Isaak's

營業中

休息中

原來佐敦有一間地道韓式快餐店，老闆娘為韓國人，落單亦係講韓或英語，自己出去叫餐，叫完等顯示號碼出去拎，樓底高，坐得舒服~~枱亦夠大空間，絕對啱大堆頭成班食野😌坐低睇睇餐牌見到佢有原隻炸雞叫，好特別吖👍🏻👍🏻因為真係有人鐘意原隻「恥」嫁嘛🤣🤣原來餐廳全部野都好大份量，食完個飯卷已經好飽，本來想叫多個芝士雞蛋卷嫁....飯卷足料豐富，賣相亦吸引size有成個拳頭咁大😂😂怪得之開飯友話啱勞動人士~朋友叫嘅冷麵亦好好味~打算下次叫多啲朋友再黎試炸雞先得💁🏻‍♀️

因為朋友想食韓國菜，但又唔想去旺角油麻地食，就係附近搵下，搵左佐敦e間，其實佐敦都有好多好野食我叫左牛肉雜錦拌飯第一，佢份量好大，十份適合大食或勞動人士，無論飯還是餸都有好多，好滿足第二，成個飯都好健康。有肉有蔬菜，肉係牛肉，份量適中，蔬菜類有胡蘿蔔絲，芽菜，生菜。中間還有少少紫，各種食材的份量頗平均，夾埋就會好多。牛肉好香口又唔韌，好好咬。同埋整個飯都唔油，食完會好飽但唔膩入面還有一隻蛋，有時會食到煎食有時會食到少少生的蛋，唔知係唔係要睇廚師心情😂個餐還會送一杯飲品，所以整個餐都挺划算

一個人食兩個餐咁2018/08/31lunch時間諗住食好啲，多次經過見到依間嘢食韓國菜，今日終於有得試吓。我一直都好中意食韓式炸醬麵，雖然好高卡路里，但炸醬麵嘅味非常吸引我。因為今日係星期五，所以諗住食好啲貴啲都唔怕，剛好見到餐牌有混合麵嘅餐就點了。點了炸醬麵混海鮮辣麵，$88因為店內好多人，所以我買外賣+$1，起初店員包外賣時只比咗一個炸醬麵比我，店員後來睇睇下多咗碗嘢先知我個餐未齊。店內等餐時間近10mins。買到番去見到其實份量都幾多夠兩個女孩食，我食唔哂，其中半個麵放咗雪櫃留起。炸醬面真係香口，麵質都很可口，但餐牌中如果單買炸醬麵要$60，所以如果與朋友同行買依啲混合餐較好。海鮮辣湯都有好幾舊當眼嘅海鮮，但有啲失望嘅係佢比咗隻食唔到嘅蜆我。海鮮湯小辣嘢味，麵質同炸醬麵相同，以味道黎講兩隻味嘅麵都好好食。但一個人黎食有啲貴，而且試到嘅款有限，下次搵埋朋友黎食炸雞。

想係尖沙咀食平平地既韓國野, 但又唔想去韓國街食, 朋友於是推介佐敦的ISAAK’S,係一間韓國野快餐店, 九龍公園行數分鐘就到.一入去裡面就有韓國大媽招呼我地 (當然仲有幾個外籍侍應), 12.40去到都仲有好多吉位, 4人坐8人位都可以. 順帶一提點餐要去櫃檯, 但上餐(因為人少既關係)係侍應上枱.野食真係幾平, $148已經一個炸雞套餐: 有炒辣年糕, 炸雞(半), 紫菜包飯, 包3杯檸檬茶, 另外為左飽肚仲多叫左個紫菜包飯, 只係$48.紫菜包飯: 味道可以, 都凍凍地, 係一般係街食倒既味, 意料之中. 感覺材料不是很新鮮, 酸瓜有腥味, 好似放過夜咁.炸雞: 炸皮夠脆, 可惜厚而無味, 需要同旁邊既淮鹽一齊食 (這個配搭都夠新穎), 一定冇韓國街$200果D咁好食. 炒辣年糕: 味道可以, 上面真係有芝士, 年糕有咬口又不是太辣, 但賣相好一般.當日我地4位少女食都只係每人$50有找, 一分錢一分貨, 味道雖然一般般, 但絕對稱得上係抵食! 如果大家想食個飽肚又平宜既韓式快餐, 我會推介呢度.

