Mango Mania

營業中

休息中

上星期去左北角和富中心晚餐，見到餐廳隔離有間Mango Mania，上網搵原來係泰國過江龍甜品店!主打芒果甜品，以人氣泰國水仙芒製作。店員係正宗泰國人，親切有禮貌~芒果冰磚 Ｍango Bingsu with sticky rice賣相造型吸引!大大粒芒果香甜多汁，食得出好新鮮唔會酸，內裡係幼細軟綿既花奶刨冰，入口即溶，配以芒果汁同煉奶食用更顯風味。大大球芒果雪糕味道熟香濃郁，另附上軟糯帶嚼勁糯米飯，正。超級芒果狂熱Super Mango Mania嘩!有成三款芒果甜品，芒果迷一定唔可以錯過~有齊芒果布甸、芒果雪糕同芒果糯米飯，仲有半個切花芒果，果肉綿密細緻，香氣十足又夠甜，啖啖肉濃厚芒果香。芒果布甸口感順滑清新；芒果雪糕奶味濃厚甜度適中；芒果糯米飯迷你份量剛好唔易滯，加上脆米，提升口感屠次。

芒果迷又出動啦!!!🥭🥭🥭🥭🥭記得以前成日去泰國, 周圍都係芒果🥭🥭🥭🥭🥭天堂錦!!! 而家冇得去旅行,就錦岩比我搵到呢一間Mango Mania咩都係🥭🥭芒果既餐廳!! 幾遠都要去試佢😍😍😍😋😋今日就叫左個芒果冰特飲,其實瘈概就係芒果冰沙再加新鮮芒果粒, 好滿足啊!!芒果唔會酸,仲好香TIM另外因為唔知簡邊樣好, 就直接叩個超級芒果狂熱-有芒果布甸,糯米飯,雪糕+新鮮果肉,滿足哂我所有願望

專誠而來一試這裡的招牌芒果甜品餐牌圖片好吸引，令人有選擇困難，思量許久，怕肥所以最後選擇當中稍為低一點點卡路里的甜品就點了芒果糯米飯了味道確實不錯，不過沒有特色，相對之下，葵涌廣場的4色芒果糯米飯更佳，因為飯有特別香氣，但都值得來試試的

和富重新裝修之後，多咗好多間新食肆，種類好多，地庫更有個food court😲個food court 係北角新嘅打卡熱點嚟，大家過嚟可以去下！今次我就無去food court 喇，就嚟試進駐咗和富嘅泰國過江龍甜品店Mango Mania! 🇹🇭Mango Mania主打芒果甜品🥭亦有少量其他水果嘅甜品。佢哋嘅芒果係用泰國水仙芒，有清香嘅芒果香，更有獨特嘅花香。芒果肉挺身有口感，甜度高而多汁，熟嘅泰國水仙芒更加清甜如蜜。店內空間多，佢哋係將兩間舖打通，另一間舖係Orange Elephant Thai Restaurant主打食泰國菜同小食。店內職員都係泰國人，識講流利廣東話，溝通無難度💁🏻‍♀️❤️ Super Mango Mania 超級芒果狂熱 $68呢個甜品有半份新鮮芒果、芒果布甸、芒果雪糕、椰汁糯米飯，更配有椰漿、芒果漿&cream。芒果非常清甜，質感偏軟身，我用嚟配椰汁糯米飯！椰汁糯米飯粒粒分明，有黏度但少少偏乾，唔算濕潤。糯米飯上面個椰汁真係無得輸，味道鹹鹹地配埋芒果真係好夾，椰汁仲夾雜住少少脆脆，增加口感。芒果布甸口感順滑味道略淡，建議配埋椰漿或芒果漿嚟食。芒果雪糕芒果味濃，

