MESSINA

營業中

休息中

[🇭🇰香港- 中環].🔻有選擇困難症嘅朋友慎入, 因為真係有超多款Gelato嘅口味俾你㗎😂 有幾款仲係香港先有㗎, 好似港式奶茶,蛋撻,豆腐花…貪心嘅我嗌完兩球, 再買多盒家庭裝返屋企, 一次過試幾隻味😛 不過全部味對我來講都屬於偏甜, 要我推介嘅話我會揀有mochi係裏面嘅”黑芝麻湯圓”!.🔻🍽 Messina📌 地址: 中環砵典乍街37-43號嘉寶商業大廈地舖.#tummysreadyatcentral #tummysreadyforwestern

入面有好多香港限定既雪糕可以試左味再選擇要邊個味道本人係honey 愛好者。honey加朱古力脆脆好好味吖❤️❤️仲有叫左椰子荔枝味。我食唔到荔枝味。但朋友話食到

排到我果時有個短頭髮女人埋黎問我要乜，用廣東話嘅因為朋友黎過同我講有得試左味先，咁就同個女人講想試奶茶同西多士味，咁個女人俾左果2隻味我就彈左去後面🤨我朋友係我後面，有另一個人serve緊佢試味個短頭髮女人又彈返黎我度問我要乜味，我話等朋友試埋先佢唔知趕乜啦，其實唔想serve我可以彈去後面serve第二個，橫掂我朋友都有人serve緊Mark住我做乜姐佢又企係我面前等我喎，之後同佢講要3隻味，無啦啦個短頭髮女人就同我講英文覆我果3隻味🧐我繼續用廣東話同佢對話問佢收乜，又用英文答我，乜事呀？明明講廣東話無啦啦同我講英文做乜？唔係好明做乜一開始講廣東話又明知我講廣東話，之後同我講英文係乜解究喎間鋪唔大，無乜位坐，叫完見間鋪入面都無乜位企咪拎出去食囉。行出去幾秒後啲雪糕已經溶緊，滴到爆，要搵個位擺低先。唔知佢係咪個杯得一個size,叫左3球佢基本上左右兩邊一溶就瘋狂滴。P.S. 事後有抹返乾淨滴左果啲地方味道ok嘅，叫左開心果 西多士 斑斕椰子，開心果最好味經過可能都會想食下嘅，不過就唔會想俾個短頭髮女人serve啦如果公司係要員工只可以講英文嘅可以整返個牌俾客人知，一係員工掛返個「Eng

記得嗰日在H Code食完lunch，沿着石板街落返去嘅時候，望到一間櫥窗好有型格嘅店舖，我行近啲睇發現係蛋糕嚟，再行近啲睇入邊原來買緊雪糕，雖然已經食飽咗，不過好奇心驅使之下還是想入去幫襯下。先講裝修，佢哋用上大量銀色實在帶點科幻，特別係一排長長的雪糕櫃，非常有氣勢，雪糕亦種類繁多，這是一件好事，代表可以有好多口味選擇，由於幾飽甜品也是食得落，最終揀了三款口味：芒果、櫻桃、雲呢拿，味道果然不負眾望，反正嚟得中環食雪糕都唔會諗住平，高質先係最緊要，芒果未夠香，櫻桃未夠甜，雲呢拿夠滑。另外，場內亦播放重節奏嘅音樂，越食越high～！

⭐️EGG TART蛋撻味 口感厚滑 唔太甜味道有少少似淡味嘅吉士中間混左啲酥皮 口感豐富左 幾有趣⭐️HONG KONG MILK TEA港式奶茶味 香滑 但少少偏甜奶茶味幾香濃 茶味幾突出⭐️BLACK SESAME TONG YUEN芝麻湯圓味 香滑 芝麻味好香濃 中間混左啲麻糬 幾得意 整體唔錯⭐️HAZELNUT 榛子味 味道香濃突出 口感厚滑雪糕味道唔錯 口味選擇唔少 有好幾款本土特色口味 幾有趣環境唔錯 有少量座位供堂食服務唔錯 價錢可以 感覺少貴但份量唔少 可以接受下次會再試試其他口味