好多時經過,都沒有進入試,因為睇見門口餐牌,款式豐富和睇落相當有份量有朋友一齊,可試多D款,今日終於有機會了!!和紙美來食生日飯,紙美係個韓迷,所以啱晒佢餐廳空間好濶,枱櫈都好大張,感覺好舒服可能我地早到,所以餐廳只得兩三枱客,我地就揀左窗邊位置坐下,原以為有服務員來點餐,望下望下先知原來係快餐店…仲傻傻的等去到收銀台,望住個餐牌點菜,誰知原來收銀員係個韓國人…真係眼都大埋,我地唯有在餐牌上指指點點咁落單,佢都好友善咁配合我(唔問太多)佢只係用簡單的英語單字加手勢來表達,幸好我可明白佢意思服務員表示我地的餐有連飲品,我們其實唔係太好冰飲,但為慶祝紙美牛一,我地都破天荒的點了兩杯特飲來掽下杯..另加兩隻吉杯來’’走冰’’…最後我地點了蛋卷,香辣牛肉湯飯,牛肉紫菜飯卷,炸雞(原味同香辣)轉頭服務員就送上小小前菜,噢…真係好少~哈~!始終唔算係正宗的韓式餐廳,一來便有10小碟吧~!之後各款美食排住隊上枱了~蛋卷 – 一上枱就愛上左佢啦~大大件的,感覺厚厚實實,好有份量,一夾開更係一絕~唔理佢係即整定係反叮,一來開都有濃郁的芝士在拉扯,相信如非等埋一齊先影相,效果會更加驚人!!一入口,那份蛋香

被藍色小屋嘅外觀設計吸引入去原來呢度係一間韓國餐廳 客人需要出去自行點餐同拎野食 而我今次因爲食部隊鍋嘅關係 就唔洗自己拎 點餐後就會送上<<牛肉紫菜包飯 $48>>同平時食開嘅紫菜包飯分別在於多左塊牛肉 薄薄嘅牛肉仍能保存肉香 整體不錯<<部隊鍋 $198>>大家都知部隊鍋唔係要食矜貴嘅食材 所以呢度加多左4隻菜肉餃子 我已經覺得好幸福 而且餃子十分足料 而最重要嘅湯底 對於喜歡重口味嘅我 就略嫌湯底唔夠香濃 而份量就足夠2-3人享用

lunch 點了辣豆腐餃子湯和炸雞翼薯條那些雞翼完全冇味難食，我們隨即向店員查詢，她只冷淡回應: this is our style. Different style. 另外有位韓國女店長，我特登用Google 翻譯韓文話比佢知啲雞翼冇味，佢比店員更冷淡，睇完冇反應 (表情非常不友善），隨即叫剛才那店員同我再講: this is our style.  跟住行開咗 （繼續面黑）。食物質素差，服務差， 都唔想做生意，一定唔會再去 

我都剛剛上星期中了伏，點了豆腐猪肉和牛肋骨㷛，餐到來時，眼都突，成㷛嘢空了了，肉都唔多嚿，成70蚊，唔通要我淨食飯，真係無下次，不得不在此留言，唔希望再有人被呢餐飯攪到唔開心。

是夜要去學烏克麗麗，我家大佬話好想食炸雞🍗就係尖沙咀行左落佐敦睇下沿路有無韓餐食🤗 其間經間一條比較隱蔽既路，又真係有一間好大間既韓餐廳Isaak’s🤣 唔知係咪時間仲早，餐廳只得幾枱客。入到餐廳個感覺都幾舒服，d枱好闊落，又唔會好逼，感覺好casual。 佢仲個projector打落蛋播電視，呢個方法都幾醒🤔 咁樣畫面又夠大個個都睇到，成本又唔會好貴。如果有直播足球應該會full house🤣呢到係半self service既，大佬去左cashier 落order，server就會羅食物黎。我地得兩丁友仔👫，嗌得唔多野食🤷🏻‍♀️ 我揀左個呑拿魚紫菜卷，個人覺得食韓國野，紫菜卷係必食的😋 去韓國日日都會食🤞🏻 isaak’s既紫菜卷味道一般，勝左夠多料，青瓜蘿蔔蛋等等配料樣樣齊，再加tuna，不過加左tuna又無左韓式料理個種正宗味，又唔似日式，個人就麻麻。同埋正宗韓式紫菜卷會有少少麻油味，呢個就無。大佬就當然嗌左個炸雞啦，本身佢話叫碟原味，但我地得兩個人，叫曬成碟都原味好似有dry，我就揀左個雙拼，拼左個甜酸味開胃d🤗雞件唔算大，寧願佢大件d數量少d。雞炸得好脆，肉都還可以，唔算好j

下午茶時候來到這間充滿西洋風的韓國餐廳, 本來想點個小食當下午茶，可是沒有。 餐牌上的食物大都配上飯或麵， 結果點了人參雞湯 (半隻雞)。這裏的自助水機是辦公室的那種，而且用上紙杯， 飯桌就整齊的排成兩行， 牆上掛著電視， 先要自己比錢，格局像飯堂😆😆熱騰騰的人參雞上枱了， 雞湯有雞味但是人參味欠奉， 雞的size比較大， 但係嚡嚡地，有點似食雞粥😅😅飢Point : 3/10#hungermarch #飢詩 #非飢詩

