LAB10 (已結業)

之前突然之間心血來潮想食韓燒，咁我周圍搵下就搵左呢間好評都幾多下嘅燒肉店，咁佢就位於朗豪坊，咁我就諗點都會好食掛(我唔係帶住期待嘅心情去食)。.入到去嘅環境都ok嘅，咁我地就要左個放題，每人$2xx，唔記得左係咪仲有加一，咁佢上啲食物擺放得幾靚仔嘅，但係燒完去食個陣就中伏啦。肉冇肉味，都唔知係咪cheap嘅肉🤣，哇，我同屋企三個人黎，三個都話唔好食，完全冇肉味，都唔知餐廳入左啲咩肉可以咁差。二百幾蚊比啲咁嘅質素我？我食牛角仲好啦，食完唔會有下次🤣🤣

旺角都有高質韓燒❤️位於朗豪坊嘅LAB10點左兩人份量的牛牛板 $198價錢唔貴又好抵食🤭個盤仲分得好清楚唔同牛嘅部分仲有提示燒幾多分鐘等你可以食到燒肉最好食嘅狀態間餐廳仲有特色健康飲品不過餐廳職員禮貌方面略嫌不足

喺OpenRice見到有韓燒，評分好似唔錯，於是過咗嚟試。員工態度：𖤐𖤐一開始門口有個男人，態度麻麻，其他員工唔錯環境：𖤐𖤐𖤐入面裝修幾好，幾有創意食物：𖤐𖤐食咗放題，整體嚟講少伏肉類：啲肉冇味，又un，好似咬緊塊布咁薯條：少少淋，個芝士醬ok野飲：冇味，不過幾大杯

我Friend 生日，朋友介紹，旺角朗豪坊10/F, Lab 10試下韓燒，去到門口，已有位男侍應親切地講解推廣餐， 最終我哋選擇90分鐘放題，包含多款牛豬雞， 好好味 ，每位$278簡直係平靚正， 主動問我飲品， 服務好上菜快，最驚喜仲有海鮮拼盤送，， 到最後上蛋糕慶祝，餐廳仲有生日歌助慶，我女友都好開心， 多謝Lab 10各同事給我女朋友一個難忘嘅生日😘🤗🤗

🥘🥩🥬🥒有驚喜的韓燒夜餐要係鋸扒定韓燒中選擇最後都係選擇左韓燒部隊鍋套餐初初仲驚會唔夠食，仲諗住叫多啲，不過好彩俾人制止左，首先部隊鍋有公仔麵同粉絲兩個麵底，跟住有一碟牛一碟豬，仲有海鮮同蔬菜，兩個人食完全夠晒飽飲品就要另外叫(red hot)🍹用錐型燒杯裝已經夠晒特別，味道仲要唔錯🍎+🍓+西柚+蜂蜜

一班朋友黎到朗豪坊，好多餐廳，最後都㨂左燒肉放題，因為啲肉都幾吸引。爐火比較大，好快燶，要小心燒。仲送左海鮮，燒完都好好味。抽煙通風良好，食完個身都無臭味，好舒適。

最西燒肉店—— 旺角朗豪坊，Lab 10食物加服務一樣西兩個人下午4點幾去，諗住得兩台咁少人就去試吓，點知就係惡夢嘅開始🤦🏼‍♀️喺門口問個女職員，$298任食係包啲咩嘅，佢只係指住poster話：寫住左包呢啲囉！態度已經西西地。之後入到去都未坐低，個職員就自動幫我哋落兩位任食餐，都算數啦，但下次問吓先落單會唔會好啲？到上食物，盤肉，薯條，飲品都上左，職員話薯條可以點芝士醬嚟食，但啲薯條凍嘅，完全冇誠意話返炸一下。再者，明明個餐有包飯同沙律，叫左3聲諗住問果一位帶眼鏡，似店長嘅人，個餐係咪有飯，有沙律？佢話竟然話：我地澱粉質食物係唔會隨便俾客人😂😂即時笑咗，唔通薯條唔係澱粉質咩？其實唔記得好平常，何必諗個咁嘅笑話呢。講真呢間真係我食過最難食嘅燒肉店，基本服務又差，d肉又硬又有渣。600幾蚊埋單，條氣好唔順！😡

午餐時段放題，店員說$138包有牛肉，$99只得豬和雞，$138的就送安格斯牛肉拼盤，2人就會送2份。於是點了2份$138… 伏位係店員隨即放低一碟薄片牛肉，一碟雜肉，當我問到可否點牌上的食物，他説一定要先食完枱上的才可order，已經覺得奇怪🤔，隨後問到安格斯拼盤，女店員黑口黑面，問我like &share咗社交平台未，才發現在歺牌上有很細的字寫上，她更強行按下我社交平台的share，我極度不滿，頓時覺得被騙，$138不是一頓便宜的午餐，本身想食牛肉才點貴的一款，現在好像乞兒般討來食物…埋單連加一，三佰幾落樓，換來🈵️滿負能量，再者食物質素低劣，希望大家不要像我上當，偽黃店🤬😡🤬🥵

想當年疫情前我都排過長龍等食lab10，當年係幾好食但今日已經令人大失所望😫伏係因為佢個網，坐底未燒已經係燶咗😳開始燒就好易有炭燒味，再燒多陣已經係燶到苦🤢最伏係佢兩次換網都係燶網😱仲要係有上手的燶渣黐住🥲燶渣令個網未放肉就已經開始著火🔥舊舊肉都有燒燶味🤯我見隔離枱換網都係又黑又濃🙀真係又生氣又無奈…值$5xx的教訓😫大伏‼️肉質普通而個網係恐怖…想當年真係幾好食嫁，難怪依家出埋放題去引人食😂我不是食放題set，是$488+10%二人set，肉質普通而個網係恐怖…

