La Serre

營業中

休息中

星期五放工，當然要揀間舒服既餐廳去享受同朋友係觀塘海邊慢步，之後就係呢間坐低，我地六點幾到，出面既位置基本上都坐滿八成，餐廳可以俾 寵物一起共餐所以outdoor 都見到狗狗一齊食野。我地本身都被安排坐外面，但由於係吸煙區，職員都好好，立即幫我地安排去另一個位置坐。立即睇下有咩食我地叫左兩個主菜和兩杯飲品首先有兩個餐包，其實都唔知咩包，但又暖又軟，配埋牛油就very good.素牛肉千層麵唔食唔知係素牛肉，而且食完唔會話好飽，頂住頂住咁，可能因為配上蕃茄醬，所以特別好食日本豬軟骨墨西哥薄餅呢個好好食豬軟骨好軟，有兩舊，啱啱好我同朋友一人一舊，薄餅包住豬軟骨同牛油果，週邊再圍繞住沙津菜，一個好fresh 既pizza ，唔會好漏喉，好特別既配答。另外叫左杯berries combination 同水果茶我杯berries combination 有幾種莓莓好好味另一杯水果茶配合不同既水果，飲落都好fresh, 唔會話太甜。非常配合我地點既餐。

【陰天都可以繼續Chill ｜海邊Cocktail🍸🍹】前幾年曾經係牛頭角返工，日日望住個海好Chill㗎！沿海濱都多咗好多有Feel餐廳，今次去咗正正在海濱嘅Le Serre邊食邊傾嘢，天陰陰更加要Chill返吓！Set dinner 🌊手造麵包及餐湯麵包好好食，手造感覺，熱辣辣加埋個粟米南瓜湯，夠開胃！🌊蟹餅牛油果沙律蟹餅做得唔錯，唔會太咸，牛油果成半隻上，味道和蟹餅好襯呀。🌊烤澳洲羊架原來有成3件羊架，廚師手勢好好，羊架好淋，唔會太熟而韌，味道亦調教得好好，入味但又唔會太臊味，我哋兩個女仔最後飽到食唔晒🫣🌊智利海鱸魚配紅椒汁我哋勁欣賞呢份鱸魚，煎得脆口肉質又唔散，魚味好香滑，啖啖肉，仲有份牛油香味，鱸魚同個汁都好襯呀！配菜好豐富，炸薯角好好食。🌊蘋果批是日甜品係我最鍾意嘅蘋果批，好啱我食，原本好飽嘅我好似開啟咗多一條消化秘道咁！🌊cocktail 酒類飲品都好多選擇，我哋無夾埋之下紅綠各一杯🤭整體來說我幾鍾意呢間餐廳，我由天光坐到天黑，感覺好放鬆，朋友都好滿意。🐶寵物友善餐廳，可帶狗狗坐露天坐位📍觀塘海濱道90號 （牛頭角站B出口出，一路直行到尾）#LeSeree #海邊餐廳 #

周未梗係要同薑餅仔出街玩，見到觀塘海濱有間寵物友善café🐶可以望住海濱Chill下，又見天氣涼浸浸幾舒服咁，一於去試下❤️Gammon Ham and Cheese Pancake with Fried Egg十分推介‼️金門火腿超級厚之餘仲充滿鹹香，配埋半溶芝士同太陽蛋🍳平衡返火腿既鹹味，整體唔會太膩😍而且再配撘外脆內軟既多士的確係一個唔錯既組合🤤口感味道滿分🥰Pan-seared Tuna / French Bean & Hash Brown, Fried Egg香煎過既呑拿魚味道更加突出🤩充滿油香，食落仲好嫩滑🤤而薯餅外脆內軟，入面係法邊豆好有口感😆水果茶（熱）酸酸甜甜既水果茶🫖入面有百香果肉，而且夠晒茶味，易入喉之餘又解膩，係下午茶既最好伴侶💕

