Lamlam脷

營業中

休息中

1) 抹茶流心千層蛋糕 配 Matcha Latte (熱)抹茶流心畫面效果好治癒，但個心唔夠流蛋糕味道ok, 但抹茶味最濃唔係件cake，反而係杯少甜Matcha Latte！！堅好飲！問心我覺得觀塘工業大廈上面某間餐廳既千層蛋糕會好食d，比較滑身，而且價錢方面大家都差不多 2) 原味巴洛克芝士蛋糕 配 Expresso (熱)好欣賞入面難得有軟心cream cheese餡好好食！芝士蛋糕緊係充滿香濃芝士味啦，唔通有火腿味咩

同事一直都大推的千層蛋糕原來搬了到旺角，今次平日食完午飯(約3pm)再去買外賣蛋糕。見蛋糕櫃餘下的千層蛋糕不多，本身想試的流心千層蛋糕亦賣晒，見佢買4送1，就決定同事買返去試下。餘下的選擇不多，我買了三件：焦糖牛乳、曲奇，及焙茶。疫情關係，不設堂食。職員怕我個三件放入大盒容易搖散，特意幫我「二、一」包裝。首先試的係曲奇，夾心cream好滑溜，而且有少少朱古力餅配隨著，口感較豐富。等二見食的是焙茶，我自己亦比較喜歡呢個味道。焙茶千層蛋糕的甜度，比剛才的曲奇味稍為輕，而食到的係焙茶香濃帶少少茶澀的味道。最後一個係焦糖牛乳，焦糖味好出，牛奶忌廉都好滑，味道偏甜，配返杯咖啡會更好。餐廳是人氣之選，如果想試就一定要早！最好平日下午二時或之前就要到達，咁就可以有多點味道選擇。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

初初喺太子開店嘅時候只有店主一個人產量有限，做到依加搬左去旺角樓上鋪唔洗開鋪前排定隊walk in 都買到😆而且都多左少量堂食座位😚今次去到做緊買四送一理所當然買5件試多幾隻味😛-1️⃣抹茶流心 $362️⃣美祿脆脆 $363️⃣開心果 $394️⃣提子冧酒 $395️⃣Oreo巴斯克芝士蛋糕 $44-餅皮薄，忌廉口感幼滑，唔太甜口味眾多，定價經濟實惠大推抹茶流心💚之前訂過原個裝都好鍾意，再食依然覺得好好味提子冧酒都唔錯，酒味剛好唔太重，加埋提子乾碎碎整體感覺幾清新開心果少少鹹鹹地但係無乜開心果味美祿脆脆我覺得有少少膩個人感覺一般不過男朋友就幾鍾意Oreo巴斯克芝士蛋糕正評有驚喜，不過第一次食同類產品冇比較👷🏻‍♀️-✅小總結✅👧🏻 抹茶流心、提子冧酒、Oreo巴斯克芝士蛋糕👦🏻 美祿脆脆、Oreo巴斯克芝士蛋糕-ᴘ.s. 口味日日更新，可以上番佢地ig睇❣️

1️⃣流心抺茶千層蛋糕流心位好少，抺茶好苦，粉太多，完全唔好食 更加唔值得排隊。抺茶本身係有d苦，但作為甜品就唔應該咁苦🥵💰HKD$352️⃣玫瑰味蛋糕食落好唔襯，算係淡味，冇特別💰HKD$383️⃣士多啤梨芝士蛋糕比較淡士多啤梨味重芝士味，正常發揮💰HKD$38人氣？😒得價錢平，冇質素 我食Mc cafe唔好？仲要排勁耐，堂食又等唔到位

