J.Co Donuts & Coffee

營業中

休息中

自從食過台灣Krispy Kreme Doughnuts 甜甜圈, 一試愛上!可惜香港無 Krispy Kreme 唯有幫襯 J.CO Donuts & coffee 嘅甜甜圈頂住先.今次買咗草莓味同白朱古力味甜甜圈.論 size 比 Krispy Kreme 細,論口感同 Krispy Kreme 差唔多, 內裡鬆軟.論味道, 草莓味甜味比草莓味重, 而白朱古力偏甜, 我本身中意重味, 所以對正我口味.最最最不滿係….. 餐廳上嘅餐牌, 放係枱面嘅 menu, 甚至放係甜甜圈前嘅介紹牌, 都無清楚寫明甜甜圈嘅味道!排我前面, 我, 同排我后面嘅靚女客人, 都要左問右問, 哩個係咩味, 果款係咩味…..二十幾款甜甜圈, 要客人續款續款問?店員唔覺得煩我自己問長問短都覺得煩!如果哩個係佢地嘅特色, sorry 我唔識欣賞!

🍵🍧抹茶紅豆芭菲 $34面頭有抹茶雪糕🍦 抹茶味幾香濃唔澀 紅豆蓉好香甜 撈埋一齊食好夾😋 第二層有啲脆脆唔會腍咗 再下面白色嗰層食落有啲似布甸同豆腐花 有少少奶味🍼 最底層一粒粒綠色波波 完全冇味好似咬緊舊膠咁😣🍨北海道3.6牛奶軟雪糕朱古力慕斯芭菲 $34🍦牛奶雪榚好甜好香滑 份量都幾大 朱古力醬唔苦 下面有一層脆脆 不過大多啦食到有啲dry 再下面係一層厚厚嘅cream 最底層係朱古力 mousse🥧 朱古力唔太濃幾滑

看到某手機APP有優惠，donut買1送2，於是一次買了3件，平均只係$5.3/件。星期日去到，成間coffee shop都充斥住外傭，後來先知原來呢個品牌源自於印尼，怪唔得之。的確連口味都偏印尼風味，喺display櫃見到大部份款式都用上大量朱古力醬，因為擔心過甜我已經特登揀左d無咁多朱古醬做topping嘅款式，結果都中伏，d醬係好假嘅死甜味，donut底亦唔夠香兼亳冇口感，好似淋左嘅麵包咁。好彩唔係用正價$16/件去買，試過一次就算了。

人年紀漸大 , 就明白到知足常樂 , 快樂其實好簡單 .... 對筆者來說 , 簡單的喝一杯 Americano, 及吃件 donut, 已經樂在心頭 Americano $33 : 這個是中杯 , 但其實都幾大杯的 , 味道稱不上是芳香濃厚 , 而且酸度偏高 , 不太適合筆者的口味 , 但還算是OK的 ~筆者點了兩款口味的 donuts, 包括了 Glazzy & Milosaurus Glazzy $16 : 這個即是原味 donut, 其咬口感輕柔 , 吃入口十分舒服而且不會有飽滯感 , 更重要的是甜度適中 , 實在是筆者的心頭好 ~Milosaurus $16 : 這個是店方的新出品 , 味道上是以 "美祿" 為主軸 , 內裏的餡就是 美祿朱古力麥芽cream , 味道甜香又不至於過甜 , 而且吃上口的味道很匹配的 , 十分不錯吃 ~本篇完 ~

係旺角同朋友行街，經朋友推介下黎左呢間cafe 嘆下午茶，到左cafe先知呢間鋪頭做緊冬甩買一送二既優惠！優惠日期由3月1號做到3月15號，平時一個冬甩係$16一個，依加$16有3個，真係忍吾住抵到要打番個食評推介下入到cafe環境好有格調，坐係到食野非常有feel，呢度地方其實吾係好大，但坐位都吾少，吾知係咪優惠期，特別多人黎買野今次我地order左3個吾同味既冬甩($16)，同一杯green tea latte最大既size($34)冬甩分別係奶茶味，抹茶味同tiramisu味，3個裹面都有好多cream !中意食甜野既一定都好中意 green tea latte讓我好有驚喜 ，成杯野好濃，好似食緊抹茶白朱古力咁，都係個句，中意甜野一定都好中意飲埋單$50 好抵，吾錯既下午茶選擇

