MangoChaCha

< 芒果心太軟 $68 >第一次食芒果心太軟，味道唔假，芒果味道唔錯，流心程度高，可惜外皮唔太脆，另有芒果雪糕同芒果做伴碟，芒果都幾酸下，雪糕為普通冇乜驚喜，成件事不過不失，唔錯既！…查看更多

本以為Mango ChaCha只賣芒果為主的甜品，最近迎合夏日口感，加推了綠茶甜品。以茶入饌一向都很受女生歡迎，因為茶味香濃不膩，感覺消暑開胃，跟朋友點了兩道甜品— 抹茶鮮吉士醬拿破崙配豆腐雪糕、抹茶心太軟配豆腐雪糕和日式抹茶奶。抹茶鮮吉士醬拿破崙配豆腐雪糕，拿破崙很香脆，配合抹茶味的吉士一點也不膩，加點甜甜的豆腐雪糕和很有咬口的白玉，中和了抹茶淡淡的茶澀味，超意外驚喜!抹茶心太軟配豆腐雪糕，很豐富的「甜品定食」，抹茶心太軟的流心帶著茶香，要是外皮蛋糕焗「脆」一點會更佳；定食還有一杯香濃的綠茶，喝一口讓口腔蘊釀茶香，滋味在心頭!抹茶鮮吉士醬拿破崙配豆腐雪糕，拿破崙拼上抹茶吉士，一軟一脆，口感耐人尋味。少不了抹茶飲品吧! 日式抹茶奶跟Green Tea Latte味道相近，綠茶味更濃郁一點抹茶心太軟配豆腐雪糕，單看已經覺得很滿足!；吃蛋糕，AW喜歡配咖啡，原來跟綠茶也很搭調，要是心太軟烤焗得再挺身一點會更佳…查看更多

Mangochacha 故名思義就係食芒果既地方但細心一諗其實個名都有茶既字眼喎之前試過mangochacha既芒果甜品今次就想試下佢最近熱捧既抹茶系列無諗過佢地除左芒果甜品好食之外 抹茶味既甜品都好正抺茶拿破崙 ($78)身為抹茶同拿破崙既愛好者 小妹我當然要試下呢個抹茶拿破崙拿破崙既酥皮鬆脆 唔會太易散開 所以唔會食到四圍都係中間既吉士醬係加入抹茶粉打成 有濃香既抹茶味睇得又食得抹茶紅豆冰 ($42)再有一樣睇得又食得既甜品紅豆冰加入抹茶源素 紅豆配合抹茶本身已經係perfect match呢道既紅豆冰加左抹茶cream 飲落更加creamy配合面頭上既villa icecream 中和番抹茶本身既甘味…查看更多

1️⃣抹茶心太軟配豆腐雪糕 $78評分: 6.5/10流心流吾出😂抹茶味就幾濃下👍🏻但個蛋糕質地略厚實左d😅口感不太好喔2️⃣抹茶鮮吉士醬拿破崙配豆腐雪糕 $78評分: 6/10酥皮值得一讚，食落酥脆，仲富牛油香👍🏻用刀切開都幾輕易，吾會切到散哂🔪中間既抹茶吉士醬就有點古怪，吾係太似抹茶😂但吾知似咩味lol3️⃣抺茶雪糕紅豆冰 $36評分: 6.5/10上面既豆腐雪糕，食落有D似雪萌，豆腐味都幾濃，下面抹茶味就偏甜，最底仲有好多紅豆…查看更多

夜晚與朋友吃完飯，經過尖沙咀有間甜品店，一人來到心思思又想吃個甜品。二話不說就走左入去。抹茶拿鐵。濃香的抹茶味，入口幼滑不帶粉末，抹茶味道突出濃厚，加上忌廉入口非常香滑。抹茶拿破崙。拿破崙做得非常出色，酥皮做得非常酥脆香口，用刀很容易就可以切開，酥皮不鬆散，入口牛油味道濃郁。豆腐雪糕味道濃香突出，清甜雪糕配紅豆丸子，一甜一清，配搭出色。…查看更多

