Mo Mo Kushiage

📍尖沙咀樓上居酒屋‼️· 必試鹽燒牛小排🤩 -- Mo Mo Kushiage🍢🥃·Follow @pigfoodiexhk for more food!🐷#pigfoodiexhk_尖沙咀#pigfoodiexhk_日本菜=======================呢排少咗出去食無咩貨，惟有po下舊相啦🤣上個月同@feedmelikemichelin去咗呢間位於尖沙咀厚福街嘅樓上居酒屋～呢到主打炸物串燒，亦有定食、送酒小食等等😛------------------------------⭐️鹽燒牛小排 $208 (4.7/5)呢個有驚喜‼️牛小排肉色粉嫩，咬落肉質軟腍無筋，仲有陣陣油脂香😍必試～•⭐️西班牙黑毛豚肉豬肋條 $188 (4.6/5)呢個同唔錯！豬肋條如果整得唔好通常肉質都會偏硬，但呢個完全唔會😛咬落好腍身，而且好juicy!·⭐️刺身五點定食 $238 (4.2/5)定食包咗烏冬、泡菜、麵、南瓜沙律～刺身有帶子、三文魚子、三文魚、天使蝦蝦、松葉蟹腳～小編最中意帶子同天使蝦，非常鮮甜！·⭐️串揚魚定食 $78 (4/5)正正常常嘅炸魚～唔係太特別🙈•⭐️酒盜芝士$68 (4.5/5)酒盜芝士鹹香十足，配埋香脆嘅多士一齊食，令人食唔停口呢🤩•⭐️秘製海膽醬凍豆腐 $58 (4.5/5)海膽醬濃郁！配埋嫩滑嘅豆腐好夾～------------------------------整體來講食物比預期有驚喜～我同朋友都好中意牛小排同豬肋條😻定食嘅份量得都好多，食完真係飽到捧住個肚走🙈------------------------------賣相：4/5味道：4.5/5性價比：3.8/5回頭度：3.5/5------------------------------店舖資料名稱：Mo Mo Kushiage地址：尖沙咀厚福街12-12A號藍馬商業大廈21樓前往方法：尖沙咀B2出口…查看更多

每個星期都要有一次食日本餐，雖然夜晚禁堂食，搵好嘢食冇難度！尖沙咀 @momokushiage 有午間居酒屋之稱，定食、炸物樣樣齊!先來兩款人氣小食：⭐️秘製海膽醬凍豆腐⭐️生明太子 ⭐️Lunch set : 蒲燒鰻魚 ⭐️Lunch set：鹽燒牛小排 (定食跟白飯、麵豉湯、前菜，還可追加小食、甜品、啤酒）⭐️炸串拼盤 (冬菇、火腿芝士、帶子三文魚子、安格斯牛柳西冷、天使蝦、蘆筍、日本🐽梅肉&子特昆布)最欣賞大大隻天使🍤&帶子，炸功一流，完全保留到海鮮肉嘅水份😋😋⭐️最後來杯🍇提子乳酸梳打🍹，一個字「爽」。…查看更多

自從沒有了晚市堂食，我們多了假日下午出外吃飯，享受一下二人世界！今次，去了一間日本串燒居酒屋，在尖沙咀厚福街， 十分容易找到！星期六都有午市套餐去到居酒屋，一定要叫啲酒飲下淺間梅子甜酒(右)和淺間蘋果甜酒( 左)$65/杯兩杯都好易入口，蘋果和梅子的味道十分出，個人喜好蘋果，有種清香的味道除了午市套餐，我們還叫了幾款前菜和串燒。日式海膽醬凍豆腐$28通常都係配芝麻醬，呢個配上海膽醬，感覺特別，所以試下。豆腐好滑，吃得出海膽味，不怕太咸雞頸肉串$32/串雞頸肉脂肪和肉的比例啱啱好，燒完之後更加香脆！雞腎串$32/串雞腎好有口感，有咬口而不會鞋鹽燒牛舌串$68/串每次去串燒店，都一定會是我的最愛牛舌這個牛舌十分厚，好有油香，且夠淋，啱啱好！好豐富串揚豚肉定食$108午市定食附送前菜、沙律、麵豉湯而炸串定食附送白飯/ 茶漬飯/烏冬/蕎麥麵我就選擇了烏冬呢個串揚豚肉有四串，兩串味噌豬柳、兩串芥末豬柳串揚豚肉炸得十分鬆脆，外面脆，裏面豬柳肉質十分淋，肉味濃，配上兩款醬汁都十分夾前菜、沙律、麵豉湯都不錯，前菜係泡菜，沙律係南瓜沙律，健康又好味。刺身五點定食$238定食同樣有前菜、沙律、麵豉湯，還有白飯刺身有三文魚、天使蝦、松葉蟹腳、三文魚籽和帶子，款式足夠，每款都有兩片，方便與朋友分享，刺身質素不錯，份量足。雖然沒有晚市，幸好還可以在午市享用喜愛的串燒！…查看更多

