Java Mama 美食坊

營業中

休息中

已幫襯了數次，一直都懶，終於扚起心肝，第一次評價。店舖位置在北角海逸酒店地下，玻璃大門旁邊向左再向前行10步左右。裏面有一位外籍姨姨在場即煮午餐，除咗丼飯及飯盒、意粉，仲有沙律供應。等候時間都要15分鐘左右，可以電話預訂。主要做外賣，店舖裏有兩個bar枱位，面向玻璃對住大街。今次試咗意大利飯，賣相一般，但味道不錯，重點係熱辣辣，都有六至七隻蝦，杯咖啡係咖啡機整嘅。鮮蝦粟米意大利飯，價錢$50，推介。

第一次認識Java MaMa係疫情期間，家人介紹話北角海逸有間好抵食既外賣店，「$60左右大大份仲有湯飲」，當時因工作地點不在附近，未有機會幫襯。兩年前轉工後，第一次幫襯呢間酒店外賣店，好記得當年叫了揚州炒飯配蘑菇湯，印象中炒飯份量都唔少架，蘑菇湯亦不錯👍🏻相隔兩年後，即今日突然間諗到好似好耐無嚟食啦，於是乎上OpenRice望望營業時間，仲發現餐牌款式換了，便即興相約兩位同事一齊買外賣😊真心覺得好抵食：▫️小妹叫了《意式意粉沙律配湯》意粉沙律係三色椒洋蔥吞拿魚長通粉、配番茄仔及沙律菜，是日餐湯係Carrots Soup，食完沙律再飲湯，非常滿足😌價錢只需$48咋❤️▫️同事一叫了《凱撒沙律🥗配湯》～$48小妹見餐牌上無提及呢款，於是問一問店員原來都包埋套餐，呢款係大堆沙律菜配煙三文魚及番茄仔，對於平時食沙律唔落醬嘅同事一感到十分滿意🥰▫️同事二叫了《肉醬闊條麵配湯》～$50因為同店員溝通需要用英文，諗住叫肉醬闊條麵Fettuccine Bolognese但唔識讀😂，唯有出動手指👆🏻「This one please」。（後尾翻譯先知係意大利文😂）最估唔到係即叫即製，由灼意粉、炒洋蔥、落醬、拌勻

Java Mama 位於北角海逸酒店一個隱蔽角落，要經過酒店大門，向住停車場方向一路行入去先會見到，連好多係附近返工多年既人都未必知佢既存在。雖然佢只做外賣，舖仔細細，但其實選擇唔少，有沙律，便當，仲有即叫即整三文治，套餐仲可以揀湯或者咖啡。我通常都會㨂便當，雖然得5款揀，但絕對唔hea,話曬都係酒店呀ma, 我今日就揀左鰻魚玉子便當。份量好多，好重手，除左有鰻魚，玉子之外，仲有少量日式便當配菜，食完會覺得好滿足。至於咖啡方面就係即刻用咖啡機整既，同茶餐廳飲既完全唔同，絕對有水準！佢地三文治我亦都好推介，因為係即刻整架！熱辣辣！好新鮮，有d似Korean 既issac toast !便當$60，三文治$58，性價比相當高！

鼠年又到, 先祝各位食家天天有食神, 日日口福開!整理照片時發現了一些值得寫的店, 趁機分享下。人在附近, 來這兒坐坐兼食個午餐。這兒是酒店地下, 躲在的士站盡頭的一角, 是幾好的自閉位; 但店內又有落地玻璃位, 只想to see 而不想to be seen 就最好。平日這兒是有沙律餐的, 但這天沒有, 又不想吃大份的三文治, 便在玻璃櫃內挑了Egg Salmon Muffin ($18) 和鮮果沙律($25)。三文魚麥芬內有煙三文魚、炒蛋和蘑菇片, 加熱後用原裝膠碗送上, 賣相是求其了一點, 吃得也有點狼狽, 但味道是不差的。鮮果沙律相當豐富, 有士多啤梨、菠蘿、火龍果和蜜瓜, 清清地好味呀。慢慢歎了大半個鐘, 又要開工了。

一個教人琅琅上口的名字。在北角海逸的一角，有這間不起眼的小店。當然不預期Smoked Salmon & Tomato Relish Sandwich 會是甚麼特別貨色，勝挪威煙三文魚份量夠多，生菜蕃茄夠多，museli bread 夠大夠厚合桃多，加烘香又脆卜卜。加支比Zero 便宜的Perrier，午市時間無人打擾，沒有比這個更好的了。