在旺角飯後想搵一個地方食食甜品及與朋友聊一聊天，想了一想，就決定到這間冬甩cafe 坐吓來。一進了裡面，立即見到一個好大的玻璃櫃，內有很多不用樣子的冬甩。我們最後點了三個冬甩，味道方面，甜味很適中，不太甜也不太淡。味道上也有不同的配對，咖啡味面朱古力味等等。而每個冬甩中間有好多忌廉。但可惜飲品我個人覺得只是一般了。甜味偏淡及稀了少少。其實能在繁忙的彌敦道旁舒服地坐下食精美都的冬甩，與朋友閒聊一下，也是一件不錯的事情。

Cafe係喺潮流特區對面（彌敦道），好易揾。由油麻地站岀，應該近啲。今日唔係專程黎食，但同朋友行過，想介紹佢識，就走左入去。第一次食係喺灣仔，都有一段時間，所以都講唔岀係咩味。佢哋啲donut 名好得意，大部分都一睇就知係咩味。就咁目測：成個「圓形」嘅都係有餡嘅；「bagel形」嘅都係無餡嘅。如果睇唔岀係咩味，廚櫃嘅tag上係有介紹！（左）Milosaurus $16（右）Green Tease $16睇名都好明白，係Milo 同綠茶味。原本以為咬開會係深啡色同綠色，原來都係cream。早知係咁我哋會叫「Bagel形」無餡嘅，因為唔好cream。結：但平心而論，味道係ok嘅。上面嘅milo粉，同綠茶面係啱啱好嘅，行住街食都好容易處理。有試過食donut會有陣油炸味，但佢無。啲餡都好足，咬第二啖啲cream 就岀黎喇！❗️但如果你係綠茶/milo 嘅狂熱份子，就未必啱你，因為味道唔濃。❗️

行過路過無錯過，行街誤打誤撞入左黎。本身諗住食個抹茶雪糕，但發現冬甩好靚仔。加上雪糕又已經售光光了，所以就同 frd 一人一隻冬甩試下。店員服態不錯，有笑容有禮貌。點左一隻陰陽，一隻 matcho matcho每隻均一價係 $16@如果買5隻就$90, 即係每隻平$1全部外型都非常討好。不過堂食都無畀餐具，所以就咁用手食。食完手指全部污糟曬，哈哈。陰陽款好抵食，因為入面勁多 cream bi 曬出黎。食落係係培茶+咖啡味混合體，幾好食。matcho matcho 就甜甜地既抹茶味，麵包位置超級軟熟，甜度剛好唔算好甜。$16 輕微有少少貴，但都接受到。下次有機會再試其他味

我係晌一個星期五傍晚時份光顧這家店的因為同朋友約好嘅時間未到於是就隨便點咗個Perrier同冬甩自己坐埋一邊因為仲係年初四所以人唔係太多Walk-in入去都好容易就可以搵到位Perrier無乜好講而個冬甩卻出奇地非常唔錯無想像中果種太甜太膩甜度剛好而且餅皮香脆鬆軟朱古力亦相當甘香整體非常有有層次感加上場地本身的背景音樂以及當日唔係太多人嘅環境所有一切原本都非常唔錯堪稱旺角鬧市中嘅一個綠州可惜這個綠州中卻有一個茶餐廳的水吧隔著air pot我仍然時有聽到各種咖啡的名号這個實非冬甩的甜美可補償…………

