Oomaki

營業中

休息中

本身想食番另一間餐廳，但因為已經無得落單，見仲有間都靚靚地嘅日本野就試下啦。毫無懸念叫左個香煎三文魚拉麵再轉個地獄湯底盛惠$118，本身都覺得少貴啦，等左5-10分鐘左右，出到黎見到個賣相同份量都好ok wo, 睇得出廚師都幾有心機整，煎得好靚好香仲要兩大片，個地獄湯都有驚喜夠辣同夠熱辣辣，通常平時食日本嘅辣湯都唔會辣，呢到好似就番香港人口味，拉麵口感都係自己鐘意食爽身掛湯，foodcourt黎講算唔錯，值得一試

餐廳價錢 Foodcourt味道 不知所謂🐟🍣餐廳: Oomaki 地區: 尖沙咀蒲燒鰻魚定食 HK$118 - 望落都OK 食落唔OK 味道醒醒地 太多細骨 湯好淡 沙律同飯正常壽司 八貫 HK$148 - 壽司細細件 魚生好單薄 唔新鮮 食完成set好似冇野落肚咁結論: 係foodcourt入面見呢間有啲人買又試下 坐係入面bar枱 得7個位左右 空間OK 價錢係foodcourt入面算貴 點知食物質素係咁差 好失望 同價錢成反比 食返出面foodcourt果層既野好過環境衛生: 🌕🌕🌕🌗🌑食物味道: 🌕🌗🌑🌑🌑服務態度: 🌕🌕🌕🌑🌑

事緣朋友介紹話K11有一間日本嘢幾好食嘅，咁就行過去試吓啦。點知點餐嘅時候職員態度都好惡劣。其實我應該早啲睇OpenRice嘅留言⋯我就唔會嚟呢度食，因為有好多人都話嗰間舖頭職員態度好差，有啲貼錢買難受嘅感覺，同埋食物又唔係平。本人覺得可以有多少少服務質素。其實公司有冇投訴直線？？？？如果冇我強烈建議要開返一個直線電話或者專收投訴嘅email。真係好想同你哋公司嘅老闆反映一下！其實你啲員工真係好唔掂。幾時可以換過一批新嘅？做服務行業～態度呀唔該好返少少，同埋啲侍應小姐要經過訓練之後先可以做！！因為佢哋連侍應嘅基本素質都冇。其實你哋返工返到咁串，不如唔係好就返啦！好影響你哋公司招牌㗎！

K11呢間sushi唔知點解成日都覺得俾人低估咗定係因為有人講過之前職員態度問題，所以就唔敢去試？其實個人黎講我覺得態度一般，但野食係唔差架，就好似你睇圖咁樣你見到個賣相同埋個味道都水準！火炙裙邊壽司好好味好甘香，中間蟹棒肉又鮮味又靚，我覺得如果嫌貴的話唔合理，你睇佢個樣就知道唔係好好看看你求其響地鐵站連鎖店買嗰啲啦。成個presentation我覺得已經好靚，壽司飯又唔會散收收，燒和牛壽司果件個汁同d肉好夾，好食！

食物質素一般，招牌手卷的紫菜極林，咬唔開！刺身OK。職員態度極差，點餐時有點猶疑因食物相好吸引想散叫，正準備點時，被店員不禮貌地叫行開讓後面一位先，對方只是剛到，且同我一樣都要慢慢睇餐牌。當時只有我和這位客人，並無其他人排隊……取餐時，態度亦不好😔😔如早見到其他會員的評語真的不會幫襯！！

好耐冇嚟過K11 musea Food playground食飯，啲舖頭都變咗唔少但鍾意佢菜式選擇夠多，行完一個圈都唔知食咩好，好彩朋友幫我決定咗😌呢間日本嘢有賣卷物、手卷、日式便當、咖喱飯▶️ 照燒雞扒定食Teriyaki chicken set ($98)成個set包沙律、中華沙律、白飯、雞扒、麵豉湯沙律落咗粟米粒同芝麻醬，好和風味道中華沙律有質感，似海蜇口感麵豉湯用粉沖，味道唔鹹雞扒煎得香脆🐔尤其雞皮，肉質鮮嫩多汁，照燒汁唔會杰撻撻或太過濃味不過如果厚肉啲會正啲🍚米飯加咗飯素，味道唔寡，不過唔係珍珠米，硬身咗少少-成個餐味道中規中矩，冇話特別出眾服務唔係好好，可能比較忙碌？明明出咗餐，但係個beep beep冇響食物亦要等15分鐘左右先有Food court環境就幾舒服嘅，感覺唔擠迫，下午茶時間去唔會好多人搵唔到位不過價錢偏貴，咁樣就$100

