NON CAFE

尖沙咀隱藏版越南餐廳，越南主題cafe,今日我來到尖沙咀一間超有特色的越南主題Cafe——NON CAFE！“Non”在越南話是草帽的意思，充滿地道越南風情！餐廳其中有滴漏咖啡、蛋咖啡都係當地特色飲品。餐廳設計好簡約清新，純白牆同木質傢俬，仲有越南草帽點綴，感覺好似去咗越南街頭小店！環境好Chill，好舒適寫意，啱晒同朋友hea下或影靚相！越式安格斯牛肉湯河嫩滑的安格斯牛肉，肉質鮮嫩，富有嚼勁。湯底清透香甜，加入香草同香料，令風味更加層次分明。搭配新鮮的河粉，每一口都讓人感受到越南的熱情。越式札肉湯河札肉的風味獨特，湯底清甜，清爽而不油膩。河粉吸收了湯汁的精華，讓整道菜品更加美味。這道菜令你體會到越南的家常味道，令人倍感溫馨。鮮奶抹茶抹茶愛好者的夢想，濃郁的抹茶香氣與柔滑的鮮奶完美結合，口感順滑且不過於甜膩，上面點綴的抹茶粉更增添了一絲視覺美感。白雪青檸沙冰沙冰清新解暑，青檸的酸爽與糖漿的甜蜜形成絕妙平衡，口感冰涼，適合在炎熱的夏季享用。每一口都讓人感受到清新的活力，仿佛置身於越南的熱帶陽光之下。NON CAFE真是一個隱藏喺尖沙咀嘅越南小天地！想試正宗越南咖啡同美食，記得嚟。…Read More

呢間尖沙咀內街嘅越南菜cafe真是一個驚喜！同平時去嘅越南餐廳唔同，呢度白色田園風，仙氣滿滿，超girly又好打卡，但又完全保留晒越南菜嘅原汁原味，成個dining experience真係好有驚喜！我同朋友最近嚟食咗個簡單下午茶，見到有越南蛋咖啡真係好心動，但驚飲完會失眠，就試咗蛋椰可可（Egg Foam with Coconut Milk Cacao），同蛋咖啡一樣咁甜咁滑，超正！Menu入面飲品選擇多啲，但小食同main course都好夠款，素食menu仲有素越式扎肉包（用綠豆同蘑菇整），夠晒味！用QR code落單仲可以話唔使荽茜，超方便。店員有俾辣醬我哋試，但包入面嘅餡料已經好夠味，根本唔使加！最正係米紙蝦卷，朋友話蝦餡最吸引，果然冇失望！米紙皮薄到透光，蝦又圓碌碌有光澤，咬落好彈牙，每啖都想慢慢食，唔捨得咁快食晒！平均每人消費大概HKD 100，坐得舒服又傾得開心，食物好味，location又易搵，性價比真係高！想試越南菜又想chill嘅朋友，呢間cafe絕對係靚選擇！…Read More

咁啱平日放假經過路經呢間越南CAFÉ，入面裝修好靚，真係有秒回峴港感覺！Non越南話解做草帽，呢樣野真係最Signature！今次同朋友除左叫左D早餐，仲叫左個PHO share食！🔶越式安格斯牛肉湯河粉 $108因為只叫一碗Share，額外再叫左牛𦟌、生牛肉，一次過食嘅幾款餸！餸菜好足料，牛𦟌炆得超級軟腍，入口即化咁制，生牛、安格斯牛肉都唔錯，肥瘦分佈OK！湯底偏向清新帶D牛肉香，飲落好舒服！🔶牛油果煙三文魚牛角包 、半份越式五花腩法包 $58平日會有幾款早餐提供，本身想叫個Yogurt Bowl，但咁啱當日供應唔到。即叫即整，牛角包、法包上枱都係熱辣辣。牛油果、煙三文魚呢個配搭真係冇得輸，食落輕盈冇負擔！法包個肝醬幾特別，同之前食過嘅味道有D唔同，但都係好食，個包好脆！🔶Coconut Affogato/Snow Lemon Smoothie  +購 $34飲品本身大約6X/杯，但呢個早餐就可以加購價，所以一定要叫！一開始打算叫蛋咖啡，但見到椰子雪糕咖啡真係忍唔住！睇到好靚，冰凍咖啡＋熱濃咖啡，雪糕中溫左咖啡苦味，我會話呢個更似係一個甜品！呢外個杯檸檬Smoothie都好正，甜度剛好，有D HERBS清新，檸檬酸甜，超解渴又Refreshing，夏天飲真係透心涼！🌟總結：環境好靚，絕對可以打卡，過黎飲杯野食下甜品！…Read More