我血管想旅行。個肚都想旅行。我地係尖沙咀食左當去左關西吧刺身五點定食刺身有三文魚、赤蝦、帆立貝、松葉蟹柳、三文魚籽。三文魚大件又厚肉，新鮮而且油脂分佈平均；老公話帆立貝厚身鮮甜，仲食埋我那粒；松葉蟹柳鮮甜；三文魚籽好新鮮，卜卜脆，仲有珍珠米飯，一定飽。串揚牛定食炸脆既外層好鬆化 口感外脆內軟，雖然油炸，但不油膩。主角係牛肉取自西冷牛肉，鎖緊肉汁，一口一粒牛，好方便，蘸上秘製柚子醬油，勁惹味。每個定食都配南瓜蓉沙律，漬物，麵豉湯，飯既，不過天氣仲係凍凍地就食個湯烏冬，滑溜的讚歧烏冬好鬼正。南瓜蓉沙津很清新，麵豉湯都滿滿既炸腐皮。點少得串燒雞心爽口，雞腎厚肉，仲有牛舌肥大肉厚，燒得軟軟既，油脂很香，基本上串燒唔錯，燒到火喉剛剛好，送酒一流。仲有炸芝士魚餅，切開見到滿滿芝士，仲有爽口微甜的魚餅，襯熱先好食。Chill 返杯酒先，我們比較喜歡果味酒品，就飲柚子檸檬很醒胃，梅酒帶出酒香及梅的微酸。…查看更多

日本炸物聞名，除了天婦羅之外，炸串亦很受歡迎，今次朋友推薦新開的日本炸串小店店內全用上木系裝修，正宗日本居酒屋環境menu 選擇很多，食物圖片很吸睛，令人垂涎欲滴食串燒當然要生啤一下，而我就揀無酒精巨峰乳酸除了出名炸串外，串燒亦是受歡迎之一鹽燒日本雞肉/雞腎串燒，只用海鹽調味帶出食物鮮味道5點刺身定食 $238各款刺身十分新鮮，天使蝦很大隻，鮮甜新鮮不得了，配上木魚花豉油，不是一般普通日本豉油，帶出刺身鮮味串揚牛定食 $128牛西冷，喜歡日本炸粉薄薄一層，不太厚，牛肉肉汁味濃，配上自家製紅酒酸醋汁，醒神又開胃當然要必食鎮店炸串名物蝦餅三文魚籽 $58賣相已經很吸引，滿滿大粒三文魚籽，內裡填滿新鮮蝦肉，再加上自家製紅酒酸醋汁，絕對令人難以忘懷整體食物質素高水準，必定回頭和推介…查看更多

又黎到厚福街搵食，禁堂巿之後，拍拖出街都要約食lunch or yea time🥺 不過有個好處就係日頭食飯抵食過夜晚🤓今次係樓上鋪黎，居酒屋feel，環境舒服😌 午巿定食好抵，有湯有配菜，好豐富😜刺身五點定食 💰238好味度：💛💛💛💛刺身餐算係定食入面貴少少🤏🏻 個質素絕對對得起價錢！有魚子、蟹柳、帶子、三文魚同大蝦刺身，件件都好新鮮👍🏻 當中最出色係帶子，鮮甜味十足🤩🤩 定食仲會包埋泡菜、沙律同海帶湯的，但呢個盤裝唔哂😂😂串揚豚肉定食 💰108好味度：💛💛💛💛呢個餐主要係蕎麥面同四串炸豚肉配搭兩款醬汁，一款係wasabi，食完好醒神🤣🤣 另一款係燒烤汁。不過店員仲會提供一碟汁for串燒，建議點！酸酸地好開胃的！👍🏻 蕎麥面最鐘意就係個湯汁可以自己決定倒咩落去調味，我自己就咩都放哂既😂 食得出wasabi係磨出黎，好香唔會話太攻鼻。生明太子 💰38好味度：💛💛💛明太子咸咸地，配酒當小食不錯👌🏻芝士魚餅 💰28好味度：💛💛💛💛要襯熱食啲芝士仲係軟心😍 魚餅係甜甜地的，有彈口，小朋友應該都會好鐘意既類型🤓柚子檸檬酒 💰65生啤 💰58柚子檸檬酒有驚喜👏🏻👏🏻 好似飲緊果汁咁清爽，女士都岩飲人均消費: 💰295(已加一)-環境:💛💛💛💛服務:💛💛💛💛推薦:💛💛💛💛-餐廳: Mo Mo Kushiage 地址: 尖沙咀厚福街12-12A號藍馬商業大廈21樓…查看更多