又出開旺角，要做咩? 唔駛問，當然順便買千層蛋糕啦! 不過今次只有一人，又沒有時間，所以外賣拎走。今次揀了咩口味呢? 因為今日遲咗來，很多口味都已售罄，所以翻炒了上件一款口味，但不緊要，都是我很喜歡的口味之一。先食淡味的香芋牛乳千層蛋糕($35)，層次分明，每層之間夾雜着一粒粒芋泥。餅皮又薄又軟，香芋忌廉好香滑，加埋粒粒綿綿的芋泥粒，吃得好滋味!另一件係朱古力流心千層蛋糕($35)，見到流出朱古力醬，好誘人。朱古力味非常濃郁，加埋灑滿朱古力粉，整體不會太甜，好討我歡喜！

提早左大約半個月訂，要左個cookies味+生日牌先$268，絕對係平價版Lady M，眼睇大約有20層左右，皮同cream既比例岩岩好，食到皮既口感又唔會覺得d cream 好膩，只係佢暫時得1間分店，要專登去到旺角拎會有d 唔方便。

每次出開旺角都會專登去這間主打千層蛋糕店買返件千層蛋糕，不過今次就有啲唔同，約埋好友坐低慢慢傾，慢慢食。講開食千層蛋糕，我心目中最喜歡就是這間，由小小的地舖食到有幾個座位的樓上舗都繼續支持。今次一早來到，所以有不少口味，太好了! 點了一件抹茶流心千層蛋糕($35)和一件香芋牛乳($35)開心share。兩件都層次分明，一層一層好平均，每塊皮都又薄又軟，啲抹茶忌廉好幼滑，仲有濃濃的流心抹茶醬和餅面灑滿抹茶粉，茶味更突出，夠晒滿足！另一件香芋牛乳雖然不是流心，賣相平平無其，但都食到好香的芋味，最驚喜係有一粒粒綿綿的芋泥粒，多份口感，更吸引。小店真係沒有改錯名，每次都食到我舐舐脷，真心覺得比起某某名店的千層蛋糕更好味，更經濟實惠。

每次去旺角 總會有一個地方想去朝聖冇錯 就係大名鼎鼎嘅lamlam脷樓上cafe🤣今次終於的起心肝試下佢哋享負盛名嘅千層蛋糕🍰Cafe環境溫馨雅緻 走木系風格 牆上同枱上都放滿乾花🥀難怪星期日人流駱驛不絕 堂食嘅人多 買走嘅人更多千層蛋糕味道眾多 而甜品櫃上琳瑯滿目嘅蛋糕 更是令人眼花撩亂 除此之外 仲有供應巴斯克芝士蛋糕🥧、焦糖燉蛋等甜品🍵抹茶流心千層蛋糕 ($35)切件嘅流心 唔使再切開已經顯而易見🤤抹茶落得毫不手軟 味道極之濃郁 帶淡淡苦澀味 中和忌廉嘅甜味令蛋糕甜而不膩 愈食愈上癮😋😋🌹玫瑰千層蛋糕 ($38)粉嫩嘅顏色 喚起少女心嘅賣相 叫人如何可以抗拒🌸呢款蛋糕嘅味道比抹茶略甜且香濃 少食多滋味好鍾意佢夠多層而且忌廉唔會過多 相互平衡😍值得一提嘅係 拎蛋糕返屋企時好驚會撞爛佢點知見到店員用膠紙痴到個蛋糕實一實 打風都打唔甩🤣好欣賞佢哋嘅細心❤️

旺角呢間楼上网红千层蛋糕店已经係我既探店名单入面好耐喇，前幾日终于有时间係食喇！睇吓到底有冇坊間話咁好食😋我本身就係抹茶控，黎呢間首選就係为左食抹茶🍵流心千层蛋糕🍰我忍唔住食左2塊，真係太好食喇😋千层做得算薄身抹茶甜度啱啱好，抹茶粉中和一点甜味😛而且$36呢個价錢真係好抵！聽講另一個招牌朱古力流心蛋糕都係必点，其他口味都好吸引，有機會一定會再来試試其他口味😋同埋位置都方便，地鐵站一出黎就到！