今日閑逸去到呢個K11食飯啦，等到11:30先開門，然後再落單，點餐嘅時候一名女職員紮頭髮嘅同埋一名男職員態度非常惡劣，聽唔到你叫我開汽水蓋，你咪再叫過囉，然後話你係咪唔識聽中文，其實呢大家距離唔係太遠，完全係聽到你哋講啲乜嘢㗎，所以呢未食個餐已經可以寫食評非常厲害，我都係第一次。我應該睇清楚個OpenRice嚟食飯囉，估唔到啲態度真係咁惡劣。如題。

- 員工態度差 (女員工), 比面色顧客睇, 語氣不知所謂, 貼錢買難受。差D以為自己拎緊免費餐- 食物質素差, 我點了 豚肉鍋配飯$118。先講豚肉, 難食。米, 差過快餐店D米, 唔好預期係似樣既日本米/珍珠米, 你會失望。別讓相片吸引你, 你會失望。菜, 也不好食。得蟹柳叫擺得落口。

服務態度太差，問佢有冇儲分Apps佢話無（而事實上係有嘅！）叫咗碗面辣到完全食唔到！（本人已經係食到好辣嘅野！諗住問佢攞杯水洗下啲辣味話無水！無水你點煮面？！浪費咗我$138蚊！！出食物又慢，完全唔值咁嘅價錢！難怪好少人幫襯！😤😤

Oomaki 🍣｛K11 food court 日本菜精選}兩款定食的用料大同小異 有醬油湯底烏冬 加上炸豆卜 壽司木板上放有五種海鮮刺身 三文魚 魷魚 海蝦等等 一件青瓜 一件玉子小卷 沙律盤一半是混有沙律醋的凱撒沙律 分別配上三文魚及吞拿魚刺身 另一半疊了一堆毛豆 份量誠意十足 絕對夠一人吃飽的三文魚刺身壽司手卷盒 [$148]比較印象深的是最大一件的多邊魚手握壽司 多邊魚油脂豐富 大概是用了腩肉的位置 炙燒後味道有點像煎比目魚扒 推薦單點這款壽司呢☺️拖羅刺身壽司手卷盒 [$158]另一件手握壽司是吞拿魚 味道還算新鮮 包在外面的紫菜不夠脆 建議先吃了手握壽司 保留口感 價錢上有其他更好的選擇 比較推薦吃多邊魚 😋味道 3.5 / 5💰價錢：$100-150 /人📌位置：尖沙咀梳士巴利道18號Victoria Dockside K11 Musea B2樓Food Playground 203A號舖🌿舒適度：4 / 5 (K11 food court座位寬敞 有梳化座椅 唯食用環境附近人來人往 平日則較少人流）🍽️用餐時間：無限

第一次嚟K11 Musea嘅food court食嘢，原來出咗地鐵之後都要行到幾入先到呢個food court，揀咗呢間食壽司手卷嘅，都幾多定食套餐選擇～🔘拖羅刺身壽司手卷盒 $158喜歡吞拿魚所以點呢個餐，有赤身、中拖羅同大拖羅刺身，仲有吞拿魚蓉手卷，刺身質素非常唔錯，有魚油香，仲有七件壽司卷物同腐皮烏冬，好味又夠晒飽肚!!🔘照燒雞扒和食盒 $127感覺幾多嘢食，營養都幾均衡，有沙律菜、壽司、雞扒、炸物，差啲唔記得仲有湯同飯，雞扒份量多，肉質幾嫩，另外估佢唔到炸物會有多春魚，好耐冇食過而又幾好食～🔘七彩辣三文魚手卷 $48手卷係招牌菜，點都要試吓，我會形容佢為一件巨大化嘅壽司，三文魚好食夠肥美，加上香蔥同辣味沙律醬作點綴~🔘明太子雞翼 +$19🔘芝士年糕 +$19Order定食可以半價追加小食，咁都幾抵食嘅，值得追加小食~