早上返完工，下午就跟阿哥去行山。雖然只是行太平山，但跟阿哥行山要有長征的心理準備，因為我們行的起點已經由油麻地開始計，行去尖沙咀搭船到中環再行去金鐘上山。所以行到佐敦時，當然要補充體力食個午飯才出發。選這間，其實也很隨意，就是想吃一些平時少吃的。地方很大，感覺很新潮。這裏是看完餐牌自己出去收銀點餐。之後就等叫號碼自己去拿食物。一切都很快餐形式。另外，有些店員不太懂中文。我要了牛肉石鍋拌飯，$65。$45以上有飲品，我要了湯。湯有清淡的紫菜味。泡菜很辣，所以後來用來拌飯吃。拌飯份量很多，熱騰騰的，一開始有隻生蛋撈飯，所以其實不用辣椒醬拌飯已經很好味。但加了辣椒醬就更惹味！但是牛肉有點鞋十十，不過可以接受。阿哥點的是蛋包飯，$60。賣相吸引份量也多。入面全是飯沒有多少配料，但阿哥說很好味，應該有醬汁調過味的。我見很多韓國人來吃，應該很地道了。另外服務方面，入去時已有客人很勞氣，但我不知是誰的錯。另一枱食客又沒有號碼紙。我估都是因為語言上溝通不良的關係吧。

我由food paxxxx 外賣叫食品 諗住比多小小費用唔洗出去外面食點知60蚊換來一肚氣一開既時候已經發現唔對路成碗湯入面只得菜 所以就打返去店到一問換黎既答案...「係咁架啦 係得小小肉絲 碗湯係咁」但碗內根本肉絲都唔見有算唔算違反商品及說明條例？我真係嬲到要立即留食評 真係差到不得了係根本連去作出了解...都冇我呢家係純湯加飯咁就60蚊 👿圖中所見 湯入面只有小量粉絲 菜及蘿蔔 粉絲都只有兩小口（國菜整身就 浸左好耐 所以一定好鞋口）所以就不評論 但佢地既服務態度真係好差

Isaak's 新開張不久已經成為座上客，一來喜歡韓國菜，二來真正韓國人開的韓國餐廳不多，三來它味道真的不錯。由於工作關係，都有一排冇去過佐敦，今日同老婆去開又醒起好耐冇食過，諗住點都要再食番次。今次叫左個辣豆腐湯同牛肉窩。首先黎左辣豆腐湯，明明係一味韓國好普通的菜式，可惜都唔係間間香港既韓國餐廳做到正宗既味道 ，記得之前係Isaa's 食過係好正宗，點知今次係完全錯晒，個湯又咸又死辣，連基本有隻蛋都冇埋，好明顯廚師換左人，完全唔合格。加上三小碟泡菜，一碟冇味、一碟有沙、得一碟叫食得下。好失望。差不多食完個豆腐湯，睇住比我地遲落單既八九個客都已經食緊，都未有個牛肉窩，追左幾次都話整緊，店員既態度好奇怪。到牛肉窩，其實味道還算可以，不過唔知係咩原因，成舊牛肉係真係一舊冇煮開既牛肉，中間都仲有點未熟，喂大佬啊...韓國菜黎架...唔係越南生牛肉河喎! 點都好，呢次會係我最後一次幫襯，因為真係好失望。

朋友約食飯，揀咗中間位佐敦，又係熱門韓國菜。7點半去到，full晒要等位，10分鐘左右就到我地。款式數量同其他店差唔多，所以叫返基本菜式。首先上菜【芝士紫菜包飯】，內饀都足料，味道不過不失。然後有【雞蛋捲】，中間的芝士都算牽絲，蛋身比較紮實有口感。再黎有【年糕鍋】，圖中係2人份量，即食面另上，自己調校煮面的時間。依個實在太辣，平時食開小辣的我頂唔順。店舖入面有水機自助斟水，我地加咗3杯水整淡d湯。整體份量都算多，年糕煙韌，魚糕彈牙，唔錯。最後仲有【半半炸雞】，忙住食野唔記得影相。件數比出面的多三分一左右，但size較細。味道唔得，炸得太耐，好乾身好鞋。炸雞應該係韓國菜賣點，依間店整得唔ok，大失所望。總結，價錢同係tst食的差唔多，但質素低一半，無下次。

約咗閨蜜吃Tea,早一晚已經決定嚟這間試下，大約3:30pm到達，場內只有3枱食客，我要坐下，叫侍應拎咗餐牌看，這是自助式落order,買好野食坐定定等叫飛，可能食客唔多，侍應送餐給我們，留意番落order要講英文的，我們叫咗炸豬扒蛋包飯及涼拌冷麵，先嚟咗個冷麵，第一啖入口已經覺得好正，辣味剛好，麵彈牙，我同閨蜜都好鍾意食辣，這個真心覺得好味，豬扒蛋包飯蛋皮薄薄包住豐滿嘅炒飯，豬扒炸皮都係好薄，唔會搶咗件豬排嘅口感，炒飯個汁都十分配合，實在太好味喇!我哋仲order了2杯凍檸茶，茶底夠濃，可惜糖水太少令杯檸茶唔夠味，但仍可接受，下次會再約埋35知己嚟試下其他，最想試部隊鍋!