Lady M 嘅千層蛋糕好食就係人都知，但係都出左名貴，呢間親民版lady m價錢平成一半，仲要有好多特别味，而今次我就試左佢最出名流心千層。————————————————🍫 朱古力流心千層蛋糕, $35（3/5）蛋糕有1x層，班戟皮同忌廉比例平均，亦有一層層嘅口感，而朱古力味較接近牛奶朱古力。蛋糕有啲太甜（自己鐘意食黑朱），中間嘅忌廉有少少膩感同流心太杰。————————————————🏷️ #whattoeat_旺角 #whattoeat_甜品

💥好味過大牌子📍 LAM LAM LI｜旺角📍人均消費 $ 3 X#cl旺角 #CL四圍食 #CL甜品⚪️⚪️⚪️⚪️⚪️⚪️⚪️⚪️⚪️⚪️朋友生日但又想大家食到自己鐘意既味就訂左LAMLAMLI既散件💛我地用左十件散件砌返做一個蛋糕🎂唔洗煩點分仲好靚添😄👧🏻心大心細最後拎左抹茶流心👀好味好味好味呀👍🏻唔會太甜，上面既抹茶粉同中間既流心中和番🍵食到幾種口感，好想下次訂一個自己自私食🤣🤣🤟🏻不負責任點評✌🏻好味道🌕🌕🌕🌕🌕性價比🌕🌕🌕🌖🌑回頭率🌕🌕🌕🌖🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

旺角樓上隱世千層蛋糕 有好多唔同口味 價錢親民 都係$36-39一件 喺樓上鋪 平過Lady M一半 如果唔係家姐帶我去 都好難知道呢間店存在.呢日下午茶時間去到 已經坐滿好多人等緊位 大概要等10分鐘叫左⭐️玫瑰千層蛋糕$39😋千層做得唔錯 食落有玫瑰香甜味 值得一讚👌🏻Cream 量都多 🤔但做得比較厚身.其實如果要比較都係Lady M 好食d但呢間平一半 性價比高太多 值得分享吓旺角諗唔到食咩甜品 呢間就岩哂啦會回頭.#Lamlam脷 (旺角)地址：旺角彌敦道691-697號永如大廈3樓697室.⭐️評分：味道：4/5 環境：2/5 店內位置唔多 如果人多堂食可能要等服務：3/5抵食：4/5

家姐生日點名話想食ladym千層蛋糕，後來因為太遲訂所以訂唔到，於是就諗起之前朋友買過比我食既lamlamli 網上好紅既千層蛋糕店 最後家姐試完都好滿意，同埋每隻味都好出色，整體感覺90分今次試左8隻味，分別係抹茶，玫瑰，泰式奶茶，香芋，開心果，朱古力，伯爵茶同培茶，每件既口感都好好，千層餅底淋身唔會太厚，個creen滑而唔會太甜，連平時唔鍾意食甜野既我媽媽都好鍾意！！而我最鍾意既就係培茶味，好香培茶味，同埋泰茶味都好正，好少地方可以食完培茶同泰茶味既cake

If you talking mille crepes, first come up in mind is lady m and i think that’s my first choice for a lovely mille crepe, but trying something new isn’t a bad thing, here the price is half of lady m lol, even the taste isn’t as good as but still fineWe picked original flavor, having strong lemon flavor and i think better less loll, the texture is smooth and creamy(doing quite good in this part not easy cooking smooth layers)I think the quality is around 30% below my favorite one but with the pri

屋企人買咗幾件千層蛋糕俾我哋試，但係因為我去咗同朋友staycation 過咗兩日先食🙈但係隔咗兩日都覺得好好味❤️‍🔥我食嗰件係流心抹茶，覺得就抹茶味都幾香濃，如果鍾意食啲比較濕口啲嘅千層蛋糕嘅話應該會鍾意呢一個因為都好多cream，個人就覺得呢一件甚至比lady M更加好味 👉🏻👈🏻🙈如果未食過嘅話一定要試吓❤️‍🔥真心推薦！屋企人之前都有食過，但係都有專登再買多幾件，請我哋全家試，可想而知真係幾好味，覺得可以話係平價lady M ❤️‍🔥🥰