店舖面積唔算大，裝修以白色為主嘅清新咖啡店風格，入面餐牌都有幾多特色咖啡同埋飲品選擇。👌🏼安格斯牛肉越南牛河加咗錢試吓安格斯牛肉，都唔平要加$40 。牛肉口感順滑，但牛肉味唔算濃，唔算係好高質素嘅牛肉，值唔值得加$40真係見仁見智，我自己覺得試過吓就可以。另外牛丸就正常味道，牛味唔算特別濃郁。湯底就係一般食開嘅湯底。整體質素正常，唔算有特別嘅驚喜。👌🏼扎肉越式法包法包有兩個選擇，一係配扎肉，一係配五花腩肉，其他配料兩款都係差唔多。今次選咗配扎肉。首先法包嘅質地都好鬆脆好易咬，口感唔錯。至於餡料味道方面，火腿嘅味道比較突出，火腿味多過係扎肉味，亦都食到肝醬嘅味道。整體味道可以，但又唔算好驚喜突出。鮮橙抹茶：正常味道…Read More

Lunchtime想去靜啲又chill啲嘅地方，真係要黎吓呢間cafe☕️環境係簡約舒適風，心情即刻舒晒，坐得又舒服，真係夠晒chill😌🔹生牛肉湯河 $88生牛河正😍雖然同其他越南餐廳不相伯仲，但佢個湯係再清啲👍🏻生牛肉雖然都好紅，但個湯夠熱，浸多陣就岩岩好八九成熟，好嫩口份量又多，正😋🔹越式扎肉法包 $88呢個法包有驚喜🤩佢唔係好硬果種，而係做到外脆內軟，咬落去超脆，勁好食🤤夾埋扎肉一齊食簡直係perfect match😍🔹白雪鮮檸沙冰 跟餐加配$34呢個鮮檸沙冰青檸味好重，偏酸，對於中意酸嘅我覺得岩岩好👍🏻☕️白小咖啡 $55☕️越式滴漏式黑咖啡 $45☕️鮮奶抹茶 $50飲品方面，同事們叫咗唔同嘅咖啡，全部都大有好評。最值得一提係越式滴漏式黑咖啡，打卡一流📸🍵鮮橙抹茶 $55有個同事叫咗個鮮橙抹茶，圖同實物有啲距離😆但都唔會影響到味道嘅😋…Read More

朋友send 左條link見佢介紹啲野食幾好味咁,我附近返工又近就去試下,但試完一次冇下次.叫左個飯餐價錢寫88但埋單係98.我冇追究點解因為都冇下次,食物太趕客.午飯時間到店,掃碼落單等足20幾30分鐘,個碟set好嘅飯要追單先到.加左10元叫左latta, 個樣0K但啡唔夠味.碟手撕雞飯遲來不特只,啲飯仲要食得出係雪左好耐後翻丁嘅,又硬又乾🙄下次餐廳翻熱可以加啲水或者用特有微波爐丁飯神器嗎？時間關係亦都唔想再浪費胃口quota只有食晒啲雞同配菜.其實餐廳如果係專長法包類食品就請專一點,出品如此太趕客.sorry, 或者法包好味掛但伏一次我就怕了。…Read More

