Outback Steakhouse (新城市廣場三期)

營業中

休息中

沙田店開咗之後分別兩次去，一次係午餐，一次係下午茶時間。Lunch set 有餐湯，沙律，黑糖麵包，主菜，同埋飲品。首先試吓好出名嘅黑糖麵包，的確係幾好食嘅，佢會有舊牛油俾你。試過有一次就咁外賣黑糖麵包，只係$10 ，大大個一啲都唔貴👍🏻烤美國帶子白汁燴飯$128有三粒都幾大嘅帶子，咬落去幾嫩滑。👍🏻不過我唔係好鍾意有啲青豆，係嗰種雪藏嘅青豆🥴意大利飯整得幾creamy，味道唔錯，份量都夠兩個人食🆗另一次我就去咗食下午茶，下午茶嘅分別就係冇咗餐湯同埋沙律，黑糖麵包如果想食就要另外加錢。今次我食咗焗雞肉芝士夾餅，以前喺美國成日食，呢個都唔錯，餡料夠多，有好多芝士👍🏻另外要做一個迷你燒肉醬味豬肋骨，呢個下午茶真係好抵食，$72就食到豬肋骨😍😍😍，總共有八條骨，兩個人share食就差唔多，兩個餐都有薯條，又係飽到食唔晒🙈😂豬肋骨應該係最抵食嘅😆飲品加咗$15轉特飲，不過好藥水味，而且太甜，個人就唔係咁鍾意🥴🥴連鎖西餐廳嘅質素，都還可以嘅，餐廳夠大，坐得都舒服🆗不過似乎餐廳唔夠人手，成日叫侍應都要等好耐。

第一次幫襯係喺旺角，果次係有啲服務但野就唔太好食，連最出名既洋蔥綉球都唔好食。今次黎到沙田，有朋友話想試下呢間，就俾我地個豬多次機會佢啦！叫左一個牛扒龍蝦餐，一個殼飼豬扒餐，一個洋蔥綉球，一個薯條。個侍應take兩個餐漏一個餐，叫佢返黎諗住話點解第二個餐冇問我要飯定意粉，佢好悔聲咁應我哋“等等”，原來話冇聽到我地叫第二個餐，跟住語氣即刻唔同😡我地4個人佢“以為”我地叫得一個餐加兩個小食咁少所以態度唔好？算，唔同佢計較！野食黎左，黑糖麵包依然係最出色果樣個洋蔥綉球就好食過旺角果個，朋友話個牛冇味，得牛味，咩味都冇；我地個豬就只有皮香，肉唔嫩，真係一般般意粉，都係冇味既，啲海鮮係好腥，成碟只食過3駐意式飯可以，4個人食曬個飯，薯條冇乜特別，普通野。可能我唔識欣賞，唔會再有第三次。

Outback一向係我同豬先生既牛扒飯堂，話說佢地係沙田新城市開左分店，就去左試下，衣度夜晚會有video show, projector 係牆上放映影片，食食下飯有野睇係幾驚喜既黑糖麵包就唔多識，好鬆軟，配埋牛油好正我揀左煎牛柳七成熟，最怕d餐廳五成變七成，七成變全熟，今日塊扒繼續保持水準，配菜叫左焗薯，豬先生至愛，因為真係即刻焗，好好食今日仲叫左甜品，朱古力布郎尼，鐘意食brownie既人一定不能鐘過，除左有雪糕，brownie入面仲有果仁，真係好好好好食！甜品控一定要試！

今日行開沙田，發現沙田開左好多新食肆，又突然之間好想食牛扒😣 咁就決定去食outback steakhouse 啦😃講真，Outback Steakhouse 一向都係好出色，尤其係佢最最最出名既黑糖焗包，無限免費任點，包係超級鬆軟，溫度十分適中，係每次來嘅必食名物👍🏻今次就叫左New York Steak - Medium rare🐂 個牛扒嘅肉質9分👍🏻 跟steak加兩份chips/焗薯，都好優質，十分抵食😋野飲就揀咗Apple cider 同埋mango shake, 兩杯野飲都唔差然後果main係鮮蝦扁意粉🍝，個汁係幾好味，但個意粉略為煮的太硬😂 但整體啲野都唔錯👍🏻

