Match Cafe & Restaurant

營業中

休息中

用eatigo 見到 王子酒店 batchcafe 有7折，就嚟試吓食除夕餐 @ 份量勁大份，偏凍咗少少，味道可以😌折咗最後每人$135❤️除飲品全有7折的確幾吸引，不過溫度真心偏弱😂漢堡芝士都冇溶😂整體味道都可以，我哋2個女仔最後墨西哥片食淨一半😂飲品大壺到2人都夠飲，我哋再加一次熱水晚上得我哋2個&另一桌2人😂上菜速度我哋幾快，坐得幾舒服，慢慢食傾吓2小時就離開。不過另一桌有甩漏😅佢話原因是有除夕派對樓下就差點喺廟街 #三星酒店 🏨 都方便，影相真係唔錯，仲要唔貴咁食到除夕餐都開心，當然有我最愛飯友一齊食仲好❤️

在網上看見環境不錯，便懷着期待的心情去食午餐，我地一行５人。誰料等候時間實在太令人失望！！！我地１：１５分叫餐等到１：４０都仲未有一個餐到，問左侍應話我地兩點要番公司，d餐幾時到，佢話你地１：１５先落餐，幫你追下，講真，無論餐廳定ｃａｆｅ,lunch time時間間間都２０分鐘內一定上到餐，除非漏單姐，到左１：４５都仍然未有餐亦冇人講仲要等幾耐，於是我地再追，其實打工仔食飯係得一個鐘咋，於是再問，佢話追左，叫我地等等，我地就講咁仲要等幾耐，我地真係要番工，佢話等等（又係果句)，我地話咁轉外賣盒啦，我地都食唔切，佢又係果句都係要等等，我地就問等都有時間性，我無可能無了期等你，於是佢先話要再等１５分鐘，大佬呀。。。當時已經１：５５，點等１５分鐘，佢地真係冇腦，於是我地唔食話取消單就走。呢間餐廳你要做午餐時間膳食都快手ｄ啦，打工仔食飯時間真係有限架！！十分失望！！！😞😞😞😞

約左位靚女當然要食好少少，我選擇左位於油麻地王子酒店4/f,Match 餐廳，通常個度係舉辨婚禮，都會做lunch。當日上到去7:00我地以為早到，只有我地一枱，我地選擇outdoor 坐位感覺比較舒服，我地點左個set dinner 我既頭盤粟米湯，主菜肉眼mw熱咖啡;靚女叫左凱撒沙律，主菜係意大利飯熱檸水。⭕粟米湯温度吾夠，味道可以，garlic 包還可以，仲可以接受到。⭕主菜肉眼足足等左半小時，仲要吾系一齊上中菜就無所謂，我傾計傾到我以為食左個主菜，味道幾好，口感還好，有少少over cook。⭕個人感想：我覺得環境好好但配合吾到食物質素同服務，另外服務真係有進步空間，我同朋友主菜中間隔左10~15分鐘先出。我朋友食曬個主菜我個到未到；服務方面加強培訓。當晚我地係包場。地址：油麻地廟街50號王子酒店4樓

在網上看見環境不錯，便懷着期待的心情預約。誰料食物質素實在太令人失望！！！叫了一個夏威夷薄餅，等了約30-35分鐘😖茄醬極酸！！十分失望！！！😞😞😞😞

幾個朋友係附近做嘢野我就隨意咁搵左間環境睇落唔錯可以靜靜地閒聊的餐廳食個lunch（重點佢lunch好平）叫左4樣野上餐湯 羅宋湯無好難唔好飲呢個意粉 用咗火龍果 個人唔太愛三文魚扒叫正常 豬仔骨配薯條沙律都不錯既 個醬好食春雞配沙律菜薯條 有半隻雞