星期日我同老公去尖沙咀行街，因為天氣熱到受不了，我地就諗住搵間cafe坐下休息。喺亞士厘道，見到一間純白色、文青風格的cafe，感覺好舒服，於是就決定入去試試。坐低之後，翻開menu，發現原來呢度係間越南為主題既餐廳，non 越南話係解草帽嘅意思，喺香港都真係少見。佢既menu入面不單有各式越南咖啡，當中滴漏咖啡同蛋咖啡都係越南特色咖啡。仲有好多越南小食、法包、粉麵同埋甜品，選擇多到眼花撩亂呀！最吸引係即使係越南餐，佢哋都有提供素食選擇，對於素食者來講，真係一個好消息。我同老公揀咗碗生牛肉河，碗上面有幾片新鮮生牛肉，湯底清甜，完全唔油膩，搭配河粉，味道出奇好。而且，呢間餐廳仲提供素食版本的越南河粉，對唔同飲食習慣嘅人都好友善。另外，我地仲試咗半份嘅扎肉法包，法包外脆內軟，配搭濃郁的扎肉，真係好味到想再點多份！而且我聽侍應講，佢哋的法包都有素食選擇，啱啱符合素食者的需求。為左滿足我對甜品的渴望，我地仲揀咗佢哋自製的Tiramisu（有酒），味道香滑，一口咬落去，真係令我地回味無窮！我地原本好想試下越南咖啡，但因為實在太熱，最後決定應該要杯沙冰，所以就要咗杯芒果沙冰同埋青檸沙冰，兩杯飲品都冰冰涼涼，完全解救埋我地喺外面行街時出咗的汗。總結來講，呢間cafe真係一個唔錯的選擇，環境舒服，價位合理，而且對素食者非常友善，食物同飲品都非常出色。下次一定會再來，仲想試下佢哋的越南咖啡，順便帶埋我老豆一齊，佢對咖啡情有獨鍾！如果你都想搵間輕鬆又有特色的餐廳，呢間就真係值得推介！ #尖沙咀 #亞士厘道 #越南Cafe #noncafe #香港美食 #尖沙咀美食 NON CAFE (尖沙咀)尖沙咀亞士厘道24-38號天星大樓地下C號舖…Read More

尖沙咀亞士厘道有一間好特別嘅越南cafe，個名用上越南話non，其實就係草帽嘅意思，聽落已經好有feel，而我點解會特登搵到呢間餐廳？就係因為佢有賣蛋咖啡。呢種咖啡係屬於越南當地嘅特色飲品，我對上一次就係喺河內飲到，已經一飲就愛上，終於喺香港俾我搵到，梗係要來再回味吓啦！除咗蛋咖啡之外，呢度都有賣滴漏咖啡，都係店員大推嘅 ！呢度嘅egg coffee完全冇腥味，保留越南傳統特色。喜馬拉雅粉鹽忌廉咖啡都好出色，上面有一層好厚好Creamy嘅foam，飲落口感順滑。mango smoothie亦都好啱而家夏天香港嘅呢種天氣，相當清涼當然啦，得越南餐廳就梗係要叫返啲越南特色嘅食物，所以就叫咗半份越式五花腩肉燥法包，敲得好入味之餘，絕對唔會覺得啲肉好嚡，反而有剛剛好嘅油脂，令到佢配埋酸菜之後唔會覺得太滯，做下午茶一流。…Read More

呢到係以🇻🇳越南為主題既cafe, ‘Non’係越南話係解草帽，滴漏咖啡、蛋咖啡都係當地特色飲品，呢到都有🥥☕️☕️【越式全日早餐】🥯雞胸貝果肉質軟嫩不乾柴，搭配蛋🥚🥗沙律菜新鮮爽脆，佐以輕盈醬汁；芝士菇香氣濃郁，多汁可口。整體搭配均衡，風味清新【半份越式扎肉法包】🥖法包外皮酥脆，內裡柔軟，扎肉鹹香夠味，搭配醃蘿蔔、青瓜與香菜，酸甜開胃👍👍真係好有越南風味【越南單品朱古力】🍫☕️朱古力濃醇香滑，苦甜比例恰到好處，脫脂奶口感輕盈不膩，溫潤順口😄😄👏👏【白小咖啡】☕️越南咖啡風味獨特，濃郁醇厚，尾韻帶有淡淡堅果香🫶🏼☀️🌞越式早餐組合既保留傳統風味，又融入現代輕食元素，飽足感十足且無負擔…Read More