🙆🏻‍♀️: 今日要食好啲慶祝一下!🙆🏻‍♂️: 出左bonus?其實係Pre-Anniversary Dinner🥰.📍Outback Steakhouse.今次食左個匯豐卡優惠二人餐-C.美國🇺🇸穀飼斧頭豬扒套餐(原價:$590; 優惠價: $413(一至四)/$501(五至日))🍲餐湯-呢個有蕃茄洋蔥蘑菇嘅湯好creamy幾好飲~🥖黑糖麥包-🙆🏻‍♀️至愛!!!真係好食到要encore嫁(堂食可以無限refill😆今次都食左2條)🥗公司沙律-啲菜好fresh有青瓜有蕃茄仔有麵包粒仲有芝士!個source甜甜地幾好食🍖美國穀飼斧頭豬扒(18安士)-真係好重手🤣厚厚嘅豬扒煎得幾香~切開都未算好鞋🤔但就好似有啲overcook(🙆🏻‍♂️: 豬黎架小姐...唔可以生食架...)🍛燒美國帶子煙肉白汁燴飯-果串串燒三兄弟好吸引😍一上枱忍唔住隊左一粒~好肥美好香好好食!!飯好creamy好芝士好肥好好食

又到週末可以出外透透氣，不過大前提都是要醫吓肚先！新城市開了OUTBACK 而假日都有套餐幾抵食！兒童都有餐牌而內裡可以填顏色！每枱都有新鮮熱辣黑糖麵包一份套餐包括有餐湯、沙律同餐飲。粟米蓉湯味道濃郁，厚厚粟米很香甜。黑糖麵包不用講仍然keep到水準。Kylie’s Junior Pork Ribs 迷你烤豬肋骨 $66兒童餐極豐富大大條烤豬肋骨好惹味，粗薯條熱辣辣仲有一盒蘋果汁添。IMPOSSIBLE BLOOMIN’ BURGER植物肉漢堡 $108第一次吃植物肉，原來同牛肉漢堡味道沒有什麼分別，中間炸洋蔥幾鬆脆。USDA ANGUS RIBEYE (10oz)美國安格斯肉眼牛扒 $218牛扒煎得外脆內軟，肉味濃有嚼勁而粗薯條一樣外脆內軟薯味濃，再吃蔬菜可中和油膩感。餐飲熱咖啡，味道香又濃郁口感幼滑。

開張冇耐 1點午餐時段已經爆棚 所以12點食就冇咩人 枱同枱之間好闊落 坐得好舒服 店員好好笑容 可能因為啱啱新開 不過餐廳啲單好亂 店員不停咁上黑糖麵包 但係我地冇叫過*前菜 青瓜湯 沙律青瓜湯好新奇 青瓜味唔係好重 青瓜已經煲到冧曬 飲落creamy唔膩 沙律菜正常 凱薩沙律醬有啲多*芝士白汁燒雞肉雜菜寬麵 $128大大碟 雞肉大塊 超碼有六七塊 雜菜有西蘭花 紅蘿蔔 紅椒 量多 唔係平時餐牌寫雜菜 然後俾得幾條洋蔥你 芝士白汁好濃 配寬麵好夾 面頭有一片片半融的巴馬臣芝士 總之就係creamy白汁料多意粉*燒雞肉芝士夾餅 $108馬蘇里拉芝士做餡 可以拉到絲 雞肉調味夠 夾餅熱辣辣 煎到少少脆 薯條超級好味 係我食過最好食的薯條 外脆內軟 連皮炸 粗幼度啱啱好 食到薯仔味*美國安格斯肉眼牛扒 $218有牛味 有少少韌 應該係煎耐左少少 牛扒調味啱啱好 唔會特別鹹 重口味嘅人可以點埋汁

