LUMOS Restaurant and Bar

營業中

休息中

屯門竟然有半自助午餐，這次來到屯門虹橋的 LUMOS Restaurant and Bar，試試他們的半自助午餐。叫主菜另加 $20，就能享用豐富的自助前菜、沙律、薯菜，還有各式的精美甜品，選擇不少，相當吸引，亦都好抵食，令人滿載而歸主菜：香煎澳洲尖吻鱸水瓜柳忌廉汁
主菜選了香煎澳洲尖吻鱸，魚皮煎得香脆，魚肉細緻嫩滑，入口鮮甜。配上的水瓜柳忌廉汁，帶有微酸的鹹香，令魚肉更加突出，整體味道平衡且充滿層次感，味道細膩且不膩口

已經第二次黎餐廳慶祝🍾屯門黎講，佢算係最有格調，環境靚，性價比高既餐廳，對我黎講係屯門最好既慶祝場所，隔離台仲話佢專登由何文田黎食先黎餐包，佢既包好好食，包括一陣叫既burger, 配上自家製既香草芝士醬，幾好食封門牛柳侍應推薦3-5成，叫左5成，有牛味，嫩滑，覺得食到再生少少既人的確可以叫3成，下面薯溶都好好味老虎蝦意粉原本唔好茄汁意粉既我，因為食評話好好味，果然一試難忘！蝦好香，有少少蒜鹽？意粉軟度適中，好難忘澳洲和牛竹炭漢堡包薯條好好食個包要share先食得完，好味，不過食到最後牛好流，兩塊麵包又係好好味玉柱蘋果呢個都好味，不過無太驚喜因為生日，餐廳除左蠟燭，仲送左一張即影即有，服務好好！

星期六，約了朋友仔一齊試下呢間餐廳，很驚喜，食物很好味，肉眼扒 medium 真的好好食，有焦香，非常合我地胃口。另外，魚卷比預期柔滑，值得一試。呢間食物和服務都好好，我地會再光顧。推薦！

有live band 係幾surprise, 不過大聲到落單都聽唔到 傾計又辛苦食物就一般 個鱈魚勁鞋 ribeye就正常 反而係啲waitress 好似趕收工咁 chur你落單 chur你食嘢 chur你收碟 成餐飯都比人問咗7次收唔收得碟😓 夠膽死個扒我食咗3分2都問我收唔收得😓 明明話我張枱食到8點半 我7點45已經比人chur到食完lol 食緊野傾緊計都比佢disturb到無mood 最後因為係慶祝周年 都送咗張即影即有比我地不過都無下次

本身比社交平台 post條片吸引左，諗緊係咪打手，不過咁近，屯門人當然要食屯門小店，價錢同環境又吸引，就去食下午餐搞semi-buffet lunch,叫main dish +$20有semi-buffet♥️weekend再+$20前菜種類唔多，但樣樣都好食，啱我胃口，叫左4個主菜，牛羊魚雞，3樣好食，牛就乾啲硬啲，最like碟魚，一擺上枱心心眼，食入口好幸福。餐包好食😋暖又軟熟。甜品一般，個日個湯係甘荀湯不過勁重薑味，接受唔到。Overall係性價比高，已經約定同朋友要再encore ！值得一提，職員又有型（男女都係），又好服務態度。大家多啲留港消費啦～

今日我地5位同事一同去這間位於屯門餐廳食半自助午餐，每位都叫了最便宜主菜$88元巴瑪火腿意粉，首先意粉味道好好，巴瑪火腿有2件，我們再加$20元食埋半自助吧，自助吧有沙拉，甜品，湯，水果。沙拉菜新鮮，式式俱全，我最喜歡它的水果沙拉，又有免費凍飲及熱咖啡，各人都食得好開心，餐廳各員工服務態度一流，我們已再定了位下一次，我下次一定會試牛扒，看見別人的已知色香味俱全，每人現只需$120元，真是性價比高。

早排經過見到虹橋開咗新西餐，就諗住搵日試。有日咁啱朋友入黎屯門，就諗住晏晝帶朋友試試佢。一去到已經有位小姐預約咗枱都仲係門口等咗半個鐘嘅，已經心諗實無機了。咁我都諗住照問問著哂西裝嘅男帶枱啦，門口外已經等咗5分鐘，佢係入面見到有我同其他客但係唔出黎接直接行返入去。😨第二，我就行前入啲上一級有門嘅門口等佢，同佢示意我想拎位。佢都係望我一眼又行咗去😂第三，佢終於行出黎喇，佢叫我「借過少少」俾佢行出去部機到睇位。我借開完俾佢，佢睇完。佢睇完又真係直接行返入去，企係到嘅幾個客全部o咗咀？無位或者要等，都好你講聲喔😂未試過拎位嘅經驗都咁差，服務業？你first impression都未做好唔好講食物質素😉

