Meet Met Met

營業中

休息中

位於黃竹坑嘅southside 開幕之後，真係令到南區居民多咗個覓食之地，今次留意到一間新開嘅餐廳，店名特別叫”Meet Met Met”餐廳係清新樹木Cafe風格，食物都好健康而且低卡路里叫咗個帶子椰菜花飯日本刺身級帶子配搭牛油果清新可口椰菜花飯本身已有龍蝦汁味道用燒香龍蝦頭熬製3小時而成焦糖芝士牛角窩夫臨走都可以食返個比較邪惡嘅甜品鹹鹹甜甜大家都好鍾意食配搭雲呢拿或者朱古力味Häagen-Dazs雪糕Power bowl必點菜式之一多款唔同沙律配搭，例如煙三文魚或者鮮蝦配搭菠蘿等份量夠大，而且味道新鮮爽脆可以選擇四款特色醬料之一士多啤梨紅茶帶有好多士多啤梨果肉士多啤梨味道濃郁，但係唔會太甜打卡又好味虎堅果抹茶拿鐵高營養虎堅果燕麥奶製造全港第一間餐廳用虎堅果製造拿鐵！如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

門口有個好靚既打卡位🤭環境清幽，主打白色裝修既風格，再加上有啲盆栽點綴，好有文青既感覺呀🌿Power Bowl🥗有煙三文魚，沙律菜，青瓜，蕃茄等等既配料太正啦~最值得一提既係佢有最近都好紅既椰菜花飯😌再加4款沙律醬~帶子椰菜花飯餐廳用咗龍蝦汁去煮，啲精華吸收曬，再配埋煎香咗既帶子好好味炸魚薯條🐟🍟魚肉炸得岩岩好，夠曬香脆焦糖芝士牛角窩夫🧇咸咸地既芝士配埋新鮮出爐既窩夫同雪糕估唔到甘夾💕底層仲有煉奶，同芝士做成對比，好好味😋 虎堅果抹茶燕麥拿鐵又香又甜，飲到最後仲以為點解佢啲冰唔溶，原來係因為佢有綠茶味既啫喱😂😂虎堅果焙茶燕麥拿鐵都係一個唔錯既選擇~

new health-conscious cafe Meet Met Met just launched at The Southside in Wong Chuk Hang, Hong Kong 🕊️sources premium ingredients globally 💫 offers a variety of low-calorie and low-carbon-footprint choices 🥗 from healthy wholesome mains to light causal bites 🌱 to delectable desserts and nourishing beverages 🍵 minimalistic green and wood interior creates a relaxing ambiance 🌿全新健康餐飲品牌 Meet Met Met 進駐香港黃竹坑thesouthsidehk 🕊️ 嚴選環球優質食材 💫 製作一系列低卡和低碳料理 🥗 從健康主菜到輕盈小吃 🌱 美味甜品和滋養飲品 🍵 簡約風格 綠白元素 淺色木系 休閒環境 輕鬆氛圍 🌿🥦

黃竹坑THE SOUTHSIDE 好多野食呀😋 今次試咗全新健康餐飲品牌Meet Met Met，裝潢木系簡約，一睇就知食健康野🌿試咗signature「龍蝦汁椰菜花飯」，個飯其實係椰菜花切粒，不知不覺食左好多蔬菜正呀🥦 伴碟嘅牛油果唔手軟俾勁多，香煎日本帶子係刺身級，好味！沙律就推介「Omega-3 Power」🐟 煙三文魚、紅菜頭、中華沙律、車厘茄、鷹嘴豆、青瓜、椰菜花飯沙律，有齊是日所需營養。有香濃黑芝麻醬、微辣是拉差醬、清新柚子醬、經典油醋四款自家製沙律醬俾你揀 🍋我就覺得柚子醬最match~ 🐥「煎雞翼配薯條」嘅 柚子蛋黃醬 & 松露蛋黃醬 都非常出色，為食物加好多分！整晚最令人回味嘅一定係「挪威焦糖芝士比利時牛角酥窩夫」🧀焦糖芝士多到滿瀉，咸甜口感真！係！好！正！🥐牛角酥係脆嘅，加埋大大球Häagen-Dazs雪糕🍨，太邪惡喇~~~ 大推👍🏻

