MoMo Café

營業中

休息中

有人覺得石門的沙田萬怡好隔涉，但對於筆者而言，都係一程車，就去到酒店門口，同出尖沙咀無咩分別。 因此，我偶爾會來這裡開餐，最喜歡30樓的酒吧，居高臨下俯瞰美景，不論中午或晚上來喝一杯，也是賞心樂事。 樓下的自助餐Mo Mo Cafe，我都食過幾次，週末會比較繁忙，我更喜歡在平日的晚上前來，吃得更輕鬆自在。 是次的主題，不是豬牛羊雞鴨鵝，而是『顏色』，彩虹派對。我是很喜歡色彩繽紛的東西，若大家有睇我IG既或會留意到。 凍海鮮一如以往的受歡迎，尤以開邊波士頓龍蝦為甚。其餘的蟹腳、青口及翡翠螺等，皆鮮甜。不得不提泰式生蝦，在別的自助餐地方很難找到。 熱食款式唔少，惹味的香辣魷魚鬚最討我歡心，炸雞塊、燒牛肉、煎魚，仲有矜貴的醬燒京慕海參，同埋燒味，樣樣食少少都足以抱著肚子離開。 西班牙海鮮飯是重點之一，大蝦、蜆、青口等材料，跟上口感尚佳的Bomba Rice，每一口盡是鮮味。 唔理三七廿一，冷盤沙律到中西式熱食，以致日本壽司，堆砌出一碟又一碟的大什燴，還有足料的燉湯，滿足矣。 以往食自助餐，胃納狹小的我甚少會碰粉麵的，不過呢度竟有麻辣和酸辣湯底（當然仲有清湯），驅使我又來一碗，與大家分享。 論

好嬲，未食過咁難食嘅自助晚餐!選擇唔算非常多，都算咩都有啲，但全部都唔好食!!!冷盤龍蝦、蟹腳、青口等，全部無味肉質淋滋滋。蟲草花猴頭菇瘦肉湯有苦味，把鬼!熱盤唯一得牛仔骨可以叫好味，其他食物仲差過啲街坊小廚。法式海龍皇湯即叫即煮，係第二樣可以入口嘅嘢~最後係甜品，布丁、pancake、蛋糕仔等。大家都話要食甜品先夠飽。壽星仔獲贈一件芝士蛋糕，無芝士味，又淋身，真係不知所謂。俾我唔會再去食，幾百蚊情願去食多幾碗車仔麵都唔好換來一肚氣!!

好朋友生日，近近地去試下石門呢間酒店buffet, 其實佢一開業已經想黎食，拖下拖下到依家先有動力黎，今次仲要由入坐食左3個幾鐘先走，真係好滿足，可以慢慢享受。餐廳仲幫我安排埋生日蛋糕比朋友，真係超開心冷盤有幾多選擇海鮮選擇都好多，仲有生蝦刺身龍蝦任食仲有田螺，真係好少見自助餐有得食，haha熱盤影得好少相，有焗蠔，炸魚柳好好味話明黎慶祝生日，緊係唔少得生日蛋糕啦，餐廳幫手安排，真係貼心，朋友好驚喜。

班老友，相約聚舊，吃番餐好野，上網介绍，找到沙田萬怡MoMo Cafe吃自助餐，價錢連加一5百多元折實421元。滿懷興奮心情，希望吃番餐美味的食物。當繞場一週，已令本人有點失望，食品擺設又如厨餘。品嘗食物後，4百多元吃一頓冇離味道，不新鮮的海產，魚生。出晒水的生菓，啖茂茂的甜品，冷冰冰的燒味。比預期天淵之別，真是大失所望。當晚只有吃了三杯雪糕，全晚只有交談聚舊。令本人和一班老友不約而同，大家一致不會再去。

去左好多次了，款式冇咩變，都係一樣，有些悶了。蟹腳加得快，吾使等，點品款式算多，芝士蛋糕好味，吾會太甜，車仔粉麵檔幾好，自己㚒，份量不會多，湯底不會冇味，比預期好。

