L.D.K. by Ufufu Café (新都會廣場) (已結業)

今天放假過了新都會廣場行街，順便去我喜愛嘅LDK食tea。正上Open Rice搵LDK樓層，發現原來已無聲無息咁執左，有些無耐。同大家分享一下之前影嘅食物相。鍾意佢嘅凍咖啡，壽喜燒，牛肉漢堡，蛋包飯等等。

一個人係葵芳搵地方醫肚，女人仔係煩啲㗎啦，又要搵地方好坐，又要飲杯咖啡，又想搵啲嘢食唔好太Heavy，結果就嚟咗葵芳呢一間西日式嘅Cafe啦！呢度地方細細地走日系風，簡簡單單木系裝修，女人絕不會抗拒的！一個人就豪華少少，叫左個自家製煙三文魚蕃茄意粉，有少少三文魚子係上面添好似幾吸引咁🫢😝相同實物冇乜誤差，價錢$132 我覺得可接受，蕃茄汁酸酸甜甜都幾開胃，個煙三文魚居然好「難𡁻」😳😳乜唔係應該淋淋地架咩？😅份量女仔黎講夠，個如果男仔就有啲難講。返而個凍latte水準幾唔錯，忘記了影相。下次可能會想試吓佢啲漢堡扒或者咖喱，綜合嚟講餐牌都算多選擇，雖然今次一個人黎試唔到好多嘢，但都可以俾多次機會嘅！

慶祝生日，諗住食好西，見呢個好評幾多，諗住試試佢，望過張餐牌，鐵板好似幾吸引，點知食物黎到似連鎖店咁款，咁樣已經$118+飲品$4x，仲未計服務費，對整體有啲失望。性價比值唔值，見仁見智，我就好有保留。

🍽 今日喺新都會廣場試咗「L.D.K. by Ufufu Café」，點咗兩款主菜：牛肉壽喜燒烏冬 同 漠堡扒咖哩蛋包飯，再加個沙律同焗酥皮粟米湯，真係有驚喜！😋🍲 牛肉壽喜燒烏冬壽喜燒烏冬嘅湯底甜鹹平衡得好好，牛肉片嫩滑入味，帶有濃郁嘅壽喜燒香氣，每啖都係滿滿嘅肉香😌。烏冬麵條粗身彈牙，吸收咗湯底嘅甜鹹味道，食落去非常滿足！蔬菜亦吸咗湯汁，帶出鮮甜嘅口感，呢個壽喜燒烏冬無論係味道定份量都非常足夠，特別啱秋冬天食🍂。🍛 漠堡扒咖哩蛋包飯呢個咖哩蛋包飯不得了！蛋皮煎得好滑溜，包住入面軟糯嘅白飯，咖哩汁濃稠，帶有微微嘅辛辣香氣，但唔會太辣，適合大眾口味😋。漠堡扒煎得剛剛好，肉質嫩滑多汁，配埋咖哩汁同蛋包飯一齊食，層次感豐富，成道菜充滿濃郁嘅日式風味，非常令人滿足～🍳。🥗 沙律沙律係個清新嘅配角，有紅椒、番茄等新鮮蔬菜，配搭簡單嘅油醋醬，酸酸甜甜，幫助提升食慾，亦可以平衡主菜嘅濃味，食完感覺清爽解膩，係一個好貼心嘅配菜😊。🥣 焗酥皮粟米湯呢個酥皮粟米湯真係必試！一打開個酥皮，陣陣熱氣伴隨住粟米湯香氣撲鼻而來，酥皮煎得香脆，入口鬆化，仲可以撕開撈埋粟米湯一齊食，口感非常豐富🥐。粟米湯本身夠濃郁

好耐冇食ufufu，今次黎左葵芳店食，以前成日大排長龍，星期六5點幾黎到唔洗等位。抹茶拿鐵，糖水自己落所以唔會太甜，抹茶味唔會太濃，正正常常。明太子烏賊忌廉意粉$118，記得以前已經好鐘意食呢個意粉😍😍味道不變都仲係好好食，醬汁會稀少少，食落唔會好膩👍👍鰻魚撈烏冬溫泉蛋$138，鰻魚都係正常發揮，烏冬汁偏甜，覺得唔係好夾。粟米魚餅$55，香香脆脆熱辣辣，不錯👍焦糖香蕉法式吐司$88，個吐司好特別，食落好似食緊蛋糕咁🤗個雪糕係焦糖雪糕、少少甜，下次可以試下其他口味。TIRA栗子蓉芭菲$92，栗子蓉好好食，上面有個tiramisu蛋糕，朱古力雪糕，成個芭菲都好食。