知道北角有間食芒果甜品嘅店舖好出名，入面有好多花款叫Mango Mania，今次終於有機會去品嚐。叫咗超級芒果狂熱同埋芒果冰磚。超級芒果狂熱入面有五樣嘢，分別係芒果半個、糯米飯、芒果布甸、芒果雪糕、忌廉，每樣嘢都混合芒果嘅材料響甜品入面，而且擺盤好靚絕對係打卡之選。另外芒果冰磚係用好多塊超甜嘅芒果，及頂部嘅芒果雪糕包住入面嘅刨冰，又全部係芒果嘅元素，因為芒果超新鮮嘅關係，連埋刨冰食口感上一流。如果係芒果控嘅朋友，絕對要嚟依度品嚐佢哋各式各樣唔同嘅甜品，一定有意想不到嘅感受。

同朋友行街行到攰，網上search到呢間甜品舖，比芒果甜品&飲品吸引，就想過去坐低休息下。😍😍去到店舖之後係門口等左5-10分鐘冇職員理我地/帶位😞🙈，我地就搵左張檯坐低。隔左10分鐘有staff態度惡劣地過黎我地檯，喝問入我地門口時有冇探熱，叫我地出翻去探過，咁我地都有跟佢指示做翻。落單時一位朋友先點餐，我地話再諗諗先陣間需要再嗌，侍應反問"只點一樣?!" 😧見佢態度咁，我地即刻check check menu睇下最低消費幾多，其實係冇minimum charge既，當下已經覺得侍應態度極差想離開餐廳。😷😖😖😖後來食物送到，個侍應隨即上埋張單趕客，冇follow up問我地仲想叫d咩就收走左埋個餐牌。😕食野過程中佢盯住我地檯，未試過坐得咁唔舒服。利申: 非繁忙時段用餐，附近有4成空檯，冇阻礙其他顧客入座。離開餐廳時仲隱約聽到佢話我地。惡夢級用餐體驗，野食再好味都唔會再試。呢個價位，服務態度仲差過澳牛，實在失望。完全冇辦法輕鬆同朋友傾計，只想盡快食完離開，貼錢買難受。😥😥😥😥😥

📌 Mango Mania~北角難得去北角食飯就去咗呢間一直bookmark咗好耐嘅泰國過江龍甜品店🇹🇭位置都算幾偏 由地鐵站行要7分鐘先到和富中心🚶🏻不過開到夜晚11點 可以食到好夜本身以為排長龍 但估唔到人流唔多😧如果開喺中環或者銅鑼灣可以想像到條人龍有幾長😅入邊仲要係兩間餐廳 隔離嘅橙象係食泰國菜泰國菜同甜品區都有劃分座位座位都算幾多 而且空間感十足🤩呢間甜品店所有職員都係泰國人 所以感覺幾正宗😛作為芒果嘅狂迷見到餐牌上全部都係芒果真係超級興奮😍原來係採用左超清甜同冇纖維渣嘅泰國水仙芒🥭果然令人很有驚喜 好鮮甜😋而且大大份 價錢唔貴！唯獨等候時間有啲長 不過絕對會再嚟encore😌1️⃣ 芒果冰磚 𝗠𝗮𝗻𝗴𝗼 𝗕𝗶𝗻𝗴𝘀𝘂 𝘄𝗶𝘁𝗵 𝘀𝘁𝗶𝗰𝗸𝘆 𝗿𝗶𝗰𝗲 $𝟳𝟬 (𝟵/𝟭𝟬)造型好靚 芒果切到四四方方好大粒🥭而且每一粒都好甜 份量多😍底下係花奶刨冰 質感細軟～比較似雪花冰 而且唔會好易融🍧可以淋埋芒果汁同花奶一齊食更加濃味😚上面仲有一球芒果雪糕 味道相對上比較人工其實都幾大碗 適合兩至三人份量糯米飯上面有脆米 質感軟腍充滿椰香簡直