去K11行完街，唸住搵間近近地去食就嚟到K11 Musea food court。本來唸住應該都係得快餐戈啲，點知原來都有日本菜可以食。拖羅刺身壽司手卷盒 +烏冬 $158首先最吸引嘅當然係拖羅手卷，魚鮨味好香又入口即溶。另外套餐仲有七款壽司，壽司睇顏色都知好新鮮。另外跟餐仲有個刺身拼盤，刺身經過醃製，酸酸地都幾開胃。蒲燒鰻魚和食盒 $148好驚喜嘅係鰻魚足足有成隻手掌咁長，外層亦都有微微嘅燒香，口感軟身又有鮮甜味。另外分別仲叫咗兩個手卷辣味魚生手卷 $58 和七彩辣三文魚手卷 $48用左三文魚做成嘅手卷，食落又唔覺得辣，面頭加左三文魚籽、沙律醬做調味，食落都幾過癮。Oomaki (尖沙咀)尖沙咀梳士巴利道18號Victoria Dockside K11 Musea B2樓Food Playground 203A號舖

行完K11 MUSEA ，順便喺度搵嘢食😊嚟到food court呢度，好多嘢食選擇，最終就揀咗食日本菜，喺出邊叫我之後就自己搵位，店員會俾個震動提示牌俾你，有餐攞就會提你自己出去拎拖羅刺身壽司手卷盒入面包括七件壽司，一件拖羅手卷，仲有幾件拖羅刺身，配烏冬同埋枝豆小食，細細份，但係其實唔夠一個人食飽，刺身都幾新鮮，唔同部位嘅拖羅都有🥰手卷係用咗拖羅蓉去整👍🏻美國安格斯牛肉鍋呢個鍋可以自己揀湯底，而我就揀咗壽喜燒湯底，再附送烏冬或者米飯，我就揀咗烏冬，呢一個牛肉鍋份量都幾大，我可以話足夠1.5個人食，因為本身個鍋底配菜都好多，平時食開嘅壽喜燒入邊嘅配菜佢都有，味道都唔差👍🏻三文魚刺身刺身切得都幾厚，都非常新鮮整體如果係日本嘢來講，價錢都唔算太貴亦都足夠，味道都唔差💪🏻

Food court都可以吃到壽司真的很特別, 所以一直都好想試一試, 到底Food court質素會唔會比較遜色? 雖然店鋪在food court裡, 但店鋪自身都有大約六個位置供客人坐下。精選壽司併盤十二貫 $188盛惠$188的壽司併盤絕對不算便宜, 已經可以在一間餐廳內舒適用饍, 所以我會期望更多。十二款壽司大約有三文魚, 三文魚籽, 吞拿魚蓉, 鰻魚, 芥末八爪魚, 魷魚, 熟蝦等等。首先最失望就是三文魚, 味道有點怪怪的, 但不是腥味。北寄貝有點橡膠的口感, 味道則可以接受。 吞拿魚蓉是最好的, 如果味道再濃郁一點會更好。 其他類別就跟坊間味道沒有太大分別, 沒有太大驚喜。其實餐廳還有很多其他定食, 咖喱飯, 拉麵, 手卷等等, 另外手卷似乎是餐廳賣點, 也許其他食物會更出色...... 只是我對這個壽司併盤有點失望, 所謂期望越大失望越大吧 🫠 我會認為性價比稍低, 希望食物質素可以再提高一點。

📍Oomaki (尖沙咀)K11 Musea嘅food court一向多嘢食。呢間日本野壽司同熱葷都一應俱全。食食下仲有人行過嚟問我邊間有壽喜燒食😆。💕美國安格斯牛肉鍋$128壽喜燒/豚骨濃湯/木魚清湯/辛辣番茄湯烏冬/白飯👩🏻揀咗壽喜燒烏冬。安格斯牛又嫩又香，又唔似肥牛咁會令個鍋浮晒油。蔬菜煮得軟腍，而且吸收晒壽喜燒湯嘅甜味。烏冬滑溜彈牙。份量適合兩個人share。💕豚肉生薑燒和食盒 $188每份和食盒都有沙律、壽司、小食、麵豉湯。一個人完全食唔晒😆。三文魚牛油果卷質素唔錯。牛油果同三文魚味道好夾，加埋醃蘿蔔好開胃，幾值得散叫。豬肉軟嫩多汁，味道香甜又有少少薑汁辣味。洋蔥都炒到腍一腍，好適合用嚟撈飯。💕香蔥火炙左口魚邊手卷 $48左口魚邊經過火炙後充滿油脂香氣，幾乎入口即溶。壽司飯吸收晒魚油好邪惡。💕芝士吉列蝦手卷 $48吉列蝦新鮮炸起熱辣辣，幾蝦肉鮮甜。呢個配搭好有童年回憶。💕香蔥和牛手卷 $58和牛大大片，只係啱啱好熟。壽司飯又係索晒啲和牛油😆。📍Oomaki (尖沙咀)尖沙咀梳士巴利道18號Victoria Dockside K11 Musea B2樓Food Playgrou