L.D.K. by Ufufu Café (新都會廣場) (已結業)

同朋友去咗葵芳行街，大家行到攰攰地又餓餓地就想搵間餐廳食野。友人想食啲濕濕地既野食，睇呢間餐廳show 咗個menu 有烏冬食，咁就入去試下啦。朋友揀完一輪，佢都係食烏冬，而我就見到有吞拿魚蓉丼，見張相賣相唔差，價錢$15x，所以我就揀咗呢個丼食。個烏冬比menu 個賣相差好遠，友人食落話還可以。而個吞拿魚蓉丼個賣相還可以，似模似樣的，而份量驟眼望落去都似模似相的。正當我以為呢間野食還ok時，用地筷子篤落碗丼一撬，即刻嘩咗一聲。頂，碗野啲魚蓉薄真超薄，比1 mm超薄仲要薄。我左挑右勃將啲吞拿魚蓉拼埋一齊，發現啲魚蓉份量比壽司朗一碟的$12軍艦仲要少。呢間野無質量，唔怪得堂食係繁忙時間都坐唔滿。

【L.D.K by Ufufu Café 之甜品篇～】係葵芳行到悶悶地想揾個地方坐下？呢度就岩哂喇！✨呢間Café 係和洋式餐廳，主打日式蛋包飯同甜品。如果想食日式甜品，日本蛋糕、芭菲、蕨餅呢啲全部都可以係呢度揾到😋莓家族乳酪芭菲🍓$78因為我地正餐食到有啲飽🤰🏻，所以就嗌左莓家族乳酪芭菲諗住會冇咁漏～士多啤梨同紅莓都算甜，雪糕有啲似細個食阿波羅乳酪雪糕既feel🤣，似雪芭多過雪糕，好fresh~ 唔會好漏~ 面頭甜甜地既杏仁脆片，加埋酸酸地既雜莓雪芭一齊岩岩好中和番，幾夾✨抺茶蕨餅🍵 $48身為蕨餅控既我就緊係一定要嗌蕨餅啦😚！抺茶味算濃，唔會太澀，軟綿綿蕨餅既外層被抺茶粉包圍住，再沾上黑蜜一齊食，抺茶既回甘同黑蜜既甜味簡直係perfect match🤤，不過個人認為抺茶味如果再重啲可能會更好~🫶🏻

第一次食呢間Café，估唔到都值得一試！今次呢樣鍋物係期間限定，餐牌無寫幾時會完。海鮮蝦湯鍋燒烏冬$108(餐廳堂食有加一)烏冬似乎都係呢間Café嘅一大熱門？因為安排坐較入嘅座位，沿路見到有唔少人叫鍋物同烏冬。蝦湯底非常濃郁入味，同行朋友忍唔住飲晒啲湯。上菜時熱辣辣，好彩舖內冷氣都夠。海鮮都算多，有2件青口、3-4粒蜆仔、2隻蝦🍤同小小細粒嘅魷魚圈，蝦嘅肉質都彈牙，起碼唔係霉霉爛爛嗰種肉質。仲有少少金菇同京蔥，索左啲蝦湯係好食嘅👍🏽。值得下次再試其他！

今天我如常去食午餐、我只食蛋包鰻魚飯、去了數次、鰻魚都ok, 但今天的鰻魚可能煮得唔夠熟、有些難咬、但免強可接受、我便沒有要求更換、只食了一半便算。到埋單在收銀處付款後只順便向職員反映、希望佢同廚房反映留意下、下次可做得好啲。奈何這男職員給我－個不耐煩的表情、似示意我有多少多餘的評語、亦示意我what can I do ?我覺得不被尊重、其實我付款後才給意見是避免誤會我想找著數、但我仍給評語是希望佢地有改善，但現在我決定唔會再去。－餐午飯成$200+，我可以有更多更好的選擇😡永不幫襯呢間餐廳！

坐得舒服的和風洋食不過價錢不算抵食就算lunch只是主食加錢配餐湯或飯也不連飲品或甜品之前試過下午茶真的超值下次還是選擇下午茶時間來算了博多明太子意粉$112味道偏鹹份量亦偏少燴牛肉蛋包飯$138牛肉很軟腍整個蛋包飯也很好牛肉壽喜燒烏冬$102味道不錯但比較普通九州風炸雞翼$55雞翼最出色炸得惹味香口酥皮忌廉湯套餐加$30酥皮湯很夠熱