Mango Cha Cha一直都是售賣芒果產品,但最近從別人的食評中竟然看到這裡有抹茶的產品推出了。作為一個抹茶控,又怎能放過任何一個與抹茶接觸的機會呢? 當然馬上相約朋友前來！招牌是橙色,是象徵著芒果的顏色。下午時間前來，一個客人都沒有呢店舖的設計都是以橙色及白色為主,很簡潔。小妹很喜歡這個裝飾，剪這個一定很花功夫吧。介紹抹茶產品的這個餐牌很特別，是手繪的呢! 很用心, 畫得很可愛~我們二人一共點了三款抹茶產品。抹茶紅豆白玉聖代 ($68)最頂有巧克力馬卡龍, 雪得有點硬, 不過巧克力味香濃, 而且不太甜。馬卡龍下面是豆腐雪糕, 雪糕選用淡味的豆腐味不會搶過抹茶的風頭。雪糕旁邊有紅豆和抹茶白玉, 下層有玄米果凍。抹茶白玉很出色，有抹茶的回甘。再下層有芝麻慕絲, 芝麻味非常香濃, 不過小妹認為有點喧賓奪主, 蓋過了下底層抹茶布甸的味道。慕絲下層是抹茶布甸, 布甸香滑, 抹茶味濃。最底層是可可脆米, 令整個甜品口感更豐富。日式抹茶奶 ($30)面頭有超厚忌廉, 小妹認為略多了。抹茶牛奶順滑, 抹茶味突出。抹茶窩夫 ($68)窩夫是鬆軟的, 不過小妹比較偏好外脆內軟的口感, 所以這個不太合我口味。但喜歡偏軟口感的人應該會喜歡這個。窩夫帶有淡淡的抹茶味, 配上香甜的紅豆簡直是完美。不過, 如果抹茶味可以更濃會更好。同樣地, 窩夫亦是配上淡味的豆腐雪糕。 另外, 盤子上還附有一杯煎茶, 可以讓客人消消滯呢! 這一點有驚喜呢!原本對這裡的抹茶產品沒有抱太大期望, 結果質素不差呢! 是值得再去的小店!…查看更多

好多人話女士有另一個胃食甜品我沒有認同亦沒有否應有時甜品唔好食,就算有另一個胃還是裝不下6今日這間甜品店,相信多多都裝得下^^未入內已見其多款受歡迎的甜品道具及擺設室內以橙黃色為主調地方舒適,座位寬敞先來個焦點芒果茶HKD42看得見的精緻!無添加糖漿,所以唔覺好甜反而來一口清香清甜芒果茶用愛文芒果漿弄成味道滿分好!顏色好吸引,亦是橙黃色!抹茶窩夫配豆腐雪糕HKD68原以為只有芒果的甜品味美原來抹茶系列亦同樣好吃抹茶窩夫鬆脆可口帶點回甘味配上紅豆即時甜而甘再加口粒粒白玉夠煙韌加上窩夫口感又變得煙韌鬆化兼備不同層次口感立現而豆腐雪糕則清新綿滑加一口熱燙玄米茶口內更清新滿足最後必點有愛文芒果的冰冰我的新至愛(抹茶系列)遇上舊情人又係點呢?佢就會變成雪花冰,挫冰及雪糕球混合體HKD68由上而下望好似一座小火山般或層層壘最高層係芒果雪糕,幼滑香甜的口感一入口隨即呈現中層則是挫冰及雪花冰入口即溶再滲上海鹽令其味道更出及倍增份量好多2人食應該剛好!…查看更多

繼女人有第二個甜品胃後，小妹又去挑戰人體極限，喺晚餐後走去食返個甜品暖下胃，男人投訴佢就快由六舊朱古力變做溶左嘅朱古力(六合一),哈哈今日食mango chacha...正常黎mango chacha就梗係食mango,不過我今次揀左抹茶，好似話新推出，會一會你先！抹茶焦糖燉蛋拼芝麻布甸首先個抹焦糖燉蛋都幾有驚喜，抹茶唔會好濃，唔會蓋過蛋味，不過份量過小，食两啖無咗，相信係如果份量多蛋太厚又造唔到而家呢個效果，因為對比燉蛋較濃味，而布甸清清地，咁食落個對比好強烈，而家有粒粒芝麻碎，口感唔錯，另外再配有豆腐雪糕同紅豆加抹茶丸子，丸子煙煙韌韌，一個甜品滿足幾個心願抹茶雪糕紅豆冰小妹發覺抹茶哥係一定離不開紅豆妹子，呢個抹茶雪糕紅豆冰小妹頗喜歡，因為佢唔會好甜，抹茶飲品會較為濃味，但將雪糕同cream跟抹茶混合，佢個味會由濃轉為香甜，好神奇，但如果鐘意甜食嘅就可以另選佳麗，因為佢係低調地甜，岩晒低調嘅男人,哈哈…查看更多

