，嗰啲汁呢又恰到好處，唔會話有時出面太多汁令到啲飯軟晒。講返個鮮蝦寬面，啲蝦呢又係超大隻鮮甜，超足料。最後呢仲有個錫紙包住嘅黑糖包，因為用錫紙包住呢返到嚟呢都係仲係熱呼呼，同堂食完全冇分別。真係超抵超好味，雖然要日日喺屋企，都可以用特惠價錢食到一個美味嘅西餐，真心推介

疫情還未完, 難找地方食飯。碰巧見到Outback 做疫情價, 堂食都用折，不得不試。黑糖面包追call 了2次, 都沒有額外的收費, 真好, yummy。磨菇湯比較creamy, 再creamy 點就不行了。Outback 只有十多款午餐, 但已符合眾人的口味。例如這個魚扒餐, 有亞洲的風味。每種配菜, 都有獨特的顏色,幸福的味道。雞扒沙律, 好滿足，瘦雞扒適合減肥人士，多種沙律菜做成的口感豐富。雞扒先用燒汁煎熟，再上一層甜汁, yummy。每次去outback 都會試新款式, so far 不錯。

Outback Steakhouse之前都食過，佢嘅牛扒好有質素，而且黑糖麵包超級好食，而家OpenRice仲有晚餐外賣自取優惠，價錢好吸引，今日叫咗芝士蝦闊麵，另外加購左兩條黑糖麵包，價錢大概$100左右，呢間分店嘅好處係，可以中午叫定夜晚嘅外賣，收工後就可以準時去攞到嘢食，去攞外賣嗰陣都見到有好多人幫襯，餐廳亦都將啲外賣食物裝得好好放喺一個大袋度，攞好方便，返到屋企一打開個餐袋，發現原來晚餐叫外賣已經會送一條黑糖麵包，加埋之前加購嘅兩條麵包，結果原來買咗三條黑糖麵包😅真係有排食喇😝味道真係唔錯，芝士蝦闊條麵蝦肉大大粒，大概有五個蝦球左右，另外闊條麵我叫咗多醬汁，佢嘅醬汁好特別，有海鮮味、忌廉、少少辣，好有特色，而且大大份，一個人都食唔晒，黑糖麵包用錫紙包住保溫，依然保持水準，軟軟甜甜，附送我最鍾意佢嘅忌廉牛油，配埋黑糖麵包真係一絕😋😋😋雖然價錢優惠咗，但係一啲都冇影響到食物質素，超級滿意嘅外賣自取餐廳👍🏻👍🏻👍🏻希望疫情下佢可以繼續支持住，提供高質素嘅美食😃😃😃