JIKKA燒雞

🐥半隻燒雞餐 (lunch set) $156 (未計加一服務費)套餐包前菜或者餐湯及飲品 我就揀咗餐湯 當日係南瓜湯 好飲 係淡淡的南瓜味 半隻燒雞再配一個Side 我揀咗烤蘑菇 因為比較少見有得揀蘑菇做side 份量都唔少的 味道都不錯係正常發揮啊 飲品都有不同嘅茶飲選擇 枝冷泡茶仲要係玻璃樽 有啲重本而主角燒雞的確烤得好嫩滑 入面嘅肉汁都滿滿 不過飲完個湯等咗差唔多半個鐘個雞先上碟 對返工人士嚟講就唔太友好了 同埋食完都無個種覺得要再encore嘅感覺😳…查看更多

The atmosphere was marketed as lively and social, yet the reality was far from it. The food, while presented as upscale, did not live up to the high prices charged. It was overly simple and lacked the quality and flavor I expected for such a premium.Moreover, the staff, especially a bespectacled person, was far from welcoming. Their approach to service was cold and unfriendly, which significantly detracted from our dining experience.Additionally, the drinks were also overpriced and underwhelming in taste, failing to complement the already mediocre meal.Overall, the experience was highly disappointing. The combination of unimpressive food, poor service, and excessive pricing made for an unsatisfactory visit. I hoped for much better and was let down on all fronts.…查看更多

二訪JIKKA只為金黃燒雞，第一次食JIKKA喺跑馬地，上年開始係鰂魚涌都食到！再食個燒雞一樣咁高水準，個外皮都係燒得咁正，同埋餐廳標榜冇味精，好食得黎唔係食化學野！港島東人表示以後唔使去咁遠都食到好幸福🥹招牌原味燒雞 （半隻）$138依個燒雞真係冇得彈！！！一睇個外皮，合格！燒得均勻，成隻都係金黃色，夠哂脆皮，一切開入面仲好juicy流哂啲雞油出黎，肉質嫩滑，雞胸都一樣！調味好難得係冇味精，少鹽少糖，真真正正食返雞味，總之好高質，絕對值得食！仲連埋一款配菜，可以揀粟米粒、炒蘑菇、薯蓉同椰菜絲沙律，都幾多選擇🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍JIKKA燒雞 (鰂魚涌)鰂魚涌海光街22號地下…查看更多

呢間主打烤雞嘅鋪頭開咗幾個月一直都想去試，終於揀咗日weekday lunch time去食。鋪頭細細，坐得有啲迫，但都無損一嚐烤雞嘅期待。QR code落單，叫咗兩個餐，一個烤雞（$148），一個意粉（$128），兩個都配前菜同嘢飲嘅。🌟 沙律 Seasoning係另上嘅，鍾意落幾多就幾多，整體感覺幾fresh🌟 蘑菇湯好香，不過可能因為少鹽少油都係鋪頭其中一個賣點，所以味道偏淡，不過不失啦🌟 三文魚菠菜意粉非常creamy，味道都係相對偏淡嘅，味道不錯，不過share食可能好啲，因為食到後期都有少少膩🌟 烤雞 (半隻)呢個上菜時熱辣辣，面頭層皮又薄又脆，入面雞肉烤得好嫩滑，仲有肉汁添，口感不錯，好好味👍🌟 冷泡蘇格蘭威士忌茶聞落真係有啲威士忌味，不過飲落去就冇咩，整體嚟講都OK🌟 冷泡台灣烏龍玫瑰茶食完烤雞飲都幾refreshing，味道偏淡，但都OK嘅順帶一提，啲staff都好attentive，好有禮貌👍…查看更多