大家如果擺酒，其實都想好好睇睇！ 如果慳自己委屈賓客，俾人一邊食一邊鬧，我諗主人家都唔開心！ 首先去到油麻地呢間內街的2 星/ 3 星酒店，一入電梯好大陣煙味，得兩架lift仲要每架企得3-4 個人，上到去match 盞橙係壞，閃下閃下係勁恐怖！ 然後去到一半露天，一半打開門indoor, indoor 冇冷氣/ 唔夠冷氣，露天三面唐樓包住，果日個個汗流浹背，有人熱到中暑。 跟住廁所，40 人婚宴得一個toilet, 仲要係用cafe 插鎖匙果d... 座位同佢P圖勁有出入，根本上大家識唔識都係碟貼碟。最過份係野食，凍盤係冇冰鎮住，我食既全部都變左暖（當然我為我腸胃著想唔敢亂吞）最過份係d waitress 極冇禮貌，有客人唔知buffet 未開始去左裝野食，佢勁rude 話仲有10 分鐘丫阿姐，然後將人裝過既野食倒番個盆度，大佬宜家疫症丫！ 同埋我試左幾個熱盆，唔係冇味就係變凍...果度極細，全情聽住d人鬧場地鬧野食，作為主人家，佢真係好意思咩？ P.S. 就算free lunch, 我都唔會再去，今次係最差體驗既婚禮..

❌婚宴部超级不負責任，超級不推薦。本人原先預約咗四月份嘅證婚儀式，三月份已經知道香港封關，男朋友唔係香港居民所以無法進入香港。因此我即刻聯繫婚宴部，想申請退款，但估唔到得到如此嘅對待。❌同事態度差：聯繫同事之後，該同事一直處事拖拉，沒有心幫助我，問佢問題就一直答非所問，一時又話要改合約，一時又話退款係行政部負責，一時又話退款必定要經佢處理⋯⋯到最後問佢問題，就過咗成個星期先回覆。一間咁樣去對待顧客嘅公司，我覺得係超級不負責任，我俾咁多錢，簡直係用錢買難受。❌公司不肯與顧客承擔風險：呢間公司係一間冇咩良心嘅公司，疫情嘅出現，公司淨係會要顧客單方面去承擔所有嘅風險。我同婚宴部同事講，疫情導致嘅後果都唔係我哋雙方嘅錯，如果提供咗嘅服務可以扣除費用，但完全冇提供服務嘅，請退款俾我。我俾錢所買嘅服務，包括律師證婚、場地等，絕多數嘅服務都冇提供過，但該公司就話我所比嘅任何款項一分錢都唔會因為疫情而退，然後舉例子話俾我聽其他顧客都有撻訂。所以喺疫情嘅情況下，呢間公司係唔會體諒顧客，唔會同顧客一齊承擔風險。我打呢篇野出嚟，係想大家可以參考吓。原本我都見到呢間公司有一啲唔好嘅comment，我以為自己唔

今日試左呢間位於廟街王子酒店上 @Match cafe&restaurant 下午3點餐廳內只有一枱客人環境清靜！本身想坐室外 但剛好清潔中 只好坐較近室外的位置 經eatigo訂位餐牌上除咗小食同飲品都可享有半價半價既選擇就唔算多我地兩個人係衝住平價優惠而黎所以主要都係睇主菜點餐後店員都好nice 問我地係咪share食另外比左兩隻碟我地-LATTE個賣相好靚 但味道就麻麻 偏甜無咖啡味咖啡黎左無耐店員就主動同我地講室外清潔好可以轉坐室外但今日天氣有d凍最後都決定留返係室內位置.等左大概20分鐘有野食！辣椒牛油果蝦沙律🥗&卡邦尼意粉整體都唔錯 胡麻醬配沙律菜 夠醬！蝦既份量都算多辣椒放係旁邊 唔食辣既我覺得幾好！而我男朋友話個辣椒真係好辣！-份量多！味道正常 另外餐廳有甜品 都有半價 但因為太飽所以無試總括而言 有半價係值得一試如果同朋友傾下計享受下寧靜我覺得環境係值得推薦 食物方面唔好抱有太大期望坐左個半鐘 全程都係得兩枱 半價後加埋一埋單$142 幾抵食

