NUTTEA (兆英商業大廈)

營業中

休息中

位於中環站及上環站交界，地點非常方便。堅果奶非常好飲，而且非常多選擇，都揀唔落手。好彩今日趕得切可以飲到一日限量100杯嘅伯爵朱古力堅果奶，朋友都唔輸蝕，佢點左杯草莓奶蓋堅果奶。有營養都不在話下，而且非常足料又好飲，真係令我每次來都忍唔住點返杯。店內設計簡約，帶出堅果的味道，非常有層次。中環好少有咁高質而且健康的飲品。nut tea黎計真係一流，下次經過做野國都會國返杯。40幾蚊有咁既質素真係超值，飲一杯已經夠曬飽。味道介可以揀微糖，夠曬健康而且物超所值。

未試過甘難飲既咖啡，如果系做到甘不如系個menu到del左佢，甘既飲品都可以比客人， 你地自己有冇試過個味道系點嫁，真系好想嘔難飲到，我依加即刻掉左佢，睇見到嬲，垃圾不如。甘樣既飲品賣37元，好飲就話姐，一蚊都不值得。好好管理下

以前成日幫襯大集團、連鎖餐廳，但近年就轉左方向，會盡量支持有理念嘅良心小店🤞🏻今日食完lunch,專登行左去上環試呢間人氣小店。叫左兩杯野飲，分別係佢地signature嘅伯爵朱古力堅果奶蓋茶$47 同冷萃四季春$24。先講杯招牌飲品，我超中意佢地嘅堅果奶蓋！由於佢地係用純堅果奶，飲落好清香，一啲都唔「漏」、唔滯。佢嘅堅果奶蓋口感較一般奶蓋醇厚，甚至有少少似cream嘅質地。而下面嘅飲品就好香朱古力味，好有飽足感。四季春純粹係iced tea，甜度恰到好處，食完飯當消滯唔錯👍🏻

Nuttea呢個名聽就聽咗好耐, 但係我一直都未有機會試到, 最近喺openrice碌吓公司嗰頭嘅附近餐廳竟然比我發現原來donki附近都有一間, 所以今日lunchtime就即刻去咗試！Nuttea出名嘅地方就係佢係用堅果取代奶, 味道特別啲得嚟又好似健康啲咁！奶蓋控嘅我好想試吓其他地方冇得飲嘅堅果奶蓋, 所以我揀嘅係繽紛火龍果奶蓋茶($39)！堅果奶蓋感覺同平時其他地方飲開嘅芝士奶蓋好唔同, 整體感覺好似食緊繽紛樂味嘅cream咁！但佢嘅質感好似比平時厚實啲嘅芝士奶蓋輕盈, 食食吓有少少食緊雪糕嘅錯覺呢, 唔錯！下面嘅火龍果茶好fresh, 不過茶味唔係話好重, 更似飲緊火龍果汁！咁樣一杯飲落肚真係幾飽吓, 細食嘅朋友就唔好好似我咁lunchtime飲啦, 會食唔落個飯㗎

位於中環的「Nuttea」主打堅果奶及堅果奶蓋茶，奶蓋由五種堅果製成：杏仁、榛子🌰、合桃、夏威夷果仁及腰果，素食人士亦可以食用飲品種類選擇都幾豐富，堅果奶、水果茶、手沖精品咖啡、冷萃茗茶、堅果奶蓋茶等等，大部份飲品甜度及冰度都可以自由選擇，夠晒健康宇治抹茶堅果奶蓋茶🍵微甜走冰，更能突顯出宇治抹茶香氣。堅果奶蓋質感堅挺且順滑，入口好creamy，帶有陣陣堅果及榛子香，用匙羹「不」黎食感覺好正粉紅莓好堅果奶蓋茶🍓這杯飲品是季節限定的，顏色係漸變紅色，好靚呀！叫咗走甜走冰，士多啤梨果茶微微酸的，味道天然，清新開胃，感覺好Fresh，仲食到粒粒草莓果肉蓉。堅果奶蓋都加入左草莓，味道很好，值得一試哦

Nuttea呢間舖頭聽過好耐喇知道佢出名用堅果奶 健康又好味😋既然有一間喺公司附近 食完lunch決定買返杯返office歎😌我最鍾意佢嘅四季春堅果奶蓋茶我有試過茉莉茶底 個人覺得四季春好味啲奶蓋好杰身 可以問店員拎支匙羹仔"bud"堅果味好濃好香!!真係第二到完全飲唔到🥸一啖食落口超好味通常我會食幾啖奶蓋 然後再攪勻奶蓋同茶佢個茶底都好有茶味加埋奶蓋入面堅果奶嘅香 同一般飲到嘅奶茶又有啲唔同多左一種味道同層次😋😋😋非常推薦大家試下!!

