Lamlam脷

營業中

休息中

一直想試佢哋嘅蛋糕。星期日去到，好驚喜地有位坐。真係勁多人，不過大部份嘅人都係去攞蛋糕。堂食嘅就唔係太多人。啱啱好坐滿。等攞蛋糕嘅人多到好誇張。起碼有二30個人長期企喺度。樓面只得兩個。所以基本上冇人執枱。我哋坐低嘅時候，要自己執返上一手嘅嘢。叫咗一個焦糖牛乳千層蛋糕，一個抹茶流心千層蛋糕，同埋一個香芋蛋卷。焦糖牛乳千層蛋糕有啲脆脆喺入面。OK好食。啲忌廉都幾油吓。係嗰種食完之後，你會feel到上顎有一浸油。但係都好食嘅。個抹茶流心千層蛋糕，好夠抹茶味。都幾甜下。如果少啲糖會好啲。個香芋蛋卷嘅香芋，係有一粒粒嘅香芋喺入面。唔知係咪特登。定係純粹打得未夠爛。我呢個唔係咁啱口味，因為自己鍾意一啲比較棉襪嘅香芋蓉。呢個就一嚿嚿…仲叫咗一個抹茶牛奶。覺得牛奶嘅味都好重，蓋過咗抹茶嘅味道。都有抹茶味，但係主要係牛奶味。適合一啲唔鍾意飲抹茶嘅人。

六神再度合體，又適逢其中一位好友生辰將至，當然要好好慶祝，當晚的生日蛋糕是被冠以「平民版Lady M」- Lamlam脷的出品，它由網店做到外賣實體店，後更遷至旺角；堂食及外賣兼備，更不定時推出新口味，款式越出越多，看得人眼花撩亂。六個人就一於試夠六款味道：伯爵茶、海鹽芝士、開心果、焙茶、赤肉蜜瓜 及 香蕉朱古力。六款味道俱佳；各有特色，當中的焙茶及赤肉蜜瓜尤其突出，前者茶香馥郁、味帶回甘，後者的蜜瓜味香甜，真心正！親愛的Kan，食過Lamlam脷；身體健康精神爽利🎉

以前LamLamli仲係太子小店嘅時候，已經好想試佢嘅千層蛋糕🍰但嗰陣每日限量供應，所以一直都覺得好難買冇買到，直至LamLamli搬左新店兼有堂食位，如果預訂原個蛋糕，仲可以ig direct購買之後上去取貨，非常方便，終於有機會試佢地嘅蛋糕啦🥰🫐🧀藍莓芝士千層蛋糕 $210/6吋 (8.2/10)LamLamli有好多唔同口味嘅千層蛋糕，連坊間少有嘅藍莓芝士都喺到搵到🤩嗰日一取貨已經感受到蛋糕好有重量好足料嘅感覺。班戟皮整得夠薄，每層cream厚度都好均勻，兩者比例配合得好好。藍莓味有果肉喺每層中間，酸酸地幾清新，配埋芝士都唔會過甜過膩👍🏻嗰日上門市見到好多口味，大家都會散件買，一次試晒唔同味道。下次要再去試下先!!😋

現在有愈來愈多的社交平台網紅店，價錢亦賣得愈來愈貴，是否物超所值視乎個人看法了。但一間網店能夠做到實體店，證明了一定的實力和堅持，最重要是即使成功了，亦維持合理的價錢，而不是趁機抬高價錢☺️，真心欣賞👍🏻和支持。位置：在彌敦道的一棟私人樓宇的三樓，😅不留心真是很容易錯過了門口。環境：由白色的門口走進，首先是簡單但有心思佈置的走廊，前方是收銀櫃和雪糕櫃，旁邊有少許木桌椅和吧台，大概可容納二十位客人，裝修不華麗，走簡單乾花藝路線，但不失為一個慢慢嘆蛋糕的環境🥰。服務：可堂食或外賣，職員有禮及有問必答。下午茶：🍰抹茶流心千層蛋糕 $36身為抹茶愛好者，一眼就看中這款，而且還是有流心的效果，無論賣相或味道都一流，質素能媲美Chateraise店，首先是抹茶味夠濃且回甘，奶油做得出色綿滑，層數多又薄，整體很滿意，吃得開心。🍰Tiramisu 千層蛋糕 $36第二款想了一段時間，決定外賣與朋友分享，朋友盛讚布冧酒味夠濃，雖然沒有流心效果，但是中間夾了一層濕潤的蛋糕，味道一樣出色，兩款蛋糕都很棒，下次可以買多件，再試開心果味。