之前食過一次感覺都OK，今次入到去唔食烤雞試吓意粉先， 168包咗個沙律或者湯，主菜同埋一杯嘢飲，收加一！中午12:40去到，差唔多等咗半個鐘先有位，如果見到排隊真係唔建議，老細成日講話好快，但其實要等好耐，入去叫完餐差唔多等25分鐘先出餐，變到食得好急。🍴意式香草蕃茄醬比目魚意粉 $168 另加一沙律都幾大份啲菜好新鮮爽口，配咗檸檬醋汁都唔錯。意粉等咗差唔多半個鐘先嚟到個意粉份量比較少同埋好油膩，係見到佢個油喺入邊，就會蕃茄味都濃嘅，個比目魚就比較少啲，不過香脆魚肉都嫩滑有魚味。叫咗烏龍威士忌冷泡茶，飲落去濃郁，真係有威士忌嘅味道！不過因為上菜太慢飲唔晒支茶，咁佢就用玻璃樽裝住嘅，包裝招紙都好似街嗰啲咁，同埋上次食問過店員係可以拎走的，可以睇返我之前嘅食評冇呃，諗住拎走飲，行出門口嘅時候店員大叫話唔可以拎走😅場面真係好尷尬，就放棄咗支茶，冇諗過差唔多$180.1個套餐，連支茶都唔可以拎走，大家注意啊，記得堂食飲茶好啦，如果唔係就尷😅😅😅推薦指數: 7/10等太耐，想坐多陣非常之耐，價錢都係偏貴，建議餐廳啲冷泡茶唔可以拎走就大大隻字寫住，差唔多180蚊一個人，一係用膠樽同冇蓋杯裝，令人誤會😂…查看更多

𓄳 𓄳 𓄳位於鰂魚涌的JIKKA 主打低鹽、低糖、無味精的健康餐點。店名來自日語拼音，指「父母的家」，所以提供的菜式和店內環境都非常有家的感覺。燒雞和熱狗都是這裏的招牌菜，在鰂魚涌上班的朋友讚口不絕，今次帶我來試試。𓊕 原味燒雞（半隻） $138皇牌招牌菜「原味燒雞」皮脆肉嫩，撕開時雞油滿溢！燒雞以法國牛油及新鮮香草醃製，吃得出調味簡單只有鹽和黑椒，但已經非常惹味。烤的時間剛好，皮脆肉嫩，肉汁滿溢，必點推薦！𓊕 蝦霸狗 $98這裡的「非一般熱狗系列」都非常受歡迎。熱狗外表脆卜卜，蝦霸狗用上泰國大虎蝦，還有炒到焦糖化的洋蔥，再加上蛋黃醬，非常惹味。𓊕 魔鬼之柱 $68就是另一款必點推薦！用薄脆的雞皮包著午餐肉香炸，惹味誘人，取名為「魔鬼之柱」的確恰當。𓊕 廚師手作蝦餅 $98蝦膠非常鮮味，吃得出用料十足，蘸上泰式雞醬，惹味又開胃。𓊕 沙律碗 $128羅馬生菜、松子和士多啤梨混合而成的沙律碗，滿足了既想吃蔬菜又想吃生果的我。𓊕 台灣微熱山丘鳳梨乳酸 $48𓊕 英國香甜柿子茶 $44店子還提供很多健康飲品。香甜柿子茶是無糖的冷泡茶，果味香濃，清熱解膩。微熱山丘鳳梨乳酸低糖不死甜，酸甜的鳳梨配上乳酸，清新可口。的確名不虛傳！招牌菜燒雞和魔鬼之柱令人印象深刻。其實餐廳還提供多種菜式選擇，如意大利粉系列、濃湯系列和小食系列等。在附近的上班族有口福了，可以有多元化的高質選擇，每天不重複。𓄳 𓄳 𓄳…查看更多

