noc (翩匯坊)

NOC真係冇得輸😛雖然佢都偏貴，但我覺得食物質素係對得住呢個價錢！ 其實已經食過好多次，基本上每次諗唔到食咩Cafe一定會食佢！上一次叫咗breakfast toast，上面加咗牛油果同埋一塊脆脆地嘅火腿，口感幾特別🙂‍↔️我另外仲加咗三文魚，再加埋青醬，好食！ 平時都叫開flat white，保持一貫水準🌞我朋友叫咗Beef tenderloin cobb bowl，佢都話好食🫶🏻同埋將軍澳店位置優越，天氣好出邊望到藍天，而且Cafe 嘅地方好大 ！ 大推！ …查看更多

行入 NOC，成個人自動轉靜音模式 🧘‍♂️☁️白色枱面 + 簡約擺設，好似連個胃都變得文青咗 😌📖今日 brunch 揀咗芝士多士配太陽蛋，簡簡單單，但真係靚得嚟有 substance 🍳🍞多士烘到微脆，邊位有少少焦香，芝士溶得啱啱好，黏黏地但唔漏汁 🧀🔥蛋黃圓滾滾坐中間，一撳開就流心，拌埋芝士食，咸香之中帶種靜靜地嘅滿足 🧡跟住嚟杯 iced mocha，唔會太甜，咖啡味夠香，飲落好順口 ☕❄️旁邊仲有件迷你月餅，口感紮實，帶少少茶香，好有節日感但唔老土 🌕🍵成個氣氛就係：慢慢食、靜靜坐，唔講嘢都覺得舒服 🪑🌿NOC，係嗰種你會想一個人嚟、又會想同個靜靜地嘅人嚟嘅地方 💭💬…查看更多

朝早去咗海翩匯嗰間NOC，開咗幾年，裝修簡約，冇乜花巧但乾淨舒服。42蚊一杯Flat White，價錢中規中矩。嗰陣冇乜人，我坐喺角落位對住棵假樹，環境靜靜地，啱晒打完波抖一抖。咖啡唔酸，奶味唔搶，入口順滑，唔使加糖都得。打完籃球個人仲有啲熱，飲咗一啖即刻醒晒，成個人都清咗。NOC一向穩陣，冇驚喜但唔會失望。最鍾意佢個氛圍，唔逼人，唔造作，坐低就可以hea一陣，喺將軍澳嚟講算係幾舒服嘅選擇。將軍澳咖啡 #FlatWhite #打完波飲杯啡 #NOC #海翩匯 #靜靜地hea一陣 ☕🏀🌳…查看更多

Weekend好鍾意去noc食沙律，雖然價錢偏貴，但好食又健康。多數會叫慢煮雞沙律，沙律係超級豐富，首先雞肉嘅份量好多，而雞肉又做到好嫩滑，再配上唔同嘅配料有南瓜，仲有無花果，車厘茄等等，超級足料。沙律嘅調味醬汁都非常開胃。係酸酸甜甜嗰種。牛肉沙律同樣都係咁好食，牛肉嘅質素唔錯，亦都唔會煮到好乾好硬，沙律嘅份量係十分之足，就算男仔食都唔會唔飽。週末食個沙律飲返杯咖啡真係唔錯嘅選擇！將軍澳嘅分店自然光好充足，餐廳灰白色嘅裝潢為主，整體感覺舒適，週末中午都要排隊。下次會想試吓其他烘焙食物，見有即製即焗嘅pastry.…查看更多

Noc coffee近年來港九新界都有唔少分店純白設計加上充足自然光 環境感覺舒服 讓自己充一充電！有唔少輕食同pastry選擇，全部食物都有水準 仲要地點方便，已經encore好多次！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟCrab meat & Avocado with Sourdough牛油果切得好靚😍味道正常蟹肉蛋白質地好軟滑～帶有隱隱藏嘅醋酸味，灑上辣椒粉，好開胃，輕鬆食晒！酸種麵包酸味明顯，帶韌度但唔會過分拉扯，好好食！▶ ∗︎*ﾟFlat White with Oat Milk轉燕麥奶都有靚靚拉花！▶ ∗︎*ﾟBasque Cheese Cake行實淨路線唔算好流心，芝士味天然香濃，最鍾意食外圍焗到焦焦香香嘅部分！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 光猛嘅純白環境真係令人好精神！加上每樣嘢食同pastry都有水準，係假日Chill一Chill嘅不二之選！…查看更多