呢間嘅千層蛋糕已經買過幾次，仍然覺得平靚正啊😍 之前試過開心果味，簡直一試難忘！今次開心果賣曬，買左伯爵茶、抹茶流心、焦糖牛乳、焙茶、海鹽芝士（每件價錢$36-$39）。呢度嘅千層蛋糕做得好好，每層都平均分配，層層分明而且一啲都唔會過厚。用叉一掃落去就完美咁分開到，餅皮冇過靭影響口感。我好中意伯爵茶，味道一如既往嘅香濃，而呢度嘅抹茶流心都好出色！🤩 焦糖牛乳就有啲焦糖脆脆，唔會過甜，焙茶味道普通，海鹽芝士都ok。大推 伯爵茶同抹茶流心！🥰

媽咪生日，訂左多種口味既Lamlamli，滿足曬唔同口味既屋企人揀左抹茶流心，焦糖牛乳，曲奇，培茶，玫瑰 美綠脆脆，朱古力流心同開心果。每一件都有特別之處，千層皮好薄，忌廉都好好味，大概300蚊真係好抵

位於旺角商業大廈🏢，隔地鐵站2分鐘路程，📍位置方便。因為 生日 👑 所以訂完整一個7” 蛋糕🎂。透過whatsapp 訂 + 轉數快比錢，實在方便。 揀左 海鹽芝士🧀 口味 正呀！😆7寸比想像中大，每層都好平均，第一啖食會覺得咸咸地，然後感覺到一層層，再而就係好濃嘅奶蓋味，味道rich 但質感又light. 真係好矛盾，整體唔會好甜👍🏻。店舖有生日牌同又金又銀生日洋蠟買，唔洗周圍搵，方便👍🏻👍🏻。下次 試試開心果，玫瑰 同 焦糖果仁。另外 店舖有位置供堂食，可以唔洗 攞住件蛋糕企係門口食咁慘。👍🏻

鍾意食千層蛋糕嘅你 一定有聽過呢間lamlam脷🥰佢哋嘅蛋糕真係超平 平過Lady M一半🙈但係十分之高質💓忌廉同戟皮嘅比例好好👍🏼而且仲有超多款唔同嘅口味 每一款味道都各有特色😆而且仲有洗流心系列 打卡一流🤩

每年生日都係買LamLam脷比我食本身都覺得男朋友冇誠意 但係佢話自己真係好鐘意食 原來忠實fans黎個蛋糕盒好靚 係Tiffany blue嘅色 呢個盒都易拆易裝 如果食唔曬想留返第二日食都唔洗煩點綁返條繩呀搵第二個盒裝咁 方便原盒雪返蛋糕口味好多 本身想食香芋但係最後一件比人買走左 選擇得太耐😭佢嘅千層蛋糕一啲都唔hea 係側面睇都見到有好多層 件餅夠濕潤 cream唔會過膩 可以一次過食2件都得！焦糖咖啡味個咖啡味好濃 焦糖嘅cream令到造型好靚 不過始終都係咖啡味為主體培茶味都夠 唔會好似其他蛋糕店咁淡味或者係啲唔知咩茶咁百香果芝士就最fresh 百香果酸酸甜甜好開胃 芝士味令到件cake多左一個層次好想試曬全鋪頭嘅味 不過已經買到第三次都仲未試曬🥹

