La Serene Caffè

營業中

休息中

屋企人生日係果到食, 因為去SOGO都好少去11 樓, 所以好少會想去果間餐廳之前打電話去想卜位, 但原來係要即場排隊. 好似要排好耐, 不過我遲到, 所以一野就入左坐底O既時候屋企人已經點哂送, 所以冇睇過餐牌, 點左碟豬配蘋果蓉, 點左碟羊扒(FRENCH CUT), 應該係配燒汁,仲有碟魚,  簡單O既配菜, 蕃茄, 菜之類, D 擺碟唔係好華麗, 但係環境唔錯D羊好林, 一D都唔SO, 豬都係好林最後點左個麵包布丁後上, 超大Surprise!  平時都唔鍾意食BREAD BUDDING, 因為D 奶同蛋好腥, 哩個又唔係林PAT PAT, 落左玉桂粉, 提子之類, 非常之好! 

中銀卡送生日餐才有機會到此餐廳用餐，可能之前期望過高而感失望，除生日該位免費位，其餘兩位需要消費$150以上，但餐牌最平一個餐「西京燒目魚」都需$218，配湯及茶加$38，再配飯或義粉加$20，沙律加$38，如需甜品再加$38，是晩三人食加加埋埋盛惠$600，但食材及味道同一般茶廰分別不大，最好笑的還需生日該位簽卡埋單。

Epitome of finding a prime location and serving low quality food. I had a porkchop that was apparently "iberico pork", served with cooked cucumbers... who serves cooked cucumbers with mains....My girlfriend had a tenderloin and foie gras...The tenderloin was not so tender.... very hard to cut.Although the pooor quality food, the table wear and decoration is great, service time was very good as well. This is defensively a place I recommend for a quick coffee and cake. Not exactly a place for nice

其實以前間唔中都好鍾意去B2嘅Sogo Cafe度食早餐. 依家Sogo Cafe 冇咗唯有上嚟11/F食(11/F呢間都係同Sogo Cafe 同一間公司的(以前有Sogo Cafe 嘅員工都上咗嚟繼續做).講返早餐先，雖然冇咁多選擇，但係質素都仍然唔錯，尤其係佢個杯咖啡，對我來講係重點! 而且朝早冇乜人好清閑，大多數嚟嘅都係老客戶我見個staff 認得晒啲顧客同佢地傾計!而早餐亦唔太貴，$45 per set 加埋一around $50 喺D咁舒服休閒環境算係reasonable price! (出面銅鑼灣茶餐廳食個早餐都要$3X). 所以朝早想食個舒服嘅早餐可以選擇呢度！

Sogo裝俢好便去看看，一早先來嘆個假日早餐，set選擇不多，但也算是醒神早餐。食物質素好，而咖啡味道剛是我喜歡的，十分滿意。假日十點開始，坐足兩個小時也沒有催趕，服務人員態度可以説跜日本餐廳職員不相百眾

清潔阿姐走來走去 食物質素好一般 新嘅牛扒全部都係雪味 侍應服務質素差 以後冇機會幫襯 食物似翠華茶餐廳質素 本人不推薦大家去 並非有心送客人生日禮物 牛扒喊到食唔落 湯好似水咁

星期日早上，又係尋找食早餐的時候，想起Sogo有間cafe，便與老公去試試。還未過11:00，早餐供應中，有數款選擇，我們選了兩款早餐&加$30點了兩杯咖啡。餐上桌，感覺是我無揀錯，賣相好、味道亦很不錯，咖啡亦不是一般coffee，似UCC嘅，調味是用蜜糖，總之就是好飲！食物好吃，環境舒適，寧靜，能夠在鬧市高層，坐著享受早餐，是一天的好開始！早餐+飲品$60一個早餐，個人覺得很超值，普通快餐店雖平，但質素很遠呢！

