Oma's Kitchen

營業中

休息中

原本諗住開開心心帶朋友去沙灘食得個餐廳，一早已預訂位置，去到餐廳根本沒有人，每一張台都是吉的。衹是想坐喺海灘邊欣賞景色跟朋友食飯，點知安排一張嘅黑鼆鼆座位，又沒有風沒有冷氣嘅位置。女侍應十分沒有禮貌，接電話時已經是十分沒有禮貌。我們都冇理會她，去到餐廳嘅時候，點餐嘅時候，佢都係依然十分無禮噉回答我哋食物嘅問題。去到食甜品先聚下搞笑，甜品完全沒有誠意沒有一點presentation! 就像在屋企剛弄完一個雪糕球沒有分別！

男朋友兩個月前已經訂好餐廳慶祝生日，可惜生日當天遇到颱風，景色同平時好唔同。本身訂咗坐外面，店員非常友善幫我地安排番室內位置，更細心比風扇我地吹，見出面突然停雨，即刻到外面影相打卡，店員都好用心幫我地拍照。餐廳每日有「當日精選」，我地叫咗當日精選既千層麵，每層都有厚厚既芝士，好滿足。另外仲叫咗烤豬手+德國腸拼盤，份量非常多，性價比高。後來仲叫埋烤爐魚，同樣好大份，食唔晒。最欣賞餐廳每款野食都有唔同配菜，兩款主食已經有三款薯製品，再加酸洋蔥、炒磨菇等，薯餅、薯蓉口感豐富，可見廚師自家製作，連配菜也很用心！

入馬灣house warming 途經發現咗呢個沙灘旁、可以望住青馬大橋嘅嘅隱世角落。咁岩就到好朋友生日，於是決定再入黎一次，好好坐下享受不一樣嘅風景🌉。喺沙灘旁邊有多間不同嘅餐廳，因為唔想食意粉/Pizza呢d，最後就訂左呢間德國餐廳，而事實證明呢個選擇非常正確👍。餐廳坐落嘅位置係沙灘嘅正中央🏖️，預訂時要求了坐戶外有景嘅地方，到達時餐廳迅速安排好座位比我地。餐廳外面有5、6張枱係室外，呢個天氣坐戶外其實有都幾熱💢，當晚有少少雨無乜風，不過望住個超靚嘅夜景，熱住都值得嘅，最好嘅消暑方法就係叫返幾杯啤酒降降溫🍻。當日亦其他枱同我地一樣坐戶外，怕熱坐室內其實都有唔少位，裝潢亦好有德國風。點左烤雞沙律🥗、德國烤豬腿配薯蓉🐖、香煎鱸魚排🐟，唔使好耐就全部菜到齊。全部野食大大份熱辣辣，味道亦唔錯，合乎預期。特別係德國豬手，外皮脆卜卜，岩岩好完全唔硬，香脆不油膩😋，對比其他大眾熟悉嘅德國餐廳，絕對完勝。仲有不得不提伴碟嘅薯仔，極度其貌不揚 ，睇落好似原個無煮過咁，無期望下食咗一啖試吓，點知...哇😍，講唔出嘅好好味，已經好飽但停唔到口應該係加左香料煮，好有薯仔味而口味亦甚佳，一定要食。另外要讚吓侍

之前男友話想食豬手 又想去離島所以就嚟到馬灣慶祝佢生日睇網上評論依間既豬手好好食可以一次過滿足佢兩個願望雖然當日天氣唔係咁好但好彩食飯期間都唔係持續傾盤大雨我地堅持坐室外，幸運地依間餐廳室外係有瓦摭頭而且店員都好好，好配合我地想坐既位置個景色真係好chill叫左盤招牌豬手好大盤！最後重食唔哂要打包（因為晏就係挪亞方舟食左High tea）好食既豬手可遇不可求見佢好多好評都係抱住試試下既心態點知果然名不虛傳！豬手皮好脆，肉質軟硬剛剛好而且烤得好香一啲都冇豬騷味另外碟上既薯蓉都係超級好食！其他配菜都唔差好有驚喜！啤酒方面叫左一杯穩陣既1664同埋因為我唔太中意飲啤酒，因為覺得苦就叫店員推薦一杯容易入口唔苦既啤酒比我我唔記得係咩啤酒，但真係冇介紹錯！好飲過1664好多，唔苦又甜又易入口最後就叫左個甜品炸雪糕口感味道都幾得意不過掛住影相影到溶左一半～店員重好有心幫我畫多幾個心心而且對於我既需求都好有耐性回應可能因為當日平日客人唔多無論環境食物服務都大滿意！！

