My Burger (東廣場)

營業中

休息中

📍My Burger，觀塘⠀⠀⠀🔸經典牛肉漢堡⠀⠀💲49⠀⠀🔸牙買加辣雞漢堡⠀⠀💲49⠀⠀⠀#️⃣ #168hungryki⠀⠀⠀🔺⠀⠀⠀咁大個先49蚊 真心好抵呀😭⠀牛肉算juicy同埋都算有牛肉味！⠀生菜同番茄都好新鮮❤️ 食咁多次都無失望過⠀🔺⠀第一次試雞扒burger！辣辣地既調味好惹味！不過好似儂左少少😂😂 苦苦地～不過塊雞扒好大塊好厚身，同埋都幾juicy！⠀🔺⠀我其實好中意佢地個包，同平時burger d 包唔同～好鬆軟！⠀🔺⠀⠀⠀地址：⠀⠀⠀My Burger⠀觀塘成業街7號東廣場地下G12-13號舖

聽同事講東廣場有一間漢堡小店好好食，午市晚市都有好多人，講到咁好味，當然要去試吓。黎到東廣場果然真係好多人，好彩唔使幾耐已經有位，淨係喺鋪門口都聞到burger嘅香味，店舖睇細細間，但係已經有好多款漢堡可以俾你選擇，仲多過一啲連鎖店！咁啱今日夠肚餓，見到有個叫做大隻佬漢堡，啱晒我！呢個漢堡餡料夠晒豐富，有沙律菜、蕃茄、芝士、紅菜頭、大啡菇同埋洋蔥。漢堡嘅麵包軟熟，漢堡扒當然係肉汁豐富，肉味濃郁！鍾意佢配返紅菜頭，蕃茄等等唔同種類健康又清新嘅菜，食咗罪惡咁都冇咁重！配埋炸得香脆嘅薯條，滿足又充滿力量，繼續開工！

次次lunchtime同同事們經過都超full，完全無機會食到，但今日好好彩，居然有張枱，即刻入去試啦梗係！！個menu有好多choices，花多眼亂啊🥰🥰 揀左一陣子終於決左試下呢d...經典牛肉漢堡($49)大隻佬漢堡 ($68)炸魚漢堡($49)我地加錢有set，揀左雞翼，薯條，仲有野飲D burgers勁大個啊，好足料。咬落去牛肉好juicy 好好味呀，啖啖肉，配合埋沙律醬，蕃茄，芝士，勁多汁但又完全唔會覺得好流。 薯條好脆唔會好乾，炸得剛剛好。飲品都好特別，可以揀花茶唔使另外加錢架！呢間餐廳真係好高質，性價比高呀😋😋

今日LUNCH終於同事食到呢間 每次行過都排隊既BURGER店 先去收銀俾錢落單, 然後佢會送到位上 叫左經典同大隻佬漢堡, 魚堡 加配薯條同雞翼 野飲叫左熱情果, 玫瑰普洱,同柚子蜜 經典同大隻佬漢堡主要分別係多舊蛋 2個都好大舊, 可惜漢堡個牛味唔重 好彩魚堡好食過連鎖店 薯條乾身無調味 雞翼有少少硬 飲果選擇好多 最抵飲係普洱, 可以係咁refill 總結佢比出面既burger店抵食 一個包$48+薯條+飲品$20 仲要係大大件 難怪咁受歡迎啦

觀塘區一直係隱世食之天堂，今日去左好多人都認識既美食商場「東廣場」☺️雖然一入到去好多連鎖食店，但再行入少少就會見到唔少小店！今次見到環境舒適既my burger店，即刻試一試先😆 好開心因爲叫左「大胃牛」同「煙肉牛」，仲加左餐湯同包，一份薯條🍟甘多野兩個人食，都只係total $182!! 重點係好好味，依到既牛肉係厚底加重汁，煙肉烤到焦焦地好乾身🥳另外個湯係羅宋mix南瓜🎃既味道，都好特別喔！