食完晚飯又黎到我最愛既甜品時間了，其實尖沙咀既甜品店大部份已經試過，又想試新野，係赫德道附近行下行下去到去漆咸道南交界比我發現有間之前未食過既甜品店，就係被呢個橙色招牌所吸引！行近d睇清楚，原來係專食抹茶系列同芒果系列既甜品店，而我就非常愛抹茶味的，一支箭甘衝了入去！不竟係平日既十點幾，人不多所以不用等位，入面太約可容納二十人！個餐牌非常精美，圖文並茂，未食已先興奮，哈哈～先黎一個抹茶窩夫配豆腐雪糕HK$68, 賣相相當之吸引而且勁有份量，有三塊抹茶窩夫，上面鋪上紅豆蓉及白玉，窩夫外脆內軟又有濃濃抹茶味，配上甜甜的紅豆蓉增加其甜味及煙韌既白玉增加其嚼口，食落口感一流，旁邊當然不小得幼滑既豆腐雪糕，還有一杯窩心既熱玄米茶，一冷一熱，感覺很特別～一個抹茶甜品又邊夠呀！再黎個抹茶心太軟配豆腐雪糕HK$78！一切開個心太軟就流出既抹茶漿而且還有餘溫，甘甘甜甜，用微脆既外層餅皮點黎食，抹茶味更濃更出，旁邊同樣配上幼滑既豆腐雪糕，甜甜既紅豆蓉，煙韌既白玉同窩心既熱玄米茶，我個人認為抹茶味既心太軟比朱古力味更好食～Yummy最後還點了杯抹茶紅豆白玉聖代HK$68,係我最想點既甜品，一早已被那餐牌既插圖深深吸引住，原來實物更精緻，用玻璃杯盛載，能一層一層看清楚用料！由上致下分別有咖啡味馬卡龍，豆腐雪糕，紅豆蓉，玄米果凍，抹茶白玉，芝麻慕絲，抹茶布甸和可可脆米！咖啡味馬卡龍：甜度啱啱好，也很喜歡呢個咖啡味豆腐雪糕：夠幼滑，豆味又夠出紅豆蓉：甜而不漏玄米果凍：味道清淡，夠清新抹茶白玉：煙韌彈牙芝麻慕絲：本人不是太喜歡芝麻味，好採不是太多抹茶布甸：甜中帶甘又滑身可可脆米：食落脆卜卜，增其口感又一日大滿足歸家！快樂真的很簡單！…查看更多

˚*•✰。Mango Cha Cha．。✰•*˚✿✿舌尖上的尖沙咀✿✿❤餓底飯聚❤❤和大少奶行街，一定要帶她吃甜品今次到Mango Cha Cha主要是看到OPENRICE的食評發現有本小姐心愛的抹茶系列，自然雀躍！！Mango Cha Cha用的是手畫menu，大少奶說有心思！店員都是少女級，落單快而準，夠醒目，大少奶又讚人有禮貌！點解大少奶成日讚人，又唔見佢成日讚我既?!大少奶點了抹茶牛奶超厚忌廉，配合抹茶香氣，口感香滑似抹茶奶昔內裡的牛奶味夠重，而不會太甜，水準不俗我點的是抹茶紅豆白玉聖代層次分明而用料豐富的作品以馬卡龍點綴，豆腐雪糕充滿豆漿的香氣白玉紅豆、玄米果凍最煙韌彈牙，底層粟米片亦夠香脆然而最愛還是抹茶布甸，嫩滑清新，是抹茶控的必點之作2人share抹茶窩夫配豆腐雪糕自從上次嘗試到好味窩夫後大少奶的甜單菜單中一定有窩夫窩夫抹茶味香口，外脆內厚，味道有水準此小店的窩夫選用清新的豆腐雪糕作配搭特別是香甜的紅豆，放在窩夫上真是味道一流配料豐富而味道出色值得再吃的小店…查看更多

幾個女仔Gathering可以去邊? 有時的確好傷腦筋～今次朋友仔有好介紹～就是去甜品店坐坐~~呢間甜品店真的不錯~無咩人~可能係平日,而且時間尚早~下午6點半左右~~~最岩我地d妹妹仔, 想坐低一路食野一路傾心事間野叫mangochacha, 以為淨係得mango食...原來仲有抹茶~~haha我地叫左芒果茶wow~勁香~未倒出來已經聞到濃濃的芒果香~而味道是淡淡清香的~仲有得refill, So Nice!咁我地不約而同地揀左抹茶系列~~抹茶拿破倫, 配豆腐雪糕以抹茶鮮吉士醬做餡~很香抹茶, 而且很Creamy, 略嫌拿破倫有點硬~所以share 的時候有點難分~但味道是絕對好味的抹茶心太軟, 配豆腐雪糕Oh! no~很正~心太軟的外皮焗得很香脆, 一把它介開~裡面的抹茶醬像流心一樣, 流哂出來~超級正~還有抹茶窩芙, 配豆腐雪糕窩芙的抹茶味很香~而且外脆內軟~加上有紅豆同雪糕~味道都好難唔正~哈哈~重點係佢個份量看似唔多~唔大~但都夠食飽~~haaha~真係唔洗食晚餐~hhaha!!仲有~我地仲叫左杯抹茶雪糕紅豆冰share抹茶同紅豆的比例像是3:1~但佢2個走埋一齊真係prefer match!! 加埋雪糕, 真是透心涼~好快就比我地K.O左! yum yum!!! …查看更多