.‼️❤️ 記得CLICK我PROFILE關注我呀 ❤️‼️.🐔 可能係全城最優質好味嘅燒雞 @ 🌟 JIKKA燒雞 🌟.💁‍♀️ 圖片展示美食為：香草牛油蘋果香檸燒雞 HKD 308咖喱羊膝 HKD 288廚師手作蟹餅 HKD 98鳳尾蝦春卷 HKD 68台灣白蘭烏龍茶 HKD 40鮮橙乳酸 HKD 48.👽 呢間餐廳嘅燒雞超級出名，最近知道佢進軍鰂魚涌開左新分店，當然要即刻黎探店支持啦！話說店名「JIKKA」嘅日文意思其實係「父母的家」，所以一踏入店面，就已經感受到好有誠意嘅服務，非常之整潔企理嘅用餐環境，同埋好健康無添加嘅食物。.🐔 嚟得呢度，當然就係為咗佢嘅招牌菜「香草牛油蘋果香檸燒雞」啦！上枱嗰下真係超級正，標晒煙熱辣辣！一用鉸剪剪開，擘開雞腔嘅一刻，超級香嘅味噴晒出嚟！裡面塞滿咗新鮮嘅蘋果同檸檬，令雞肉咬落去有種清新嘅果香味。同埋呢度最出名就係佢嘅雞肉夠曬鮮嫩，真係一流！吸收咗肉汁，就算食食吓凍咗少少都仲係超級嫩同正！.🍖 另外推介菜式「咖喱羊膝」用咗紐西蘭進口肉，慢煮四個鐘，咖喱汁味道濃郁，但係又唔會過辣，適合大部份人！羊肉軟滑到可以用叉撕開，完全冇腥味。配上7吋嘅烤餅，簡直係天作之合。最邪惡就係將塊烤餅吸收咖喱汁，一大啖食落去真係超級滿足。最重要係，佢濃郁但係完全冇味精，真係健康又好味！.🦀 有一個驚喜，就係呢款「廚師手作蟹餅」，真心估唔到咁好味！仲要好足料有成三大塊！呢個小食真係唔可以錯過！蟹肉做到外脆內軟，配上醬汁，簡直係完美。.🍤 仲有呢個「鳳尾蝦春卷」，裡面包住蝦肉，炸得酥脆，吹水嘅時候送吓嘢飲一流。.🍊 咁鮮味嘅烤雞，配搭「鮮橙乳酸」係一個正確清新嘅選擇！橙味濃郁，酸酸甜甜，唔會搶走雞嘅鮮味！.🍵 食完嘢傾吓偈嘅時候，老闆娘介紹呢款佢特登喺台灣入口嘅「台灣白蘭烏龍茶」。飯後飲一杯真係非常之解膩，茶香濃，唔覺苦，飲落去有種舒爽感，淡淡清幽香氣，幫助消化。.🌟 大媽真心推介之選，所有食物都真係製作質素高，好味，服務又價錢合理，絕對值得大家多多支持！❤️.📍 鰂魚涌海光街22號地下.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

鋪仔細細，服務好好，餐廳好有理念，Menu好有溫度，主打少鹽少糖無味精，但啲野食好夠味！試咗招牌燒雞、咖喱羊膝、手作蟹餅、大蝦沙律燒雞鮮嫩多汁，味道剛剛好，雞胸位都係滑身嘅。咖喱羊膝配Naan，好好味，羊膝好滑，咖哩味剛好，裡面有薯仔紅蘿蔔條，Naan凍咗都酥脆好食。蟹餅外脆內香，同秘製沙律醬好夾，又唔膩。大蝦沙律好多料，個秘製沙律汁味道又係剛剛好，超refreshing。仲叫左兩杯飲品，百香果香檸蜂蜜冰世一！超好飲，仲要用熱情果嘅冰，溶咗都唔會變淡，令一杯乳酸飲品，食完肉解膩一流。總括而言，十分推介！…查看更多

JIKKA是日文「実家」的意思，餐廳在疫情期間創立，主打低鹽、低糖、無味精，以健康食材和用心烹煮，近年連續2屆榮獲「戶戶送外賣美食100強」獎項！🏆可見實力非凡！用味道留住大家的心。店入面不算太大，有吧枱位所以就算一個人去也不奇怪！當然如果幾個人去可以分享的食物就更加多。我和男朋友兩人點了以下的菜式，餐牌上都有多達六十款選擇！原味燒雞配一款配菜 $138白味噌香烤茄子 $88梨子醬果大蝦沙律 $148香辣深海南蟹肉意粉 $148蘑菇湯 $58蘇格蘭威士忌茶 $44家的感覺，就是採用最新鮮的食材，不加易味精烹調！🏠呢一點值得讚賞。餐廳的意大利粉用上特級初榨橄欖油，呢一款香辣又惹味。名物燒雞真的是必點！✨烤焗的火候掌握得很好，切落去皮脆肉滑，而且勁香，連好難處理的雞胸肉都可以保持多汁！令人印象深刻！蘑菇湯都是由新鮮菇菌類打爛成蓉，每啖入口都是新鮮的味道！好澎湃！小食的素菜春卷和茄子都好推介，茄子用上味噌燒好後加入腰果碎，夠味之餘口感又一大對比☺️非常適合素食的朋友，因為素菜的選擇都唔少！威士忌冷泡茶入口有少少酒味，滿有花香都幾特別！下次開Party要試下原隻香䓍牛油蘋果香檸燒雞！📍JIKKA燒雞 (鰂魚涌) 鰂魚涌海光街22號地下…查看更多

