Kani

同同事黎食lunch, 點左個明太子意粉配紫菜帶子。份量唔大，望落冇咩橙色，但食落又有明太子味喎！帶子冇鮮味，個人覺得同明太子亦唔係幾match，細細碟食完都冇咩印象，價錢亦唔平，係環境幾寬敞。…查看更多

最近又響觀塘做嘢，食lunch差不多就係茶餐廳同連鎖食肆之選。心諗明明夜晚工廈大把花花世界，即使係lunch都實有坐得舒舒服服嘅地方。今次就終於搵倒間位於觀塘工廈嘅寬敞餐廳。餐廳坐位非常簡約而敞大，我們一行三人獲安排坐了一張可以容納6人的枱。餐牌選擇很多，基本上有齊魚生， 意粉，飯類，即使一大班人黎都唔怕有人揀唔倒心水。不過就價錢而言於觀塘就叫偏貴，要80-120倒，另有加一喎，唔太岩日日食，不過間唔中一餐都ok嘅！餐湯有南瓜湯同麵豉湯揀，我尼個就係南瓜黎。個湯都有南瓜味，但就啖左啲，濃返啲就好了。個主菜我揀左蟹肉奄列蛋飯，78蚊另有加一。個賣相就唔錯，金金黃黃，而且仲幾香。但同我預期唧樣有好大出入下。因為我expect會係蛋包飯，再有茄汁。不過anyway,好食就得。個飯炒得唔錯，可謂粒粒金黃，再鋪上密密的蟹籽及絲絲蟹肉，口感同味道都令我滿意。特別係蟹肉的鮮味沒有被沙律醬蓋過，份量亦叫大方，幾乎每口都有蟹肉味，蟹籽就更加是，值得推介。附送嘅餐飲我揀左熱檸水，無咩特別。不過份量很多，大大一杯，並非用茶樓啲杯。雖然尼間餐廳的價錢於觀塘屬中高之選，但勝在坐得舒適，而且食物用料足，不妨一試。…查看更多

新年第一日返工，梗係食好啲啦！可惜初四開工嘅餐廳錯地方唔多，好彩卡蓮已經開示，於是即刻訂位飛的去食午餐！一坐低，見到個餐牌轉左，lunch包咖啡/茶（終於跟餐飲，好感動！）不過都係揀番最近人嘅牛扒配薯蓉。擺盤唔同咗塊牛扒比以前細塊，叫咗五成熟，但食落明顯已經七成熟，煮得太老over cook，牛味冇平時食開嘅西冷咁濃，似係轉咗來貨！ 薯蓉好好味，充滿牛奶香，入口幼滑又creamy! …查看更多

同事介紹, 用TABLEMAP 訂左枱, 因為係1樓, 所以係走樓梯同後門上去估唔到都幾大幾特別喎因為用TABLEMAP, 所以有小食送-雞軟骨跟住我地睇SET 去叫野食沙律係墨西哥有機芥蘭又幾特別喎, 未食過呢個有機野, 又唔知我地中國的芥蘭咁的味好西方口味的沙律菜老公點左紅酒, 不過味道麻麻諗住叫鮮榨果汁, 但原來得返幾款, 可能LUNCH 俾人買晒剩返得幾支, 味道又唔係好啱飲, 所以都係叫左呢個朱古力特飲有面包奉上, 無咩特別湯今日係薯仔豆蓉湯好香好味呀!!我的主菜叫左大蝦拼雜菜串燒吸引好多隔離枱的人望可能顏色太鮮艷喇食落呢個味道仲好食過老公個碟有2串雜菜, 變左唔會話食得好熱氣好滯雜菜唔會話燒得過火, 好味蝦都OK個汁都好襯呢個主菜老公點了呢個牛扒, 反而有點失色, 無咩特別....最後古惑的老公, 原來同餐廳聯絡過安排左個甜品俾我初時諗住是日甜品好無食呢點知突然有件CHEEZE CAKE 碟個度寫左我名TIM好感動呀!!多謝老公~亦多謝職員的安排呢度食野無出邊餐廳咁拘謹, 位置又大D 闊D唔會話2個人就只係俾一張長枱仔你咁不過食物就希望再改善, 因為唔算係好特色, 一D 好一D 就麻麻....…查看更多