聖誕節又要傷神搵食，連茶餐廳都要百幾蚊個"聖誕大餐", 求其一間西餐廳都話要$500位，要搵間抵食又唔失禮既西餐廳真係傷神。好彩都比我搵到，雖然都有d伏位，都算收貨。佢無屈你要個聖誕大餐，散叫都係1-2xx/head. 佢個聖誕餐都好抵食，$568 for 2, 一黎有杯welcome drink幾靚，影相呃like用。沙律，大份到嚇一跳，仲要2款黎晒。我懷疑佢出多左，呢度d侍應流流地。Main course ok 無驚喜. 甜品出事，個餅勁大陣雪味，個雪糕真係有雪架...hahaha. 環境very gd. 平平地聖誕西餐算幾好

呢一間不負責任既公司，超級不推薦。我的人生只有一次婚禮，請來婚禮的都是我的重要人物，但佢哋令到大部份人都有不開心嘅經歷（包括工作人員），食物超過15分鐘冇人refill，佢解釋係電梯上唔到，我一個90人既party，佢出左5盤23粒既焗田螺，請問我是否一人一粒？湯，主菜，甚麼都沒有，有親戚到我母親面前問，是否沒冇食物會再出，我心裏超難受。仲有各式各樣的問題，我的晚宴六點開始5點幾，酒店大堂還是掛住下中午的婚宴名稱，5:50左右我有親戚已到餐廳門口，被該餐廳的同事大聲呼喝離開，個位仲要是我的長輩，我因為近日社會問題，在此酒店預訂了超過八間酒店房，我不知道為什麼服務亦是這樣，我真的非常生氣。之後我有位總公司林小姐跟進我的事件約一個星期，突然公司告知林小姐放大假，而且沒有人跟進我的事（我唔需要退款，亦只要求一封有誠意既道歉信，或者一個whatsapp,錄音都可以，等我可以同返各位親友有個交代，不論內容，好難嗎？）只不停叫我留資料，其他幫唔到我，我再等了三四天，打上去都話，林小姐不在位置上，今日餐廳既經理話會再搵我，我等到凌晨連一個whatsapp都冇，非常心灰，一世只有一次的婚禮留下極大的污

呢晚同女朋友去油麻地食飯，喺網上平台見到呢間餐廳有限時半價優惠，所以就即時預約諗住試吓去到嘅時候一個顧客都冇，淨係見到職員喺度執緊野，當我地去到嘅時候店員都唔太熱情招呼我哋。。。見到餐牌上面可以半價嘅食物選擇唔算太多，套餐又唔可以半價，最後唯有叫一個Pizza同一份pasta諗住叫龍蝦意大利麵，點知店員又話鋪頭冇晒龍蝦，最後唯有叫牛肉意粉，但係千叮萬囑店員話意粉要轉做意大利麵等左大約15-20分鐘，終於有野食黎，見到嘅就係呢碟野，一開始我問店員呢碟係乜嘢，佢好順口咁答我話係牛肉意粉，咁之後我就問佢我明明叫意粉轉意大利麵，點解無轉到，佢竟然答我呢款都係意大利麵所以佢哋冇煮錯，果下真係嬲咗，明明錯又唔認！！既然佢咁樣講，我哋唯有照食，不過味道好一般，牛肉得幾舊之後個牛肝菌蘑菇pizza就嚟到，不過已經冇咩期望，pizza上面既配料偏少，個餅皮又偏硬，感覺唔太好。。。聽講話呢間鋪頭喺明星開嘅，不過就換黎咁樣嘅服務態度，真係好失望

7/9/2019 @ 油麻地 match cafe and restaurant時間尚早打算在油麻地搵食，看見eatigo這間餐廳有半價，於是才上來試一試， 這間餐廳在廟街王子酒店裡面， 位置不特別起眼入口星期六的晚上六點半…但一個人客也沒有被安排了坐窗邊的位置， 但是沒有什麼景觀周圍也是高樓大廈不難發現紙巾污糟了， 陽燭也沒有點起只是一直在放著……eatigo的半價優惠只適用於主菜和甜品本身想點龍蝦意大利麵但餐廳說沒有龍蝦…美國牛柳粒意粉，由於我不愛吃意粉，還專登吩咐侍應改成意大利麵，她也說可以的但結果上菜的時候還是意粉， 於是我就問他不是改了義大利麵嗎，他竟然說已經改了這個就是意大利麵……近看一下這是意粉還是意大利麵呢？於是我拿起餐牌只著龍蝦意大利麵的麵是扁的，牛柳粒意粉的粉是圓的，於是問店員 究竟意粉和意大利麵的分別是什麼？她竟然答我他們是有點相似的，但你的這一碟真的是意大利麵，已經改了的！真的無話可說…… 個人覺得我有沒有說要你們重新煮過為何簡單認過錯也不肯， 態度還要很差的而且牛柳粒意粉根據餐牌應該是有車厘茄和 炸蒜粒的，而我的牛柳粒意粉什麼也沒有，只有牛柳粒和意粉之後為我們