之前食過兩次Messina，因為頭一兩次去同好熱所以都係食返食慣冇死嘅薄朱🍵🍫同雪葩🍓🍋 聽朋友話開心果味正🥹 今次就跳出舒適圈 試下啲其他地方未必食到嘅味!! 🏃‍♂️💨Scoop 1: Pistachio Praline 開心果仁糖據聞喺Messina都幾受歡迎🤩 聽店員講解 開心果仁糖比開心果味更甜更creamy 而開日果味就會更重開心果本身嘅味😯 (試食兩款後真係咁~) 開心果仁糖味嘅gelato幼滑之餘仲有粒粒果仁 亦都食得出開心果本身嘅味🔎 適合一啲想試新嘢又唔想太刺激嘅人👅Scoop 2: Gooey (Special flavor of the Day) Gooey喺當日嘅特別味 大概係花生醬味雪糕再撈埋花生本人落去🥜🥜🥜 見佢pub到可遇不可求咁就緊係要試下啦😳 花生醬冇想像中咁重味 反而係花生令人驚喜🤌 粒粒花生配上疑似花生糖嘅物體令人有錯覺自己食緊sundae 🤤 如果撈啲朱古力或者配啲大對比少少嘅口味 可能會為你帶嚟更有層次嘅體驗!! 🎻🎼一如以往地嗌咗2 Scoops ($75) 講英文啲店員好好人🫶同我哋chit-chat之餘仲𢳂咗好大球俾我哋🫄🏻 避開繁忙時

諗住食完飯仲早，來個飯後甜品，當時8點半都唔多人，回知撞正個香港人橙紅色短頭髮staff態度超差，明明其他外國staff幾攰都態度好好。首先講左3次想試隻香港限定口味雪糕味，我當音樂太嘈佢聽唔到，突登靜個下再講多次，佢好唔耐煩咁扮聽唔到，係咁逼你馬上落單，小姐你要呢隻味係咪。明明隔離啲同樣係客可以試幾隻味，慢慢揀岩先落單。最後我唔請屈服，佢先肯死死氣筆個一啖仔雪糕俾人試仲要唔筆埋俾我朋友試，搞到佢都問我咩味嫁？個staff好唔耐煩咁望住我哋，但咩都唔做。第二，唔知佢係咪突登，明明其他staff筆雪糕都係一大個，都成$65一個球，佢筆得超細！冇比較冇傷害，前面個個都笑住拎走，啲雪糕係滿過個杯。我哋個杯係細過個杯……嬲到爆，佢仲拿拿臨拎個卡機逼我哋快啲走The worst customer experience ever and didn’t expect the local staff can be so mean to the locals. It would be the last time to be here and ask my friends to for their com

佢係澳洲過江龍雪糕 之前已經食過一次 覺得幾好食 唔知而家水準有冇下降呢😚2 𝑠𝑐𝑜𝑜𝑝𝑠 $75👅𝐸𝑔𝑔 𝑇𝑎𝑟𝑡 呢個係香港special 好有驚喜‼️奶味幾突出 同埋幾有蛋香 中間仲有啲酥皮 令到口感冇咁單一😋同埋幾特別 喺其他地方食唔到 推薦😍👅𝑇𝑖𝑟𝑎𝑚𝑖𝑠𝑢 呢個食落咖啡酒味比較重 有啲似食緊咖啡雪糕🙈Mascarpone cream嘅味道就唔係好夠 女小編覺得苦咗啲啲🤓總括嚟講 呢間雪糕店嘅味道幾特別🤤大家不妨嚟呢度一試😛😋 好味：8.39/10🤑 價錢：7.87/10🤗 服務：7.65/10😝 環境：7.76/10😚 衞生：7.55/10🤩 整體：8.35/10