夜晚無堂食，星期六同老公出街食early dinner。午市定食配有麵豉湯、泡菜、南瓜沙律、飯，好豐富而且味道唔錯。五點刺身定食刺身有天使蝦、三文魚、帶子、松葉蟹腳、三文魚籽，全部都好新鮮肥美，滿足左好耐無食刺生既我。三文魚西京燒定食三文魚好肥美，燒得岩岩好。芝士魚餅啲芝士溶溶地，一齊食好正。鹽燒厚牛舌、雞心牛舌好好食，厚肉又有肉汁。雞心口感軟腍，無腥味。雞皮、日本海鰻魚、西班牙黑豚豬頸肉全部都好香脆，特別係外皮卜卜脆，醬汁又好夾，好味道。飲品叫左烏龍茶割燒酎同八千代薩摩芋燒酎，食串燒同炸串配酒一流。…查看更多

很久沒試過農曆新年前不停約朋友出來聚會，為的都是想支持飲食業，點了2款午餐定食～午餐刺身五點定食(新鮮刺身勁正)，串揚豚肉定食(推介沾的酸汁，跟炸物好夾)，定食配上蕎麥麵好正，加了鵪鶉蛋的醬汁超滑溜，誰說只有夏天才可吃蕎麥麵，冬天吃都另有一番風味。另外叫了一些小吃～唐揚雞翼(熱辣辣外脆內軟)，芝士魚餅(濃香芝士，香口魚味)，日式海膽醬凍豆腐(冰凍配咸香，一絕)，吃炸物當然要配冰凍的飲料～冰凍梅酒，Suntory生啤。…查看更多

之前去Osaka除咗必食大阪燒😋仲有串揚名物必須惠顧!!而家距離日本二千幾公里實在太遙遠…好彩近近哋喺香港都有得食啫！今次就去咗TST呢度食午餐！！. ✨日式海膽醬凍豆腐 $28濃濃海膽味嘅醬汁覆蓋喺實淨嘅滑豆腐上面！稱職嘅冷盤！. ✨唐揚雞翼 $38炸芝蔴雞翼係居酒屋常出現嘅款式！味道不過不失！如果可以炸得再脆身啲會更滋味！. ✨串揚魚定食 $78係炸海鰻x2😛軟腍無骨嘅鰻魚肉加咗炸粉脆層加持！口感層次更豐富！另外芝士三文魚x2😛一睇啲半溶芝士已經知邪惡啦！Nice！另仲配有茶漬飯！唔錯唔錯！. ✨串揚牛肉定食 $128牛西冷x4😛即係吉列牛！外脆內軟！肉質一啲都唔嚡！沾埋醬油食有另一番風味！呢個揀咗要熱烏冬！另外兩個定食同樣附送好清甜美味嘅南瓜沙律🎃同麵豉湯＋日本泡菜👍👍. ✨ 鹽燒牛舌串(兩串) $68@牛舌帶炙燒過嘅香氣😍😍有咬口得嚟唔過韌！正！.✨ 雞頸肉串(兩串) $32@有別於其他部位嘅雞肉質感！比較爽口！特別嘅部位哦！.✨ 烏龍茶割燒酎 $68茶味比較重！啱哂日光日白嘅小酎氛圍！. ✨京姫柚子檸檬 $65清新柚子味！比較易入口！幾好飲！…查看更多