🇻🇳將正宗越南風味與現代咖啡廳魅力完美融合適合享用輕盈清爽的一餐 既異國情調又溫馨慰藉1️⃣越南扎肉撈檬（選了素食） 一碗冰涼檬粉拌入酸爽的魚露 扎肉配上滿滿的新鮮蔬菜 碎花生和青檸的酸辣 美味輕盈滿足 特別適合炎熱天氣2️⃣越南牛丸河粉河粉浸在湯底中 配上多汁彈牙的牛肉丸充滿鮮美滋味 融入羅勒 辣粉 香菜等暖心之作3️⃣冰抹茶拿鐵 抹茶香濃 混合冰涼牛奶的甜味 不會過甜 為抹茶迷提供完美平衡的清新提神飲品4️⃣自家製提拉米蘇（含酒精） 層層咖啡浸泡手指餅 絲滑馬斯卡彭奶油 帶朗姆酒酒灑上可可粉 奢華輕盈且極度上癮…Read More

今日同朋友去左尖沙咀一間越式cafe食嘢☕️食物質素高👍🏼特別係佢地都有越南嘅蛋咖啡😋暫時解左對越南嘅相思之苦-🐮越式生牛肉河粉牛河到嘅時候鮮牛肉啱啱好半生🐮肉質鮮嫩唔會韌之餘牛味都好濃👍🏼湯底清香帶少少甘甜😋河粉口感夠滑-🥖越式札肉法包餡料豐富🥰唔止有肉鬆 青瓜 蘿蔔絲🥕仲有厚身嘅扎肉同埋惹味嘅醬料🤤至於法包嘅外皮脆卜卜而內裡柔韌 亦都好出色👍🏼-🥗田園沙律+蝦肉沙律嘅菜種類好多🥬而且新鮮清爽😋仲可以加雞胸或者三文魚等令沙律更加健康豐富👍🏼我最後就揀咗加蝦肉🦐蝦嘅數量都唔少-☕️河內蛋咖啡咖啡上面係一層厚厚嘅蛋漿🥚口感非常濃厚綿密😋入口帶少少甜味同咖啡相當之夾👍🏼-…Read More

店名Non是越南語，意思是草帽，也與越南常見的特色飲品滴漏咖啡和蛋咖啡連結。環境簡約舒適，主打越南菜和咖啡。牛油果煙三文魚牛角包 ($58)牛角包鬆軟，牛油果生熟剛好，不軟爛也不生硬，與煙三文魚片非常搭配。越式牛展湯河粉 ($88)額外加配了牛丸(+$10)和越式札肉(+$10)湯頭夠熱，清澈而濃郁，河粉幼滑，牛展厚身軟糯帶彈性，牛丸肉味濃厚，札肉質地緊實彈牙。自家製開心果抹茶巴斯克蛋糕 ($58)抹茶巴斯克蛋糕口感綿密，散發著淡淡茶香，加上開心果醬，每一口都是濃郁堅果香。越南滴流煉奶咖啡 ($42)是越南標誌性特色飲品，煉乳的甜味剛好平衡了咖啡的苦澀，充滿越式風情。…Read More

穿過寶豐大廈，找到一間簡潔又舒適的餐廳。店員介紹‘Non’係越南話係解草帽。根據我之前去越南得知，滴漏咖啡及蛋咖啡都是越南當地特色飲品。牛油果煙三文魚牛角包 $58香濃牛油香味的牛角包，包裹著煙燻的三文魚及豐富口感的牛油果。香脆包裹柔軟的食材，多重口感再口中享受。半份越式扎肉法包 $52肉鬆，肝醬，札肉及五花腩肉燥配上新鮮清香的蔬菜，蔬菜中和了肉的油膩感，令滿滿的肉味帶了清新感覺。河內蛋咖啡（熱） $60先品嚐上層的奶油，再品嚐下層的咖啡，最後兩者攪拌均勻。令我重新回到越南的感覺，品嚐久違的蛋咖啡，令我懷念年頭的時候去了何內一趟的旅程，真是懷念。椰子雪糕咖啡 $68雪糕加上咖啡中和了雪糕的甜味也去除了咖啡的苦澀味，不失為一個很好的甜品加飲品。這間餐廳平日是有早餐供應，餐廳環境舒適而打卡一流的，值得點杯咖啡，慢活及休息。…Read More