今日選嘅呢間Cafe座位非常多淺色木系配上粉綠、好舒服嘅色Tone 佢哋主打健康、低碳、低卡飲食🥣Counter 擺滿新鮮沙律配料🥗整體感覺清新🔖 宮崎炒蛋菠菜多士配藍莓燕麥乳酪🫐早餐一共有8款叫完過個主菜後可以一直追加其他配菜明明諗住朝早食少少就好結果都係「唔小心」咁加咗條芝士腸😛炒蛋蛋味幾濃郁🥚Yogurt 有新鮮藍莓仲有啲Granola同開心果碎好豐富早餐時段套餐點咖啡仲有Free Flow 喔🔖 虎堅果燕麥奶 （Upgrade)虎堅果英文係Tiger Nuts佢其實唔係真正嘅堅果而係一種名為「油莎草」嘅莖部味道有少少似花生、合桃佢嘅特點係食起嚟有種天然嘅甜味幾驚喜素食、無麩質、超級食物應該會越嚟越流行呢～❣️ 手機落單跟手電子支付結帳（俾現金可選「餐廳付款」）

食材配搭一流，好多款都想食，點了A5鮮帶子龍蝦汁椰菜花飯，食完都無罪惡感，還食到松子仁；焙茶燕麥奶拿鐵，亦好飲，飲品中有焙茶啫喱塊。唯服務生方面需加強培訓，例如沒眼力見，在餐廳有空位的情況下，未食完都頻頻來收餐碟，唔知趕乜？利申=我入座都不夠一小時，而且餐廳沒有提及有用餐時間限制。

早上8:42點菜， 9:15還未上菜，不建議要趕返工的顧客。整體來說性價比偏高，黃竹坑$60食一份中上質素早餐，性價比確實高。但代價是點菜後，等了超過30分鐘還未上菜， 強烈不適合早上趕返工的人。

The Southside 新店舖開幕挺熱鬧，逛逛後決定找來這間非連鎖店特色的cafe試試，木系簡約的設計，予人閒息放鬆的感覺，全日memu是不分時段，QR code 落單並可同時結賬，簡便快捷😆💥蕃茄雞肉意粉+熱伯爵奶茶>>蕃茄汁濃郁，雞肉軟腍，意粉有口感，整體不錯😋>>伯爵奶茶濃度適中💥素菜沙律配柚子醬+熱咖啡>>沙律頗豐富有牛油果+沙律菜+蕃茄+藜麥+青瓜粒+乾提子+葵花籽>>熱咖啡☕️正常

今日早咗收工就過嚟行吓附近嘅新商場，睇吓有冇啲高質嘅Cafe可以試吓，喺門口望過個Menu覺得佢哋嘅食物都算係多元化，所以就入咗嚟試吓。食物方面除咗Cafe一定會有嘅意粉、Burger、ADB、甜品之外，我見佢啲煮食仲有一啲健康嘅食物，款式方面都幾多。🫣咁我就叫咗個較為普通嘅牛肉漢堡包，覺得佢嘅漢堡扒幾Juicy，入邊仲會答埋少少微辣嘅洋蔥，我覺得好正；薯條都係啲普通嘢配黑松露蛋黃醬。飲品方面冇乜好特色嘅飲品，我自己就叫咗，但係我覺得你嘅咖啡豆有啲炒燶咗，味道方面我就覺得麻麻地。我見到隔籬枱帶咗個甜品窩夫好似勁吸引，但係因為我自己一條友食唔到咁多，下次會再過嚟試吓佢嘅甜品係咪真係咁好食先。另外都提一提呢一間舖頭都係要你自己掃QR CODE落單同埋手機俾錢，我就覺得對於用開現今嘅朋友仔嚟講就唔係咁友好，呢個位置我就覺得要扣番啲分了。

閒逛新商場期間路經Meet Met Met抱著一試的心態光顧，甫進入餐廳已被明亮簡潔的裝修吸引。這天點了冬陰功意大利粉、帶子龍蝦汁椰菜花飯和炸鱈魚柳薯條等….冬陰功意大利粉味道正宗，酸辣細緻，蝦球新鮮爽口，性價比高，十分驚喜。帶子龍蝦汁椰菜花飯，賣相十分吸引，味道也不錯。炸鱈魚柳酥脆可口，配以粗薯條，美味滿分。餐廳服務員熱誠有禮，態度友善，旁桌的長者客人未能用手機點餐，服務員主動共提供服務，抵讚👍🏼👍🏼👍🏼

Southside第一日開幕襯熱鬧選擇咗ground floor其中一間cafe雖然出面啲商場表演樂器好大聲但間cafe好隔音 不過如果啲飲品質素可以再好啲就性價比高啲