由愛文芒果沙冰到mango Xpress, 一直都是mangochacha的忠粉，最近得知推出全新和風抹茶系列，當然要支持一下。五款甜品中，點了四款，基本上用料大致一樣，如紅豆白玉、豆腐雪糕、玄米茶，都是幾乎每道甜品都會配上的。抹茶心太軟配豆腐雪糕（$78）裡面有抹茶心太軟、紅豆白玉、豆腐雪糕、玄米茶。抺茶流心緩緩流出，濃郁的茶香滲入味蕾，配上的豆腐雪糕很match!抹茶窩夫配豆腐雪糕（$68）裡面有抹茶窩夫、紅豆、白玉、玄米茶、白玉、豆腐雪糕窩夫一窩有三塊，香香的鬆軟可口，愈吃愈滋味。抹茶鮮吉士醬拿破崙配豆腐雪糕（$78）拿破崙裡面有抹茶吉士、千層酥皮、紅豆粒、綠茶白玉、豆腐雪糕拿破崙酥皮薄脆哥口，抹茶吉士不會很濃，茶香細滑。抹茶焦糖燉蛋拼芝麻布甸（$68）裡面有抹茶燉蛋、芝麻布甸、紅豆、白玉、豆腐雪糕抹茶醬味道濃郁，配在香濃滑溜的芝麻布甸感覺特別，想不到這個配搭也頗不錯的。 另外還點了杯抹茶雪糕紅豆冰（$42）跟其他抹茶甜品大同小異，都是用以紅豆白玉、豆腐雪糕等製成紅豆冰，濃郁美味，份量夠大。…查看更多

台灣愛文芒以芒果聞名「Mango Cha Cha」已經不是第一次到訪。 地點在赫德道街口近漆咸道方向，近期店鋪剛新推出一連串【抹茶系列】。有別於其他甜品店的餐牌，手繪圖案極具吸引；兩頁的抹茶圖案種類繁多，如果你真是抹茶控一定難以選擇。抹茶鮮吉士醬拿破崙配豆腐雪糕$78可以利用刀子切開拿破崙比較少有，輕輕地一刀沒有令到抹茶吉士醬擠出大為出色。不過抹茶吉士醬的份量頗多，如果少一點會更好。拿破崙沒有過份的牛油香及糖黎，抹茶帶點甘不會太甜；紅豆甜度適中配搭得宜。大愛豆腐雪糕，豆腐味濃郁而甜度恰到好處。豆腐雪糕旁邊的白玉及抹茶丸子非常煙韌，為這款甜品提升不少口感。雪糕圍繞著少許忌廉，混入芝麻味美味又滑溜。整體一上拿破崙又鬆脆，不甜亦不膩的確不俗。 抹茶紅豆白玉聖代$78這杯甜品每一層都層次分明亦有不同口感。頂部馬卡龍、豆腐雪糕、紅豆、玄米果凍、抺茶白玉、抹茶布甸及粟米片。紅苺色的馬卡龍外脆，酸酸甜甜甚為滋味而且甜度得宜。別以為吃了馬卡龍後，豆腐雪糕會淡味但其實更加吃出嫩滑的豆腐味道。紅豆煮至微爛狀態混入雪糕更加美味。抹茶白玉稍為帶甘但不會有苦味，口感煙韌！抹茶布甸又腍又滑不會過甜，別以為粟米片在底層會腍一身；反而繼續保留脆口。 甜品的價格雖然愈來愈貴，但能夠與三五知己一齊分享確是快樂的事。品嚐甜品之餘，牆身的設計更為特別「Mangohoic Club」徴女友或徵男友？頓時立即想起一位年輕才俊朋友，特意為他尋覓有缘人；絕不取巧。正所謂助人為快樂之本，不知道下次到來會否有人留言呢？ 如果真的尋覓到真愛，那豈不是難得有緣人！ …查看更多

