Mister Donut

今日突然想買個午後甜品，就走左上APM 間MISTER DONUT，次次行過都見好多人排隊， 今日見有幾個人唔算多，所以就買黎食下。$110 有6個。 CHURROS +$2埋單 $112 ， 波堤每人只限買4個所以揀左4個黃金蜜糖波堤; 一個士多啤梨 CHURROS + 一個雙重朱古力冬甩士多啤梨 CHURROS 係落單時見佢新推出黎， 就買黎試下。 口感都唔錯， 幾香。 唔算好甜。不過個人都係鐘意黃金蜜糖波堤， 好似有D甜既原味， 口感又唔錯，有D咬口，煙煙韌韌，正。 又唔會死甜。 下次行開有機會都會再買黎試下。…查看更多

在香港開了一段時間的 Mister Donut， 之前路過都見要排隊就放棄。沒想到這次路過碰巧沒什麼人，就立刻捉緊機會買一盒回家。這次買的是自選6個「迷你派對」盒裝（HKD 110）一盒最多可選4個波堤，其餘就要選冬甩。🍩經典原味波堤、黃金蜜糖波堤、士多啤梨波堤可以選的口味並不多，波堤Q彈的麻糬感和在日本吃的一樣。帶點脆甜的黃金蜜糖不錯，士多啤梨不會太甜也可以。🍫朱古力冬甩、天使奶油冬甩冬甩偏麵包感多點，天使奶油口味則會更鬆軟一些。外層朱古力都幾濃厚，配上同是朱古力的冬甩不會太甜膩。奶油的內餡頗輕盈柔滑，整體也不錯。…查看更多

今日2025年8月3日，星期日，冇人排隊，走去買，點知態度極差，老闆會唔會睇到我個評論，嗰個冇戴眼鏡夾Donut嗰個女仕，今日中午12:24.要快啲跟進下,態度簡直係趕客…查看更多

剛開業嘅時候日日大排長龍，所以冇機會試食😮‍💨都唔明白點解咁多人排隊…今日經過終於試到✨✨✨.今次試左黃金蜜糖波堤🥰口感煙煙韌韌，有淡淡蜜糖味🍯但不死甜👍🏻雖然炸過但冇油膩感，推薦✨✨…查看更多

已經係第二次幫襯觀塘門市，今次比上次好食！朱古力冬甩 $20普普通通好一般蜜糖波提冬甩 $19波提世一🤤好鍾意佢煙韌嘅口感，加埋甜甜哋，超好食！原味扭紋冬甩 $19扭紋外層有一層微甜嘅糖霜，加埋扭紋食落嘅口感，好不得了！波提>扭紋>普通款…查看更多

每次經過都排曬長龍，想買又唔想浪費太多時間排隊。點知上星期五15:20分冇乜人，難得唔使排隊就買到，當然要試下啦！每人限購10件冬甩（波提限購4件），付款方式有八達通/支付寶/微信/visa卡。當日只想買一件試下，我鐘意食吉士醬，所以買左吉士忌廉冬甩。買一件會用紙袋裝，可以拎住即刻食。⭐吉士忌廉冬甩$20size比想象中細，吉士醬偏甜膩，頭一兩啖冇乜醬，食到剩三分之一先爆餡，麵包算鬆軟，但食唔出有咩特別。整體而言好普通，味道冇驚喜，食完冇滿足感。呢個價唔算貴，但我寧願比多少少買西樹泡芙食。下次我試下佢地最經典嘅波提，如果波提唔好食，其他應該唔洗試。…查看更多

第一次食，排左35分鐘，整體不錯，但不要捧到上天，士多啤梨味冬甩和忌廉包都好好食，不太甜，鍾意食冬甩的會再幫襯，個人覺得不過不失，如果下次食要再排隊就不必了，哈哈哈！:)…查看更多

呢間舖我喺台灣同日本見過經過無數間但從來都冇買過，呢間只係喺觀塘開啲人就一窩風排隊買，人龍都好誇張。今日閒日有野做經過，見條隊只係小貓三四隻，諗都唔諗就去買。我買左朱古力同士多啤梨波提。正常普通野，軟林林少少煙韌咁樣啦，唔係好食有驚喜嘅野。出奇地嘅係士多啤梨好味過朱古力。試完喇，唔會再買黎食，好普通嘅冬甩，廿幾蚊一件細件野都唔平，我買某超市冷藏版翻熱好過，完全唔值排咁耐去買，相信好多人都試過後都唔會專登排隊。…查看更多

之前成日見到有人排佢，咁啱前幾日食咗間沖繩烏冬店（有冬甩波提甜品嗰間）。想買嚟比較一下。 等位/入座： 明顯冇堂食，要排隊買，排咗大概五到十分鐘。 上菜/落單：店員提醒每人限買六個冬甩四件波提。 唔知平日係咪咁。 食物： 波提食落去鬆軟但係唔煙韌。 原味波提味道口感唔差，但冇令我想繼續食落去嘅感覺。 仲叫咗果天使奶油冬甩。奶油同埋冬甩嘅糖霜唔會太過火，唔會太甜都唔會太膩。 但就係唔會令你想再食囉。 總結：我會明啲人點解會排隊嘅，都會明點解會買。每人口味唔同，自己鍾意煙韌啲嘅波提，對比下之其他餐廳食嘅會好食啲。 …查看更多

