食評

Workout前Low-carb Dinner😌 放工後大滿足嘅quick dinner~ 水耕菜fresh, 炸雞juicy, 沙律醬又唔heavy! 份量剛剛好👍🏻 下次會想再試埋佢哋嘅蛋包飯Omu 脆香雞配有機水耕柴沙律 $78…查看更多

餐廳環境只是一般，店員的服務態度十分十分之差勁，明明是我先到餐廳，店員卻把最後一張餐枱給了我後面的人，而我卻只能坐吧枱，我心裡很不满意這安排，但也算了。我點了一杯凍的鮮奶咖啡，我要求走冰，店員給我的只有半杯，我詢問下，店員告訴我因爲我要求走冰，所以只得半杯，這也算了，其實，杯咖啡的味道十分之難入口，十分苦，店員還跟我說這杯咖啡的比例是剛剛好的。後來，有三位客人來到了，店員卻要我讓出吧枱，安排我坐到餐枱，這使我感到莫明奇妙，為何最初不可以安排餐枱給我呢，我後面那兩位也可以坐吧枱，其實，我只逗留了半小時，也不能讓我安静地喝完杯咖啡，這是一次十分不愉快的用餐體驗，我以後也不會再去這家餐廳，也不推介給別人。…查看更多

每到星期六日，鍾意同老公去仔仔playgroup隔離嘅 Cafe 慢慢歎個早餐。炮台山呢間 Omu Café 我哋回訪咗好多次，係嗰種好舒服、好有幸福感嘅味道。☺️我地對早餐嘅要求好高，而呢度嘅蘑菇醬配牛角窩夫真係一絕！✨ 推介美食 ✨🍄 脆香雞配牛角窩夫及自家製蘑菇汁呢個 蘑菇醬 真係好出色！香氣極濃郁但唔會太膩，配埋口感炸雞同牛角窩夫，簡直係完美組合。每一啖多士都沾滿咗醬汁，真係食完心情即刻大好。小朋友都爭住要食😂🥗 脆香雞配珍寶水耕菜沙律老公唔係好食carbs但都有選擇。沙律同炸雞份量啱啱好，食完之後嗰種滿足感，可以支撐到我地晏晝繼續同兩個小朋友玩💪🏻 ☕️ 咖啡配多杯 Latte 或者佢哋嘅特飲，望住炮台山街景坐返一陣，但真係好治癒。👇🏻 如果你都想搵間高 CP 值嘅Cafe 👇🏻💖 Save 低呢個 Post，下次早餐想轉下口味就去試下！📍 Omu Café🗺️ 炮台山宏安道14-28號威德閣地下G4號舖💰 HKD 80+ pp #炮台山美食 #香港Cafe #香港早餐 #HKFoodie #低碳早餐…查看更多

鬧市中嘅一間cafe，我地當日被安排坐係窗邊，外面就係人來人往既大街。🔷特濃蘑菇汁配手打和牛漢堡扒蛋包飯 $117和牛漢堡扒帶有少少辣，唔會太油膩，保留到肉既質感😋蘑菇汁個人就覺得唔算太驚艷，可能另一款招牌醬汁咖哩會出色啲。炒蛋有牛油香，而且好滑，都不錯👍🏻🔷自家製蘑菇汁脆香雞扒配牛角窩夫 $72 （下午茶）雞扒好出色，雞皮煎得好脆，肉質好嫩😋值得一提係飲品方面，因為我哋當日想有拉花打個卡，但見到兩杯飲品都冇拉花，就問店員，原來係因為當日實在太多人，所以就冇拉到。點知我哋就黎飲完嘅時候，店員拎咗兩杯拉好花嘅飲品過嚟😍勁貼心，我哋只係問咗一句，點知佢全新拉花，再望一望周圍，原來已經冇晒人了，就得閒拉咗兩杯花俾我哋。🔷比利時朱古力 $43朱古力味好濃，都幾好飲，唔會話太甜。🔷抹茶牛奶 $44抹茶味好濃，中意抹茶要試👍🏻…查看更多