新城市3期終於開番好多鋪頭 多左好多野食 最近申請左張hsbc卡見到做緊優惠 一於嚟試下啦我地叫左D 餐 係ribs + 雞好多朋友都話呢度個黑糖包好好食 坐低無耐就有包上 熱熱地甜甜地 係唔錯嘅跟著有餐湯同沙律(2人份) 個湯就太濃味 可以淡番少少 沙律上面有好多芝士 個汁酸酸甜甜好開胃到個main啦 無諗過咁大份 係full ribs 個燒雞有少少老同好乾 ribs d汁整得好好味 薯條夠脆同熱都好食 食到已經飽飽地嘅時候 個意粉都上埋啦蕃茄海鮮意粉 有青口 蝦 帶子 三文魚 都幾足料 味道唔錯 我覺得呢個2人餐3人食都得呀 2個人係食唔哂 題外話: 食到中途 幅牆有d投影 又有哂音樂咁 都幾過引 本身呢餐樣樣野都幾好 但我想講埋單個待應態度好差

I am extremely amped up about the opening of this store,I waited outside for 80 mins to get a seat,which is quite somewhat waste of time.we entered the restaurant in about seven thirty,we ordered our steak as soon as we arrived.we all got a delicious soup that is served with the bushman bread ,then the signature appetiser blomm’in onion,which fun to eat,crispy batter,soft umami texture,dip is not too spicy so it’s suitable for children.then our steak arrived one by one,for us three,my parent’s s

團年飯大多數人都愛吃中式，不過我地8人就相約於這間在沙田新開的西式餐廳食團年飯，順便試新野當天，去到餐廳附近，係好遠已經見到好多食客等梗位，好彩我地早一星期已經電話訂枱，所以有位。餐廳好大好寬倘，雖然有圓枱但係我地被安排了長枱，故此傾計便要大聲好多了Set Lunch 既選擇都有好多款，每款都跟餐包，餐湯同蔬菜沙律，餐包又暖又軟，再配牛油，仲可以無限添食，正可能漏單，其中4份蔬菜沙律同餐湯要崔左幾次至有得享用，蔬菜沙律同餐湯一般，餐湯唔夠熱。不過由於餐廳係新開張所以我地會體諒的可能太多客人，我們都等左一段時間，主餐才出場烤美國帶子白汁燴飯 ~ 大大粒帶子被煙肉包著一齊燒，好香好爽，白汁燴飯雖然一般，但係好夠熱，賣相好靚我覺得被煙肉包著的帶子，係最好味的燒盲槽魚柳 ~ 魚柳燒得恰到好處，外脆內軟，再配飯，都幾好味烤肉醬味烤雞 ~ 可能仲未能掌握到時間，烤過火，皮雖然脆但雞肉超乾，唔係太好食，這個都是配飯的燒肉醬味豬肋骨 ~ 豬肋骨燒得好好，好juicy ，好香，好味，唔錯再配酸菜同薯條，薯條炸得好脆賣相都唔差仲有餐飲試完這次之後，我會繼續去惠顧，我下次要試吓其他款式，因為我見其他食客既

作為 Outback 既粉絲，知道沙田開咗分店梗係要幫襯下啦，同埋以後就唔洗再特登去到旺角先食到喇。鋪頭係一田百貨果邊位置比較偏僻，不過餐廳空間就勁大，而且內裏裝修都幾靚，依家用匯豐信用卡有啲二人餐重有優惠添，叫咗美國頂級海陸套餐。是日餐湯係蘑菇湯，味道無薯仔忌廉湯咁好飲，不過可惜是日餐湯係無得揀既 ; 黑糖麵包唔夠熱有啲可惜 ; 沙律生菜爽口得嚟凍凍地，加埋芝士碎同沙律醬，健康又好味。燒美國頂級紐約牛扒拼加拿大龍蝦尾 : 龍蝦尾煎完之後好香口，而且肉質彈牙鮮甜 🤤 牛扒叫咗五成熟，切開時肉質粉嫩有血水，之後放上餘温既鐵板再煎一煎剛剛好。燒美國帶子煙肉白汁燴飯 : 煙肉包住帶子去煎估唔到會咁好食，下次係屋企都要試下咁整先 😝 白汁燴飯雖然好惹味，不過食落有啲膩。炸洋蔥圈 ($68) : 好似菊花咁散開好靚 🌼 炸醬味道有啲似麥當勞既脆香雞翼，洋蔥圈幾鮮甜，不過太高估自己既食量 😝 所以食唔哂，建議三至四人聚餐時叫會更合適。