2:45入座，隨即叫了1杯黑啤，一份蒸豬手薯蓉。黑啤旋即奉上，但蒸豬手要等。明白，收到。過了約25分鐘，仍然未到，請服務員跟進。答案係假日較忙，請耐心等候。再過15分鐘再追，答案係做緊。10分鐘之後再問，答案係差唔多。到3:40再追，答案係5分鐘內到。結果，3:48仍未到。。。落單1小時，終於到收銀櫃檯一問。原來之前漏單！但係再三跟進，原來冇人理會！！只好埋單走人！其實，假期較忙，要等多一會，是明白的。但係，3點後，明顯廚房已經冇傳出餸菜，點解唔做我叫的蒸豬手！？就算之前漏單，我再三追問下，居然侍應們冇應真幫我跟進！其實，餐牌上有的餸菜，居然要人客等超過1小時，何解！？得知人客白等1小時，收銀員工們只眼光光，完全沒歉意！半句唔好意思都欠奉！雖然我係附近居民，久唔久都來光顧。經此一役，冇下次囉！亦都會同朋友講，避之則吉！

🌍Oma's Kitchen (馬灣)我專登黎到馬灣呢間餐廳為朋友慶祝生日 呢到環境唔錯 可以望到青馬大橋 夜晚6點大橋亮起燈仲good view 👍🏻 另外德國豬腿真係唔錯 ！▫️德國烤豬腿配薯蓉$191🍖▫️卡賽爾雞肉沙律$77🥗▫️德式格仔餅配雪糕$57🧇呢間餐廳最主要食德國豬腿 價錢實惠之餘 分量十足 豬肉肉質嫩滑 咬落去彈牙入味 完成唔會油膩 而表面豬皮烤得好鬼脆 真係卜卜聲 另外仲有酸菜 薯蓉 呢個配搭一流 有種酸甜風味 性價比高卡賽爾雞肉沙律不過不失 沙律菜新鮮 但汁唔夠 食落去好淡好乾 另外雞肉主要用雞胸肉 唔會硬 配搭自家製蒜蓉汁口感唔錯最後德式格仔餅配雪糕賣相一般 格仔餅薄薄地 夾埋雪糕一齊食好正 入口即化 甜度適中 💡可以去理馬馬灣大自然公園-意中園打卡💵消費：474✨環境：8/10 🙋🏻‍♀️推介：8/10📍馬灣珀麗灣沙灘商場1樓

馬灣 非常浪漫餐廳🇭🇰德國豬手 配上啤酒🍻首先先講環境😛超級靚😘你只要一入到去呢一間餐廳對住個沙灘🤓望住入去馬灣呢一條橋🤣非常舒服😆亦都比較浪漫😆點都要試吓去一次😝1. 德國鹹豬手配薯蓉$191- 一啖嘅豬手🤣再加上一啖嘅薯蓉😂非常配合😌加上呢個無敵大海🥸再配埋啤酒😛簡直係人生一大樂事😍亦都配合左唔同嘅德國腸仔😎呢一間嘅質素係比較高🤪性價比一流😚間唔中亦都可以同朋友一齊去試吓🥰會係屬於皮脆肉嫩😝真係好好食地點：馬灣珀麗灣沙灘商場一樓名稱：Oma’s Kitchen好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻👍🏻- 推介：👍🏻👍🏻👍🏻👍🏻

聖誕夜喺馬灣食晚餐，最靚嘅景當然係望住條橋食，帶埋外母就落樓下沙灘搵嘢食。而沙灘邊呢間德國餐廳，一直都有幫襯開，每次嚟都會叫一隻德國炸豬手食，唔會太鹹，個豬皮非常香脆，仲有啲特色酸菜同薯蓉，加細細份沙律，一個人食唔曬，可以同太太一齊食一份。最後再叫多份甜品食，格仔餅加一球雪糕，不過今次格仔餅唔夠香脆，有啲可惜。我八點鐘開始食，上座率大約只有六成，不過服務員可能比較少，等好耐先有侍應呢點餐，服務方面比平日差。

同個德國同事入馬灣做野順便食埋lunch，幫襯咗呢間德國餐廳，先唔講野食講個景，因為真係超級靚，對住個沙灘兼望住入馬灣條橋，真係無敵。有德國人就梗係叫德國人點d傳統野食吓啦，德國同事話Oma即係Grandma咁解，佢叫咗個德國咸豬手，一個德式豬扒同埋一個烤德國香腸。食德國野點可以唔飲德國啤酒呢，呢間餐廳的啤酒係簽嘉士伯嘅，所以有Erdinger飲，仲要係dunkel，好味。第一碟到的是德國烤香腸，撞鬼得兩條再加一塊薯餅同埋酸菜，味道其實唔錯只係份量有啲少。我忍唔住問德國同事點解德國香腸咁貴，佢話如果真係德國黎嘅德國香腸真係好貴，因為德國本土對做香腸嘅肉嘅質素要求好高，所以會貴，不過好多餐廳衣家都係用本地做嘅德國香腸，佢仲見過香港有啲德國餐廳求其用d香腸黎做德國香腸拼盤添。跟住上枱嘅係德式豬扒，其實佢係類似醃好咗嘅火腿咁樣，然後切片煎，味道唔錯，唔太咸。最後就係德國豬手，size有啲細，皮脆肉滑，跟個燒汁上。德國同事話應該要點德國的黃芥辣同甜芥辣，可惜呢度只係求其比d芥辣。