I had a really great time at Kani. It was a little hard to find but that's what I liked about it. It was very spacious and comfortable inside which I find very rare in Hong Kong.I liked the open kitchen as you can see your food being made. Since I was visiting from Beijing, I just had to try some seafood. I had the oysters and sushi and they were really fresh and flavourful. The staff was really nice and it was a great experience overall. Their page said that there was no wifi but they did when I went there. I would definately come back when I visit Hong Kong again. …查看更多

It's Saturday night and we had a large party of 16 guests ....mostly adults and some kids. This restaurant provided an environment accommodating us just so perfectly The food was fantastic! The seafood selection was great. Everyone enjoyed the oysters, sushi and sashimi. The lamb shank was delicious and the kids loved the pasta (as well as the mango pudding). I highly recommend this restaurant (casual dining w/ top notch dishes). Please note the entrance is a little hidden ...but if i found my way, I'm sure you will too. …查看更多

觀塘嚟講，Kani 係一間縱使地理位置隔涉，但仍舊會想去揾食嘅餐廳！| 吉列黑豚肉定食 |加大咗嘅呢款定食，基本上係2人份量！大件夾抵食！豬扒炸得香脆，炸粉又唔會太多，啖啖肉，餸飯一流！…查看更多

每年都同太座慶祝結婚紀念日，太座喜歡食生蠔，自助餐又冇特別，出名嘅又話要三個月前book位，上openrice刮吓有邊樹有生蠔食好過，見到觀塘呢間工廈餐廳，食評都唔錯就試吓，早一個星期喺openrice網上訂座成功，諗住日期前會有職員覆枱落實，但竟然冇，一晚前咪自己打電話去，打咗幾次都冇人聽，亦唔見有職員回電話，心諗唔係執咗呀？唯有當晚去碰吓運氣，好彩冇執，地方濶落但只得三枱客人，晚上八點喎，唔係中伏呀？呢個環境都預咗唔慌好食，坐低侍應服務都幾好，我問佢有乜生蠔好食，佢都介紹得好詳盡，一個晚餐加170蚊有1打生蠔，即管試吓，生蠔先上有紐西蘭、美國等等，美國味較淡其他都不俗，再叫多1打，今次一半要澳洲，海水味最重啱哂我地；喺openrice訂枱原來有一客小食送，今晚有酒糟豬手，有咬口又入味，多謝openrice；沙律蔬菜新鮮調味適宜；南瓜湯反而相比冇乜特別，但唔係難飲的；今晚點了西冷牛扒，肉汁豐富又唔靭，有水準；甜品係tiramisu，甜度剛剛好，可惜一個晚餐只得一個，哈哈！總括嚟講係非常唔錯，侍應話星期五至日就真係要book枱喇！…查看更多

weekend同幾個朋友們想坐耐d傾下計，唯有搵下工廈既餐廳，呢間位於觀塘既Kani裝修唔錯，坐得都舒服，不過地鐵站行過去都要15分鐘度，夏天就辛苦d。星期六下午冇咩人可以慢慢坐，有A-Z咁多樣野俾你慢慢揀，我就叫左芝士薯容焗魚，味度ok，仲有個細細地既salad bar可以自己出去拎，當然選擇唔多啦。整體都幾好，不過覺得百幾蚊貴左少少。…查看更多

又一次來到工廈進餐，這次不同的是這餐廳並不是在地下的停車場內，而是要走一層樓梯，上到二樓後才發現的餐廳。不約而同地，很多在工廈的餐廳都是以大自然為主題，可能因為容易配合工廈的環境吧。除了門外的招牌有綠草地外，餐墊也用上木紋，而整個餐廳的環境都很寛敞，能給人舒服的感覺，不錯。到食物了，第一味前菜就是凱撒沙津。很清新，夠新鮮。而餐湯是黑松露磨菇忌廉湯。整個湯都很香，而黑松露與磨菇更是同類的配搭，一個很好喝的湯。餐包也不錯，微溫的，而且有不同的選擇，脆的軟的也有，很有滿足感。而主菜的西冷扒卻是有點失色。雖是五成熟，切開時也看見粉紅的肉色，但就是很難切開，咬下去就更難了，令到這味菜失色很多。雖然薯條炸得不錯，不會太油。但就是主角西冷不能讓人歡喜。幸好的是甜品出色。這個士多啤梨奶凍的士多啤梨味很香，不酸，而奶的味道也濃。絶對是作為一餐總結的最佳之選。…查看更多