鮮明既門面 令到我係酒吧街走過都見到咁岩下午茶時間 又見佢個promotion board 寫住有抹茶甜品食同友人諗左諗 不如入去坐低 享受下假期既tea time啦mango cha cha 出抹茶甜品?! 有意思 有新意 所以一試無妨啦簡簡單單的裝修 甜品店就係要咁樣先襯托出五花百門的甜品吧!!誠意?! 真係望完佢地個自家設計既人手畫既menu就知喇 畫功勿論先 有呢個心思就已經回票價 況且都唔差吖當我見到抹茶 吉士 豆腐 拿破崙....呢個驚為天人既組合之後我即時點左呢個 因為以上既都係我鐘意食既野 砌埋一齊我諗點都無得輸囉!!! 淨係個賣相 我已經覺得好味用左硬穌皮配合一層既抹茶吉士醬 唔會咁易散開之如又唔會令你進食個陣有咩尷尬野發生 (即係彈到四圍係咁呢!?) 好重既抹茶味 甜度適中同埋個穌皮一齊食會好夾 唔似得平時吉士醬咁甜穌皮夠脆夠厚夠鬆化 一切就開 唔會散晒真係一個好好既設計黎!!!豆腐雪糕好重黃豆味 滑身之如同側邊既丸子一齊食 係好有口感同層次一下彈牙一下軟滑 好得意分開一半都唔會散開晒架 切口好整齊!! 亦都見到穌皮好鬆化友人就點左呢個心太軟佢本身比較喜好蛋糕類甜品 所以都要食啲接近蛋糕既甜品先得一杯綠茶 一個豆腐雪糕 一碗白丸子加紅豆蓉 加一個熱辣辣新鮮出爐既心太軟呢個甜品組口都幾豐富!!!!一切開個心太軟......熔岩衝住出黎阻都阻唔住呀真係 因為友人話好多舖頭既抹茶心太軟都會overcooked 而佢見到今次爆出岩漿 好興奮咁話!!!!好濃既抹茶味 甜度係低既 所以好岩佢食 可以真正咁食到抹茶既味道配合埋凍冰冰既豆腐雪糕食 一暖一凍既感覺 難以形容!!!抹茶紅豆 永遠的最佳拍檔 加埋丸子更係錦上添花!!!食完飲一杯暖暖既綠茶 清一清口腔 友人個滿足樣真係呢..我就點左杯抹茶牛奶喇 唔理佢咁多好多忌廉係面 配合埋抹茶牛奶 好香滑同埋令到個奶泡更加厚實 好似飲緊奶shake咁 茶味好出 睇佢好似好淺色咁 但竟然會比牛奶味更突出…查看更多

我不是抹茶控，但就好喜歡食新地芭菲，因為一次可滿足我多個口感及願望，看見朋友在Whatsapp 群組 Sent 俾我o既相片，立即約朋友黎食個抹茶宵夜！一早已選定了 抹茶紅豆白玉聖代白雪似的豆腐雪糕上面放著是開心果口味的馬卡龍，再往下看是芝麻慕絲，玄米果凍，抹茶布甸和最底層的可可脆米。雪糕旁圍著的是抹茶白玉、紅豆粒、白玉等材料，份量是挺大的！最喜歡豆腐雪糕，豆味清而突出，夾埋味帶微甘苦抹茶顯得剛剛好，兩款白玉口感都是QQ 的，而抹茶白玉After Taste 回甘度足，建議夾住其他配料一起吃。玄米果凍及抹茶布甸都屬少甜口味，令整體不至過份甜漏。有心思的層層相叠，令到最底層的可可脆米沒有淋掉，正！唯獨芝麻慕絲口感比較膩，同埋唔太夾整個感覺。朋友叫左個抹茶窩夫配豆腐雪糕跟窩夫有一杯綠茶，味道偏啖但正好清一下味蕾，豆腐雪糕同上都是清新而突出，應是和風系列中是我最愛的配角吧。抹茶窩夫屬於比較實心的口感，一客三件，蛋香不算明顯但足料飽肚，窩夫加埋清淡的豆腐更顯出抹茶的甘香，冷熱交融，别有一番感受。加埋白玉紅豆等配料，和風味超濃！究竟芒果店賣抹茶會怎樣分數？我認為是合格有餘，喜歡回甘茶香的應該會喜歡，配料又豐富，的確適合心多多之朋友，只是幾款食物之配料是重複又重複，建議心多朋友不妨芒果同抹茶各選其一。 …查看更多