Number 9 Coffee

營業中

休息中

經過尖東食午餐，見到呢間cafe 細細間，無乜人，就幫襯下。點了雞肉墨西哥卷🌮️及一杯iced latte 等了大概15分鐘就可以食到墨西哥卷，賣相不錯，見到沙律有紅菜頭，各種蔬菜，非常開胃健康。墨西哥卷內有大量菜、蕃茄及雞肉，每口都有豐富的餡料，亦有汁料，越食越健康的感覺。食完整份墨西哥卷已經很飽肚.......想不到會食到咁飽另外值得一題的係杯iced latte, 奶味非常香濃，咖啡亦很滑，呢杯latte 水準好高

Aero press 咖啡唔係到到有，亦未必個個沖得好飲。能夠將咖啡嘅原味香味毫無保留咁壓出來，品嚐到花香同蜜糖嘅甜味。今日同一班朋友去，終於可以試多幾樣咖啡同食品。試左個香𤐄三文魚配Quinoa, 大廚精心秘製嘅汁提升左三文魚嘅鮮味。牛油果tacco 好好味，裡面嘅汁，酸酸辣辣，正適合這個悶熱天氣食。再食左個煙三文魚配溫泉蛋多士，蛋汁流出來配上高質素嘅Sourdough ，正！

一大清早，一個好味早餐🥐加杯高質素嘅咖啡☕️，原來可以為你打氣加油💪！一個簡單嘅Ham N Cheese Croissant, 外脆內軟 加上䁔䁔嘅Melting cheeese，好味👍

一個簡單而好味嘅早餐真的唔係到處有。好味得來要特別真的更難。今早返工有點趕，但都無阻我去買外賣返公司食，好開心有Ham & cheese on toast. 好好味嘅cheese, 不油，麵包邊有少少crunchy. 加杯咖啡☕️簡直無敵。

午餐時段尖東區發現新cafe立馬試試，店舖設計是採用簡約風格，跟餐牌的設計相輔相成，兩者都是簡簡單單但卻有鮮明的主打。食物選擇不多以健康為主，非常適合OL，唯獨價錢比同區的餐廳午餐價位略高了一點，但只要好食也是值得的！我點了雞肉藜麥沙律$78，再額外加$20配Flat White。 咖啡先來，陣陣的咖啡香確實不錯，跟附近另一家主打咖啡的餐廳可比一比。至於食物質素，這間Cafe卻稍勝一籌，沙律蔬菜很新鮮，沙律醬汁也很醒胃，整個配搭也很清新，若必須挑剔就選的雞肉吧。但整體是很美味的，定必再回頭光顧！

佢新開個陣時已經有留意到㗎喇，有兩次同同事想入去食但係都滿座，早兩日趁早咗放lunch自己過去試下，叫咗個雞胸藜麥沙律，飽肚得嚟味道又幾好喎，絕對係健康之選由於當日唔想飲奶類，所以咖啡師介紹我飲咗杯手沖-巴拿馬，甜甜地帶橙味，好啱我飲坐喺向街吧枱，可以放鬆咁望住人來人往嘅街，舒服到不知不覺坐到過哂鐘，忘記咗自己係要返工嘅走嘅時候佢地已經滿座，見到好多人點意粉，好香好吸引，下次要試下先總括嚟講係一間幾好嘅coffee shop，我已經將佢放喺我嘅開飯list裡面，不過座位就唔算好多，聽staff講可以打電話訂座，又或者lunch time要早啲去

Flat  white  幾好，夠濃，好香。☕️未試過野食，🍝今次只外賣左咖啡。下次會試下佢的早餐。👍🏻👍🏻👍🏻係咪新開呢？最近先發現到佢，員工態度親切，希望生意興隆啦，支持小店經營。

作為一個尖沙咀上班小JJ，隨手可得的咖啡最是令的快樂我這個啡控一到早上、午餐時分，就一定要飲飲咖啡。別叫我去星巴克，如果身邊有更好，你不會甘心現在，所以我一有時間就四處閃去不同啡場止止癮。最近我明查暗訪尖東有間新Cafe開張，決定快閃尖東，試試佢。作為啡控先試試啡底，點了一個espresso，滑、厚、帶果香，單飲不會太過太搶，最重要不會帶焦味。再飲Piccolo-短苗咖啡，啡味仍然濃郁，並沒沖散啡底，添了奶，反而傳達另一種的果味及Nutty風味。新店開張，雖然選擇不多，但質素不錯，服務熱情加上遲點會添回主食，看來我午餐時光有福了

見佢新開張，昨天午飯同同事試下，整體好一般，服務ok, 味道正常，但午餐選擇少，份量少，尤其香草蝦意粉，等咗20分鐘先到，但可能佢一次過整幾碟，我地嗰碟份量少得可憐，比出面其他同類餐廳少一半，性價比低，$89唯一覺得唔錯就係跟餐加$20杯咖啡這裡很少枱和座位，我和同事只可坐向街的一張二人bar枱，好細張，並排坐長度ok, 但闊度我估只有30 cm左右，前面又有個gap，驚D飲品食物唔小心推前向前跌落地，坐低飲咖啡還可，食野就真係要就住就住