影片
港鐵錦上路站 B 出口, 步行約4分鐘
繼續閱讀
營業時間
今日營業
09:00 - 18:00
星期一
全日休息
星期二至日
09:00 - 18:00
*星期一休息（公眾假期除外)
以上資料只供參考, 請與餐廳確認詳情
今日同女朋友一齊去一去紅磚屋，途中經過一個盈匯坊嘅地方，炎日下諗住入去買杯凍飲為自己降一降溫啦，喺門口見到佢有賣果汁，請記住係「果汁」！我哋喺門口揀咗一杯西瓜汁，一杯橙汁，入到去店員聽到之後有表情有少少呆滯，當下佢係咪心諗有兩條水魚買劣飲。點完餐比完錢之後望一望佢個廚房已經心知不妙啦，我見到佢架上面有一支支寫住唔同果汁名嘅糖漿，我女朋友問我唔係成杯都係糖漿呀嘛？我仲抱有一絲希望諗佢應該唔係，但結果往往係出乎預料，佢真係成杯都係糖漿，而且係化學味嘅糖漿，最搞笑嘅係佢竟然將啲糖漿倒入去榨汁機度搞兩嘢，好心你啦，如果用糖漿嘅話就直接用支嘢搞咪算囉，唔使特登用榨汁機搞㗎喎！人哋用榨汁機係為咗將啲果肉榨到變汁咁俾你飲，其實你成杯都係化學嘢咪直接倒埋去溝埋一杯咪算囉，係要整色整水果覺得啲客唔知你成杯嘢都係糖漿咁，你杯咁嘅質素，我覺得蜜雪冰城都會比你更加好飲，仲要平過你。香港就係多得你哋呢啲咁嘅舖頭，先會令到人哋想北上消費。
繼續閱讀
未試過嬲到要寫食評加公仔去紅磚屋經過盈匯坊 熱得濟想買杯嘢飲諗住買杯果汁見佢$30 一人一杯！！頂，點知見佢夠膽死糖漿溝水俾我得㗎啦仲要開個榨汁機扮攪西瓜同橙嘅成本唔係好貴姐點解可以無量到用糖漿加水俾人飲完仲要肚屙然後嬲到想打食評見到大家啲留言先知佢已經唔係第一次點解可以生存到咁耐！港島區賣杯果汁先係20幾蚊 佢錦上路憑咩賣$30一杯咁細杯仲要係糖漿溝水好心冇心做就執左去啦睇其他評價佢仲會叮飯比硬既蛋糕人人哋葵芳整杯果汁溝水都係起碼用新鮮果汁丫 都係幾蚊 呢間垃圾
繼續閱讀
今次嚟呢間餐廳我已經嚟過幾次㗎喇 今次係同一大班朋友嚟 由於佢好近咁上路站所以交通都算方便嘅 喺錦上路站行出去大概幾分鐘 就會見到左手邊有一個好靚嘅地方 就會見到佢㗎喇 因為佢有靚咖啡同埋有小食所以同朋友就可以喺呢度坐低 傾下計嘆下咖啡 都係一個唔錯嘅地方嚟嘅 今次因為我哋唔係太餓 我自己就叫咗一杯凍咖啡同埋一個腿蛋治佢嘅咖啡稍為遜色 咖啡味太淡另外三文治都係普普通通 但佢就勝在坐嘅環境 比較優雅 佢雖然鋪頭唔算大 但係外面仲有一啲室外坐嘅位置 可以畀我哋可以慢慢喺度 嘆咖啡 佢嘅價錢呢係比較貴嘅 食物呢有普通環境唔錯 所以總體嚟講 不過不失啦 都不失為一個 休閒傾計嘅好地方嘅
繼續閱讀
星期日去盈匯坊睇吓有咩食，嗰到得3間餐廳，想食個午餐同飲杯咖啡就揀咗呢間，餐廳入面有啲裝飾擺設可以影下相，佢午餐有梅菜扣肉，咖喱牛腩飯，糖醋骨飯，枝竹羊腩飯，叫左個咖喱牛腩飯，之後佢拎餐具比我啲餐具都幾污糟，上到枱一望到就知道伏，佢係啲微波爐加熱嘅牛腩飯，啲牛腩係碎碎，無咖喱味，超級難食收$60蚊比啲咁嘅垃圾，波仔啲叮飯仲好食啲，杯咖啡完全冇咖啡味，好似飲咖啡水咁朋友叫左個類似早餐咁，有炸魚柳，炒蛋，漢堡扒，多士，$59蚊味道都正常可接受，但佢叫左杯朱古力咖啡，都係無咖啡味，唔會再去第二次
繼續閱讀
難得入黎一次周圍行下食下野呢到啲蛋糕睇落好有水準架諗住你係咖啡店咁咖啡唔會衰啦頂你個肺…一杯糖水咖啡走咖啡味…好野真心失望到呢環境真唔差坐底前仲同老婆講下次帶埋啲小朋友黎真係要收返呢句說話下次直接落錦上路算！冇諗過蛋糕都可以難食到好似膠味，硬到好似石器時代留落黎咁！咖啡都係…個咖啡味嚇你唔死比個威你！👎🏻其實你蛋糕唔掂就咪9賣啦你其他野掂咪得囉而家我連試其他野都唔想唔會再黎！希望其他人唔會中伏千祈唔好食蛋糕同飲咖啡
繼續閱讀