沙田新店開張！outback fans 的沙田友當然來開餐。來得新城市廣場開餐，記得要下載新城市的程式，拎飛等位可以行住街等。沙水店座位很多。話得outback fans, 由銅鑼灣店，尖沙咀店，旺角店，終於等到沙田店😆一直支持！沙田店食後感如下：上餐次序錯亂：先飲品，餐湯沙律🥗，主菜，最後是黑糖包黑糖包是追問才上枱的服務：人手不足最常見的大托盤店內不見餐枱偏細，上菜時，有位置就會放低近乎沒有清枱，結賬客人枱面是滿滿的食物：主菜的豬肋骨和芝士雞肉餅還可以！檸檬🍋茶的檸檬不新鮮

喜歡Moko的Outback, 員工專業, 亳不怠慢, 工作很有熱誠和幹勁。食物出廚後, 盡快上桌, 從未見食物閒放著。沙田開店, 當然要光顧, 分店開張約半個月, 運作尚未暢順, 感受不到以客為先的感覺。員工人數多, 但找人落單, refill飲品, 結賬都頗為困難。上菜也混亂, 同一菜式, 有後落單先上菜的問題, 亦有客人吃完主菜也沒上麵包的情況。另員工出入廚房, 關門時嘭嘭聲, 嚇得心都離一離, 頻密程度, 絕對影響食慾。與經理暢談, 原來已約師傅處理嘭門聲。另外, 店員都是白紙, 需要時間訓練和磨合, 希望兩個月後, 運作有如Moko店。聽罷也很期待, 感覺新一年要學習的便是包容。Lunch Set的供應時間每間分店也不同, 沙田分店供應至4點, 喜歡bushman bread的絕對是喜訊。是次點了Lunch Set $98 + 10%1) 是日餐湯 : 西蘭花忌廉湯2) 沙律3) Bushman bread (refillable)4) 香辣燒蝦飯5) 熱檸檬茶 (refillable)Bushman bread有點凍, 暖的感覺也沒有。西蘭花忌廉湯質感creamy, 沙律清

Outback 終於在沙田開分店了，店內裝飾頗為特別，牆上可欣賞到好些澳洲的地標如悉尼歌劇院等等。剛好是午飯時間，所以人龍較長，先要拿輪候的票，等候入座。這裡供應的午市套餐非常豐富，前菜有齊是日餐湯和蔬菜沙律和麵包、自選主菜和飲品。今天的餐湯是鮮蘑菇忌廉湯，湯不算很濃，但蘑菇味非常特出。沙律菜爽脆，份量亦不少。新鮮黑糖麵包配手打奶油令人吃個不停。～燒肉醬味豬肋骨 豬肋骨肉燒得非常腍滑，容易切開，醬汁味恰到好處，滋味無窮。伴碟的酸菜粒爽口醒胃，新鮮炸起的薯條外脆內軟，又令人吃個不停，沾上茄醬來吃更惹味。～燒雞肉芝士夾餅夾餅外脆內軟，非常可口，饀內的拉絲芝士味美、雞肉片健康、鮮蘑菇片鮮美、煙肉條惹味，吃起來有多重口感。伴碟的番茄乾鮮味特出，鮮炸薯條外脆內軟，一定不能錯過。吃過主菜後，以滑滑的熱咖啡或清新的檸檬茶作結是最好不過。是日午餐實在太豐富了，令人捧腹而回。