難得平日放假，同老公入黎珀麗灣拍下拖行下沙灘，吹下海風，放鬆心身的好去處。未到5:30就開始肚餓，老公鐘意食德國菜，於是就問下有冇位，職員好快就安排坐位俾我地，而我地選擇左坐係室外，望住青馬大橋同海景。餐廳佈已經好有聖誕氣氛🎄到處都有聖誕老人🎅叫左杯Diesel-Mixture of beer and coke,容易入口，女生首選。首先係烤德國豬腿，份量唔少，仲有酸菜，薯蓉，沙律菜，酸青瓜，一d都唔hea 。入口皮脆肉嫩，真係好脆，放耐左都唔會變靭，唔洗點汁已經夠入味。另一道係烤排骨，份量都係唔少，少脂肪，d肉都好入味。最後係茄汁意粉，面頭鋪滿芝士，不過味道相對普通。職員服務都好好👍🏼又會幫忙影相📸️食物價錢方面抵食，淨係食個景都值得。又可以靜靜地拍下拖，吹下水。

今次入馬灣前已經諗定想搵間outdoor望海餐廳晚餐，但就失策冇訂枱，五點幾六點鐘行過見Oma's Kitchen有位就決定揀佢!!厚切咸牛脷配胡椒汁+薯條 $148德國咸豬腿配薯蓉 $191當日就叫咗牛脷同咸豬腿，兩款食物味道都唔錯 ，牛脷厚肉又夠淋，而豬腿夠晒脆皮我鐘意~ 呢個價錢絕對滿意，加埋個景直程性價比高！拍拖慶祝一流！叫杯啤酒傾下計絕對可以坐好耐，可惜當日趕住交枱，未睇到夜景就走咗~~鐘意馬灣呢個地方，食飽周圍行下都好舒服!! 🖤

員工於入座時已表明我們需要在21:30還枱。當我們完成用餐打算結帳時大約21:15，剛巧所有員工正在用膳。當我向其中一名員工揮手示意想結帳，那名員工竟然反我白眼，用極不情願的表情把帳單拿過來，然後我告訴她待會才過來收回帳單，最意想不到的是，她竟然皺着眉頭告訴我：我仲有一啖飯未食完。當刻我真的十分無奈，難道客人需要等待員工吃完飯才可以結帳？？

假期原因所以有200最底消費90分鐘用餐時間服務態度好好食物都可以，加上景色，所有野都好好，值得一去既餐廳但疑問-以下情況真係整日發生？晚市時間黎左四個外國人（西方人）侍應話有最低消費每人200；但佢地好快拒絕，侍應唔夠1分鐘就應承左比佢地坐係度，冇最低消費，一個鐘用餐時間。佢地最後坐左個半鐘，因為我地差唔多時間走。之後另外一張檯，侍應要求計埋小朋友人頭，個家長話頭先打電話黎book位可以唔使計，侍應即刻否認並問第二個同事有冇，同事否認後都繼續要求計小朋友，個家長話：唔好啦，但都好快，侍應態度唔一般般話「算啦，唔使計」，個家長話唔該曬，完其實我好欣賞彈性處理，但唔係好明白四個高於180cm都可以爽快唔計，點解會堅持要計一個110cm都冇既最低消費。

早幾日book定位，講明想要睇到海景嘅二人位，個日侍應都好好地安排咗☺️餐廳有分室內外位置，室外可以睇得清楚D海景，不過就冇冷氣🤣食物比想像中平一D，選擇幾多兩個人叫咗三個菜式，全部都唔錯，睇得又食得😋食到好飽好飽😂D肉好大份下，所以特登叫個沙律嚟中和一下😂德國菜普遍偏咸，一路食都飲咗幾杯水🤣整體來講都好滿意😚溫馨提示，最好book 6-6:30pm呢D時間，因為6pm左右，馬灣除咗沙灘，其他設施已經關得七七八八，冇乜嘢可以行/玩，所以去食晚飯就啱啱好👍

去到馬灣食嘢方面真係冇咩選擇如果想睇住個靚景食飯我會推介呢間冬天我會建議坐戶外影相靚好多夏天就梗係當然坐返室內啦食得德國菜一定要叫佢嘅豬手 超級正宗另外有叫佢個芝士通粉 上面就真係得層芝士下面嘅通粉完全冇汁 好乾