果日經過突然之間想試吓，但無訂位，所以就係門口等咗一陣，終於到我哋入去啦，入到去我哋啲大胃王就緊係選擇任食任飲既放題啦牛肉方面佢哋既牛肉質素幾好，牛香味都好好👍海鮮拼盤，share 社交平台 like就可以免費贈送😍任飲梳打，睇佢餐牌，平時要三十幾蚊一杯，飲落味道都唔差呀首先會上個牛肉拼盤，可以每樣都試試，試過鍾意食邊款牛就可以照住嚟點，細心既服務無煙燒烤設計，唔會完全無煙，但會比一般韓燒既空氣質素好冇咁大油煙👍

黎到朗豪坊，見到間新開嘅餐廳，又唔使等位，最後揀咗呢間食，佢啲包既鬆軟又甜，味道好唔錯，我記得揀咗個藍芝士牛肉漢堡，牛肉好味，料算足，薯條不過不失，反而職員嘅態度有待改善。

第一次寫食評，因為真係太無奈。見佢放題平平哋、無煙，而且又裝修得幾靚幾企理，諗住去食啦，點知原來呢間韓燒係冇任食泡菜同生菜，要逐份收錢😟第一次見韓燒餐廳冇任食嘅泡菜，以為韓國餐廳有任食泡菜係好正常嘅事，但都算，係我哋冇做research先嚟。可能因為我哋食放題，啲肉冇咩特別，冇乜覺有調味。而且侍應服務有啲差，中途想問個侍應啲嘢，但嗰陣女侍應居然喺到喝我哋先，用個碗大力敲枱問 咁碟嘢仲要唔要啊😟碟嘢未食哂之餘又未夠鐘，唔明點解要呼喝我哋先答我哋問題😓就算要問咗先，我覺得可以友善啲🙂發覺75分鐘原來真係過得好快，第一round燒完就夠鐘了。以後都係去間有泡菜生菜好味態度好嘅韓燒餐廳食

有個朋友仔👩🏻發夢💭夢到自己食緊好好食嘅燒肉，表示好想食燒肉🙉，於是我哋就約咗一齊去食韓燒！我哋去咗旺角嘅一間燒肉店，主張係冇煙燒肉，加上喺朗豪坊🏬入邊，餐廳裝修風格都幾乾淨，幾個食客分享一個爐，爐嘅size唔算大，所以食嘅速度可能唔會太快🥴。-🍴午餐時段放題($138/person) - 限時75分鐘，當中包括左7️⃣樣生肉同7️⃣樣熟食，仲有白飯🍚任食、飲品🥤一杯。生肉係雞、豬、牛其中一種，也米😍覺得雞肉🐔係最好食，因為雞扒都有翻咁上下嘅厚度，係燒完之後入邊啲肉仲好Juice🤤，而且調味唔錯。熟食當中包括埋沙律🥗，沙律係食到一半嘅時候可以解膩，而且有個酸酸甜甜嘅汁，幾好食👍🏻！除咗肉醬意粉、豆腐湯同飯團之外，都有試其他熟食，都唔錯！係飲品🥤入邊，揀咗Passion Fruit Soda，都幾大杯，由於也米😍唔多飲有氣嘅飲品，所以去到最後都飲唔晒。

食90分鐘😆個爐都算係咁，唔係個啲燒你幾個鐘都燒唔熟嘅鐵板爐，仲要間餐廳唔大煙，無乜油煙味😊•👅 牛牛（牛肉，雞肉，豬肉）牛舌食到我非常滿足，非常淋，又非常爽，好耐無同牛牛打車輪了😍其他牛板腱，一口牛同牛後腹，我覺得比較瘦，但無所謂，我都鍾意食瘦牛，唔洗下下食咁肥嘅，反正佢又唔係和牛😛其他雞肉不過不失，係個豬仔骨燒左9年都燒唔熟😂•👅 韓式梨汁牛五花呢個牛五花用梨汁去整，食落甜甜地，幾得意🤤話明牛五花，當然夠晒油啦，燒完之後啲牛油滴晒出黎，正🥰•👅 炸薯條薯條夠熱，可以用佢送嘅燒芝士汁黎點🤤不過如果佢加多一劈茄汁俾我，我會食多一盆😛•👅 韓式蜜瓜綿綿冰好驚喜呀🤩餐廳送左個蜜瓜冰俾我地呀🤩雖然個冰無乜牛奶味，但啲蜜瓜好夠甜😍重點係佢送嘅，食落都特別甜🤤

牛舌醃得好惹味，如果大家去Lab 10食韓燒一定要嗌依碟牛舌☺️🤤。不過呢，個人覺得以嘢食嘅分量黎講，其實有少少貴，性價比唔算太高🤔，偶爾食一兩次就得啦🤣。同埋，由於牛舌比較薄嘅關係，要成日翻轉黎燒，唔係就會好易痴底🤦🏼‍♀️🤗。好味指數👅：🌸🌸🌸🌸✨鑊氣十足嘅炒飯炒飯落左啲醬油幾惹味嘅🤗，同埋我鍾意啲飯夠熱。但鰻魚粒唔算多，所以$128依個價錢其實小貴😢。分量黎講都ok嘅，兩個人share黎食啱啱好😛。🍽鰻魚鐵鍋炒飯: HK $128好味指數👅：🌸🌸🌸