今午應友人邀約到此日式食肆。朋友說這裏所提供的飲料和食物不錯，就交由他安排吧。 淺澗蘋果甜酒使用日本長野縣的蘋果製成的甜酒，口感清甜，加入冰粒更清爽。 烏龍茶割燒酎朋友喜歡這烏龍茶割燒酎，說燒酎糖份和卡路里較低，入口嚐到烏龍茶的清香及酒香餘韻，層次豐富。食物陸續送上 日式海膽醬凍豆腐 冰凉豆腐質感幼滑，配上鮮甜的海膽醬和清香的葱花，用作前菜合適不過。 芝士魚餅魚餅魚肉彈牙，流心芝士味香，配搭起來味道不錯呀 唐揚雞翼一客兩只雞翼炸得香口入味，表皮酥脆而不油膩。 串揚牛肉定食定食除了主菜，還包含味噌湯、南瓜沙律、泡菜和白飯。四件串揚牛肉，薄炸醬裹住牛肉味濃、肉質細嫩的西冷牛切件。沾點口感清爽，味帶微酸的柚子酸汁，增添多一重口味。 刺身五點定食刺身五點含各兩件的三文魚、天使蝦、松葉蟹腳和帶子，另有一小碗三文魚籽。每款刺身均新鮮無比，肥美的三文魚，口感結實彈牙的天使蝦，鮮味的松葉蟹腳和帶子，晶瑩剔透、極盡鮮味的三文魚籽配飯一流。與好友共飲、品嚐美食，絕對是人生一大快事。…查看更多

放假終於可以去堂食返餐好嫁喇😮‍💨為咗唔好浪費假期 揀咗間睇落唔錯既居酒屋🏮下午茶時段去到 人流唔算好多入門口就可以望到慣常見到既燒爐位🍖坐位擺設好有秩序 環境都幾舒服四周仲有好多日系擺設 包括有我好喜歡既酒樽系列🍶-黎到居酒屋 第一時間都會睇吓佢地既食物種類多唔多咁都好放心 呢度既種類係多不聲數🤭另外要讚一下店員好細心既介紹 好好禮貌👍🏼由上至下都照顧得好周到 一個人走全埸 呢個credit要俾佢🎖除咗餐牌上既野食 店舖仲新出咗好抵食既二人前😲有生蠔和牛同佢地主打既串揚 好岩蠔友食😋唔岩食蠔都唔緊要 仲有一系列新出既特色串揚同燒物料理🤤淨係諗野食都已經會令到你頭痕 選擇太多🤣-🔸沖繩苦瓜刺身沙律從未食過一個有苦瓜既沙律係如此吸引🤩沖繩苦瓜係堅苦 記得阿媽話過 苦瓜唔苦係唔好食😂呢個苦瓜苦得黎有一種好清新既感覺😌苦瓜好脆口 雖然苦但完全無個種草青味🥒三文魚刺身好新鮮肥美😋沙律黎講佢算係厚切底層仲有其他爽脆既沙律菜 食完上黎好有口感🥗最緊要個沙律汁 問過店員佢叫 “賀分汁”呢個酸酸地既沙律汁好好食 而且仲好開胃👍🏼建議唔好一次過倒落去 因為都有少少咸 慢慢加會比較好🤤-🔸黑松露牛油炒什菌松露味夠晒濃郁 牛油炒既什菌都無油膩感😌看似係普普通通既炒什菌 但係味道十足鐘意食菇類既朋友都可以試吓 炒得幾好食🥢-🔸松葉蟹甲羅燒即叫即燒 送上枱時已經香氣撲鼻😶‍🌫️蟹膏完全無腥味 襯佢熱既時候食係最好可以見到一絲絲既松葉蟹絲係入面🦀啖啖蟹膏送入口 呢個簡直係人間美食🤤師傅仲放咗少少脆脆係蟹膏上 增加甲羅燒既口感配上烘到金黃色既麵包食 完全唔會覺得腬👍🏼-🔸燒雞皮串🔸燒大蔥雞肉串雞皮燒到粒粒脆口 唔洗加啲咩調味都已經覺得好好食😋雞皮既油份迫咗出黎 所以燒起上黎特別香🐓雞肉串都處理得唔錯 燒完既大蔥唔會有個種好抗拒既味道🤭肉質又唔會燒到乾身”鞋十十” 配上燒汁味道演繹得好出色🧂-🔸串揚牛定食點都要食吓佢地既主打串揚既🍤每個定食都好豐富 除咗有主菜之外仲會有南瓜沙律 泡菜 飯/麵 同麵豉湯🍱麵豉湯幾好飲 因為佢唔會係好咸個隻入面會有少少配料 味道係令人舒服既😌至於佢既串揚 真係做得好出色👍🏼炸脆既外層一啲都唔厚 好鬆化 口感係好好第二樣要讚既係佢無多餘既油份殘留係度 係好乾爽🤤第三樣要讚既係牛肉依然保持到肉汁唔韌😋成個定食都俾到一種好豐富好驚喜既感覺我🥰-🔸鹽燒牛小排定食定食跟餐既都係大同小異 所以就唔特別多講主要講下佢個主菜鹽燒牛小排🧂🐂望落紅嫩既牛小排 牛味燒到出晒黎 一索入魂😶‍🌫️牛肉味道好出 油脂比例平均 所以牛肉唔會韌肉質好軟腍 燒既時間掌握得好好 絕對係唔可以錯過🤤牛小排配上一個紅酒酸汁🍷有助減低油膩感之餘亦會提升口味如果覺得定食太多既 可以選擇散叫呢個牛小排都可以👍🏼-🔸京姬 柚子x梅酒🔸三得利 生啤去居酒屋都要淺嚐一下既🍻佢呢款梅酒好岩唔太飲酒既朋友因為酒精味道唔重 好易入口 而且仲好清甜🥃而鐘意飲酒既朋友都仲有好多sake既選擇🍶飲下飲下唔覺唔覺又一杯嫁喇😆-唔洗俾吸血既收費就可以品嚐到好高質既居酒居👍🏼食物質素不用懷疑 上黎飲返三四杯都係必須如果可以多啲朋友一齊上黎刷返餐仲正 可以試更多料理🥳-🧸🌞C.ookngbear推介指數 👉🏼👉🏼🔟🌟…查看更多