上星期五要去天后睇醫生睇完醫生咁啱係食飯時間, 都預咗度度都好多人不過好難得有機會晌港島食, 來都來了, 照食啦行過呢間餐廳見仲有位, 於是就入去食。揀咗個雞扒飯, 同埋加錢點咗杯熱LATTE個賣相同佢MENU9成9似, 己經覺得好靚食落WOW咗出黎~!因為個雞扒太好食...個衣好脆但一啲都唔硬配佢個菇汁係超夾個菇汁食得出係好有心機整同出面食開果啲好唔同, 好杰同有好多粒粒配埋個蛋飯食真係一絕....可能我肚餓啦...5分鐘左右就清曬....個LATTE都好味好SMOOTH有層次但唔苦下次有機會想再試埋其他野....不過可能我會受唔到誘惑.ENCORE呢個雞扒飯 .,. 哈哈~~…查看更多

13/Nov/2025 我與一班朋友在木星街11點鐘打球，之前同兩個朋友大約20分鐘打球前入去飲咖啡, 有一位因為唔需要飲，買咖啡時候話規矩唔得一定要買，我也覺得合理。於是買了三杯咖啡，之後大概12分鐘都未有到，我過去追佢話我就嚟要走，希望佢幫我追，那店長說:你過嚟看看我的廚房, 咪做緊野囉，冇辦法。 於是我回一句你盡快啦。怎知到了最後五分鐘我要走，佢突然大聲叫過嚟，你哋趕吖嘛，不如打包啦，跟住好晦氣咁放低三杯野。…查看更多

今午全場爆滿，和友人坐了bar 枱位置， 食物到步時輕輕跟友人說了聲“生日快樂”，窩心嘅靚仔店員聽到偷偷準備驚喜甜品，當準備離開時竟附蠟燭送上！品嚐時跟另一位窩心店員聊天分享， 這裡所有服務員都非常細心親切，加上日式裝修，感覺更加溫暖！多謝~~~…查看更多

香港北角Omu cafe：野菜豚肉蛋包飯，一口陷進日式溫柔裡走進北角這家Omu cafe，暖黃燈光裹着蛋香與咖哩香撲面而來，木質桌椅配着牆上的日式海報，瞬間拉滿「在東京街角吃飯」的氛圍，連心情都變得柔軟。重點要說這份特濃蘑菇汁野菜豚肉蛋包飯——蛋皮嫩得像云朵，用勺子輕輕劃開，金黃蛋液「瀑布般」裹住顆粒分明的日本珍珠米，光看着就超治愈。裡面的豚肉給得很足，燉得軟嫩入味，咬下去滿是肉香；搭配的野菜脆爽清新，中和了咖哩的濃厚，連吃幾口都不膩。最貼心的是咖喱是微甜不辣的，不吃辣的人也能放心吃。咖喱汁混合著蘑菇汁的香味，簡直是絕配，這是我吃過最好吃的蛋包飯！我食的午市飯，可以加配飲品 （正價-$15），我叫了一杯Latte, 上面有加到一點可可粉點綴，不會太甜，正合我心意😍…查看更多

我身邊都幾多朋友推介呢間炮台山蛋包飯，作為雞蛋控嘅終於去咗呢間bookmark咗好耐嘅cafe試吓！Weekend 大約1 點去排隊，排左10 分鐘左右就有位，舖頭size 唔算大，但環境算舒適好坐 ☀️我同朋友都揀咗舖頭推介嘅蘑菇汁，配菜方面我揀咗漢堡扒，而朋友就揀咗大啡菇扒，上菜都算快，嚟到兩碟飯都熱辣辣 🍛 蘑菇汁好香好creamy 又夠味，漢堡扒就正常，至於大啡菇又脆又多汁 🍄‍🟫Overall 嚟講無論食物質素定店員態度都好好，下次會回頭 🫶🏻-🍽: 特濃蘑菇汁．野菜豚肉咖喱．手打和牛漢堡扒 蛋包飯三重奏🍽: 特濃蘑菇汁．野菜豚肉咖喱 配 大啡菇扒 蛋包飯☕️: Mocha🥤: Iced Mocha📍: OMU Cafe | 北角炮台山英皇道89 號桂洪集團中心地鋪🦁: ★★★★☆…查看更多