今天與同事去食lunch, 点了兩杯咖啡，一份三文魚toast 及一份all day breakfast. 食物質素及環境都不錯。但上菜太慢。10分坐下点菜，40分钟才上菜，杯咖啡要50分才冲好(不是手冲那種)。打工仔食飯時間只有一小時，上菜速度如此慢，要有時間才可再光顧。…查看更多

第一個：牛柳沙律碗 ($138)
真係抵食又豐富，牛肉煎得唔錯，仲有牛油果、番茄同南瓜，水波蛋流心蛋黃同食材混搭，口感濃郁，營養均衡，味道層次夠，超級推薦！第二個：墨西哥雞肉餡餅配迷你乳酪（$128）
餡餅普通，乳酪最好食，唔會死甜，配香蕉同藍莓口感豐富，穀物同南瓜子啖啖酥脆，值得試下！…查看更多

午膳時間都必須會排隊，呢間咖啡店嘅威力係無論條隊幾長啲人都會排，好彩今日我嚟嘅時候，排嘅時候唔算耐。每次嚟到都必點牛肉沙律，牛肉可以揀唔同嘅熟度，今次揀咗五成熟，另外全日早餐入邊材料非常豐富，有香腸|煙肉 | 烤波特菇| 牛油果| 無花果雜菜沙律|西蘭花芝士薯餅| 露筍| 我揀咗水煮蛋(另外可以揀炒蛋或者太陽蛋的)$148(我認為性價比超高)咖啡仲可以+$2變加大😂環境十分乾淨，而且彩光度極高，喺度食嘢真係好舒服！…查看更多

有一組舊同事算喺旅行腳，不過，有個別舊同事轉職再轉職之後，一直夾唔到時間，已好耐無一齊去旅行。所以呢，就相約嚟個小旅行，探索吓九龍東嘅「將軍澳」，到海濱長廊、跨灣大橋走走，但第一站先嚟到「NOC」嘆下午茶。人氣即喺人氣，我哋專登晏少少先嚟，都喺有少少人龍。不過，呢間鋪大，排隊都唔喺好耐。內裡裝修簡約，一室白跟灰為主調，雖然有好闊落嘅通道，看似空間感十足，但枱與枱之間其實好密，緊夠一個中等身材人士行過，肥少少都頂頂哋。想要杯清水，需閣下自理，出面有部好高檔嘅「水機」，一邊喺無汽嘅礦泉水（Still），另一邊喺有氣嘅礦泉水（Sparkling），平常晌啲高級餐廳呢啲水喺要收費，難得呢度免費隨意享用:)。坐低侍應就會叫你用二維碼落單，如果想睇餐牌，晌出面收銀處都有得睇。全部都喺散點，無話咩套餐組合、飲品加配嘅優惠。枱上有張溫馨提示牌，包括用餐時限同最低消。以周末嚟食個下午茶而言，都OK嘅。不過，收加一服務費呢點就不大苟同，因為除送餐，基本喺無任何服務可言。Smoked Salmon Toast $138兩大件酸種多士之上，放滿煙三文魚，並加上紫洋蔥、菠菜、刁草做調味，另伴有一小碗沙律菜拼藜麥，但老實講，賣百幾蚊確喺唔算平。味道又點呢？啲酸種包本身唔烘都比較硬硬哋，咬落質感比較韌淨，而啲煙三文幾夠鹹鮮，反而碗沙律就較平淡啲，無咩賣點。Pan-fried Beef Bowl $148對比上面嘅多士，呢一道雜錦碗單睇賣相已經豐富好多啦，除咗有7分熟嘅燒牛肉之外，仲有水波蛋、牛油果、無花果、南瓜、車厘茄、沙律菜，淋上自家製蜜糖百里香醬汁，仲伴有兩片酸種多士，實在豐富，而且賣相吸精。整體嚟講每樣食材都好新鮮，配搭亦唔錯，啲燒牛肉亦好有肉香，燒到七分熟都唔會話好韌，喺粒水波蛋熟過籠，無晒流心效果啫。Latte $42其他舊同事就飲朱古力咖啡、澳白，小弟就揀最心水嘅鮮奶咖啡，幾杯嘢嚟到個樣近乎一模一樣，色澤差唔多，個拉花都喺多重心形。飲落幾醇厚，帶有果仁香氣，沖泡嘅手勢亦唔失禮，夠均勻，呢度啲咖啡亦喺佢哋嘅亮點。整體而言，氣氛蠻舒服嘅，喺個別位有少少壓迫感，而服務方面老實講，其實真喺無乜服務，跟店員零交流，佢哋都只喺忙於送餐、執嘢，跟住就喺收錢（出枱面喎），又有時限；食物水準算喺中上，但未至於話好驚喜，個人嚟講喺一試無妨之選。…查看更多

