Monster Sushi

開工大吉！今日講左好多恭喜發財😂送出好多祝福💃🏻前排趁monster sushi執笠前去左食2人餐 咩都有d👻最最好食係天婦羅隔離唔起眼既比目魚！！！其實全部野食都唔差！可惜😖好似2月尾就執了😖…查看更多

見朋友話餐廳就搬遷 諗住做最後嘅顧客 點知換來失望嘅回憶🤧🤧🤧只叫左7碟壽司同魚生🍱 仲要一向壽司一碟一舊夠哂貴 最後埋單二百幾 但質素好似放題咁🤢三文魚壽司🍣 不過不失 正正常常 油甘魚腩壽司 好唔新鮮 同太薄火炙芝士玉子壽司 🧀個芝士。。。硬骨骨咁擺係玉子上面 唔知擺左幾耐咁 玉子中間好水 搞唔掂鯛魚刺身🐠 一陣腥味 食完想嘔返出嚟 火焰鮭魚忌廉芝士蟹肉卷 成個壽司比沙律醬嘅味覆蓋晒 食唔到精粹唯一比較好嘅係黑松露皇帝蟹棒壽司 蟹棒好有份量 亦都有鮮味🦀但整體來講 餐廳喺呢個商場 呢個鋪位 同埋呢個價錢 咁嘅質素真係好唔值得 性價比太低😐…查看更多

上年尾做到年頭，工作排山倒海未停過，要約朋友食飯放風抖下氣。一早睇定食評，黎間幾好咁又就腳，決定試一試。晚飯時間岩岩開始，唔使等，仲大把位㨂。枱與枱之間唔迫，座得舒服，樓底高唔侷促，唔太嘈。食物非想像中咁特別，一般一般，有落差。先黎個香芒蟹肉飛魚子沙律，好清好清，芒果粒好碎。如果芒果粒大番d，或者加d沙律醋會仲好味。壽司當然唔少得，唔算有特色食得壽司當然唔少得手卷，海膽手卷，唔該！鵝肝芝士軟殼蟹卷，好食既，但鵝肝係邊？？全晚覺得最好食：蒜香厚燒牛舌。外邊脆，肉嫩，一咬即化。墊底既牙菜出奇好食、好爽口再黎多個熱熟食：和風香蔥牛柳粒。但黎個唔掂，唔熱，無牛味，無肉汁整體黎講食物平平，無驚喜。但服務就真要檢討再培訓！由入門口帶位個小姐、到接order 紙落order 既、再到上菜既、直到埋單既，全部都黑口黑面，乜家陣黑面代表高級d咩？叫我埋單位先生仲搞笑，一埋黎就問上晒菜未，跟手就隊埋張單上枱，話夠鐘，晚飯限1.5個鐘。夠鐘？我地完全唔知有限時，帶位既完全無講過，嚴格黎講係無人講過野。算喇，難得食飯唔好搞喎心情，比卡埋單。等卡單期間，見枱面仲有少少唔想做大嘥鬼，食埋先，岩岩隊單埋黎位先生又出現，仲好唔客氣講「小姐，夠晒鐘，要離開喇，出面大把人等！」前後都唔夠5、6分鐘啫，使唔使咁！再算，心諗星期五晚人多，明既。但行到出門口，得一家三口係到等緊，咁叫「大把人」等緊？定係佢睇到d 我睇唔到既野呢？食市除左食物要好，先會令到客再黎；服務一樣要用心先會有客想再黎。黎間，無下次，一定無下次！多謝晒…查看更多

生蠔不唔乾淨。。導致食物中毒入院魚生好唔掂又唔新鮮，24號晚今25號朝早入院，成個聖誕都無晒😭。打左電話去餐廳一個經理叫阿Sam報告，但都無回覆我d咩。唔會再去！…查看更多

以前成日去isquare個間分店食，好多年無食突然諗起呢間野，原來得返朗豪坊一間，最估唔到係咁多年嚟仲有100蚊coupon，咁當然去試下啦。壽司、刺身都算新鮮，鐘意佢個醬油唔係勁咸個隻，呢個質素如果正價嚟講有其他舖頭好過佢既～總體都算好食既!…查看更多