放假的時候就是想放縱下自己吃下自己想吃的東西我是一個很喜歡吃漢堡薯條的人所以一有什麼新開的漢堡店都會去試最近朋友介紹了我這家在觀塘人氣很高的店我是晚飯6點多的時間去，人不算太多找了位置坐下，看了餐單點了一個磨茹洋蔥牛肉漢堡再加多份薯條和一杯飲料熱騰騰的漢堡而且好大一個份量十足，里面有漢堡牛肉扒煎得好香再加上磨茹和洋蔥，芝士，生菜，番茄，味道十分和諧令到個牛肉扒更為突出，一咬下去，一口滿滿的，好滿足🥰包的外層脆脆的非常香口薯條真的好大一支，肥肥壯壯的炸得好香脆，一口一口，不知不覺全部吃光光，假日來一餐很不錯

喺觀塘做嘢，少不免會去東廣場搵食。呢間burger一路都想試下，今次終於有機會食喇一睇個menu就見到有好多漢堡包選擇，花多眼亂，最後揀咗一個比較特別嘅，炸軟殼蟹漢堡🍔見圖就好似好靚，唔知實物係點。終於等到上枱喇，個漢堡有一大隻軟殼蟹喺入面啲料好豐富呀，估唔到會有成隻軟殼蟹，以為佢會淨係得少少或者得一半，食落都好脆，唔係好乾，個軟殼蟹仲有啲汁喺入面，食到漏哂汁🙈另外仲有沙律醬，沙律菜同番茄，夾埋一齊食，味道唔錯，有機會要再嚟試下其他款式嘅burger先得

作為一間特色小店，提供約二十款漢堡供客人選擇，誠意十足。除了經典的牛肉芝士漢堡，還有一些較有特色的選擇如厚切午餐肉芝士牛肉漢堡，煙三文魚漢堡，軟殼蟹漢堡，大隻雞流心蛋漢堡及咕嚕豬堡等等。價錢屬中高價，約$50至$70一個，另外+$20可跟餐選沙律或薯條及汽水。叫了一個蘑菇洋蔥牛肉漢堡跟薯條，另外叫了一份春卷。漢堡包身極鬆脆，包身算厚，漢堡肉肉汁極多，芝士香濃，蘑菇亦十分香口同時不會乾身。粗身薯條食得出是即叫即製，配泰式醬吃極之惹味。春卷是素食餡料，無驚喜，不太推介。總括而言，burger做得出色！期待下次再試另一款！

My burger is a small local burger restaurant, the decoration is cozy but seats are limited especially during lunch time peak hours.The burger sets of $6x-7xinclude burger with fries or salad and a few choices of free drinks, to add a bit of price for special drinks. Highly recommend the chicken cheese burger with thick cheesy texture and juicy chicken; The staff are nice tooWould definitely come again !

同事成日都拉大隊幫襯黃店，今日食...🔸德州煙燻雞漢堡套餐 $69🔹蘑菇洋蔥牛肉漢堡 $57Burger有牛有雞有魚仲有菇可以揀，我都諗咗一陣先決定到食乜好，幾款都好吸引，菇同雞最後都係揀咗雞，一咬落去就覺得個包好好食，係脆得黎唔硬嘅包，唔會刮到個咀損晒，烤雞都好juicy...但食食下...發覺有啲似食緊m記板燒雞，食緊同一款嘅同事即刻話係，係高級版😂😂不過呢塊雞冇咁鞋，嫩滑好多～女仔食完一個飽已經飽，之但係個薯條我都清晒，好好食！啱啱炸起熱辣辣又脆脆地，中間係軟綿綿嘅薯蓉，超高質！飲品就可以配各種汽水，或者係熱茶，不過食漢堡包就緊係要飲汽水啦！小店又係唔多位坐，但坐爆晒都有人等，推薦觀塘飯腳黎試下。/ #💛店My Burger觀塘成業街7號東廣場地下G12-13號舖