尖沙咀真係好多人, 尤其食飯時間! 所以今日選左樓上餐廳遠離塵囂, 店員因應我哋對食物嘅喜好而作出建議, 親切有禮貌👍🏾午市 - 串揚海鮮定食🍱 $158整個餐都幾大份, 海鮮串有帶子, 蟹腳, 炸蠔(本身為鯡魚籽昆布不過店員話來貨唔靚所以改其他, 可見佢地好睇重食材)餐點送到後店員提醒必須要先食炸物(點燒汁), 因熱食更美味, 帶子咬落外皮炸物十分薄而且十分香口, 內裡為鮮帶子, 肉嫩多汁☺️而飯我選左茶漬飯, 面頭有白飯魚同昆布, 配埋飯一齊食係幸福既感覺呀🥰另外我經常都好睇重麵豉湯係自家製定沖劑, 呢度自家製仲要配菜多👍🏾關東煮(五款)🍢$118五款菜式都好大件, 而且煮得非常”淋”湯味入哂去, 令我回憶起日本的味道🥺 而呢個份量嚟講, 我覺得2-3人前都唔過份西班牙黑毛豚肉豬肋條🐗 $188豬肋條煙熏味濃, 肉質細嫩而油脂分怖平均, 配上少許辣蘿蔔蓉進食, 整個口感更加豐富有層次🤌🏽京姬柚子檸檬(杯)🍶 $65平日好少飲酒精飲品, 但配上一個咁有日式風情嘅地方都忍唔住叫咗杯嚟飲, 原本以為柚子味好重, 點知酒精同柚子味都同樣出, 心情為之放鬆一下😙…查看更多

Mo Mo Kushiage位於尖沙咀厚福街，地點便利餐廳主要菜式是日式串炸，這道料理由大阪的開始發祥，漸漸成為大阪必吃美食之一現在未能去旅行的日子，可以不用越洋就能吃到大阪美食，小編感到莫名期待及興奮前菜 $28鮮甜紅蘿蔔，沙葛及青瓜配合芝麻味噌醬及辣甜醬味道非常清新開胃果味汽水(巨峰提子) $38巨峰提子果汁加入微碳酸，口感清爽刺激秘製海膽醬凍豆腐 $58這個秘製海膽醬味道濃郁不苦澀而且甘甜，質感細膩配合凍豆腐一起吃，令人一試難忘沖繩苦瓜刺身沙律 $88沒有烹調過的沖繩苦瓜帶淡淡的甘澀味，這陣獨特的甘苦味正好增加食慾三文魚刺身肥瘦均勻，口感柔嫩這道是一道非常開胃的前菜北海道粒貝 $328餐廳使用活粒貝製作，肉質纖細幼嫩帶咬口，味道爽口清甜，帶淡淡海水味日本蠔 $58茄子 $28蝦肉釀茄子 $38蝦肉釀青椒 $38芝士三文魚親子串 $68日式年糕 $28帶子三文魚子 $58鹿兒島黑豚豬梅肉 $48炸串外皮口感酥脆，外脆內軟但裡面食材的原汁原味保留著，再沾上醬汁來吃， 非常美味黑松露牛油錫紙焗雜菇 $88當切開錫紙時，黑松露及雜菌的香味撲鼻而來用錫紙包住來燒，味道十分濃郁總括而言，小編覺得餐廳用料優質，食物美味而且餐廳注重清潔，踏入大門已經聞到陣陣滴露消毒， 令人用餐感到放心…查看更多