大概3個月前食佐一次 餐牌轉佐 有d必食既壽司都無佐但都係滿懷希望咁點菜 可惜食物水準下降了 ！ 以前很喜歡食的厚牛舌質感還是一樣 但可惜半暖不熱 減分了不少 ！海膽軍纜，d海膽唔知係唔新鮮定師傅亂來，海膽既紋路無晒 變到好似攪過出晒水一樣，放佐喺隔離無食過 但已經無佐信心唔想換 其他食物質素也感覺只有以前7成 ！講真從來唔喜歡排隊 如果要排隊一定會轉其他地方！Monster sushi係本人唔介意排隊既唯一餐廳！以前每次食都要排隊！真心覺得所有野都非常好好食 就算爆場食物質素都係咁好 ！希望快d恢復水準唔想佢結業…查看更多

新開張時吃過的怪獸壽司事隔多年見仍健在心想有實力才能佇立朗豪坊多年不知已變九流餐廳 十分後悔放棄元氣壽司甫入座已smell到唔對路周邊燈牌寫上是日推介擺盤及店員態度似女人街日式餐廳但收費貴一倍非常不討好的花碌杯碟說不上的日式風情有點亂來的感覺還好沒有肚痛碎吞拿魚壽司紫菜不脆 吞拿魚蓉有點梅普普通通的壽司們 不新鮮的味道不知怎的有種不討好的感覺心裡一直想著放棄了的元氣壽司味噌湯也是很求其的感覺食完只想快走唔會有下次…查看更多

不知所謂的用餐經驗。聖誕節一家大小行開朗豪坊，老婆話要食壽司。剛好經過Monster Sushi 又見到有個聖誕節套餐，小朋友肚餓便進去了。開頭沙律，炸雞和刺身都OK. 直到個豚肉壽喜燒就出哂事，好大油膉味，即時跟侍應說說要換，她已經黑面跟著即回壽喜燒係咁既味。下？ 你當我們未吃過壽喜燒嗎 ？ 於是我要求見經理，等了很久，差不多食完經理才出現也回應話係咁，最多送碗白飯給我們。真係不知所謂。唔怪得執乘這間旺角店，以後不會再來這垃圾餐廳 ！ …查看更多

11月尾泥食完lunch送左張$100coupon，滿$250可用，琴晚特登泥食哥斯拉壽司，點知轉左餐牌冇左哥斯拉... 我次次泥都要食呢款壽司！！！成個餐牌都轉哂，壽司既款式冇以前甘吸引，睇左餐牌好耐都唔係叫左好多野食，仲貴左好多，貴唔係問題但味道唔值佢個價，用埋coupon埋單2位都500幾蚊仲要唔飽、又冇咩再想叫，埋單佢又俾左張$100coupon服務方面，有個後生女仔幾好禮貌，其他都麻麻地，服務似放題既服務，放低食物佢可以放到（窄）住我對筷子然後就走左。仲要客人未走就清潔，聞住成陣清潔劑味甘食野囉…查看更多

以前黎呢到食過，好好食架，今年再返黎食，點解會差左咁多架⋯⋯未入去坐之前，佢問我地有無優惠券，我地話有既，當時比較夜都唔洗排隊，大概九點鐘到。壽司除左好細舊之外，刺身亦食得出唔新鮮既，可能我對佢期望都大啦要讚下既係佢菜幾好飲叫左海膽壽司，勸大家唔洗試。好長既饅魚壽司，呢個可以一食仲有刺身，得帆立貝比較好。如果你無優惠券，要以正價黎食，咁性價比就不高了，但如果有優惠券，又想食下壽司既話，而近近地咁岩行開呢間商場又呢層樓，先去下囉。…查看更多

We Oder 6meals and they all taste good, and the waitress here are very “cold”, poker face all the timefirst meal was egg Omelette, it teased a little bit sweet and it’s warm; the sushi&sashimi here r good and very fresh. I adopted that if they have better service I will give them 4star.…查看更多