🌟 今天來到NON CAFE｜品嚐了道地的越南美食！每一口都是驚喜！ .▫️ 必點神作｜黃金裂紋法包 🥖🥖 越南 Kho Quet 法包 Vietnamese Kho Quet Bread法越混血口味香菜｜醃甜酸白紅蘿蔔絲｜新鮮青瓜與🔸豬肝醬🔸完美組合｜外脆內軟的法棍讓人愛不釋手！🔥 本土化短棍法包：不規則黃金裂紋皮 × 外脆內軟💬 咬下去那刻酥脆聲→綿軟包體→咸香肝醬→清甜醃菜！層次暴擊！ .🥢 越南蝦卷 Bánh cuốn蝦卷透光｜透薄過肌膚｜米紙卷包裹著米粉伴隨各種配菜｜薄荷檸檬葉｜清新感香氣直衝鼻腔！溫潤魚露伴碟｜酸甜又層遞上另一口味.🍜 越式札肉撈檬 Vietnamese Cold Rice vermicelli with Sausage👉 100%越南血統「Bún Chả」｜零中法混血地道味！ ✨ 雪白檬粉 × 扎肉片 × 越南🇻🇳芫荽山 💥 靈魂蘸汁「碌冧」Nuoc Cham： 魚露×棕櫚糖×青檸×蒜辣｜酸甜咸鮮在舌尖跳芭蕾！💃 .這道道地的河內美食｜搭配清甜的魚露清湯｜味道簡單卻令人陶醉｜特別的「碌冧」讓這道菜更添風味！☕ 越南白小咖啡 Vietnamese White Coffee☕️ 越南煉奶咖啡 Vietnamese with CondensedMilk濃郁的越南煉奶咖啡｜甜而不膩｜是完美的結尾！唔查唔知｜越南係僅次巴西🇧🇷全球第二大咖啡出口國❤️ 喜歡這裡的每一道菜｜真的是越南美食的最佳代表✨#NONCAFE #越南美食 #美味推薦 #食在香港 #尖沙咀美食…Read More

位於尖沙咀嘅 NÓN Cafe，舖頭雖然唔大，但環境坐得舒服，燈光光猛，感覺清新自在☕。係一個適合慢慢歎嘢食同傾計嘅小天地。🍰 自家製開心果抹茶巴斯克蛋糕 $58抹茶同開心果味道濃厚，抹茶帶微微甘香，開心果堅果香突出，兩者結合得幾好。蛋糕質感綿密細膩，甜度控制得宜，食落唔會膩。🥥 椰子雪糕咖啡 $68咖啡香氣突出，配上椰子雪糕，甜中帶香，好似飲緊椰香咖啡一樣，味道幾特別，帶少少熱帶風情感覺。🥖 越式 Kho Quet 法包 (半份) $58夾住五花腩同鵝肝醬，入口油脂香濃。五花腩煎得香口，鵝肝醬增加咗濃郁感。法包外脆內軟，咬落去層次感豐富。🍜 越式湯河 (午餐) $88湯底清甜，帶住牛骨香。生牛肉軟嫩，肉丸爆汁彈牙。河粉幼滑吸湯，每啖都充滿鮮味。NÓN Cafe 嘅食物帶住越式風味之餘，又有甜品咖啡元素，選擇多元化。相比起一般越南餐廳，呢度更偏向cafe 格調，啱晒約朋友輕鬆聚會。甜品同飲品有特色，鹹食又保持水準，算係尖沙咀區一個不錯嘅小發現👍…Read More