Oomaki (K11 Musea)

走進這間美食廣場內的日式洋食餐廳，點了幾款主打菜式：吉列熟成豬扒鐵板咖喱蛋包飯、吉列炸蝦，還有一瓶冰涼的忌廉梳打，整個組合既飽肚又充滿驚喜。吉列熟成豬扒鐵板咖喱蛋包飯，在燙熱的鐵板上，蛋包飯的蛋皮煎得恰到好處，薄而滑溜，輕輕一劃便流出香濃蛋汁，裏面的炒飯粒粒分明。豬扒方面，外皮炸得酥脆但不油膩，切開時仍能看到肉質粉嫩，咬落去肉味濃郁，應是經過熟成處理，令口感更嫩滑。咖喱醬是另一亮點，香料味突出但不嗆喉，濃稠度剛好，與蛋包飯和豬扒非常匹配，吃到最後一口都不覺膩。吉列炸蝦，炸蝦大小適中，炸漿薄而均勻，香脆不碎。蝦肉新鮮彈牙，入口帶甜味，與吉列豬扒一樣保留了食材本身的鮮味。配上的他他醬酸甜清新，為炸物帶來一點平衡。飲品忌廉梳打，甜中帶氣泡感，入口清爽，剛好中和了咖喱與炸物的油膩感。雖然是比較甜的一款飲品，但作為點綴非常合適。整體來說，這餐無論是主菜還是配菜，甚至飲品，都展現了高水平的料理技術與用心。特別是豬扒的熟成處理與咖喱的香料搭配，令人印象深刻。價錢與質素成正比，適合想一嚐高質日式洋食的朋友，值得一試再試。…查看更多

今曰下午兩點幾同母親搵餐廳食飯，第一眼入美食廣場見到佢個蛋包飯好似好吸引，我倆其他附近舖頭都唔諗住睇就決定揀呢間。點知俾店員嘅態度激親。當時過咗食飯時間人流唔多，間舖得返兩個女職員。我地排隊前面得一個男仔order 餐，咁個男仔係隔離茶飲舖工作嘅。個男仔order餐個陣，女收銀已經係咁同佢吹水。order完喇，收銀順勢叫男仔請佢地兩個staff飲嘢。我當你地熟唔緊要，咁你咪無客時間再揀嘢飲囉。點知，我同媽媽企到埋收銀處度，信用卡都已經拎定出嚟，個收銀竟然無望一眼，一句都無講就行去取餐處同另一個職員加個男仔密密傾揀咩飲。我同媽媽真係俾個收銀態度「驚豔」咗，企多咗陣都唔見佢諗住返崗位，決定唔幫襯走人。行過我專登望住佢地，佢地三個仲響取餐處圍住部手機傾得好雀躍。咁嘅服務態度，餐牌幾吸引都係假。😒…查看更多

食Foodcourt主要係貪圖選擇多，享受不同菜式選擇嘅過程，今日喺K11 Musea Food Playground經過一輪美食嘅內心掙扎後，由主打日本菜嘅Oomaki勝出。Oomaki嘅廚房雖小，但都有無限嘅可能，日式手卷、鐵板咖喱、壽喜燒都有，而且出品帶被你被低估嘅驚喜！拖羅刺身壽司手卷盒套餐份量十足，除咗Oomaki招牌自創名物手卷，更有手握壽司、拖羅刺身、沙律菜、枝豆以及麵豉湯。其中Oomaki嘅自創手卷賣相精美，以一個U型木盒裝住，揀咗吞拿魚作餡，加上白飯以及新鮮脆口嘅紫菜，口感一流，令人回味無窮；刺身有齊赤身同拖羅，兩款都非常新鮮；喺foodcourt嘅手握壽司竟然係由職人壽司師傅即叫即做，極具誠意。…查看更多

去尖沙咀食日本野想搵個抵食嘅地方K11 Musea Food Playground裡面呢間餐廳係一個好好嘅選擇呢度除咗壽司刺身夠新鮮仲有拉麵．烏東．咖哩飯免加一服務費．性價比好高✨日式炸雞拉麵熱辣辣嘅炸雞．金黃香脆．即叫即炸配上黑蒜湯底拉麵多款配料 芽菜．木耳．筍．粟米．海苔．蒜片足料美味．有水準✨蟹籽加州反卷外層舖滿粒粒蟹籽裡面卷著蟹柳．玉子．青瓜．牛油果口感豐富難怪吸引咁多食客見到壽喜燒都好吸引下次再嚟一定要試…查看更多

今日來K11 Musea商場睇chiikawa展覽～快快手搵下野食！商場的B2層有一個food court,入面好多間唔同餐廳，有港式、中式、日式、韓式等等，應有盡有！呢間Oomaki係日式的餐廳！有多款壽司、飯卷、日式定食！本身都想食日式飯卷，不過深深被其他食客所點既和風日式咖哩蛋包飯所吸引！所以我都點了這份蛋包飯！蛋包飯有多款不同食材配搭，有炸蝦、唐揚炸雞、豬扒、魚柳等等！我點了一客吉列珍寶魚柳鐵板咖哩蛋包飯！以鐵板盛著蛋包飯，熱辣辣的又能保持食物的溫度！蛋包飯份量很大！蛋跟飯一起來吃，非常滋味！而且炒飯都做得相當不錯！另外仲有兩件珍寶吉列魚柳，又香脆又肉厚，中間魚肉啖啖肉，非常美味！而且咖哩汁做得相當惹味，又香濃又美味！配飯及魚柳來食，相當惹味吸引！加$10仲配了一支野飲！是日晚餐性價比高，又非常飽肚！…查看更多