Just Shot Coffee

營業中

休息中

如果唔係同事介紹，都唔知Pacific Place Great Food Hall 入面有間咁高質嘅咖啡。Lunchtime 通常滿座，可以叫店員幫手留位，喺Food Hall 買完嘢食可以拎埋過嚟食，當然食完最好有手尾自己清理返。店員態度友善貼心，落完單會問你想即刻飲、定係食完飯先飲，仲會斟定杯水同俾張紙巾你清下個口、抹下嘴。言歸正傳，我多數會飲espresso tonic 或者latte。Espresso tonic 味道有層次，咖啡嘅苦配上tonic water 嘅清爽，入口微酸，唔會太甜，口感清新。Latte 口感滑順，奶香濃郁，帶有烘焙香氣同nutty嘅風味，餘味溫潤。價錢大概40零蚊，同連鎖店相若，但咖啡質素高幾班，推薦金鐘打工仔嚟嘆杯靚啡。

完全Bar枱形式格局、呢個setting 就係鼓勵客人多啲同咖啡師溝通。雖然位於超市內嘅一部分、但舖面絕唔曳、淨係見到啲咖啡豆tube已經夠哂排面搶眼。唯一不足係冇獨立舖間開會有人喺你後面行嚟行去。Menu非常詳細、懶得睇就直接提問、但鍾意飲咖啡嘅就絕對係enjoyable reading.藍山咖啡未必度度有、但呢間係可令我放膽一試。最貴嗰隻係$180、但啡師話會帶點中藥性回甘嗰種甜、所以我揀咗第二款原始風格$130、而第三款據稱係偏果香多點$130, 今次係menu中間嗰款。100% JAMAICA BLUE MOUNTAIN WASHED顏色黑實solid black, 平時single origin 多數略見brown啡色。首次一嘗藍山、香醇回甘、我唔係好識飲啡但都飲得出分別呢下真興奮、after taste 夠長、配埋呢個靚杯、心理視覺更加提高！好怕自己上癮、呢杯絕對值得耐唔耐一試、肯定好過對上一次某店嗰杯中伏猫屎！每次選好豆、咖啡師磨完豆會俾你聞一聞下啲粉味先、呢啲先係service 嚟㗎嘛！招牌香蕉蛋糕已經非常好味、仲好食個其他特色蛋糕、叫碟香蕉蛋糕襯杯啡已經足夠有餘。呢度

大家千祈唔好去！我驚下次去冇位坐🤣大隱隱於市，Just Shot Coffee位處 PP超市 food court入面，佢嘅flat white 係Ms. Leo嘅 no.1️⃣ 🏆，咖啡豆嘅深焙味同奶嘅甜味完全係 perfect balance！L形bar 枱得大概6個位，都見其他客人order cold brew，take away亦唔少。雖然 barista 係兩位姐姐，但service 非常好，值得俾 👍 嘅係佢會俾多杯水同紙巾你。客人亦可以order小蛋糕之類嘅小食。

❧・隱世ᵇᵃⁿᵒᶠᶠᵉᵉ ᵖⁱᵉ最近成日追住 𝗯𝗮𝗻𝗼𝗳𝗳𝗲𝗲 𝗽𝗶𝗲來吃呢間位於 @pacificplacehk 既隱世咖啡店竟然有咁正宗既Banoffee pie 是意想不到的好吃 咖啡店姐姐力推‼️而且叫我一定要由上至下咁切 一次過食曬咁多層先正食完之後真係心心眼😍面層cream超滑入口溶咗 香蕉味超級濃 配合下層焦糖甜而不膩 偶然收工都要買一件回家享受呢🥹🥹🥹💫第一次去可能會覺得難搵 佢係係Supermarket裡面㗎 對面既麵包店都好正 再隔離間burger聽聞都好出色🙊🙊📍𝚓𝚞𝚜𝚝 𝚜𝚑𝚘𝚝 𝚌𝚘𝚏𝚏𝚎𝚎金鐘金鐘道88號太古廣場二期LG1樓Great Food Hall@justshotcoffee #金鐘美食 #banoffeepie #flatwhite

可能呢間coffee shop置身喺超級市場內，比較少人關注，坐低喺到飲嘅感覺比較怪，因為身後會有好多超級市場嘅顧客推車行來行去。不過，佢嘅咖啡質素的確有surprise到我。價錢唔平，一杯small size嘅cappuccino 都已經$40，性價比唔高但質素幾高。coffee shop用嘅係明治牛奶，奶味香濃，espresso嘅底都做得唔錯，同牛奶好夾，唔會過酸，整體好平衡。唯一缺點係細杯左d，真係幾啖飲完。

以Coffee Counter形式🪑坐吧枱最難得係員工願意同客人交流咖啡心得，搵一杯適合你口味的🥰👍🏻對咖啡杯都十分講究☕️☕️咖啡口感紮實😋餘韻悠長之前飲過幾杯我覺得幾好Piccolo Latte Pour-over(Ethiopia)Cappuccino Espresso

星期日，行落去great hall PP, 找到這細細的咖啡店。全個場都唔多人。位唔多，全坐高椅，可能只有12個位排排坐。坐下，再看個menu, 集中賣咖啡，無乜其它嘢食，餅也只有一種。我們只叫了兩杯Americano, 其實想食嘢但無乜嘢提供。雖然是有些可惜，但咖啡唔差。我們坐了個半鐘，飲吓，坐吓，講吓也無人叫你走。很舒服，簡簡單單，幾好。會再去。

一杯靚的咖啡上到枱上會給人一種好特別的感覺，無論是它的香味、色澤，甚至是裝住咖啡的杯子都有講究的。呢間咖啡店做到了以上幾點的七、八成，喝了一口咖啡除口感有層次，那種回甘回香才令我仿彿進入另一境界，美中不足是服務員沒有問我要否加錢選擇配搭我至愛的黑朱古力，而且只喝多一、二口，我的咖啡旅程已經喝完了😅

This tiny coffee counter gives the most authentic coffee experience I've had in Hong Kong, or anywhere in Asia. Their baristas know how the coffees taste, and recommend something from 20 different origins. The place is really clean but they were less concerned with pretty artwork than an awesome tasting brew, shot or drip.I had the Kopi Luwak (a bit steep at HK$290/cup!) from a plantation in Aceh, Indonesia which had that smooth, dark chocolaty taste like the real stuff! Hand drip method, and th