今日想食漢堡包呀🍔起觀塘站行五分鐘就到東廣場食食呢間My burger 雖然鋪仔細細 但可以睇出店內有掛裝飾 俾客人坐既凳仲係鐵通 有種近歐洲工業風裝潢叫左個大啡菇芝士牛肉漢堡同埋牙買加辣雞漢堡🍔然後起等待包包期間 好快就送上左沙律 有碗細細既沙律菜給左胡麻醬仲有塊蕃茄 唔會好hea 幾好首先講下佢個大啡菇芝士牛肉漢堡🍔牛肉好厚身漢堡裏邊有蕃茄洋蔥芝士大啡菇煎得好香口 幾種味道匯集起來好Match 正正叫餐配左汽水 有埋薯條 🍟 炸得內皮脆內裡蓉軟 然後講埋佢個牙買加辣雞漢堡🍔一黎到俾佢個樣嚇一嚇因為佢膚色好黑黑 不過食落超香雞表面滿滿既香料同雞肉兩者配合得非常融洽燻烤過呢種香料既雞雞真係辣得過癮 係我鐘意既香辣 唔係辛辣唔係麻辣 超滿足 如果之後黎觀塘想食漢堡包 我會想返黎呢度食返辣雞漢堡

又來一下Burger 喇🤣🤣我都真係好鐘意食burger𠺢😍😍等妹子收工再吹吹水，有時呻下真係幾暢快呢😌1.）大啡菇芝士牛肉漢堡 大啡菇嘅size可以比美個麵包咁大呀⭕️好新鮮熱辣出爐，漢堡扒肉汁豐富，包包鬆軟🥯貪吃的禾🤪若然芝士再多少少就完美💯2.）蘑菇洋蔥牛肉漢堡妹子話洋蔥好甜呀，漢堡扒鮮嫩可口🥰*套餐可以選擇配搭價錢方面：$20-$26沙律🥗+飲品薯條🍟+飲品沙律🥗+薯條🍟

Burger 我比較喜歡食魚柳包，這間是我食咁多間魚柳包中最緊難食，最差既麥當當仲好過這間我點了炸魚漢堡炸粉超級厚，頭尾炸粉厚到硬到食唔到，只得中間位食到，但炸過火喉，魚肉質太韌，真係未食過一間炸魚會如此難食坦白講，真係差都極點來形容，情願食麥當當朋友點了厚切午餐肉芝士漢堡朋友話午餐肉味道可以，因為這款牌子午餐肉本身就好食，牛肉又係煮到過火，熟透到沒有肉汁流出，完全沒有juicy 既感覺... 價錢適中，但如果可以俾貴一點價錢，可以食優質既漢堡，我情願揀後者...

My burger 屬於小店，坐位唔多，得十幾個，比較逼夾，唔好expect可以坐得耐傾計個種！不過企企理理乾乾淨淨，做gym前食係一個唔錯既選擇喔！All day breakfast連飲品 $82😍大大碟全部食材都打孖上，有脆皮芝士腸、煙三文魚、煙肉、蒜蓉多士、蕃茄、炒蛋、沙律，仲有一碌粟米🌽🤣飽到痴左線😶兩個女仔d share 加多杯drinks 同小食都夠！🍔大隻雞burger真係好大隻😂塊雞扒突曬出黎，仲配有煙肉、蕃茄、芝士、洋蔥、生菜、蛋😂🤤塊包外脆內軟👍🏻👍🏻薯條好好食🥰

其實觀塘已經有好多嘢食，但作為係觀塘返工嘅打工仔，同埋係觀塘長大嘅街坊，我真係有好多餐廳都已經食過。今日就講下東廣場一間開咗好耐嘅漢堡包店My burger~#牙買加辣雞漢堡先講抵讚嘅地方，我覺得佢個包焗得好好食，好鬆軟。（佢個包係嗰種淋淋地，上面有啲白色粉嘅包）～再講下入面，唔抵讚嘅地方係塊雞扒燒得有啲柴皮，食落去有啲乾，有雞扒乾嘅感覺～漢堡入面有生菜蕃茄等配菜，佢個醬汁醬汁同埋辣度都好正，唔知呢啲係咪牙買加風味呢～#經典牛肉漢堡一樣，個包覺得好好食。佢係免治牛肉漢堡，所以都好多汁，不錯！可以配餐，有飲品同埋薯條！佢啲薯條係粗薯條～雖然我都係比較鍾意麥當當啲幼薯片，但係粗薯條就食落去有口感啲～