呢個係由IG shop做到實體舖嘅千層蛋糕店，每日都會推出～10款唔同口味😍，所以如果想試某幾個特別啲嘅款就要留意返佢嘅IG bio啦🤤！既然嚟到小妹就一次過買咗六款口味😬，每件平均$35。整體來講小妹覺得千層蛋糕嘅口感同想象中有啲出入🙃，可能係個cream搽得偏薄搞到無咩層次感😐 不過比起其他千層蛋糕店呢間嘅性價比已經算高㗎啦💪🏻！🍵 抹茶流心（$35）流心唔會太甜，而抹茶都有好明顯嘅苦味，唔鍾意抹茶嘅朋友仔應該不太喜歡🤣 🍫 朱古力流心（$35）朱古力味好濃，而且唔係好甜！加埋流心真係好正～ 不過建議食完抹茶先，否則會蓋過啲味🤤🥃 伯爵茶 （$35）呢個雖然無流心，但味道香甜得嚟茶香味都夠突出，比招牌抹茶流心做得更加出色😅☕️ 焦糖咖啡（$35）平時唔飲咖啡嘅我覺得焦糖咖啡真係好好食！！咖啡味苦得嚟有甜甜嘅焦糖味中和返，呢個真心要試吓❤️～🍰 提拉米蘇（$35）同平時出去食提拉米蘇嘅味差唔多，無話特別好食不過都值得一試，始終出面試過千層蛋糕閑閑哋都唔止呢個價錢😃🫖 焙茶（$38）除咗焦糖咖啡之外呢個都好吸引！其實小妹分唔出唔同茶嘅味道有咩分別😵‍💫 不過呢個冇苦澀味得來都唔係好甜😬 推

焦糖脆脆千層（$200/個）賣相：🐧🐧🐧🐧味道：🐧🐧🐧🐧原個千層蛋糕以自家製紙盒包裝，附送生日紙牌一個及蠟燭一枝，但並未附贈冰種。千層蛋糕忌廉及蛋皮層次分明，當中夾雜的脆脆量頗多。味道方面，忌廉量偏多但未算過膩，夾雜的焦糖味足，甜度適中。蛋皮厚度適中，有蛋味，配合忌廉、脆脆，口感順滑豐富。服務：🐧🐧🐧店員一般於晚上23點才回覆信息，需要耐心等候回覆。能準時順利於指定時間拿取蛋糕，但需自備冰袋。🐧❤️結語：品質良好，價錢合理，值得一試。

好多朋友都介紹呢一間千層蛋糕，今次終於去左食。雖然呢一間係一間樓上舖，但係都唔難搵，係旺角地鐵站附近。上到去，都有人排隊，需要有等幾分鐘。嗌左個百香果芝士千層蛋糕，食落去好fresh，一定會回購！

好耐之前已經試過lamlamli嘅千層蛋糕，當時鋪頭仲係太子道西，估唔到隔咗咁耐水準依舊咁好👍🏻仲多咗好多新口味🌟千層蛋糕餅皮簿，cream質地好順滑而且又不會太甜！有幾多層我就冇數啦，食落覺得個比例好好，食晒成舊都唔會覺得膩！🍰開心果千層 $39開心果味超超超級濃，好似食緊開心果咁🍰焙茶千層 $39焙茶味好夠，帶有微微茶澀味🍰原味巴斯克芝士蛋糕 $44Cheese cake 質地紮實，中間流心部份入口軟滑即溶，整體芝士味濃郁，乳酪味偏淡，甜度適中，上面簿簿一層焦糖 P.s店主會提前一日係IG update提供口味㗎～

呢間千層蛋糕小店人氣高企，之前自己有買過幾款茶味既件裝，亦有同事訂過原個彩虹牛乳蛋糕同埋🌟玫瑰蛋糕，覺得質素平穩值得回頭既😛今次就訂左八件裝拼埋做個蛋糕，包保總會有款口味岩食🙈一貫既餅皮厚薄適中，忌廉輕盈幼滑，層數都算足夠，而且價錢相宜😚▪️ 🌟抹茶流心 💲36▪️ 朱古力流心 💲36▪️ 🌟伯爵茶 💲36 ▪️ 焦糖牛乳 💲36▪️ Tiramisu 💲36▪️ 焦糖咖啡 💲36▪️ 美祿脆脆 💲36▪️ 🌟開心果 💲39🔎 整體評分（7.5/10）

Wow轉工散水諗請同事食咩餅係最難諗今次我揀咗Lamlamli千層糕因為訂35件所以可以揀5個口味今次揀咗牛乳,Cookies,朱古力,伯爵茶,抹茶流心俾公司同事再另加一條芋泥卷返屋企同家人share餅店仲有代call車服務 車到再俾錢司機超級方便店主仲勁有交帶 call完車會提供埋call收費 明碼實價 而家pack得好好 件件都完好無缺 仲有三個冰種keep溫 唔怕啲cream融同事都讚不絕口 覺得無訂錯而屋企人都話芋泥卷超好味 蛋糕鬆軟 芋泥夠多我同家組都係芋泥抵 覺得芋泥卷係好味過千層切餅🤣🤣