15/2和老公來補祝情人節，1月份曾光顧過一次午市套餐，但原來現在一至日都有半自助午餐。 由於感冒未痊癒胃有點不適，不想吃太多，所以我點了自助餐（$108）包沙律,cold cut,湯,飲品,甜品。 老公點了羊西冷$148+自助餐$20。 沙律水準不錯，有蛋沙律,薯仔吞拿魚沙律,紅蘿蔔洋蔥沙律,通粉沙津,生菜等，各款沙律都不錯吃。 周打蜆湯非常足料味道亦不差，湯內有很多蜆肉,薯仔粒,豆,紅蘿蔔粒等。 飲品有咖啡（推薦）,檸茶（茶底濃郁）,果汁。 甜品就較為遜色，抹茶蛋糕有抹花味但太甜,檸檬mouse蛋糕有清清的檸檬味但太軟身, 朱古力蛋糕正常水準不錯吃,藍莓奶凍有陣奶蘇味,提拉米蘇杯一般般,熱情果啫喱杯這個味覺非常醒神是所有甜品中最欣賞的。 老公點羊西冷有驚喜，共有6片，有輕微羊蘇味而且很嫰，底有薯茸雜菇，推薦給喜歡吃羊的人士。 這個半自助餐，整體水準中上，性價比高。備註：openrice又reject我嘅食評，要我再submit， 真煩人。 話餐廳比人投訴提供試食，如果有就好了，哈哈

網上見到廣告，膽粗粗黎試下，第一日full booking ,連walk in 都無位，第二日再早啲黎排隊，無論食物，環境，服務質素都好好，留港消費係一個唔錯嘅選擇。溫馨提示一下，餐廳開12：00，大家記得book位啊

屯門有live band 既西餐 一隻手數得晒呢間就係其中一間.發現餐廳間中會轉下menu~.帶子刺身個調味比較濃松露油味好重蓋過晒其他味道...麵包依舊都係鬆軟..凱撒沙律上邊嘅脆餅係有一層糖喺上邊脆餅本身又好脆 成件事都幾好食，幾得意..松露蘑菇湯 就無乜特別龍蝦湯 入邊有一粒雲吞 店員會建議先食雲吞再飲湯龍蝦湯非常之重龍蝦味 沒有太多額外嘅調味 個人覺得唔錯但應該唔係每個人都接受到.大蝦扁意粉 調味適中蝦肉都彈牙既.威靈頓牛 $428並唔係Menu入邊嘅.酥皮唔會太過厚實，肉質都嫩口唔錯.Side dish 加左炸雞鎚望落去好似炸得好燶不過食落去又冇乜嘢都ok.豬扒燒得好香～好厚身 但唔會柴同韌👍同埋佢嘅配菜都好食👍..店員最後同我哋講佢哋lunch改咗Menu 同有做semi buffet!下次可以再試吓！

平時都好少入屯門，今次就係為咗呢間餐廳入去，我會話係絕對值得的！好難得有一間餐廳定期會有唔同嘅live music，可以享受美食之外，仲可以欣賞下本地嘅音樂😚香煎法國鵝肝鵝肝外層煎得金黃酥脆，入面保持了左絲滑綿密的口感入口即化美國prime肉眼扒牛排煎得外焦內嫩，口感極為豐富，我地選擇的係五成熟，可以感受到牛肉的鮮嫩與油脂的香氣杏包菇西西里意大利飯杏包菇的香氣濃郁，米粒帶有微微的嚼勁，唔會太過於膩口朱古力心太軟心太軟既外層蛋糕微溫鬆軟，切開後濃郁的朱古力醬慢慢咁流出來，一試難忘黑車厘子焗班戟班戟口感鬆軟，黑車厘子的酸甜與班戟的香甜完美結合🍊🍉🍇gapefruit Juice清爽解膩，酸甜平衡得啱喎好！Lomus📍屯門井財街7號力生大廈地下13-14號舖