今天無la la多了天假期，決定同屋企人食番餐好嘢，係開飯搵到間有即開生蠔食嘅餐廳，事關小妹是生蠔粉，地點有d偏，唯有打電話去店問，店員解釋下都唔難搵，上到一樓，強勁嘅音樂引領我入去，一開門一個字，嘩，好大呀，好型呀！最估唔到工廈餐廳都有咁多人上嚟，好彩係開飯訂咗位者，迎面來了一位阿叔，應該係老板，好禮貎咁帶我們去了一個像日本餐廳的位置，幾特別，見到其它好多枱都點生蠔，小妹當然唔執輸，點了两個特價蠔餐，一個刺身餐同一個魚生飯餐，先来的是生蠔,好新鮮，今晚有五個國家的生壕，老板幫我安排晒五款，仲推介我們從那一個國家食先，由淡味但Creamy,重海水味的都有,差下多全世界d海水味都品嚐到，正，送一個贊，廚師推介看見了一個菜式，虎蝦冬蔭公湯，吓，呢度唔係食日西餐嘅咩！一定要試下乜料，嘩，個湯好足料,酸辣度刚刚好,應該放了椰奶,個渴好滑,旁邊放了指天椒,如果食得辣可以再加,嘩仲好食過黃x真呀，送多一個贊!今晚仲點了羊膝，西冷同大蝦做主菜，個大蝦又係嚇死人，好大隻蝦呀，好爽脆,燒得幾香,加埋個酱一齊食,好味,個羊膝炇得很入味,唔so,樣樣水準都係唔錯，除咗個西冷熟了少少扣d分，不過🐂靚補番數，肉質唔係頂级但肉味鲜甜,正!待應有點不足，可能今晚人多的關係，個個都好忙，但整體都好照顧客人，送多一個贊，估唔到中國抗戰七十年是假期，更估唔到搵到一間咁特別又好味的餐廳，下次搵多d朋友嚟威吓先，呵呵！…查看更多

-位置:比較難找-職員:耐心肯幫忙-食物:酒糟豬手(訂位送的)        沙律配塊蒜蓉包(醬汁酸酸地,好開胃)        黑松露磨菇湯(唔太岩我口味)        三款餐包(烘左的,好有心,配湯好正)        西冷牛扒併長通粉(牛扒叫左七成熟,少少淡血水;原本併芝士著條,但我們都怕熱氣,所以博下問可唔可以轉意粉,但佢話意粉賣哂, 所以問我地長通粉岩唔岩,我地都接受,最後轉左長通粉;肯聽取同接受客人意見,長通粉QQ地好好味)        三文魚配唔知咩醬(魚冇骨,啖啖肉)-飲品:熱朱古力(杯邊放件黑朱古力蛋糕,有心思,味道香濃)        紫著鮮奶(可以俾我轉外賣裝,口感香甜,有紫著味同質感,唔似粉開,正~)價錢:偏貴**大致上食物,飲品,服務都冇咩挑剔,而係覺得價格偏高!…查看更多

第一次黎食，地點黎講係遠左少少，地鐵站大約行十分鐘左右，唔算太難搵，環境方面，地方很大，坐位間有很足夠空間，今晚店內只有三枱客人，算是非常清靜。食物方面，因為今日我先係網試訂位，而網上有優惠如超過$200 會送小食一客。首先值得一讚！我們點了兩個魚生飯，已超過二百元，店員亦很主動送上小食，不用客人開聲真係抵讚！兩個魚生飯黎講，份量十足，味道也很不錯，雖然稱不上十分美味，但在觀塘區工廠內有此質素實在難得，小食方面今日送的是醉豬手，一上枱已傳來濃郁酒香，味道也很好。另外我們點了兩客小食，一個是芝士薯條，另一個是雞泡魚乾。先說芝士薯條，本人覺得非常好食，芝士美十足，加上少許鹽味道非常不錯。雞泡魚乾方面就比較濃，如果不是太濃那就更好。還想讚一讚的是店員，店員很有禮貌和服務很好，因我們只有兩人，所以剩下了一點東西準備帶走，詢問店員後店員拿出了外賣盒還親自幫忙包好，現在已經很少店舖的店員會主動幫客人包外賣。所以服務方面也算很滿意。兩人結帳連小費 $500。…查看更多