北角一向都唔少美食，係得附近做野搭叮食勻晒各種好西是常識吧，因為太耐冇去泰國超掛住佢啲甜品，今次試下泰國代表mango mania。因為冇食lunch 既關係，揀左個好飽肚又係我至愛既蜜糖吐司， Mango Honey Toast由先入眼係成半個又甜又多汁既泰國芒果，係烤好脆脆地既吐司上放上地道既糯米飯同椰汁雪糕😋 唔使加芒果醬同椰槳都好夠味，泰國芒果既甜係清甜，淨食芒果都正。另一個甜品係Super Mango Mania，集芒果糯米飯，雪糕同布甸於一身，所以飽飽都要照試埋，最驚艷係芒果雪糕，有以前細個啲芒果雪糕回憶既味道。下午茶時間好多人黎食海南雞飯同粉麵，睇黎下次要黎叫啲咸食啦😋😋

一間有好多芒果既泰國甜品舖 連職員都係泰國既姐姐 食完當自己去完泰國🤣Mango Bingsu$70賣相好吸引既芒果綿綿冰 本身我麻麻地食冰 不過呢個刨冰好好食😋 芒果大大粒夠甜無渣 刨冰食落有花奶味 口感非常軟綿唔刺激😍 配有花奶同芒果汁可以淋面 刨冰上有大大舊芒果雪糕 伴碟仲有芒果糯米飯 刨冰份量超大碗 適合同朋友分享Super Mango Mania$68一碟有齊芒果 芒果雪糕 芒果布甸 芒果糯米飯 岩唒有選擇困難既人 芒果糯米飯口感岩岩好 好有泰國風味😍 呢碟個芒果就無咁甜 布甸就唔係好彈個款 係比較軟身Mango coco mousse with sago$42大大杯 有芒果又有好有咬口既西米露 食落唔會單調 Mango mania$33大大杯芒果汁 入面有唔少果肉 岩唒超鐘意芒果既人

又係時候止一止旅行癮 去左呢食呢間係清邁開到黎香港嘅芒果甜品店🥭不負眾望全部都係芒果甜品🤤. Mango bingsu . $70呢個必今呀好多厚切芒果鋪滿好似煉奶味嘅沙冰 芒果大大舊都幾甜 個冰超綿!!! 口感好幼滑 仲有芒果汁同花奶淋落去一齊食🤪 上面個芒果雪糕都好食唔artificial 個種😂 芒果糯米飯好有泰國味 正. Super mango mania . $68賣相好靚 仲超豐富 有哂雪糕 芒果布甸 芒果糯米飯 仲有半個𠝹好左嘅芒果 個人覺得布甸有少少林左d 呢舊芒果就有d酸 不過點埋d汁同cream食 好滿足🤩. Mango coco mousse with sago . $42大大杯好足料嘅芒果椰汁西米露 mousse就唔算好覺 但飲落好滑 勁多西米好有咬口 . Mango mania . $33成杯芒果汁啱哂芒果控 面頭仲粒粒芒果 好大杯勁飽😂😂😂推介: 🌟🌟🌟🌟(最高5星)

經過見到成間都係食芒果非常之吸引。 入面嘅侍應全部都係講泰文，好有feel芒果糯米飯10分出色。佢嘅糯米飯好香椰子味食完仲會有一股清新嘅茉莉香味喺口中縈繞。我哋嗌左一樣唔係芒果嘅飲品:蜜糖胡蘿蔔香蕉乳酪奶昔 本身諗住試吓伏點知非常有驚喜。可以飲得出奶昔嘅每一種食材，包括蜜糖，唔係死甜，係真係有蜜糖嘅香味。

北角和富中心新開了一間泰國菜，路過見倒唔少街坊幫襯，好多人話book左位，餐牌相幾吸引，是日已食過晚餐，所以今次入去先試下dessert。點了Best seller 裡面的Super mango mania(一個甜品裡面有好多樣野) 同埋 Mango honey toast🍯(有d得意既港式toast加泰國糯米飯)。上到枱睇睇:港式甜品鋪既組合。每樣甜品差不多用了大半個芒果，而且每份都唔細。mango mania 有布丁🍮雪糕🍦泰國椰汁糯米飯，特別欣賞椰汁糯米飯同外面食有d唔同，加左鹹味同脆脆既(豆?)總之啦！兩個我比較鐘意多士點埋果兩個醬幾夾，雖然本身蜜糖味已好足，而且多士好脆，係加分位。下次有機會食個晚餐再分享比大家。