Lunch Set 嗌咗一個和風明太子意粉 🍝同一個蛋包飯 🍳加配套餐 會有餐飲 餐湯同沙律餐湯味道就係平時係自動販賣機買到嘅粟米湯個人幾鍾意🤣🤣沙律🥗揀咗鴨胸沙律 正常沙律冇咩特別～和風明太子意粉 上枱見到幾多辣椒比想像中辣 但都幾惹味嘅蛋包飯都好食嘅 但係冇咩配料 就真係得蛋同飯同埋主食嚟講份量偏細份 男士可能食曬成個set 都未必太夠飽😂服務就正正常常 冇話特別差或者特別好整體而言 午餐嚟講價錢偏貴 但環境坐得舒服

住開港島嘅我平時都唔嚟呢頭，咁啱攞啲嘢俾個friend，就諗住順便食埋飯至返去。行過見呢間舖面都大，座位又夠濶落，就入去試吓。見到有鍋燒烏冬好似幾吸引，就叫個吉列豬扒鍋燒烏冬配半熟玉子。烏冬就普普通通，唔係好彈牙，係份量夠多，同埋鍋燒keep度溫度，唔會太快變凍係幾好。炸豬扒就麻麻，炸衣偏厚，豬扒太瘦所以比較乾，雖然都大塊，但太同炸衣厚搞到好熱氣咁，都唔想食哂成塊豬扒。呢個價錢，呢個質素，就真係麻麻。

本來充滿期待，諗住食日本嘅味道，點知真係相差太遠。無論食物質素同服務態度都係差劣。咖哩漢堡扒蛋包飯$158（圖左）漢堡扒：勁乾柴，超市買嘅都好食過佢。蛋皮：99%熟，過熟，原本預期半生熟。咖哩汁：勁似某連鎖咖哩飯餐廳嘅味…頹咗啲喎，158嘅價錢，食58蚊嘅味道和質素。飯：不好吃，乾柴，又不夠熱。唔明點解有咁多人推介呢個飯。壽喜燒牛肉烏冬（圖右）Menu 張相係冇湯嘅，實物係有湯嘅。烏冬上枱即刻食都已經過淋，唔煙韌唔彈牙。全程完全沒有服務，自己掃QR code 下單，自己倒水給自己，店員不會倒水給客人。沒有服務，憑什麼收加一服務費？

今日同朋友經過一間西式日式餐廳！門口排晒隊！到我地入去時女員工迎接我地帶去坐梳化！我哋唔識用電話落單立刻過嚟幫我地落單！服務態度非常好👍還介紹咗漢堡蛋包飯同焦糖香蕉吐司真係非常好食

有一日 食飯嘅時候 門口冇乜客人 我企係門口竟然冇員工過嚟迎接自己，甚至帶位 然後有一個好矮短頭髮嘅阿姐，類似女店長，喺度手指指話求其坐就得 然後就繼續同一班同事撳電話 當我想問有冇下午茶嘅時候 就用敷衍嘅態度 話叫我求其自己睇 食物放上枱 好似大力咗啲😓 有個似企甜品位嘅短頭髮阿姐 長期喺度 慢慢玩電話 想問其他員工斟杯水然後一個二個班聽唔到咁 仲要收服務費 不知所謂 垃圾員工垃圾餐廳唔會有第二次☺️☺️寧願食麥當勞 都好果呢間店

很久沒有寫食評，這裡令我很有衝動未食完已經寫完......進店行到好入都沒有人招呼，所有店員站在水bar裡面，我跟她說一位，她隨便手指一指：「呢度啦。」上菜力度幾乎是掉落枱的態度。和牛漢堡蛋包飯：所謂的和牛，很實且鞋，蛋很薄，不滋味，咖哩汁不香，最大問題是飯~用上廉價珍珠米，非常硬，食到好攰。索償$158 ，誰會覺得值得？ 已經用掃 code, 她們好得閒，基本上完全沒有服務，寧願自己玩電話，現今的年青人做人態度真的值得深思。不會再來。