週末嚟咗觀塘海濱公園行吓 見到呢間落地大玻璃嘅餐廳 就想坐低休息吓😎 嘆返杯咖啡 過一個輕鬆嘅週末招牌早餐呢個all day breakfast有大啡菇 煙肉 香腸 金門火腿 炒蛋 豬柳漢堡 薯餅同沙律菜🥗 見到隻碟咁豐富真係好開心 特別鍾意佢嘅金門火腿非常厚 仲要口感唔會好硬 味道唔會太鹹 非常滿足🥓 金門火腿 芝士丹麥多士配煎蛋丹麥多士好鬆脆 味道甜甜地 配埋上面嘅金門火腿 芝士同少少流心嘅太陽蛋 真係好夾呀🥪 我諗淨係個芝士同流心蛋已經同個多士已經會好正 加埋上面有提及嘅金門火腿就更加吸引🐷 食埋旁邊嘅沙律真係好飽肚摩卡咖啡咖啡面有拉花幾有心思 不過朱古力味重 所以味道偏甜左少少☕️泡沫咖啡好香濃嘅咖啡味 面頭有朱古力粉 所以既有咖啡嘅苦 又有少少甜平衡返😗喺呢度食個brunch都真係幾chill 見到有其他人帶埋寵物嚟食 都一樣好relax呀😉

無意中發現觀塘海濱有間幾有feel既西餐廳🤩有室內同室外位置 我地去個日天氣涼涼地 岩岩曬坐出面 所以就揀左坐室外既位置🤣如果日頭黎 望住個海食野🌊都幾chill幾relax架 🥰- 日本花魚一夜千意大利米配龍蝦汁 $198🐟好特別既fusion配搭 下面既意大利飯岩岩好 唔會過硬過淋😆上面有成條魚！好大條 魚肉都好滑 好滿足！👍🏻- 燒西班牙黑毛豬架 $188🐷成塊豬扒好厚身 肉質鮮嫩juicy 肉質呈粉嫩色 唔會乾爭爭😍有啲薯菜 露荀南瓜做配菜 唔錯🤤

呢間餐廳最正嘅部份就係可以望到海景，餐廳有分室内/室外，呢個季節坐室外都好舒服，仲可以飽覽海景，而晚餐就包埋兩個熱辣辣又鬆軟嘅餐包，🌝日本豬軟骨墨西哥薄餅 $168真係好大份，食完一個都飽左一半，墨西哥薄餅好香麵粉味，而入邊仲有好入味嘅日本豬軟骨，大舊又厚肉，配埋牛油果好夾，非常滿足！🌝日本花魚一夜千意大利米配龍蝦汁 $198好fusion嘅配搭，第一次食成條魚上嘅意大利飯，上面有一大條一夜干，一夜干鹹鹹香香，有啲大骨，但魚肉幾滑，而唧少少檸檬汁感覺幾fresh另外仲叫左水果茶同Mixed berry mojito酸酸甜甜幾解膩同夠開胃

-🔸燒法國鴨胸 $188🔸素牛肉千層麵 $148🔸Bailey’s Coffee $98🔸Summer Breeze $98-今日男朋友接放工，見天未夜去左行海濱浪漫下🥰 行行下見到有間餐廳係度，喺海傍望住海景好chill咁，於是就決定今晚食佢啦！男朋友一向都對千層麵情有獨鍾，所以就叫咗一份千層麵。上枱已經聞到好香，食落每一啖都比濃厚番茄醬汁同埋半溶芝士包住，大讚👍🏻仲叫咗燒法國鴨胸，肉質軟熟得泥又好香鴨既油香味，令我地對鴨胸改觀。不過最令我地估唔到既係野飲，Bailey’s Coffee竟然係熱飲，好似latte咁好易入口，唔會好勁酒味。Summer Breeze非常清新，有酒味但又唔會搶左果香，清新好味😋