見有不少好評但亦有不少負評（主要是晚市），放假來試試午餐，午市套餐選擇都不少，點了韓式雞肉燴飯。 套餐含湯和包，南瓜湯好味。 主菜份量很大（個人食量比較小），雞肉份量不少，飯的份量亦很多，飲了湯食了包，吃晒所有雞肉，食了一半飯已很飽，不浪費帶走剩下的飯約一半，隔日帶返工翻熱吃同樣美味。 整體而言，食物不錯，價錢真心有點貴，但現在出街食西式午餐，有點裝飾的價錢都差不多，所以以香港生活成本來看，簡中食下可以接受。 至於服務態度，午餐而言我覺得，ok喎，可以再光顧的食肆。竟然收到openrice通知食評被reject，由於餐廳被舉報有提供試食，在openrice寫食評都是第一次遇到這情形，如果有得比我試食就正，可以慳d， 不知道餐廳是否被得罪人😂

好食！！推薦！有Live Music ！有酒飲！有 Welcome Free Shot 送！有Open Kitchen！超有氣氛中環價錢但份量絕對不是中環價格😆平日夜晚都滿座！！仲好有心支持本地歌手！晚晚有Live Music🜸 香煎法國鴨肝配焦糖蘋果圈及野啤厘子金寶汁| 198鴨肝聽聞比起鵝肝少一點肥膩（？）但依然食落超肥膩！正！🜸 法式焗田螺配香草蒜香牛油 | 148絕對是數一數二整得好食的焗田螺🫡🫡薯蓉太好食！放心Order！！🜸 龍蝦湯 配 香脆蟹肉醬雲吞及干邑白蘭地 ｜ 78好飲！但建議可以留 Quota 點多個小食/酒 HAHAHA 酒鬼出動！🜸 美國 CRF 頂級肉眼扒 | 498想講話中環價錢但份量絕對不是中環價格😆2-3人分也很足夠～ 附送大量薯條、醬汁🫶🏼點了5成熟～ very 高質！！🜸 Lumos! | 140Cocktails very 整色整水！但又幾好飲！呢杯好打卡Able！而且面頭Foam 真是有種飲楊枝甘露感覺🜸 Why Not Tuen Mun | 120唔嗜酒人士可以一試茶味比較濃～ 酒味唔算太重！

如果講比較正式的西餐廳，屯門真係唔算多，呢間都勉勉強強算其中一間。這裡地點比較平民，附近全是茶餐廳，粉面店之類。至於裝修則傾向酒吧隔格局，都幾舒適。午餐大概百多元，我叫牛扒所以貴少少。餐湯味道算濃，不過份量較為小啲啲。而牛扒要五成熟都算煮得到位，薯條也很香脆，不過塊扒稍為薄咗少少，而咖啡則不過不失，整體而言lunch set都算不錯。我見午餐時段都幾多人，個場坐滿，睇嚟幾受歡迎，聽講夜晚有人唱歌，有機會要試下～

見屯門新開一間西餐廳，趁生日去試試慶祝一番。🎉環境裝潢個人覺得幾有格調，座位都坐得舒服，洗手間非常整潔又闊落👍🏻。服務良好，有禮貌，有耐心解答客人問題，上菜速度快。👍🏻是日現場有live band(一主音一結他一bass)，風格為jazz，以屯門西餐廳來說是gimmick，但可能因座位、空間或音響問題，bass聲音太大蓋過了結他聲，整體不平衡，達不到jazz個種感覺，令到不能專心品嘗食物及聊天。🙉餐牌及食物方面有少失望，沒有dinner set menu，要單點，而且menu上有三道菜已經沒有，菜式選擇再少。😕開頭有餐包(忘記拍照)，配醬頗特別，有點鹹鹹的味道。🆗「燒老虎大蝦扒及意式蕃茄醬扁意粉配BB菠菜」HKD$188有兩隻大蝦，意粉份量算多，味道酸酸甜甜，好開胃。👍🏻「澳洲“穀飼” 黑安格斯肉扒」五成熟 HKD$348賣相符合五成熟，但底下面就七成熟以上，附上的紅酒汁過苦，少失色。☹️「香脆炸薯條配黑松露醬」HKD$70正常發揮，份量及味道不過不失。🆗 「朱古力心太軟配雪糕」HKD$88如果以打卡餐廳來說，這個生日畫碟就稍為求其，少失望。🙁雲尼拿味雪糕點上心太軟的朱古力醬，好食且不膩