今日去咗新都會廣場食lunch， 心思思想食蛋包飯😋 於是揀咗間和洋餐廳試下中午時分排隊唔算耐， 兩個人坐咗張四人枱， 環境尚算舒適。 急不及待叫咗吉列豬扒配大蝦蛋包飯和日式火山燒肉漢堡😍😍 凍檸茶和凍啡. 先嚟嘅蛋包飯好好味, 咖哩香濃, 蛋夠軟滑， 值得讚的是蛋包飯係茄汁炒底，酸酸地配上咖哩能突顯咖哩更濃郁👍 首選推介 。日式火山燒肉漢堡裏面係燒牛肉， 非常juicy，伴上洋蔥口感一流， 甜甜嘅燒肉醬汁好開胃， 值得推介😋 飲品不過不失， 還有進步空間😉整體嚟講， 價錢合理， 環境乾淨衛生， 座位之間嘅距離都算足夠， 食物質素最高， 係可以考慮嘅飯堂之選🤗

Today I tried their Matcha and Chocolate Fondant Parfait during lunch. I think it was a perfect match as the chocolate fondant alone would have been a bit too sweet but together with the matcha parfait, it became a much balanced dessert.However, I noticed that some other parfaits also have this chocolate fondant option too. This may not be the best match as the dessert would become a bit too sweet.

午餐時間來到葵芳的新都會廣場，揀了L.D.K.因為見到座位舒適，環境安靜，不用等直接有好位。午市套餐是主菜加$25便有沙律+湯/白飯+$飲品，餐湯是粟米湯，小小一杯好creamy，沙律有三款選擇，我和友人點了煙三文魚蔬菜沙律和煙鴨胸蔬菜沙律，好清新美味，主菜點了鹿兒島和牛漢堡扒，鐵板上熱㷫㷫，賣相好惹味吸引，漢堡扒脹卜卜好可愛，切落軟淋淋又多汁，食落超好味，配上一件小薯仔和很多粟米粒，好味又健康，而炸豬扒配流心蛋烏冬的豬扒好大件有點油膩，不過食落軟淋淋都好味，清湯烏冬另上好細心。

二訪嘅日式餐廳🍴 之前同friend食過覺得唔錯 所以咁次決定再食多次😋 感覺冇第一次食咁正🥲✿ 鹿兒島和牛漢堡扒 ✿ [$112]上一次食左漢堡扒飯覺得好食 所以今次食返漢堡扒餐 份量上比較少 適合細胃口人士 唔係會食唔飽🤣🤣 鐵板燒嘅形式 可以自己燒到喜歡嘅熟度 漢堡扒相比起上一次 冇咁驚喜 伴菜有薯仔🥔同粟米🌽 正常水準✿ 牛肉壽喜燒烏冬 ✿ [$102]烏冬似喺度稻庭烏冬 煙煙韌韌 壽喜燒湯底唔會話好咸 而且佢有生雞蛋🥚係個面頭 加埋啲牛食好飽滿 好香滑 仲有性價比都幾高✿ 焗酥皮粟米湯 ✿ [$30]酥皮好大塊 撈埋啲湯一齊飲 好滿足 不過似係罐頭粟米湯🌽地址➸葵芳興芳路223號新都會廣場3樓345A號舖★好食指數★：3.5/5★服務態度★：3.5/5★有加一★

本人一直以為荃灣是掃街的美食天堂，但原來還有這間美味的日式西餐廳！這間餐廳有很多不同菜式選擇，例如：蛋包飯、咖哩飯、意粉、鐵板燒、烏冬、漢堡包等等。甜品款式也有很多，特別是芭菲。鹿兒島和牛漢堡扒咖哩蛋包飯 $148這個極力推薦！！和牛漢堡扒外脆內軟，多汁又實肉，最重要有濃郁的和牛味，再配上嫩滑的蛋包飯，香甜的日式咖哩汁，真的好味到無得頂！雪糕糯米糍朱古力芭菲 $78這芭菲看圖都知道有很多野食，如杏仁脆片、朱古力糯米糍、朱古力蕨餅、日式糯米丸子、焦糖雪糕、朱古力雪糕、香蕉等等。特別要提提最底層的香蕉又香又熟的，真的好好味！