A Rotten Apple食物Food：水準低 Below Average價錢 Price: 不便宜 Above Average服務 Service: 茶餐廳級數 Absolutely Rubbish一家四口3月29號假日（非滿座）時間到訪。本人甚少出post但想記錄一下防止其他人中伏。食物：牛肉烏冬壽喜燒 - 牛肉硬烏冬”林”價錢：朱古力雪糕脆包甜品 $9x - 一球雪糕3小塊包。貴過茶木$2x 但只得人地三分一份量。服務：3位年約25歲的(港)女侍應，各有千秋的顯示他們有幾唔想做份工。靚女1號：太太禮貌問她如果叫咖哩飯，汁可否另上。她不回答我們但突然走去下單機幫我們下單，我們說其實我地係問清楚，未準備下單嘅。說後然後她黑面走咗。好型呀！靚女2號：6歲女女在座位起身退後到走廊位置，孩子不知道靚女捧住盤菜要經過走廊。靚女即時大喊”睇後”，沒有望過孩子一眼。好專業的去關心顧客呀！靚女3號：比錢時太太問可否用Point Dollar 比錢，並已在qrcode按下今次準備用32 Dollar。靚女說店鋪只能接受10的倍數嘅point dollar. 太太說她已經按了32啦，是否不 OK.

態度其差，2:30去到都無咩人，叫個餐等左成半個鐘，個個店員掛住玩手機📱，問多句都唔願答你. 比錢果下慢到離奇，唔係收左錢先，係整左個釘書機先，咁樣真係等摺埋都得嘞

在Ufufu Cafe叫的這個芝士熔岩漢堡是超大份的份量級數！看到menu 已經流口水了。本來今天都打算試下呢度的牛油果大蝦沙律／handmade 三文魚沙律，但突然天氣變冷所以想叫點熱食。也有想過來點招牌的熊仔溫泉蛋火鍋，很可愛，可以看著熊仔一直慢慢融化在火鍋中，所以我也想略為介紹一下這個。但因為火鍋食物要等熟，我今日太肚餓了，等不及了。索性叫個即食漢堡！話說會來，這個漢堡真的很棒，很肉感之餘番茄🍅也很大一片，除了跟盤的扭紋薯條還有伴上適量的蔬菜沙律，菜和肉的份量挺平衡的！讚👍👍👍男朋友叫的另一個漢堡扒咖哩飯就說一般般，沒有值得一題的亮點啦。

行到攰，又開始肚餓啦～係時候又要搵野食啦～去到一間日式餐廳平時見到好多人排隊，今日見到佢冇咩人 梗係入去試下 滿足下自己既好奇心🤣唔知點解好似有種日式家庭既感覺，定係個陣有幾個唔同家庭係到食飯 讓我有呢種感覺呢當店員比個餐牌我睇，我既視線當然淨係睇到甜品🍨但都唔會忘記食正餐既店員提供QR code 點餐，當然選用它它很方便，而且可以睇到不同食物的圖片和選擇自己喜歡的食物今次我就試左以下幾款 🌟鰻魚撈烏冬溫泉蛋見到溫泉蛋就好想試下，相當巧技巧🤣鰻魚很肥美，烏冬恰到好處 有口感，再加埋少少涼拌 撈埋一齊食很好味和倍感清新😋🌟野莓法式吐司士多啤梨🍓配上雪糕🍦已經好好味😋再加上吐司又有另一種感覺 凍熱的交際下將它放入口 就將它慢慢溶化在口腔了 有濃濃既士多啤梨味🍓仲有水果：士多啤梨🍓、藍莓🫐做配襯 令到外觀更加美麗🌟芒果椰果乳酪芭菲芒果我相信大多數人都很喜愛的水果之一🥭配上椰果更加香甜可口 在口腔慢慢有淡淡的芒果香味，讓你食完一啖再一啖 不想停下來仲有乳酪芭菲係最底 可以試下加埋一齊食 別有一番風味🥭推薦指數極高，熱愛芒果既朋友仔一定唔好錯過！🌟八女烘焙茶_熱🫖個名係唔係好特別呢～八女其實係烘