🥚蛋美假期好鍾意曬下太陽行海旁🫶🏻觀塘海濱長廊寵物友善西餐廳嘆悠閑慢活生活設戶外坐位🥰🤍.呢間係位於海濱長廊嘅寵物友善西式餐廳🤍🥰嗰日平日2點去到超級多人🥺最大賣點係環境好舒服好悠閑🤍無論戶內戶外都好寬敞✨❣️不過嗰日有少少大風所以揀咗坐入面🫶🏻放假放鬆嘆個lunch很不錯😽.1️⃣蕃茄醬大蝦意粉 (💰$188）🤍呢碟嘢最抵嘅係兩隻大蝦都好厚肉✨🥺當然配埋三色椒同蒜炒過賣相都不錯🫶🏻醬汁唔會太濃甜酸味、意粉嘅煙韌程度剛剛好😛不過略嫌性價比未算高🥹但如果著重環境舒適嘅話就覺得冇乜所謂～2️⃣日本豬軟骨芝士竹炭漢堡 (💰$148）芝士漢堡配豬軟骨真係第一次😛我覺得佢個竹炭漢堡包做得幾好👍🏻甜甜地而且啲餡熱嘅時候個包仲係脆身❣️入面仲有蕃茄芝士同泡菜🤣呢個組合幾新奇😹😹如果好奇咩味嘅話都可以試一試但我應該唔會再叫返呢款😛3️⃣餐湯、餐包、飲品餐湯同餐包都意外地滿足‼️其實擺咗一陣先食但係兩款都仲係熱辣辣✨🫶🏻是日餐湯係忌廉蘑菇湯✨唔會太濃稠淡淡地嘅忌廉味好啱食主菜之前飲🤭餐包熱溶左牛油好香口😽飲品就正常發揮😛今次我覺得輕輕鬆鬆食個lunch、環境又舒服嘅體驗其實幾滿足～.📍La Serre (觀塘)觀塘海濱道

星期日去觀塘海濱散步順便去咗觀塘呢間海景環境好舒服👍🏻brunch set仲有好多選擇而我同友人就揀咗1️⃣Salmon Benedict $1582️⃣Portobello Hash $1283️⃣Coffee Latte $204️⃣Ice Fruit Tea $48早餐成個set好豐富而且賣相係100分✔️✔️增加進食既意慾 當中個炸薯蓉好出色Coffee仲係有拉花 ☕️完全係有誠意🫰🏻而且餐廳嘅氣氛好chill 🙌🏻好多食客都帶埋佢哋嘅寵物嚟

餐廳近觀塘海濱～安排左外面位置坐 環境氣氛一流🌉同朋友一人叫左一個主餐同酒飲🫶🏻前菜有兩款包～有肉乾粒係裏面 非常特別😆日本花魚一夜干食配龍蝦汁 $198超大條花魚 好滿足！條魚燒到剛剛好 唔會好乾身多肉而且肉好嫩滑 肉質鮮甜～條魚好大條 飯量唔多 但都非常出色龍蝦汁同魚好夾😆燒法國🇫🇷鴨胸 $188原本以為鴨胸細細件 好大份～做到皮脆肉滑 肉好厚實 油脂豐美😆仲有粗身薯菜做配菜 唔錯🫶🏻兩杯Cocktail都做到好出色～好fresh 唔會好甜 有淡淡既酒味餐聽既酒精飲品選擇都唔少 好岩食同朋友坐低chill下🥂