有日，小編咁啱去鰂魚涌見到友人推薦嘅JIKKA燒雞，呢間嘢主要提倡健康，少鹽少油少糖無添加。本身小編都預左可能味道比較清淡，點知試完之後好有驚喜，大家快啲拉落去睇食評：
-香草牛油蘋果香檸燒雞 💰308
呢道菜係最有驚喜，外表睇落好似比較乾。點知一口咬落去雞汁馬上飆出嚟，雞肉保持嫩滑，就連胸肉都係嫩口嘅。小編好鍾意佢哋放d蘋果係入面，令到成件事更加清爽。
-
香辣蟹肉意粉 💰148
小編見到海量份量嘅蟹肉鋪係意粉，放心完全無一絲腥味。佢哋加左檸檬汁同辣椒好開胃，令人想一啖接住一啖。
-蟹霸狗 💰98 
小編強烈推薦佢哋嘅熱狗，因為佢哋麵包選得好似越南法包質地，好脆身完全不乾。香脆嘅熱狗芝士腸，配埋滿滿蛋黃醬，一啖落去真係大滿足。
-雞扒田園沙拉 💰148沙拉水準之上都幾新鮮，但雞扒絕對係焦點，味道調配得好好，推薦大家order嚟試試佢。
-台灣微熱山丘鳳梨乳酸 💰48
小編從來無諗過乳酸同鳳梨係咁夾，酸酸甜甜好解膩，-百香果香檸蜂蜜冰 💰48老闆話呢杯係100%新鮮水果每日鮮榨，無用任何出面買嘅果汁，相當原汁原味。…查看更多

位於太古坊附近嘅🌟JIKKA🌟，地方整潔，人情味濃🥰，主打健康又不失美味嘅🌿低鹽低糖無添加嘅菜式！🐓香草牛油蘋果香檸燒雞 $308雞皮燒至香口，雞肉保持嫩滑，而且勁多肉汁，連胸肉都係嫩口嘅！實在太正，強烈推薦！😈魔鬼之柱 $68雞皮去脂，包住午餐肉去炸，香脆美味，極度邪惡，係佐酒嘅佳品！👅香煎厚切牛舌 $68勁大片兼厚切，去到舌尖位都一樣咁軟淋可口！🌯墨西哥夾餅 $68以牛油果同埋Salsa作為主軸，簡單而美味！🥗凱撒沙律 $118＋煙三文魚 $30菜葉爽脆，有大量嘅脆煙肉粒同埋包粒，醬汁味道啱啱好！🇹🇼台灣微熱山丘鳳梨乳酸 $48甜美嘅乳酸之中，滲出一點點鳳梨嘅果香！🇩🇪Flensburger Weizen $74有好香郁嘅麥味，同時帶少少果香，配燒雞勁夾！…查看更多

本來見到網上面有介紹，覺得睇相都唔錯，所以就去試下🥲等隻雞都等咗好一段時間，好似等咗20分鐘以上，本來以為慢工出細貨，但當我等到隻雞黎，食落隻雞就平平無奇，食食下仲有陣怪怪地嘅味，食食下就發現原來係陣焗爐味，有用過焗爐嘅朋友可能明，個陣焗爐焗完野食嘅燶味🥲我覺得食連鎖炸雞可能感覺仲開心🥲配菜就不過不失🥲因為我係特登由九龍坐車過黎食，所以都真係好失望🥲 晚市248，再加加一服務費，整體而言，就不會有下一次了…查看更多