中銀SOGO生日咭優惠,免費食一餐,但要朋友/家人消費150元或以上,餐牌中,有一個意粉是148元,即係同伴不能叫這個,其他主菜,最平係208元的燒雞。但要注意,這主菜是甚麼也沒有,如想要餐湯及餐飲,就要加48元.與家人同行,怎會自己食全餐,朋友沒有湯及飲品,只好叫多一個湯及飲品,即係最平是256元,加一後,朋友要付282元.送的一個餐,我點牛柳,份量很少,味道一般. 朋友的燒雞,味道很好,炸得不錯,不過不值208元,始終係雪蔵雞排。如果以282元來吃這二人餐,我老實說,不過不失,我不會說被騙,不過就唔係送給我吃了.不過,我是一家四口去食,這樣就不化算了,其餘三人,叫了一個意粉148元,一個牛排238元,一個雞排208元.已經係不叫餐飲,結帪係654元.以這個價錢,就不是很化算了.只可以說,無下次,亦可以說,這是經營手法,邊有咁大隻甲乸隨街跳.

本人連至到貴餐館訂枱已經給接線生先生惹來不滿, 連繼兩次, 以不耐煩的態度跟我說話, 我大可不來消費.終於都要親身去證實這餐聽, 用生日優惠, 當然扒類比較咸, 湯也如是, 唯一好處是地方坐得舒服.

生日原故，因此有機會到這餐廳進膳。雖說有生日免費餐，但需要至有一位同行受友點選不少於150元的食物，不過經驗還是不錯的。位於銅鑼灣崇光的11樓，平時是很少會踏足的地方，加上感謝週的過去，人流較少，但卻多了一份優雅寧靜。裝修以白色為主，很清潔的感覺。先來一個餐包，很鬆軟，有包味，不錯。第一個主菜是豬扒，厚薄適中，肉質嫩滑，味道不錯。另一個主菜是巴馬火腿意粉，火腿不會太咸，而意粉的軟硬度控制得很好，忌廉味很香。最後不可缺少的就是甜品：栗子忌廉蛋糕。栗子的味道不錯，但忌廉略嫌太多，蛋糕底不夠細滑，有待改進。不過整體仍是很好的體驗。

由於20號係小妹嘅生日，所以我今日同咗我最愛錫嘅媽咪一齊去咗銅鑼灣崇光百貨嘅「La Serene Caffe」食SOGO白金信用卡送嘅免費生日晚餐！免費生日晚餐我們選擇咗扒三文魚菠菜意大利粉，另外我們叫咗香煎美國特級西冷扒配燒汁！扒三文魚菠菜意大利粉嘅三文魚表面煎得好香口，意粉嘅口感好煙韌彈牙，醬汁嘅味道亦好惹味！香煎美國特級西冷扒配燒汁嘅西冷扒表面亦係煎得相當香口，肉質好鬆軟，肉味亦好濃郁，而且都幾厚身！跟餐嘅羅宋湯味道非常鮮味濃郁！餐包亦好香滑鬆軟！

餐廳裡基本上每枱都會見到食客拿著Sogo 生日卡入座。本來已有心理準備對食物唔會有期望的，唔知係咪餐廳改善咗呢，都冇食評的咁差，而且我覺得食物合格，服務又好，下年可以再嚟過~ 免費生日餐選了：【扒三文魚菠菜意大利粉】。。。三文魚扒雖然煎得普通，但意粉的菠菜忌廉伴菇的汁好好味，意粉軟硬度適中【粟米餐湯】。。。粟米攪伴了的那種，好足料，好多粟米小粒同行者要消費至少HK$150，點了：【香煎美國豬鞍扒配芥末籽燒汁】。。。豬扒調味及個汁都好味，豬的肉質鬆軟，份量不多，總算不會很失望，不太高要求的話，算合格啦。散點的，可以加$45有餐湯及飲品。總結：至少不會令我覺得「一次便夠了」，而係「出年可以再嚟」！可能我早到，當時人不多，所以兩人可以坐4人枱，人多了，就算有客等位，店員都冇催促， 而且餐廳冇限用餐時間，可以慢慢享用晚膳的餐廳，而家好難有的。希望出年再來的時候，可以保持到服務及越見越好啦！餐牌:

銅鑼灣Sogo的11樓是旭屋書店，旁邊有間cafe相信很多人都知，但12樓有意大利餐廳就可能不太多人知道。The serene的裝潢其實有點舊，或許是因為來這兒的大部分是熟客，加上出入的客人都是上年紀、打扮有點像粵語片中的有錢人，令人不禁聯想昔日雍雅山房的那份情懷。午餐有五款選擇，價錢大約$140~150左右，包括餐包、餐湯和餐飲。是日餐湯是帶點甘筍味，廚師刻意加了一些杏仁碎片，喝起來特別香。四月點的是紅酒燴牛尾配白飯，牛尾切件放滿一整碗，一圈圈的由$5 size到拳頭大也有。紅酒汁香口出色，牛肉挺腍也很入味。廚師在中間放了菇片、青菜、紅黃椒等配菜，白飯用水杯壓實，這種碗狀飯通常只會在舊式扒房或餐廳出現，我也很久沒有看到了。檸檬茶作為餐茶其實挺好喝，夠熱之餘，不加糖也不會很酸澀，店員還會給你一個茶隔把茶葉隔走，多麼講究。這兒很快便會跟樓下11樓的cafe合併，裝修期間將會休業到10月5號，想體驗一下舊咖啡廳的情懷就要趁早哦。

生日月又到啦～ 收到Sogo visa card 的birthday invitation，到La Serene Caffe 或 Sogo Cafe可以有一份免費生日晚餐～剛巧今日要跟一家之煮到灣仔，在此之前，就先到Sogo食個晚飯吧～大約在一星期前訂位，訂位時店員提醒要帶birthday invitation card~咦，可是我沒有提過是birthday invitation呀！為什麼店員會知呢？La Serene Caffe在Sogo 的12樓，電梯一出就見到～ 餐廳的設計很開放，從外面都可以看到餐廳入面的狀況～我們被安排坐在沙發位，靜靜的～還不錯～免費生日晚餐包括是日餐湯，主菜，咖啡或茶~ 而要用這優惠，一定要至少二人同行，另一位客人，至少要惠顧$150以上呀~ 而且要用Sogo visa card 結帳~才剛食完麵不久，我們都不太餓，所以除了生日晚餐外，多點一客意大利飯及一客甜點就好了~ 先上餐包，碩大的一個餐包呀!!很久沒有食過這種餐包呢~~還好是溫溫的，塗一點點牛油食，剛好~~ 是日餐湯是粟米湯，粟米味很濃郁，入口幼滑，因為湯裡有不少粟米蓉，所以又帶點嚼勁~ 加添一點點火

感謝SOGO中銀信用卡送給我每年一個生日晚餐優惠，可惜我之前從沒享用過此優惠， 今年好想一試， 於是相約好友出席晚餐， 兩間cafe之中，我們選擇了來La Serene Cafe一試。是晚七時進入餐廳， 已經坐了不少食客， 環境舒適且又不嘈吵的SOGO Club。指定的生日晚餐， 我們選擇了吃排菠蘿美國極黑豬柳配香橙燒汁， 味中不足是， 燒汁太少， 又沒有飯或意粉， 只有薯仔做配菜， 再配上餐湯和叮熱的餐包， 也不感到有飽肚的感覺。 生日晚餐是一人套餐， 朋友只好另外order一份晚餐， 選擇了$198的又是豬排的套餐， 厚身的豬排， 剛好夠熟， 餐茶我選擇了熱咖啡， 是一杯不太好喝的焦咖啡，跟朋友share兩份晚餐， 吃完後都是八時十五分， 沒有order甜品便埋單了。