早前係抹茶關注組留意到有人讚呢到嘅芭菲，所以今日特登食完正餐過嚟食甜品😌今次同朋友嗌咗份宇治抹茶蕨餅芭菲 ($82)抹茶味算突出，未到好濃，有少少回甘，屬於容易入口嘅抹茶雪糕🍦入面仲有一球呍呢嗱雪糕都幾香🤤上面有啲cream加埋抹茶醬，加埋一塊杏仁脆餅都幾啱打卡✨抹茶蕨餅夠軟糯，紅豆蓉夠綿，最底仲有啲抹茶啫喱滑捋捋幾好啜😆食落算係幾有層次，口感會有啲唔同💚Overall成杯抹茶味都算重，唯一挑剔係～冇，芭菲本身係香港就係一樣極度overpriced嘅產品，不過最緊要食得開心啫🥳食完正餐兩個人share就冇咁膩😛

來葵芳不知吃什麼，想找家坐得比較舒服的餐廳，便來到這間L.D.K Cafe，餐廳主打和風洋食，見meun餐點圖片幾吸引便排隊入座了，週末lunch time，排隊10分鐘左右便可以入座，限時用餐時間45分鐘，點了和牛漢堡扒咖喱飯和煙三文魚意式蕃茄意粉.和牛漢堡扒咖喱飯🍛咖哩香甜，味道是偏甜的日式咖喱，入口順滑，和牛漢堡扒很厚實，但煎得比較久，稍微硬身，但牛味很濃，好味！煙三文魚意式蕃茄意粉🍝煙三文魚是厚切，第一次見！🤣但幾好味，個人還是比較喜歡薄切，煙三文魚是凍的，和意粉感覺不太搭，番茄🍅意粉偏水，味道偏淡，寫明是微辣，看到切碎的乾辣椒絲🌶️，意粉比較有咬口，但不驚喜，不過不失，有點失望🙍🏿‍♀️整體食物還好，但價錢較貴，服務員態度可以

週末逛逛商場經過一間日式fusion 餐廳見門口menu食物款式多於是便入內試試😝是日午餐人氣推介之一牛肉壽喜燒烏冬🥘🥘🥘 $108牛肉算多，嫩滑湯底甜度適中烏冬QQ份量多，熱㷫㷫整個煱上猶如1人火鍋般

餐廳地點交通方便，同朋友收工之後去左葵涌廣場行街直落，之後就去左新都會醫肚。今次終於食到呢間Cafe了，我地揀左A4和牛漢堡係和牛肉，份量十足，切開時和牛扒的肉汁漏哂出嚟，配菜有蕃茄同生菜，食落好新鮮，味道都好唔錯。仲有唔少粗薯條伴碟，外脆內軟，好香口！鰻魚燒得好香口，而且厚肉肥美，肉質彈牙而且好juicy，魚油味都幾突出，醬汁份量亦啱啱好。不過飯就有少少偏軟身，如果可以改善下就仲好呀。小食仲有粟米墨魚餅，炸到好金黃色，賣相好吸引，口感都好唔錯，香脆爽口，口感較實，帶鮮甜的墨魚味。

老婆放半晝，我就去接佢放工再一齊食晏。我哋揀咗哩間日本fusion餐廳，雖然有set lunch但其實都有少少貴，宜家出街食飯真係好奢侈。我哋叫咗和風博多明太子意粉$112同流心芝士和牛漢堡扒$138，每人另加$25配埋沙律、餐湯同飲品。老婆再加$20轉升級飲品：福崗八女抹茶紅豆白玉拿鐵。埋單每個人都要$175。不過食品質素係高嘅，意粉望落去雖然好寡，但味道係好食嘅，好鍾意明太子嘅鹹香味，加埋紫蘇葉，味道提升至另一境界。漢堡扒肉質非常鮮嫩，肉汁豐富，牛肉味香，中間嘅流心芝士溶入漢堡扒內，令味道同口層更有層次。福崗八女抹茶紅豆白玉拿鐵都好正，抹茶同牛奶味道濃郁，絕不欺場，白玉煙韌，口感Q彈，可以話係飲品甜品兩合為一，大滿足。