我們一家12人，開開心心來到這間酒店食晚上的自助餐，點知一去到睇到的野食以心涼左一半，選擇品種小，食物質素差，出品的食物好多都無什麼味道，連一条鱼都差到咬不到，太韌，而我最愛的甜品和蛋糕款色都不多，仲要不好食，芝麻糊就清淡到就如開水一樣，為左飽肚點就去拿飯食，點知又是無味道，難食，海鮮中的長腳蟹的腳和開邊龍蝦仔都是不好食，長腳蟹腳淡而無味，開邊龍蝦仔無味得來又好韌，根本就無野好食，總之我們一家人都覺得今次中伏了，我們都話永不再來，食物水凖太差了。（最後我覺得可讚的就是整體環景是好的，坐得舒服，服務水凖就一般啦）。

食物比沙田其他酒店好，環境寧靜不迫，有不同餐枱適合不同類型人士，10人大圓枱、8人大方枱、4人梳化枱、有房間內4小枱等等食物有很多種類，長腳蟹、甜蝦、麵包蟹、青口麵都好新鮮！最值得讚係每張枱卓上有一筒號碼牌小朋友同長者，方便佢地去排隊order食物後，放低牌，整好後拎過黎，免卻細既倒瀉，長者企得耐！非常好！

提早慶祝母親節，酒店好有心，向度上網訂位，留左訊息話慶祝母親節，酒店竟然送上心意!雖然食物 款式唔多，但環境幾好，大家都食得好開心!估唔到佢有一大張大圓枱，一家十口食都傾到計，打破食自助餐一定係長枱嘅擺法!

有些地方，和不同的人去往往就有不同的記憶和感覺。 每次去親石門的萬麗，總會和一兩個漂亮又高貴的新朋友吃飯，無論是自助餐，酒吧，或是總統套房，都有幸地認識到新朋友，這個地方就如和艷福無邊劃上等號，有個雙重定義。 就如今晚碰巧又來到這邊office上班，放工後就會忍不住吃Momo cafe的自助餐，三百多，但可以享用一個非常好的自助餐，就如這裡的定義，石門萬豪，除了常有靚女，就是非常性價高的自助餐。 先談前菜部分，沙律吧驚喜連連，多種不同的凍肉較少見，青胡椒雞肉，啤酒凍腸和蒜味凍腸味道奇特，唔講唔發覺這裡的選擇是滿多滿特別的。 芝士有三種Camembert Cheese，Edam cheese和Emmental Cheese，三種都是外邊少見的貨色，愛芝士的便幫襯一下。 其他的前菜如沙律，煙三文魚也是正常選擇，反觀還有不少中式的前菜如滷鴨舌，酸辣蓮藕，桂花蕃茄，涼拌貢菜，這些很不常見的前菜，我以為我番左深圳食自助餐。 海鮮一路係呢個自助餐的主力，以波士頓龍蝦，蜆，龍蝦鉗，長腳蟹腳，青口，翡翠螺等等，種類繁多，而且上次驚喜的原因係三百元内的自助餐，有咁多種不同的靚海鮮可以包括在

由結婚到每年的周年紀念也會來到這間酒店吃晚飯或bufflet。他們的服務態度殷勤，也十分有禮。食物質素很好…我們會繼續把這酒店推薦給朋友。你們要加油，繼續維持咁好既質素。

說起香港變化大，真的一點也沒錯，早幾年前，有親友做開荒牛，搬入石門公屋居住，但整條村只得一間超市，衣食住行都要老遠跑去沙田第一城，荒蕪得以為去了山區。 係咁惡劣環境下，依然有間四星級酒店屹立多年，而且水準越來越好，有點匪夷所思。 好少地方既 Buffet，座位可以有不同配搭，大至私隱廂房，細至小圓檯，當中仲有卡位同大方檯，而且座位間闊落，每個食物區分得仔細，加上室外的自然光，令客人倍感舒適。 自助餐已不是第一次造訪，但每次入口就可以見到偌大的甜品區在向我打招呼。 不過愛吃海鮮的我，當然由回本位開始。 Seafood Station 以大約$450左右，已經有任食半開波士頓龍蝦及龍蝦鉗，大部分都有嫣紅的蝦膏，加上啖啖肉既龍蝦鉗，食多兩round都差不多回本。 另外，更有凍蝦、長腳蟹爪、青口及蜆，海鮮陣容雖未至於澎湃，但已經比當年越見進步。 灼料吧 朋友間都知在下是無澱粉質不歡，在灼料吧先挑選了菠菜麵，再落肥牛、 腸仔煙肉及雞肉，材料幾豐富，有興趣既，大可加埋旁邊既口水雞，湯底選了麻辣，食起來會惹味D。 刺身 有八