以前去旅行都食過嘅🍩Mister Donut ，一直念念不忘，依家香港都有啦，每次經過觀塘同尖沙咀店，都見到人頭湧湧，排隊隊伍好長，今次揀喺平日non peak hour過嚟，但依然旺場，另外知道佢哋沙田分店即將開幕，方便多啲人食到😍🤍經典原味波堤🍩邪惡朱古力波堤🍓士多啤梨波堤🍩雙重朱古力冬甩🍓士多啤梨朱古力冬甩🍩經典朱古力冬甩🍓士多啤梨冬甩🍩朱古力冬甩自己最鐘意波堤系列，口感十分煙韌，士多啤梨同朱古力都好好食唔會太過甜，合適甜度，好好食😋其他冬甩味道偏甜啲大件啲，食完都幾飽肚，一樣係鐘意士多啤梨味😋留意有啲味道受歡迎好快賣晒，想食早啲買啦👀💰$110/6件💰$180/10件…查看更多

Mister Donut (APM)🍩日本人氣甜甜圈Mister Dount 到咗香港登陸在APM，波提系列係招牌之作深受港人最爱，雖然排隊也值得試試，口感外脆內裡煙韌之餘，甜度剛好，我喜愛朱古力及士多啤梨味，真的不錯😋👍🍩…查看更多

平日3,4點忙完一輪工作終於放飯見到Mister Dount極少人，即刻衝去買10個味試吓！(有兩個未影相就食左)首先我買左波堤4個 ，每個味道一款❤️法式扭紋，原味同朱古力❤️朱古力鬆脆冬甩❤️雙重朱古力冬甩❤️天使奶油冬甩及吉士忌廉冬甩波堤必定買！個口感好得意！咬落脆裡面好煙韌味道呢~個人偏向黃金蜜糖，上面有少少糖霜，少少甜就ok 。朱古力同士多啤梨嘅味道都好有日本嘅風格。法式扭紋比我想像中更軟，以為會同波堤一樣外脆內軟，返而有少少似係好軟唔油嘅油炸鬼🤣鬆脆冬甩就顧名思義鬆脆，同樣都係有日本風格嘅朱古力味。反而雙重朱古力冬甩的朱古力味道就比較立體，唔會太死甜，口感上都比較厚實奶油冬甩同埋忌廉冬甩可能因為最後一個食，前面試咗好多唔同冬甩，有啲飽，所以兩個味道試咗一啖已經好滯(應該係我問題) 但係係好味，好豐富嘅奶，口感同雙重朱古力冬甩一樣。如果下次再去買嘅話我應該只會買黃金蜜糖波堤四個，得波堤有驚喜嘅感覺，唔怪得知大家都極力推薦！同埋好彩今次唔使排好耐隊但係都等大約7~9分鐘，我覺得已經好快，辛苦晒啲店員，佢哋手腳真係好快。如果條隊好長我都未必會去買，因為佢有限購波堤唔可以買多過四個，如果要等成半個鐘或以上好似唔係好抵價錢因為買咗10個所以係$180，咁我覺得呢個價錢嚟講都算係幾好食。如果喺附近返工嘅朋友仔可能朝早買完，晏晝食都幾好，有時見到朝早條隊都唔係好長…查看更多

Mister Donut 新店開左喇！ 呢幾日都見佢大排長龍、打晒蛇餅！就等懶惰二人組一齊去試吓佢啲冬甩啦！必試推介：1️⃣朱古力鬆脆冬甩 ($20) 「鬆脆香口嘅冬甩上，有一層薄薄嘅朱古力，好似食緊曲奇餅咁！」2️⃣天使奶油冬甩$20 「軟綿綿的外皮鋪滿糖霜，內餡是又甜又滑的奶油忌廉！邪惡滿分！」3️⃣朱古力冬甩 $20 「經典款式！冬甩煙靭，口感同味道都唔錯！」4️⃣法式扭紋 $19 「口感十分鬆軟，沒有內餡，相對普通。」🌟🌟🌟🌟🌟🌟🌟🌟🌟🌟🌟🌟打卡貼士：❤️買多幾款💚試晒咁多唔同口味💛不過要排到去仲未賣晒先得Rating：懶惰虎🤩🤩🤩+0.5懶惰鼠🤩🤩🤩🤩…查看更多

Mister Donut 係日本超受歡迎嘅甜甜圈品牌，終於嚟到香港啦！佢哋嘅甜甜圈以創新口感同適中甜度聞名，尤其係招牌波提系列，絕對係糯唧控嘅最愛！雖然排隊時間長咗少少，但絕對值得等😋 ✨ 波提系列（原味/蜜糖/巧克力/草莓）波提系列係 Mister Donut 嘅招牌之作，靈感源自日本傳統麻糬，咬落去外層脆脆哋，入面係煙韌Q彈嘅麻糬口感，甜度啱啱好！原味奶香濃郁，蜜糖清甜，朱古力同草莓味都好出色，每一款都令人回味無窮～ ✨ 巧克力系列朱古力控絕對唔可以錯過！呢個系列嘅甜甜圈質感鬆軟綿密，朱古力味濃郁得嚟唔會太甜，食完一整個都唔會膩，真係好似食緊朱古力蛋糕咁！ ✨ 法式扭紋法式扭紋造型獨特，空氣感十足！外層微微脆，入面鬆軟，夾住軟滑嘅奶油餡，口感層次豐富，食完好滿足～ …查看更多

第一次食HK MISTER DONUT, 要少排, 味道得原味同朱古力款都有D HESTITATAION好彩排到我時, 上返strawberry ring & strawberry fashion , 而我本身係日本食過matcha fashion 係好驚喜既$20 一個都唔算平(貴日本一陪有多)覺得好食過日本係因為- 鬆軟D -感覺無咁甜-新鮮(日本個D REFIL 都無咁密啦)所以下次會ENCORE…查看更多