話說有朋友介紹左鰂魚涌一間好好食嘅燒雞，開頭以為係一間小店，去到餐廳才發現，原來佢已經開左幾間分店。由於完全沒有做功課下，來到發現佢係幾有特色嘅舖頭，雞皮炸午餐肉，應該係邪惡中嘅極品，真心勁好食，同老闆傾開先知原來佢哋曾經負責過一間戲院嘅小食，因為係呢個戲院先可以食到咁好食嘅炸午餐肉條，今次佢加強元素，加上風乾左嘅雞皮，口感更好。店主鍾意食熱狗，佢哋呢度亦都有好多種佢哋引以為傲嘅熱狗，我食左最typical嘅一個，無需解釋，由醬汁到香腸到麵包都係好講究，絕對值得試一個，唔好因為晚餐叫熱狗而覺得好奇怪。招牌菜原味燒雞係主角，其實大家睇相已經知道好正，用最原始嘅皮脆肉嫩形容就絕對解釋到，佢嘅肉汁真係多到爆棚，燒雞以法國牛油及新鮮香草醃製，出菜個刻真係好香，店主會幫你剪埋分晒雞胸雞翼俾大家，加上可以選不同的side，而且side同樣做得好好，呢個真心推薦。隔籬枱食嘅燒雞係加強版，雞入邊釀咗唔同嘅生果，偷聽到佢哋好滿意，而且亦都係好多肉汁，下次一定要食。意式香草蕃茄醬比目魚意粉係另一推薦，店方選用格陵蘭比目魚 (Halibut)，口感嫩滑，個魚皮烤至皮脆鮮香，魚肉也非常美味，意粉又係勁得。最緊要食完呢餐唔算好貴，而且仲發現佢有幾間分店絕對成為最近最愛餐廳之一。…查看更多

JIKKA燒雞 - 必食招牌燒雞今日介紹一間位於鰂魚涌新開業嘅餐廳，喺跑馬地同埋觀塘都有分店，主打招牌嘅脆皮燒雞，菜式都係低鹽、低糖同埋冇味精，採用健康食材！原味燒雞 $248 全隻首先當然要試吓招牌嘅燒雞啦，我哋叫咗原味口味，係即叫即燒，仲可以揀兩款配菜任我哋揀咗粟米同埋。首先雞皮脆卜卜，雞油溢出非常邪惡，內裏嘅雞肉熱辣辣，口感嫩滑又多汁，完全唔使任何醬汁都已經好惹味。蟹霸狗 $98表層佈滿鮮甜嘅藍蟹蟹肉，配香脆嘅熱狗芝士腸，仲有烘過嘅熱狗麵包，再加上蛋黃醬，一啖將所有材料食晒非常滿足。魔鬼之柱 $68首先去除咗脂肪薄薄的非常香脆雞皮，再加厚身嘅午餐肉，外層炸得脆卜卜，內裏嘅肉嫩嫩，兩種非常邪惡嘅食材，名副其實嘅魔鬼之柱。墨西哥夾餅 $68廚師特製嘅沙律菜同埋牛油果，可以揀辣或者唔辣，食咗咁多肉類，要食返個蔬菜夾餅平衡一下！蘑菇湯 $58手打濃湯系列，冇加味精系列，蘑菇湯濃稠度剛剛好，唔會太杰又唔會太水，仲會飲到蘑菇蓉一樣嘅口感。百香果香檸蜂蜜冰 $48甘筍橙汁 $58百分百新鮮水果鮮榨而成，冇加冰冇加糖，原汁原味。鰂魚涌店：鰂魚涌海光街22號地下…查看更多

主打燒雞嘅平民西餐，於觀塘及跑馬地屹立多年，而家鰂魚涌都有分店，方便唔少上班族😄 餐廳老闆好有心，選用優質食材及用心烹煮✨ 原味燒雞半隻 + 1款配菜: 燒雞以法國牛油及新鮮香草醃製，雞皮薄脆，肉汁澎拜😍✨ 雞髀肉滑到不得了，仲爆曬汁，雞胸肉亦能做到嫩滑，非常受食客歡迎⭐️配菜可選粟米粒，炒蘑菇，薯蓉，椰菜絲沙律厚切牛舌 3 件 : 牛脷好爽又夠彈口，可以配鹽沙律醬或茄汁食用!!南瓜湯 : 南瓜湯真材實料好甜，而且好綿滑 🎃 冷泡台灣桂花烏龍茶…查看更多