因為我哋團拜太多小朋友嘅關係所以有個團友建議買啲冬甩返嚟比佢哋食聽聞油麻地呢間評價幾高所以我哋就專登由尖沙咀過去油麻地買一入鋪頭見到啲冬甩真係好靚件件個樣都好似好好食咁我唔知佢單件賣幾多錢因為我哋買咗一個我package$158有12件，咦，$15一件都唔使😱唔怪得勁多人喺度堂食另外我哋都買咗一盒細嘅不過價錢都係$158但係有24件因為細細粒，唔使切，唔會整得咁污糟不過如果我覺得抵食，就一定係大件抵食啲影相都靚啲啦😝佢好多款都好好味，而且個包夠軟身，只係有一啲略嫌比較多咗少少cream但我呢啲嗜甜嘅人梗係勁like啦👍🏻

行街路過想搵個地方坐下，見間cafe環境唔錯同幾靜下，似乎係美式連鎖店，又唔想去s cafe同m記，又想試新野，就入左去格局同普通外國嘅cafe差唔多，賣donut， sandwiches, ice-cream，有d文青feel, 不過最好可以乾淨少少，d枱好多都有漬因為唔餓，又唔想食甜野，所以剩係叫左杯熱latte,點知原來杯野係超甜，完全無咖啡味，完全無諗過熱咖啡會幫你落埋糖 本身就係想飲唔甜嘅野，唉。。。

好耐無食冬甩，見情人節就買左兩個諗住比男朋友一個小驚喜，揀左好耐最後決定要Royal tea同Don mochino呢兩隻味，有個盒仔裝住又有袋，都包得幾靚。價錢方面好似比起上次加左價，之前食好似$15@1，依家變左$16@1，不過以質素黎講都算抵食。之前不嬲都係凍食，但見到佢個盒寫住加熱後享用味道更佳，就決定叮一叮佢先食。不過佢又無指引話點樣加熱，要熱幾耐先味道更佳，所以諗住叮三十秒就算，點知叮左十幾秒已經見到舊冬甩開始爆漿，之後即係拎佢出黎，但都係太遲…中間個餡已經漏緊出黎，之後啲朱古力又溶晒，舊冬甩都淋左…同埋熱左之後甜味重左，食落有啲膩。Royal tea既茶味比我想像之中淡味，比朱古力味遮晒，有啲失望。反而Don Mochino既咖啡cream味道濃郁，又有咖啡既香味，唔錯，如果凍食再配杯咖啡做下午茶應該好正！雖然都食到個冬甩係好食既，但加熱之後口感都味道都大打折扣。唔知係我加熱方法錯左定其實加熱左就係會無咁好食，總之以後都唔會再加熱食，覺得自己晒左兩個咁好食既冬甩…😢唉…加熱係咁容易fail既唔該就比下指引教人點加熱，或者唔好寫咩加熱後味道更佳呢啲係到fake人啦！

你地估下用左幾多錢？第一次用蘋果優惠(算唔算植入式廣告？但真係冇收廣告費😭真係可惜)，杯泰式奶茶只係$10，配埋個$15嘅almond doughnut 🍩 ，只係需要$25咋🥰泰式奶茶(細杯裝)少冰，但甜度固定，不過味道真係啱啱好！茶味濃郁，伴隨泰國嘅香料風味，我覺得好味過嗰啲泰式餐廳嘅奶茶😝😝個doughnut好鬆軟，上面白朱古力醬唔會太甜，d杏仁好多，夠香脆😚😚不過細細個，咬幾啖就食曬，好想再食多個啊😍

Ordered donuts and sandwiches for party.Good for gathering and party.The donuts came with a variety of choices and flavours.Mini donuts are available too.The donuts were not too sweet. But I expected the outside could be crispier.They don’t have a delivery service instead they called gogovan for us. I m not sure if the driver of gogovan would take care of the delicate donuts tho. Could be one of ur choices for a group of people to share.

今次試J. CO嘅Don Mochino味冬甩，係朱古力咖啡嘅味道。蓋上一層朱古力嘅冬甩包，切開見朱古力咖啡味嘅忌廉，食落味道唔會太甜，咖啡嘅味道唔重，反而食完後口內有淡淡嘅咖啡餘香。