平日一向喜歡飲noc，又喜歡noc嘅裝修格調。 嚟到將軍澳見到，滿心歡喜入去買一杯外賣。點知入到去，本身企收銀嘅職員無理我哋，另外企pastry位嘅職員對住我哋態度勁無禮貌！咖啡幾好飲都無用！…查看更多

NOC 食過幾次每次都保持水準希望一直都keep到除咗all day breakfast仲有呢個牛肉沙律係我最愛每一款食材都好新鮮好好味又健康又夠營養咖啡都唔錯一到weekend 就會想去chill 下…查看更多

食物好一般，咖啡還算好。價格偏貴，只可以話空間感係比其他餐廳好, 價格反映用餐環境...多士厚，不過都係d芝士鋪面去焗，pizza好過佢......蛋，無味，唔嫩，有外表無內涵......牛油果蓉，少，無咩味又唔香......咖啡，醇厚微酸，奶都正常濃稠地點，唔就腳，無車到，自己行去或者踩單車過去。夏天就要諗諗。整體，有錢無地方駛可以試下。不過香港太多呢類餐廳，性價比高過佢多的是...…查看更多

跟家人共享溫馨時光，踏進雅致咖啡店，沉浸於味覺與文青氛圍中。從我們點了經典All Day Breakfast到醇厚Long Black，再到香脆Chicken Quesadilla、細膩Cappuccino及多彩Mixed Berries Yogurt Bowl，每道皆是味蕾盛宴。特別推薦All Day Breakfast 套餐，好像是專為悠閒午後打造的，食材新鮮，烹藝精湛。搭配香濃Long Black Coffee，兩者相輔相成，午餐時光難忘。我們細細品味，享受寧靜美好，幸福滋味久久不散。…查看更多

呢間cafe係區內開咗好耐都幫襯過幾次Pan-fried Beef Bowl Medium $148可選擇牛肉熟成度滿滿嘅蔬菜 生果牛肉煎得幾好 食完飽肚感十足Ravioli In seafood Lobster Bisque龍蝦汁煮得夠味酸種包點少少汁一齊食都幾夾雲吞大小適中唯一缺點就係份量略少剛好一口食到…查看更多

今天好開心，可以再次在noc門外排隊等入坐🤭⋯唔知由幾時開始，我來這裡已經不用等位，然後，餐廳改為營業至黃昏6時😢⋯種種快要結業的跡象，很是擔心。慶幸，今天再來，餐廳裡坐滿食客，門外亦有十餘人在排隊👏🏻⋯今天點了「香煎三文魚手工扁帶麵」。好味👍🏻三文魚皮脆肉嫩，麵條軟硬適中，醬汁味道豐富，有少少酸甜，很清新😋。下次一定會再食。離開時，見餐廳門外仍有6-8人在排隊等位，太好了，餐廳要繼續加油啊💪🏻…查看更多