OMU cafe

營業中

休息中

小店位於炮台山地鐵站附近，最近新開張，主打蛋包飯，早餐同下午茶時段亦有唔同輕食供應。店內環境唔大，以木系為主調，座位之間有適當距離，店員服務態度有禮，整體感覺令人放鬆。要咗兩款下午茶，分別為自家製蘑菇汁脆香雞扒配牛角窩夫同脆香雞扒配珍寶水耕菜沙津。蘑菇汁係呢度嘅招牌，每日以香草、雞湯同大量本地農場直送蘑菇煮成，味道濃郁，健康又好味。雞扒大大件，已貼心地切好，方便食用，外脆內嫩，補充蛋白質！沙津採用AquaGreen品牌，難怪食落新鮮又鮮甜。個人十分鍾意呢度嘅牛角窩夫，微微脆身，內裏鬆軟，淡淡牛油香氣、而焦糖日本雞蛋布丁配咖啡忌廉更出色，Q彈又唔甜，極度推介，值得一試。

如果蛋包飯分級數的話，OMU Cafe簡直就係蛋包飯的天花板級別。餐廳環境同食物都相當精緻，入到餐廳就留意到音響，原來同我一樣都係用Marshall音響。採用日本雞蛋及高品質食材的原因，食物定價稍高，見慣世面嘅我😂當然唔會因此動搖食蛋包飯嘅決心，入得嚟就點最好嘅蛋包飯。結果無令小編失望，今次的體驗相當好！正餐份量頗多，店員會細心問到要唔要少飯，如果一人就餐的話，建議選擇小飯。二人就餐如果食量較少的話，可以考慮先點一份標準份量的餐，然後再決定再點些別的食物。肉慾無窮 - 燴牛肉汁和牛漢堡配脆香雞扒蛋包飯《重點推薦》 $138坊間嘅牛肉飯肉汁係無法與OMU相媲的，因為這裡的牛肉汁唔止有汁，重有原整的薄切牛肉。一寸厚手打和牛漢堡，老實說就算拿挽肉と米的漢堡亦難分高下。巨人份量脆香雞扒，雞皮煎得好香脆之餘 雞肉仍然嫩滑，十分出色！蛋包飯的雞蛋仍然係流心，就算只係肉汁配蛋包飯已經好好食，食完肉慾無窮之後嘅小編已經返唔到轉頭。Matcha Latte $44（套餐$29）偏愛綠色食物嘅小編，今次就點左Matcha Latte。小小甜，食飽再喝都唔會覺得滯，抹茶味可以再濃小小就完美啦！自家製焦糖

蛋包飯嘅精華之處就係載於米飯上的蓬鬆嫩蛋，相信大家應該難以抵擋它滑嫩柔軟的魅力 (´▽｀) 炮台山新開咗一間蛋包飯專門店，水稻菜同蘑菇仲要係 AquaGreen 認證 🌿(from seed to table)呢度嘅主打就係秘制磨菇汁，以香草、雞湯、大量蘑茹烹調而成🍄‍🟫 本地農場直送的罄菇，不但含有高植物蛋白質和纖維，而且充滿維他命D、礦物質和胺基酸，带出的旨味（umami）\(^ヮ^)/特濃磨菇汁・燴牛肉汁・漢堡扒蛋包飯三重奏 $132醬汁磨鮮味十足，而且冇半點腥味。漢堡扒放蛋包飯面成寸厚，肉質唔死實，調味偏甜。小店用日本米日本蛋🥚賣相唔錯 蛋香嫩滑 飯量比較少🍚對我一個女仔嚟講啱啱好 唔會食唔晒 浪費食物🍛flat white (+$23) 👉🏻任何食物配飲品可減$15

炮台山開咗間新 cafe 主打蛋包飯貪新鮮就約朋友星期六去嘆個 All Day Breakfast脆香雞扒 全日早餐雞扒炸漿很薄, 外面酥脆, 裡面 juicy杯 Dirty 有驚喜, 個杯是雪凍的, 冷熱的層次感特別好另外一個 order  咗大啡菇/小蘑菇沙律通常大啡菇都是烤的, 呢度係脆炸, 所以啖啖肉 而沙律菜用了水耕菜, 好像比較厚大鮮甜隻菇大到拳頭咁而家購買任何食物加配飲品就可減$15, 推介試下佢地嘅咖啡