話說在沙田都住了好一陣子，好像還沒有到過萬怡酒店那邊吃吃看。今次選擇了位於香港沙田萬怡酒店入面的 MoMo Café，來試試這邊的自助餐，聞說這邊的自助餐價錢親民，食物稱心，所以滿懷期待的。 地方相當大，十分寬敞。 先看看前菜，有不同的Cold Cut、芝士，除了常見的煙三文魚之外，還有幾款蠻得我心的涼食，如四喜烤麩、涼拌貢菜、滷鴨舌、桂花蕃茄、酸辣蓮藕等，十分開胃的說。 凍海鮮當然是不能錯過的食物啦，例如波士頓龍蝦、龍蝦鉗、凍蝦、長腳蟹爪、青口及蜆。龍蝦除了啖啖肉之外，還有鮮味的膏，邪惡得很，吃完一碟之後我再encore了兩三隻呢；龍蝦鉗亦不賴，預先拆殼，咬落去啖啖肉，亦鮮亦甜。 麵包款式也算多的吧。 今次自助餐我決定破例食一次粉麵，因為我見粉麵的食材跟醬料向我招手，我自行選擇了不同的丸類跟牆料，以及麵底，也不錯喔。 到了法式部分，這是法式海龍皇湯的專用櫃位，以蝦、魷魚、魚柳、青口、蜆等幾款不同的海鮮炮製這個法式海龍皇湯。 廚師快快就已經把湯煮好，湯品相對稠身一點，味道也蠻濃郁的，鹹香味恰到好處，不錯。湯入面的海鮮也夠鮮甜，不錯。 田螺伴薯蓉，田螺份量相當多吧，而且

我哋七點鐘去到，條魚已經冇晒, 啲嘢完全冇refill , 每碟食物都好似食剩晒咁，味道已經一般，我全日冇食過野，不過見到啲賣相，都唔係好想食，好失望，雖然價錢每位打折後四百零蚊，不過情願啲嘢食好啲，貴少少都唔緊要，回家後我肚屙，可能我自己食錯某啲野，不過一定唔會再去。另外有個小插曲，用左okibook booked 左枱，點知佢話原來book咗上環嗰間，從來冇上環MoMo cafe 打比我 confirm , 打電話嚟通知我Booking confirm 既係沙田 MoMo cafe (因為我 play safe 用open rice 再book)，我打去問，當時小姐又話電腦未有顯示，不過如果經 okibook book咗嘅話應該冇問題，用歺完，佢地先話okibook 係 book 左上環🤨，今次經驗真係一個字「差」。

好久沒有吃自助餐 新界居民表示最近的酒店自助餐是沙田momos cafe已經來了很多遍 地點方便嘛這次晚餐 第一輪拿了一堆凍海鮮有龍蝦 長腳蟹 刺身 可惜沒有生蠔😭😭要吃點沙拉清新味蕾啊 倒了些牛油果油每人會有一盅燉湯 材料豐富😍😍 喝得出燉了很長時間燒牛肉烤得過火 而去切太大塊太厚 我喜歡沾著黑松露黃芥末醬吃呢最後有哈根大使任吃 有朱古力士多啤梨雲尼拿☺️☺️ 吃了3杯科科 只有中間這塊朱古力蛋糕好吃呢 其他都吃了一口就.... 放棄了

當晩只開半場，人數不滿。食物質素差了很多，海鮮不新鮮，長腳蟹可以，龍蝦硬到飛起，牛扒難吃，味道帶蘇味，燒物無味，菇和雞扒淡而無味，魚不新鮮，又不熱，海南雞不滑，燒鴨不脆，感覺失望。當晚唯有多吃菜和湯麵。另外，中式湯可以。去年食lunch buffet 反而覺得不錯，有中式蒸點心吃，様様都熱呼呼，很新鮮可囗，吃得津津有味。但當晚連我愛吃的中式蒸點心也沒有，dinner buffet 比lunch buffet 更少野食。訂枱時註明慶祝生日，結果一件cake仔也沒有。連阿囡都話無野食。幸好，穿黑色衣服部長服務質素好。