La Serre | 觀塘海濱旁邊既西餐 🔥觀塘海濱旁邊既一間玻璃屋餐廳呢度有唔少人帶埋狗狗一齊食野 呢間餐廳都係pet friendly天氣涼涼哋 坐係戶外都好舒服 仲可以同狗狗一齊坐低食d野可以係海旁 散散步🔶招牌早餐包括 炒蛋，大啡菇，煙肉，香腸，金門火腿全日早餐真係好豐富 有好多食物 一碟滿滿咁鋪左係碟上面沙律菜新鮮 大啡菇厚身 有少少烤左表面 更加惹味炒蛋滑 而已有蛋味 香腸煙肉好好味有好多蕃茄仔 好甜好清新🔶pan-seared tuna 包括有吞拿魚、蛋、法邊豆、薯餅吞拿魚係煎左四面 用左簡單嘅調味 無多餘既味加落去吞拿魚外脆內軟 入邊係仲有微微既生 令到吞拿魚食落冇咁硬 吞拿魚魚味更加突出 好香有油脂魚油香味 🔶凍Mocha 三分之一的意式特濃咖啡 朱古力味道好清新朱古力唔會過於甜 朱古力味濃 溝埋咖啡都飲到咖啡味而朱古力既味道唔會搶左🍴整體評價：觀塘海濱旁邊既一間玻璃屋餐廳 氣氛好chill 餐廳都係pet friendly招牌早餐好豐富 放假食返個brunch 係附近行下推介指數: ⭐️⭐️⭐️⭐️——————————————————————————————📌觀塘海濱道90

係觀塘海濱公園跑步，途經呢間西餐廳勁chill,餐廳望出去係全個觀塘海濱嘅海景😎 仲可以同狗仔一齊坐喺outdoor,如果同狗仔一齊仲有折添。我哋叫咗個牛肉burger🍔，足料大份👍🏻👍🏻，仲配有沙律菜另外，我哋叫咗個龍蝦茄汁意粉🍝超級入味，必試

觀塘海邊～La serre~呢一間餐廳真係好舒服🌱有室內室外可以坐，地方又唔迫👍🏻吹住海風🌱仲可以對你最愛嘅寵物一齊食🐶🐱🥰Outdoor Pet Friendly 🥰呢度環境好舒服夜晚同另外一半嚟係好浪漫❤️❤️❤️同朋友傾偈一杯酒或者Cocktail都可以坐成晚🥃🍷🍸🥂🍻今次我哋叫左🌱蕃茄龍蝦意大利麵（有半隻龍蝦仲要好好味🦞香濃嘅蕃茄汁）🌱日本豬軟骨墨西哥薄餅（豬軟骨好淋好入味😋配埋芒果莎莎醬超正😆）我哋仲叫咗杯啤酒🍻（Pilsner Urquell)同埋一杯Cocktail(Pineapple Midori )唔會濃烈嘅酒精，酒量唔太好嘅你可以試吓😉食完嘢又可以行去海邊，吹下海風⭐️💫真係可以暫時忘記煩惱😌

上次去過一次La Serre覺得環境幾舒服，而且重點係可以帶埋小毛孩一齊去餐廳放鬆下。帶小毛孩當然要坐室外。當日點左兩個Brunch,一個和招牌早餐和香蕉朱古力窩夫，share黎食。（$158）招牌早餐裡面有大啡菇、煙肉、香腸、金門火腿、炒蛋、蕃茄等，份量都幾多，大啡菇香濃多汁，而炸著蓉做得相當出色。香蕉朱古力窩夫（$88），窩夫上有大量朱古力醬，還有藍莓、士多啤梨、紅桑梅和香蕉，飽肚感十足。Brunch會送咖啡式茶，如果想飲其他就加錢轉款。我地點左一杯凍美式咖啡和另外加$25轉左杯凍朱古力，和小毛孩過一個優閒的下午。

觀塘海濱道係一個好舒服嘅海塝，地方闊落好舒服，都好岩放狗。呢間餐廳就可以帶埋寵物入座。#燒法國鴨胸 HK$188超大碟，有4大塊鴨胸，調味岩岩好，肉質又唔會太鞋，一個人食就有D大份。#日本花魚一夜干意大利米麵配龍蝦汁 HK$198又超大條魚，仲要好厚肉。而花魚一夜干一向都比較咸嘅，要配埋底米麵先可以平衡個味道。不過米麵底有D比較濕。#水果茶 HK$48係熱情果茶，比較Fresh，比較清。#熱朱古力 HK$44朱古力都幾濃，仲有拉花添。