見到好多網紅同YouTuber都講起呢間堅果奶茶，所以今日就嚟到中環呢度試吓佢🤪🤪依家堅果奶茶嘅鋪位都幾方便去到嘅，淨係位於地鐵站附近，人流都幾多下，周圍又有幾間餐廳😮好彩今日咁啱唔使排隊，可能因為早得滯到，都有時間可以去欣賞下呢間餐廳嘅內部裝修，你見到佢裝修都幾潔淨，又有特色，係幾唔錯㗎肥仔嘅我當然忍唔住叫咗杯有奶蓋嘅烏龍茶啦，佢個堅果奶蓋非常之有特色，唔會好肥，但係又有種香香嘅堅果味。佢仲會俾個匙羹你去食奶蓋添，非常之特別😍😍 最神奇嘅地方係，啲堅果奶蓋溝埋左烏龍茶，或者其他茶，都唔會有任何嘅違和感，其實啲人真係冇介紹錯，係非常值得試嘅一杯奶茶😆見到佢哋而家仲好似有特別嘅朱古力伯爵茶添，下次去一定要試吓

已經數唔到係第幾多次飲nuttea，中環既未尼過所以就試埋中環既nuttea，低卡奶蓋真係冇得輸，仲要堅好飲！！我既目標係試曬餐牌入邊嘅每一款🤣🤣 必飲係伯爵朱古力堅果奶蓋茶，講過好多次，因為奶蓋好厚身好滑，同埋好香Nutella味🙈 真心搵唔到有另一間可以做到呢一隻味嘅奶蓋另外試咗粉紅莓好堅果奶蓋茶，見到佢奶蓋係白色，以為佢係原味奶蓋原來個奶蓋係士多啤梨味㗎🤤我淨係食個奶蓋都得㗎啦😂😂 不過相比起朱古力奶蓋，粉紅莓奶蓋係冇咁厚身 我叫咗少甜，所以杯野飲落會微酸 因為本身新鮮既士多啤梨會有少少酸，唔想嘅話可以叫返正常糖 同以往一樣都會有隻小匙羹，用黎食奶蓋，呢間用木既，好似環保啲，如果用剷就得意啲叫果汁都咁飽，下次要唔食早餐挑戰紫米堅果奶！！

NUTTEA 已經開左幾間分店，每次行過都特突睇下有冇人，次次都排哂隊。🙈🙈今日行運啦⋯⋯11點幾做完野，見都沒咩人，可能剛開門，係時候啦⋯⋯飛雲參考人氣榜先（其實心中有數飲咩）簡單說出，老闆成功之道堅奶點生產見到有好野，一定影低益飯友。記得入code 取優惠呀～我好喜歡＂堅持做對的事＂ 今日飲左未呀？ 心多的我，終於選到我的至愛抹茶和伯爵茶好的事當然要同好友分享，做一次外賣熊宇治抹茶堅果奶蓋茶（熱）滿滿奶蓋湧出來，急不及待先吃果仁和奶蓋好滑，甜度適中，再飲啖暖暖的抹茶，感覺去左日本京都，好幸福。（旅行唔到，止渴下）另一杯，是店長推介排行榜伯爵朱古力堅果奶蓋茶（凍）奶蓋上有朱古力碎碎朱古力奶蓋似食緊chocolate mousse 好香，加上凍的伯爵茶，一齊飲，沒想過這麼夾。下次可以再試我喜歡的生果：牛油果奶蓋（期待）

隨心經過中環，見到門面裝修簡潔，有日系風格。便來試試。冇諗過原來nuttea 有咁多分店，咁受歡迎。近多年都十分流行奶蓋，但多以芝士奶蓋為主，因本人不太好芝士，就算喜茶，也一般般，未能試到一杯好喝的奶蓋茶。Nuttea以五款nuts 加入空氣，我估豆奶打成堅果奶泡，我叫了招牌紅玉堅果奶蓋茶，侍應叫我先試奶蓋，一試十分有驚喜。堅果奶泡竟然可以做出比鮮奶更杰，更香濃的味道。此外，還多了幾分堅果香味，少量果粒既層次咬感。配上清香的紅茶。令人一試難忘，想多多幫襯☺️☺️☺️

有時想飲邪惡但好味既奶蓋時，我首選Nuttea，因為Nuttea 主打用堅果奶，相對其他茶飲店有益同健康😬今日行經中環見到有Nuttea分店，仲有新既伯爵朱古力堅果奶蓋茶，所以同朋友各自買左一杯奶蓋茶。我係朱古力愛好者，所以二話不說要左伯爵朱古力堅果奶蓋茶。奶蓋係一貫既濃郁，好味。朱古力都好濃好滑，，但唔會太甜，配合茶，真係一流，飲完都唔會覺得有罪惡感！😋朋友第一次飲Nuttea, 要左一杯粉紅莓堅果奶蓋茶。士多啤梨味好新鮮，甜甜酸酸咁，好開胃，都好好飲！😀朋友都話Nuttea係好介紹😬