呢間澳洲開過黎既Gelato 一直都想試下，之前經過都好多人，又因為疫情就唔買走一路行一路食...今日同朋友shopping 完經過，咁啱有位就入去試下，坐低抖下chill 下😁鋪頭裝修好cyber，似大人去既雪糕店，個人覺得吸引唔到啲小朋友😏門口同一入去既玄關位置都係放蛋糕，都好似幾特別，有機會可以試下~入到去放Gelato 既位置，店員超好，問左我既喜好，再介紹下唔同既口味，又推介左當日既限定口味，同埋香港既限定口味，仲可以續一試味～我個人唔係好食得甜，都幾多口味我覺得太甜。最尾揀左3款相對甜度比較低既口味，分別係Pistachio, HK French Toast同埋Rock & Rolld。每次食Gelato都會揀Pistachio，呢間唔錯，雖然唔係我食過最好，但已經係香港前五😁HK French Toast係香港先有既口味，花生醬味好出，仲有少少多士喺入面，幾特別，整體balance得唔錯😋Rock & Rolld係今期special，其實係Yogurt Gelato with Rolled Oat Crumble Raspberry Puree，整體帶微酸，有啲脆脆既口感

同朋友喺中環食完晚餐之後 當然要去填飽女仔們嘅另一個胃啦～早前閒日黃昏時段去過 人流唔算多今次星期六夜晚嚟 哇 原來咁多人！所有枱都坐滿 而且仲有唔少人賣緊 實在太誇張啦～上次幫襯食咗港式蛋撻同奶茶口味今次我哋先試食咗幾款口味 再揀食邊款好～因為朋友唔太鍾意濃郁嘅芝麻味 所以我哋最後揀咗開心果同港式多士因為人太多嘅關係 我哋只好移玉步去鋪頭附近嘅座椅坐低食雪糕融得好快 要把握時間食啦～西多士口味都幾特別 食落會有花生醬味 開心果味道就好濃郁 有趣嘅係 朋友覺得芝麻味太濃郁 唔係好接受到 但就好鍾意開心果味

Messina is one very expensive ice cream shop. Originally from Australia, it's one of the most popular artisan gelatos in the country. And now there is a branch here in Central. A sleek silver looking exterior. It's just as sleek inside. There are seats on one side and all the gelato on the other side. In the back they have an open area where you see them creating the gelato right there.Menu is in English and Chinese.  Theres is no 10% service charge. They have a lot of different flavours which y

/ ցєℓαтσ ιη єցց тαят?! /꧁𝗠𝗲𝘀𝘀𝗶𝗻𝗶꧂終於一嚐呢間澳洲過江龍𝘎𝘦𝘭𝘢𝘵𝘰有超過20種口味選擇 仲有幾款係香港𝘓𝘰𝘤𝘢𝘭𝘪𝘻𝘦𝘥嘅口味選擇多到唔知點揀好不過黎得都推介食啲比較特別嘅味所以揀左蛋撻同黑芝麻湯圓黎試味道還原度算幾高蛋撻味味道似𝘊𝘶𝘴𝘵𝘢𝘳𝘥 入面有一塊塊酥皮 幾特別不過味道偏甜黑芝麻湯圓味一樣出色 黑芝麻味濃郁不在話下叫得湯圓就真係有湯圓皮!! 不過可能因為係𝘍𝘳𝘰𝘻𝘦𝘯就有少少太韌另外必試開心果味 真心好濃好濃開心果味 又無太甜食完好開針(๑˃̵ᴗ˂̵)同埋佢地嘅𝘎𝘦𝘭𝘢𝘵𝘰個𝘛𝘦𝘹𝘵𝘶𝘳𝘦好特別 食落覺得有少少「彈性」(唔知有無人明𝘓𝘖𝘓)而且唔會好快溶ஐ 𝟹 𝚜𝚌𝚘𝚘𝚙 $𝟿𝟶( 𝙱𝚕𝚊𝚌𝚔 𝚜𝚎𝚜𝚊𝚖𝚎 𝚝𝚘𝚗𝚐 𝚢𝚞𝚎𝚗/ 𝙴𝚐𝚐 𝚝𝚊𝚛𝚝/ 𝙿𝚒𝚜𝚝𝚊𝚌𝚑𝚒𝚘)ⓄⓋⒺⓇⒶⓁⓁ:🦦8.3/10 👱🏻‍♀️8.5/10༄༄༄༄༄༄༄༄༄༄༄༄༄༄༄📍 Messina (中環)中環砵典乍街37-43號嘉寶商業大廈地舖...#cty_中上環 #cty_sweet ...