依家冇咗晚市 唯有中午同朋友出去食好啲所以我哋揀咗喺尖沙咀嘅 mo mo kushiage餐廳都有好多款午市定食我哋揀咗一個刺身盛合 同牛之串揚定食刺身嘅份量比我想像中多帶子同松葉蟹腳10分鮮甜平時好少天使蝦嘅刺身第一次食估唔到又幾彈牙 蝦味都好濃三文魚魚油亦都好香牛之串定食雖然外面有炸過 但裏面嘅牛柳粒一啲都唔老仲好Juicy咁開心 我同朋友都叫咗一杯柚子梅酒同乳酸汽水柚子梅酒 甜甜酸酸 好易入口好少餐廳有雞心串我哋見到即刻叫咗嚟食雞心嘅肉質好彈牙 師傅燒得好惹味西班牙黑毛豬豚肉豚肉油脂感十足燒得好香雞頸肉串雞頸肉10分嫩滑大葱雞肉串雞肉配上大葱再加上秘製醬汁 令人齒頰留香最後就係最愛嘅燒白鱔白鱔燒到外皮香脆香脆嘅外皮 加上嫩滑嘅魚肉一絕👍🏻👍🏻…查看更多

岩岩趕完個大PROJECT, OT左好多晚報告完之後都兩點幾, 老細就好好人咁比我地休返半日叉返電講到明第二日要準時返工!點都好啦, 早放就搵個好地方食下野慰勞下自己!同事話帶我去厚福街Mo Mo Kushiage 食好野因為已經兩點幾, 所以上到去冇咩人, 依架咁既抗疫時勢食得仲安心既, 入面環境乾淨, 幾有日本居酒屋FEEL生黑啤-$68我就唔理咁多, 一黎到即刻叫杯啤酒先, 入口好重麥味, 好好飲, 一啖飲左半杯, 好減壓呀!柚子檸檬-$65同事就叫左D杯, 柚子檸檬味都幾濃既酒, 佢話飲完好開胃!串揚牛肉定食-$128同事叫左D個, 佢請左我食左串牛, D個牛我真係之前未食過, 之係用吉列手法做既牛肉, 吉列好鬆脆, 而且個牛肉都好嫩滑, 咁做好得意好好味, 而且SET仲有沾烏東, 南瓜沙律, 泡菜, 麵豉湯, 好抵食!午餐刺身五點定食-$238我叫D個一上枱我就哇左聲, 因為真係好靚呀! 分別有三文魚, 天使蝦, 帶子, 松葉蟹腳同埋勁大粒既魚籽, 見到都好想食, 我既食法就係唔理咁多, 將D魚籽放晒入白飯度送飯食, 令我一邊食飯, 一邊有啖啖既魚籽香味, 咁樣太幸福啦! 其他樣樣刺身都好好味好新鮮, 但我最鐘意既係天使蝦, 大大隻又夠鮮味, 仲要完全冇腥味, 我真心好推薦!!!另外我想提個南瓜沙律超級好味, 出面好少食得到, 真心誠意之作呀!!!牛舌-$68食完自己個SET雖然其實都夠飽, 但我地唔夠喉! 所以開始叫串燒, 首先既牛舌好肥美, 口感好好, 食完有種活著多好既感覺!大蔥雞肉串-$38雞肉好嫩滑, 而且個汁好開胃, 送酒真心一流!燒白鱔-$168D個燒白鱔幾抵食, 出面某D得兩舊都成八十幾九十蚊, 依架有咁多舊先百六多D, 而且食落好正, 外皮好脆口, 白鱔肥美得黎有魚味, 我地都好鐘意松葉蟹甲羅燒-$128D個係超邪惡, 令人超期待既食物, 甲羅燒唔止有蟹膏, 仲有蟹肉, 鵪鶉蛋, 蔥花咁, 好惹味好香口, 不論係就咁食或者係配多士食一樣都係咁正!食物質素高, 服務環境都一流, 同事真心好推薦! 食完叉足電咁, 老細, 我可以明天準時返工了!…查看更多