好耐無食 monster 了, 原來連尖沙咀店都已經結業😳 是晚優惠時段都唔駛等位直接就可入座, menu 同以往有些不同. 餐廳提供小掃可均勻地塗醬油又幾得意. 鰻魚燒得幾香. 但職員這樣擺放 wasabi 🤦🏻‍♀️魚生夠鮮甜. 紫菜好脆口. 皇帝蟹棒味道就有點假. 從前最愛既牛舌就退步太多了, 牛舌似係炸熟的, 又乾又無味道👎🏻鵝肝芝士軟殼蟹卷好芝味, 但食唔到有鵝肝味道😅 賣相都唔錯. 海膽芝士燒帆立貝, 即制熱熱的味道唔錯. 服務方面普普通通, 叫一句會應一句的😜但坐得舒服座位幾濶落. …查看更多

上開openrice 搵食咩時見到monster sushi 有俊惠卷，所以就同朋友決定食呢間，今次係第一次食，開頭仲驚會好貴，扣埋優惠卷之後三個人食到飽一飽都係五百蚊左右，非常之抵‼️抵唔單止係食到好飽抵，仲有係刺身質素都好高，好新鮮，而且款又多，好似拖羅、赤身壽司噤，都分左幾款比人選，又有唔同既配搭，真係食完再食都唔厭!不過如果想去既話就可能要預多d 時間。因為有優惠卷好抵食，所以都要等返一段時間，但係可以講係等得值既‼️ …查看更多

前幾日個朋友心血來潮話有monster sushi既100蚊couple話想去食，我地就心動不如行動，4人行去左食。張100蚊couple每叫250蚊就可以用1張，最黎我地4個人叫左1000蚊，用左4張，埋單每人175堅抵，點解抵? 睇相就知點解。。。去相鰻魚玉子三文魚壽司呢個係全晚我地覺得最差既一碟，認真佢地呢碟勁似人地雪左好耐無哂肉質又乾，非常麻麻我地係叫左4個海膽手卷海膽夠鮮，唔苦又算新鮮大吞拿魚腩，入口即溶呢款三文魚蛟，真係要推介，如果鐘意食魚既朋友一定要試下外脆香口，內裏肉質鮮又多汁6款自選魚生刺身黑松露抄菌菇冷鳥冬細碟左少少，每人一啖都無左lu~k炸蠔正常野size同價錢係成正比，炸完又唔乾，keep到裡面既汁燒雞泡魚乾大家千萬唔好叫呢個，因為佢呢個真心唔好食，又唔夠乾又濕，都唔知係咪趕收工，都未燒完就拎出黎天婦羅什錦個粉唔厚，唔厚食落去口感已差好遠，正炸軟硬蟹小卷，無乜特別，食落唔太覺自己有食到軟硬蟹最後，我想提一提佢地既服務態度認真麻麻，由入門口到坐低到叫餸到埋單，我絕對明白做飲食係好辛苦，但應有既對人態度應該仲要係度，其他係餐廳跑單既職員我仲可以諒解，但企門口個位疑似保安既職員，如果佢真係覺得我地未經hostress叫就自行行入餐廳，係可以禮貌地叫我地，例如“excuse me madam/sir” 而唔係“hey...hey....”以上開飯食評，只係本小姐食後感…查看更多

我同媽咪午餐一齊嚟食Monster Shushi我哋點咗大約8樣嘢食到啦～等咗大約10分鐘到其實每樣嘢食都ok架我哋叫咗一個自製手卷都幾得意既我哋仲叫咗一個蜆湯，勁好味如果未嚟過嘅人都可以嚟試吓，不過嚟過嘅我就唔會建議你哋再嚟lol朗豪坊有好多嘢食嘅，可以試吓佢哋架不過呢間餐廳竟然冇Wi-Fi真失望，相信而家d人都好需要wifiLOL希望你哋下次可以提供wifi俾啲客人啦如果有Wifi嘅話我下次嚟朗豪坊一定會再嚟食你哋d嘢食！！…查看更多