Messina由牛奶用自己品牌飼養乳牛，到自家開設農場種植水果，對雪糕非常講究。今次係香港開店有好多限定既味道~豆腐花 蛋撻 奶茶等等。。。我地叫左個2 Scoops of Gelato"Pear & Rhubarb"+ "Salted Coconut & Mango Salsa"Pear & Rhubarb係梨加大黃，主要係食到梨既清甜。Salted Coconut & Mango Salsa呢個味好新，應該係自家創既味道，好香既椰子味 仲有少少海鹽既鹹味，再加上芒果醬 會食到粒粒果肉 感覺好新鮮。我比較喜歡呢個味✨雪糕味道有30幾款選擇，之後再黎可以慢慢試

天氣熱就最適合去食雪糕😋中環呢間係澳洲好出名既過江龍gelato店，上次去都要排一陣隊先買到，不過好在可以試味先決定要邊個味，舖頭唔算大，可能要等一陣先有位😌雖然好好味，但係$90三球雪糕有d貴🤔3 scoops $90【Pistachio 開心果】開心果味必試！食落好濃郁嘅開心果味，食完超級滿足，好好味🤤之前試過好多地方嘅開心果味都麻麻地又好假，之後如果想食開心果味雪糕會想再返嚟食😍【Tofu fa 豆腐花】呢個豆腐花雪糕還原度好高，入邊仲有少少薑汁味同黃糖味，真係好似平時食嘅豆腐花咁🤪【Hong Kong Milk Tea 港式奶茶】係港式奶茶好香濃嘅味道，冇話好特別，不過係好食嘅😋

在Sydney 就讀大學期間，Messina 是我日常必叫的gelato🍨之一除了款式眾多外，在澳洲當地每星期都會推出新口味🙊令人充滿新鮮感 是當地街坊都會回頭光顧的雪糕店🐣Egg Tart香港限定的新口味💫 十分有創意🙈 入口是香濃的蛋香味 但有點過甜 同時店舖加入酥皮醉作襯托 可惜酥皮的質地較為淋身 略為遜色 🆁🅰🆃🅸🅽🅶: 3.5/5🍫Tiramisu 口感軟滑 雪糕加入了lady finger 使咖啡☕️及冧酒的香味醇郁 味道昇華😍 tiramisu 味道逼真 甜度適中 值得回頭🌟🆁🅰🆃🅸🅽🅶: 4.5/5🌰Pistachio 這款口味是所有澳洲大學同學強烈推介✨開心果味極之濃郁nutty🥜 同時沒有掩蓋奶香🥛入口細滑同時有開心果醉的咬口 令人無法抗拒🥰 這個味道是最快速度完成🤤🆁🅰🆃🅸🅽🅶: 4.8/5𝙾𝚟𝚎𝚛𝚊𝚕𝚕 𝚁𝚊𝚝𝚒𝚗𝚐: 𝟺.𝟹/𝟻𝙵𝚘𝚘𝚍: 𝟺.𝟹/𝟻𝙴𝚗𝚟𝚒𝚛𝚘𝚗𝚖𝚎𝚗𝚝: 𝟺/𝟻𝚂𝚎𝚛𝚟𝚒𝚌𝚎: 𝟺/𝟻𝚁𝚎𝚟𝚒𝚜𝚒𝚝: 𝙳𝚎𝚏𝚒𝚗𝚒𝚝𝚎𝚕𝚢 𝚈𝚎𝚜!