好姊妹生日，網上看到這間餐廳環境不錯，便相約試試。去到餐廳，侍應都好好提我們下次預約可用apps訂座會有折。環境不大，枱與枱的距離好夠，很有空間感。當晚太熱，所以只開放室內給我們用餐，侍應都有主動邀請我們到室外逛逛影下相。不過全場得一位侍應，幸好當晚不太多客人，所以點餐上菜的速度都不太慢。枱面擺設的確精緻，我們四人被安排坐一張圓枱，但擺設有蠟燭、假草，放在圓枱中間都非常阻礙我們傾計。侍應服務都很好，不怕麻煩為我們移開。叫了個啤酒薯條、水牛城雞翼、卡邦尼意粉、Porcine Pizza晚餐跟餐湯蒜蓉包，味道不錯。因為其中一位朋友遲來，但食物已上，suprise是一小時後進食仍有溫度，值得一讚👍🏻

去食lunch，set lunch 埋單大概每人$130，但食物質素分分鐘50幾蚊慨茶餐廳好食過佢。想用洗手間，發現道門鎖住，就問侍應係唔係需要鎖匙。跟住佢就攞鎖匙幫我開。開門之前侍應阿姐敲門問裏面有冇人，冇人應，佢就繼續開。點知佢一開鎖裏邊就話有人。咁阿姐就同裏便講話唔好意思，點知之後就鬧翻我話，”小姐裏面有人所以鎖咗門呀！” 怪我令到佢好尷尬！我第一次去你間餐廳，鬼知你洗手間裏面有幾多格？你日日喺度返工，唔識用個腦諗下門鎖咗左即係有人，唔識同個客講話裏面有人麻煩你等一陣？上食物嘅時候明明自己捧碟餐過嚟，跟住就死都唔放低然後話唔係我哋嘅。我朋友話佢係叫咗呢個餐，跟住都唔肯放低，掉頭拎走話唔係我哋。唔係我哋你又拎過嚟？送餐之前冇睇清楚嗰張枱係咪叫咗呢個餐嘅咩？睇完之後就話係我哋嘅先至肯放低。仲要係餐廳唔係多人！唔明點解咁都搞唔清楚。

住在油麻地要找一間好質數的西餐廳实在困難，友人告訴我廟街裹有間酒店的餐廳環境很舒服，食物算不錯。因從未想过那區也可有好的西餐，立即飛撲去試。環境的確清雅，原來是可作婚嫁場地。食物及價錢是中檔路線，心裹不禁暗喜，可能以後不用搭車去食晏。餐廳不大，當日亦只有4、5枱2人客，那裹只有一位女士負責，見她的態度，已知她是躁底，我們这等退休人士，自然不用心急，亦理解她的忙碌。终於等到她有空来讓我們點菜，我先生要意粉，他一般都要求少油，她立即說做不到，我打了個突，因從未被如此一拒絕過！到我叫䐁肉配飯，我說少飯，她又說已配好的，不能少！我解釋我胃口細，不想浪費，她没聽完已边走说: 唔使食哂格。 不知是否我们的要求已被她視作为"麻煩友", 她的面色愈見板黑。食物來到了，先生的意粉做得不錯，當然若能少點油便更好。我的豚肉也合格的，不乾不硬，我亦當然浪費了半碗飯。以這个價錢及環境，本來是颇理想的，奈何我們請她拿黑胡椒或叫飲品時，亦要捱女士的面色，我們又怎会再來受氣呢？一間食店的成敗，除了食物質素，亦有賴樓面的配合！可惜、可惜！