影片
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
已經係第二次幫襯觀塘門市，今次比上次好食！朱古力冬甩 $20普普通通好一般蜜糖波提冬甩 $19波提世一🤤好鍾意佢煙韌嘅口感，加埋甜甜哋，超好食！原味扭紋冬甩 $19扭紋外層有一層微甜嘅糖霜，加埋扭紋食落嘅口感，好不得了！波提>扭紋>普通款
繼續閱讀
每次經過都排曬長龍，想買又唔想浪費太多時間排隊。點知上星期五15:20分冇乜人，難得唔使排隊就買到，當然要試下啦！每人限購10件冬甩（波提限購4件），付款方式有八達通/支付寶/微信/visa卡。當日只想買一件試下，我鐘意食吉士醬，所以買左吉士忌廉冬甩。買一件會用紙袋裝，可以拎住即刻食。⭐吉士忌廉冬甩$20size比想象中細，吉士醬偏甜膩，頭一兩啖冇乜醬，食到剩三分之一先爆餡，麵包算鬆軟，但食唔出有咩特別。整體而言好普通，味道冇驚喜，食完冇滿足感。呢個價唔算貴，但我寧願比多少少買西樹泡芙食。下次我試下佢地最經典嘅波提，如果波提唔好食，其他應該唔洗試。
繼續閱讀
第一次食，排左35分鐘，整體不錯，但不要捧到上天，士多啤梨味冬甩和忌廉包都好好食，不太甜，鍾意食冬甩的會再幫襯，個人覺得不過不失，如果下次食要再排隊就不必了，哈哈哈！
繼續閱讀
呢間舖我喺台灣同日本見過經過無數間但從來都冇買過，呢間只係喺觀塘開啲人就一窩風排隊買，人龍都好誇張。今日閒日有野做經過，見條隊只係小貓三四隻，諗都唔諗就去買。我買左朱古力同士多啤梨波提。正常普通野，軟林林少少煙韌咁樣啦，唔係好食有驚喜嘅野。出奇地嘅係士多啤梨好味過朱古力。試完喇，唔會再買黎食，好普通嘅冬甩，廿幾蚊一件細件野都唔平，我買某超市冷藏版翻熱好過，完全唔值排咁耐去買，相信好多人都試過後都唔會專登排隊。
繼續閱讀
之前成日見到有人排佢，咁啱前幾日食咗間沖繩烏冬店（有冬甩波提甜品嗰間）。想買嚟比較一下。 等位/入座： 明顯冇堂食，要排隊買，排咗大概五到十分鐘。 上菜/落單：店員提醒每人限買六個冬甩四件波提。 唔知平日係咪咁。 食物： 波提食落去鬆軟但係唔煙韌。 原味波提味道口感唔差，但冇令我想繼續食落去嘅感覺。 仲叫咗果天使奶油冬甩。奶油同埋冬甩嘅糖霜唔會太過火，唔會太甜都唔會太膩。 但就係唔會令你想再食囉。 總結：我會明啲人點解會排隊嘅，都會明點解會買。每人口味唔同，自己鍾意煙韌啲嘅波提，對比下之其他餐廳食嘅會好食啲。
繼續閱讀