行過炮台山，竟然俾我發現咗間新開嘅文青Cafe！門口睇落好chill，一於入去試吓佢主打嘅蛋包飯～雖然價錢有少少貴，但環境同賣相都幾得，總算叫做幫港島東街坊多個選擇！🍔 手工牛肉漢堡蛋包飯塊漢堡扒呢，就細過「米炊」嗰塊少少啦～醬汁幾特別，有微微哋苦澀味，醬油味出啲，食落冇咁油膩，幾適合怕肥嘅朋友！個蛋炒得啱啱好，滑溜得嚟又有蛋香，不錯！🍄 蘑菇奶油雞肉蛋包飯（個名唔太記得實）蘑菇汁Creamy又香濃，仲有啲煮到淋甜嘅洋葱同嫩滑雞肉！撈飯食真係一流，鍾意白汁嘅朋友應該會鍾意～價錢嚟講性價比就唔算好高啦，不過見佢環境舒服，蛋飯做得有水準，而且牆上面仲寫住有好多「季節限定」嘅Fancy款式，下次經過炮台山想Hea下都可以再encore嘅！…查看更多

第一次光顧時，我跟店員說，杯Matcha Latte 要走甜，店員怕我會覺得太苦，佢伴隨了Honey起旁，in case 我有需要可以自己調味。很細心這是第三次光顧，黑雨下，課堂取消，可以在寧靜的街道享受無人之境。配以浪漫情懷之抒情歌曲（Think out loud, Right here waiting…)，是寫意的傍晚。…查看更多

鋪仔細細得五六張枱，但樓底高配木系裝修，坐低唔覺壓迫。黑松露滑蛋雞扒早餐 ($118)上枱真係嚇親——隻碟大過我塊面！主角日本滑蛋做得好嫩，黑松露碎鋪滿面，菇香幾突出。雞扒有心思：去皮煎到微脆，肉質唔鞋口，估唔到All-day breakfast都有咁水準。沙律菜新鮮，特別鍾意個芝麻柚子汁，醒胃得嚟唔會搶味。Dirty咖啡 ($42)入口先係凍奶嘅甜，跟住熱濃縮咖啡嘅nutty味先湧上嚟。雖然冇拉花，但層次過渡做得幾順，飲到尾都冇苦澀味。員工真係幾好笑容，見我影相仲主動問使唔使移開調味架。埋單百六蚊有找，以咁足料嘅早餐同環境，個人覺得合理。見隔籬枱個蘑菇飯有拉絲芝士，下次下午茶要試真啲！…查看更多

呢間Cafe喺炮台山木星街附近，距離炮台山地鐵站大約3分鐘嘅路程，見到門面都幾靚，所以就入咗去試吓。如果睇中午餐餐牌，但係原來未到午膳時間，所以只有早餐供應，不過早餐選擇唔多，同埋價錢偏貴。差不多每個套餐都要$100 ，但係飲品嘅另外加錢。所以如果依個價錢作為早餐，應該有更加多嘅選擇。我哋分別叫咗一個炸雞扒同埋大啡菇早晨套餐，味道一般般，未有太大驚喜，所以如果下次再去炮台山，應該都會搵另一間餐廳再試…查看更多

🍴今日放假，回家路上偶遇依間寶藏cafe！ 入到座位其實唔係好多 不過環境坐得幾舒適 👀路過見到菜單幾吸引。自己又想食個all-day breakfast ，果斷入去！成點左一份雞扒全日早餐，份量超大，自己根本食唔哂！🍳黑松露配日本滑蛋，雞扒唔老，沙律醬汁好惹味🥗 …☕️仲點左一杯dirty，唔難飲，入口有nutty味📍總結：員工都好熱情 ~~ 小區有間咁既cafe真心唔錯會再來飲咖啡，試試佢地既招牌蘑菇飯！🍄 …查看更多

經常行過見到呢間整潔的日系餐廳今日終於可以試到遇到服務貼心嘅員工已經係一餐開心飯的好開始蛋包飯的蘑菇汁牛肉汁出色就當是基本同事點咗個 All Day Breakfast, OMG 的新鮮好味🥐幸運遇上員工試緊新菜式 - 芝士牛肉漢堡如果下次你見到Menu有，建議真的不要錯過🤭幸運x2 員工又咁啱試緊新甜品 - 保密如果下次你見到Menu有一堆好mess 的東東不用考慮，叫吧！總括而言，我不會太推介，擔心以後要排長龍😂多謝員工令我哋一行六人，lunch 後 Energy滿滿🌸用心做食物又有滿滿笑容的餐廳就是那種Shut up and take my money now 的類別🦾…查看更多