K-POP

營業中

休息中

一直以來都係常客，從餐廳名叫漢城到現在KPop。食物都保持水準。但今日係完全走樣。就好似有個廣東廚係度煮韓國菜。例如海鮮餅，今日突然加咗蛋。同水餃年糕湯突然多咗紅蘿白絲同椰菜絲。相信餐廳要同廚師檢討吓。

朋友生日，想食朝國嘢，附近又淨係得K Pop 係未食過既情況下，大家過來博一博，試下好唔食🤣🤣🤣🤣一入到餐廳，小店形式，應該全店坐唔多過40人，應該係韓國人主理嘅，因為我聽到佢啲廣東話唔正 ，又唔似係講開普通活嗰隻唔正，不過我都係估啫，我無問佢地係唔係🤣🤣🤣🤣 要fact check 😝食韓國嘢，除咗係韓燒外，我一定要食下個飯卷，又飽肚又好食，今日朋友叫左個吞拿魚飯卷，我覺得幾好食，份量又多，料都好足，雖然唔算好重麻油香，不過我覺得適中，真心不錯. 之後叫左個海鮮煎餅，佢未算煎得好香口，但係全熟嘅，無啲pat pat 粉嘅感覺 (呢個形容辭應該係咩🤣😅), 海鮮嘅份量都okay 👍🏻👍🏻，之後又叫左我鍾意食嘅原味炸雞，呢個真係好食，好香口，又脆，雞有少少嚡口，但其實都okay ，我勁想叫多碟(因為只係叫左半份，深深不忿做乜唔叫一份😅😅😅)，最後梗係俾朋友㩒住我啦🤣🤣🤣朋友再叫左個海鮮醬炒麵，坦白講，我個人麻麻地呢個海鮮醬 （唔係淨係呢度） ，但佢其實係okay gei, 係甜甜地我個人覺得好奇怪啫🤣🤣🤣，最後仲有個辣炒年糕，勁辣囉，我一直食一直要飲水，因為個辣竟然係回辣，辣到我味覺無左

🌎K-POP (旺角) 最近煲韓劇 搞到心思思想食韓國菜 雖然香港開左唔少韓國餐廳 大多數有韓燒 但好少餐廳只食飯卷 呢間韓國小店 同連鎖店比較無得輸 估唔到食物質素有水準 大家可以支持下 佢既飯卷特別好食▫️漢城紫菜飯卷$38（推介）性價比高嘅飯卷 一定要食呀 我地叫左兩碟 飯卷材料足夠 有瓜、菜、肉、蛋 壽司飯唔會好爛 口感粒粒分明 好有味道 而且食落去有麻油香味 好正！分量好多 食得好滿足▫️芝士炒年糕$62整碟芝士年糕都係紅色架 餐廳無寫spicy唔食辣既朋友要注意 我完全食唔到 我朋友試左感覺好正 夠辣 但都保留住少少芝士香味 年糕唔會硬 而且煙韌彈牙 💵人均消費：$50✨環境衛生：7/10🙋🏻‍♀️推介指數：7.5/10 📍旺角廣華街3-13號廣輝大廈地下15號舖

🐱突然想食韓國菜，咁岩路過油麻地既小街，見到間細細地&價錢都合理既韓式小店，就決定試試佢。店出面亦都張貼左一大張菜單俾顧客睇，非常貼心～一坐低店員姐姐就俾左兩小碟前菜我地，味道正常無特別。漢城紫菜飯捲$38料好足！一入口就同啲麻油香味同紫菜味融合，好地道好好食！漢城炒粉絲$56一樣好好食！粉絲唔會太乾，菜夠爽口，不過稍為油左少少～泡菜煎餅$67有2-3塊lone左少少，外皮脆內裡軟，口感好正，中意酸酸地既朋友仔可以點少少佢配埋既汁，我個人就覺得唔點汁都好食！如果泡菜可以多啲就好喇！魚糕串$35一開頭以為係將啲魚糕串成一條條咁😂個樣睇落好普通，但一食落口，個魚糕湯好鮮甜～～～同魚糕好夾，食到停唔到。最後，呢間小店提供既菜式都好多，水準亦可媲美其他連鎖店，希望下次有機會可以試埋佢地既人參雞湯同年糕啦🥰

韓劇效應，每次追劇都好想周圍搵韓國嘢食～今次心水係韓式炸醬麵～本來想再去尖沙咀韓國街搵食，途經旺角見到呢間小店，一睇就知韓國人開，即管入去試吓嗌咗個炒年糕～幾入味喎，年糕嘅煙韌到啱啱好，椰菜又好入味，如果下次會試吓佢嘅辣味炒年糕之後係海鮮炸醬麵，一上枱已經聞到好香好有鑊氣，入口第一個感覺就係好味！麵條偏軟但唔會糊口，裏便有魷魚粒同埋蜆肉，有咬口，最重要唔會太鹹，讚👍🏻仲有個豆腐豬肉泡菜湯，個人覺得一般，可能泡菜汁令到個湯偏酸，豆腐唔夠滑…都係海鮮豆腐湯啱我口味😜，下次會試

good korean comfort food for a nice lunch in MK, feels like home cooked korean food! with unlimited kimchi and ok priced lunch sets. on the saltier side, but fulfilled korean food cravings nonetheless got the seafood soft tofu soup, came steaming hot with rice, and the bulgogi japchae. Both were a bit salty, but very tasty. also tried the soy sauce chicken wings, which weren’t as crispy as I thought, but the tteokbokki that came with it was nicely fried