Nuttea呢間飲品店已經幫襯過好多次好開心有佢原本得一間分店喺鰂魚涌開咗勁多間分店遍佈香港九龍新界今次嚟到位於中環皇后大道中嘅分店店舖一如既往用咗簡單清新嘅裝修風格仲好貼心放咗好多堅果奶嘅資料比客人飲用嘅時候都得知多啲背後嘅資訊而對於素食嘅人士來講堅果奶飲品嘅出現因為佢哋帶嚟左越嚟越多元化嘅選擇每一次都會見到呢一個伯爵朱古力堅果奶蓋茶嘅Menu，都會俾佢厚厚嘅朱古力堅果奶蓋吸引到除咗有堅果奶，堅果奶蓋之外店鋪亦都慢慢發展出堅果奶茶，甚至會有家庭裝嘅堅果奶蓋出售如果第一次飲嘅朋友可以參考返佢哋嘅飲品排行榜蕎麥燕麥堅果奶茶比到你一種好飽肚嘅感覺另外入邊嘅蕎麥同燕麥就好似代替左我哋平時喺出邊飲嘅珍珠口感口感到不減但係相對健康到爆燈伯爵朱古力堅果奶蓋茶一如既往咁出色全部冇諗過一個素食嘅奶蓋都可以整到咁濃厚配埋香濃嘅伯爵茶入口非常之順滑仲會有個匙羹俾你去分開咁食個奶蓋基本上飲晒啲茶個奶蓋都仲有好多

今日做嘢做到悶悶地，突然醒起公司樓下開左間nuttea，好想試一試，大膽決定偷走落去買嘢飲先，因為lunch成日都太趕，每次想試都試唔到。Nuttea同出面一般手搖茶有好大分別，因為佢哋用堅果奶為base，堅果奶比一般牛奶健康得多，我好欣賞佢旁邊有幅圖介紹堅果奶，由堅果既出生、成長、成熟到如何提練，出口、測試、烘焙到製成飲品，介紹得清楚明白本身都想揀佢哋人氣排行榜同奶蓋系列，見人地拎住杯野好靚，但因為今日冇乜精神所以揀咗手沖堅果奶咖啡，另外叫多杯黑糖堅果奶茶俾同事試下，俾個驚喜佢先。等待飲品期間見到枱上slogan堅持做自己對的事。我覺得今日偷走落黎買杯堅果奶做得好啱呀好快手兩杯飲品已準備好。拎番上公司慢慢嘆手沖堅果奶咖啡：咖啡味濃，同堅果奶味道出奇地配合，比起平時飲latte較特別黑糖堅果奶茶：同事反映堅果奶沖成奶茶再加埋黑糖，感覺新鮮，係一種未飲過既奶茶，奶味濃D，同一般茶餐廳奶茶茶味重好大對比，飲完感覺飲左一樣新野咁

記得有兩位YouTuber介紹過Nuttea，讚佢既堅果奶蓋不但口味特別，而且比較健康，值得一試。呢日黎去中環食tea買口罩，行到有d口渴，當然拉埋個fd一齊試下，頂下口癮。雖然舖頭入內街，但由中環MTR站出都係5分鐘有找，絕對吾難搵。我叫左凍粉紅莓好堅果奶蓋茶，而我fd就叫左凍伯爵朱古力堅果奶蓋茶。奶蓋味道真係好有堅果味，比坊間既一般奶蓋多了一份香味，少了油膩感，果然係健康之選。我地兩杯都叫左少甜少冰，甜度恰好。另外，過左半個鐘先飲，果層奶蓋都無同茶混合一起，仲係好厚實浮在茶上面，所以絕對可以買番屋企慢慢享受。

［中環］Nuttea💛.粉紅莓好堅果奶蓋茶食剩指數:0/100之前見到好多人飲堅果奶茶今次去到揀左人氣Top1同Top2呢杯粉紅莓顏色真係好靚上層係厚厚既奶蓋同堅果碎中間就係酸酸甜甜粉紅莓茶底就用左高山茶店內有提供剷仔方便食奶蓋大家可以先單獨試吓奶蓋同茶然後再搞均飲可以飲到多種層次.伯爵朱古力堅果奶蓋茶食剩指數:0/100呢杯既堅果奶蓋好似慕絲口感好綿滑好香朱古力味伯爵茶底好香整體味道比想像中無咁甜唔會話好快膩值得一提係佢既堅果味越飲越出而且全部都animal friendly Vegan都啱飲