Kani@觀塘（1/10）（$138-268）大家唔好諗工廠大廈既餐廳必定係啲咩隱世餐廳，呢間絕對係觀塘工廈餐廳伏中之霸，慘在諗住同班同事一齊上黎試新野食好野，點知就集體中伏，foodki已經好耐好耐無食過一間咁伏，我心裡既一團火呢刻要爆啦，要用十成功力罵爆你。服務態度呢一方面真係垃圾到無論，店員黑口黑面就已經係常識，foodki同同事叫埋同一個魚生飯，配菜一樣就應該架啦，點知我地見到點解配菜唔同既，我同同事食左啖配菜，即刻罵左出聲，點解可以咁難食，酸酸臭臭。就諗住問下佢啦，點知佢就講：另外一隻賣曬啦。簡簡單單一句賣曬就比啲垃圾配菜我地foodki真係忍唔住講左句：你賣曬就比啲咁難食既野我地食，你唔識一早同我地講？最後佢黑面死死氣入去拎多杯玉子比我地，然後收番兜垃圾。（玉子都唔好食既，不過唔臭囉）仲有，我地未食完啲野，問都唔問就收左佢，你想點？趕我地走？你間餐廳咁大，坐得幾枱客，洗唔洗咁急住趕我地走啊？foodki好不幸坐左佢地所謂既"兒童天地"既前面，望落去就其實得啲矮啲既凳，同一張枱仔。講真我地唔係怪啲小朋友係到嗌，係到玩，小朋友控制唔到係好正常。但佢地係我耳邊尖叫啊，我地一行８人，地方又大，點解要比我地坐係一班瘋狂尖叫既細路格離。講番食物，食物性價比極低，佢地既野食真係唔能夠講係難食，但真係一啲都唔好食，好似去左一間普通既魚生飯店，頂盡比佢50蚊貨仔，但佢一個極普通魚生飯要$138以上，$138果個仲要黎到係魚生得極少😢，啲講句爭鮮既魚生飯魚生都多過你啦，垃圾。foodki食既就係海膽魚生飯，盛惠$158。咁你叫我講佢質素係點,我就會話,海膽真係好難難食架。如果要價138-188一個魚生飯，我去食定食doraya唔好?佢地除左魚生飯，仲有火鍋，火鍋質素同樣都好難難食，但以性價比黎講，我地真係寧願去吉野家吉下野算啦😂😂。佢地既份量同樣好細，我地仲叫左個ribs,兩塊,等左20分鐘,味道同我lunch食既factory 99 差不多,加埋薯條,個薯條真係好淋,又唔好食。我地最後食完盛惠$1050。(一個同事聽我地講無叫到野食)。食完好快就去左食麥當勞,麥當勞既薯條仲好味過佢。食得仲開心。地點：工廈餐廳偏就預左，去到搵極都搵唔到路上去，迫住搭貨lift上去，其實都無乜野，點知走既時候發現有條樓梯係正工廈門口出面（因為１樓），你乜指示都無，你話你係咪，捉到鹿都唔識脫角，加個牌仔話比人知垃圾kani行呢條樓梯上去架啦，行條樓梯就有伏野食架，都唔識加。今次食完真係好內疚，帶同事集體中伏食生日飯，一切都係foodki既錯....唉地址：觀塘敬業街65-67號敬運工業大廈1樓A室…查看更多

唔夠一個星期，又帶左一大班朋友黎食飯，今次叫左好多款式，值得推介！就咁望落，好似得好少鰻魚，鰻魚都是厚切的，咬落啖啖肉 日式鰻魚汁配上韓式石頭鍋，無得輸魚生一直都是這間餐廳做得出色的其中一部分，魚生好生鮮，又係厚切飯是壽司飯，望落好少，但食落好飽其中一個友人是素的，這間餐廳美中不足的是沒有素食提供，只好點這個意粉，由我地瓜分左個三粒帶子啦帶子煎的半生熟，好鮮甜。伴著意粉的是蕃茄芝士汁，友人說味道不錯，食到最後有少少溜牛扒有點過熟，味道較沒驚喜，正常扒餐一份。最後的是三文魚煎蛋飯，一上枱，嘩！好多蔥啊！原來友人不喜歡食蔥，避開面頭啲蔥食塊煎蛋，嘩！裡面有洋蔥啊！原來友人連洋蔥都唔中意食 最後友人食剩好多，呢道菜嘅評價就較一般啦Any肥，我係會再黎的…查看更多