好耐好耐之前去過曼谷食芒果糯米飯，係一試難忘。一直都好想再食，今日放工Happy Friday同朋友一齊尋覓返去泰國旅行嘅味道~間店舖都比較入，平時好少去北角覓食，今次都用左d時間揾路。不過為美食係值得嘅！大約6點半去到，好彩唔洗等位~menu都好多選擇，有甜品有飲品。而我同朋友就諗住甜品當正餐，於是叫左一個Super Mango Mania芒果糯米飯同Honey Mango Toast. 好驚喜嘅係原來個toast都有糯米飯，加埋椰子雪糕同蜜糖牛油厚多士，真心惹味！都個招牌芒果糯米飯，配搭上芒果雪糕，又係另一種鮮甜。芒果布丁甜而不膩，仲要兩個甜品都有完整半個芒果同好大舊糯米飯，超級飽！不過值得encore ☺

🎾 #波姐食好西太耐無去旅行🧳今日突然間好掛住泰國🇹🇭唯有食返個「泰式下午茶」望梅止渴下先囉🥺-🏈環境🏈呢度環境好舒服，枱與枱之間嘅距離都幾闊落～唔知係咪心理作用，總係覺得戲同泰國分店個feel幾似😆-⚾超級芒果狂熱 $68如果你好似我咁樣有選擇困難症，呢個甜品就啱哂🤪佢有芒果糯米飯、芒果雪糕同芒果布甸🥭一次過滿足你3個願望👌🏻芒果本身好甜，糯米飯又好重椰香味，加埋佢哋個椰汁同芒果汁，口味超夾又唔會太漏～仲可以加埋個芒果雪糕一齊食🍨完美還原泰國嘅味道🇹🇭另外仲有個芒果布甸，雖然無芒果肉粒，但係食落都唔係假芒果味，質地好滑又唔會太甜😋-⚽總評⚽如果本身係芒果甜品愛好者一定要試下！掛住泰國嘅感覺都可以嚟感覺下短暫嘅旅行錯覺，因為佢哋嘅侍應全部都係泰國人，仲會聽到佢哋用泰文溝通😆唔使擔心，佢哋招呼食客全部都係講中文㗎🤣-🏐Mango Mania北角和富道21-53號和富地下G18C號舖-#一粒波ARollingBall #一粒波碌去北角 #mangomania #hkig #hkfoodie #香港食評 #香港餐廳 #foodstagram

難得放假，我同朋友就去咗海邊逛逛，其實個海邊係指北角碼頭🤣，順便行下新商場嘛。而且附近嘅和富中心最近亦都翻新咗，開咗唔少新餐廳，我哋去埋嗰度八卦一下。最近細食咗，好多時晏食完午餐，夜晚都唔覺肚餓。行完一輪無鹹食吸引到我，反而我好想食甜品，加上「Mango Mania」店員落力喺門口叫人入去試吓，我哋就幫襯下佢啦🙆‍♀️！入到去冇耐，我哋就發現其實兩間餐廳係相通，隔離嘅橙象係食泰國菜🇹🇭，而甜品呢邊係泰國過江龍嚟。最令我Surprised係店員們同甜品師都係泰國人，我真係完全無諗過，頓時覺得食物出品應該幾正宗。甜品餐牌黃黃的💛，九成甜品同飲品都係關芒果事，芒果🥭，全部都係芒果！價錢唔算貴喎，特別係見到實物之後就知物有所值。超級芒果狂熱Super Mango Mania($68)，睇圖就知呢個係Combo，第一次食的話試雜錦就最好不過。甜品組合好豐富，賣相吸引😍，包括半個切花嘅芒果、芒果糯米飯、芒果布甸、芒果雪糕同埋鮮忌廉。芒果做到好挺身同拱橋嘅效果😂，原因係下低用隻匙羹托起。🍮布甸有驚喜，因為佢係好濃果肉嗰種，會見到一絲絲芒果，牛奶或布甸粉嘅含量較低。一向麻麻糯米飯🍚嘅我對呢度出品評價唔錯