Isaak's

營業中

休息中

This place was near empty at 3pm. They don't have a tea set, but the lunch set is still valid at this time. The restaurant has many long tables set up, and there is plenty of space in between tables. There is a lingering smell of deep fried oil, but the place has a high ceiling and enough ventilation to account for it. I ordered the Dumpling and Rice Cake Soup ($55) with an iced milk tea (+$5). The dumplings in the menu picture were big, round-shaped korean mandu. What came out were small dumpli

先購票等叫號自助取餐，有個疑似韓國人老闆娘，但店員唔似韓國人。周末都有lunch set，同類型店來講都算抵食，座位好多，而且寬闊，環境都乾淨，好適合食個快lunch。紫菜包飯都幾正宗，係韓國嘅味道，冇花巧野。年糕方便面都熟成剛剛好，軟硬適中，但好少年糕，亦無其他配菜。辣炒年糕方便麵，麵煮得啱啱好，辣汁有甜味，辣度適中。有隻好熟嘅烚蛋，蛋黃吸左醬汁都幾好食。仲有幾片魚糕，同幾條年糕，個人為年糕可以再煙韌啲。年糕方便麵+紫菜包飯+檸檬茶 ($68)辣炒年糕方便麵+紫菜包飯+檸檬茶 ($78)包埋野飲，性價比都合格，感覺有啲似主題樂園入面啲快餐廳，唔可以話好好食，又唔係唔好食，反正就係突然想食韓國野可以選擇之一。

我叫了牛肋骨飯，但好明顯係份量超少……得3舊差差地ge牛……唔係韓國人開，似係南亞裔人開多。舊牛肉仲要好似無肉……好委屈……68 一個餐，好唔開心。問咗店員 ，仲話係正常份量……唉😞 炸雞似乎無問題ge …但我咁、勁唔開心……唔可能超差……騙我…舊肉似咬過……唉😞 條件不好……唔使打算食到好嘢……正常份量都無……好離譜、勁唔開心……可以的話，不要光顧，試其他店吧，不值得特意來食！！！！！！！！！！！！！

呢間韓國餐廳真係由韓國人開，即刻有少少去左韓國既感覺！！呢到空間感好大，座位都好闊，坐得好舒服。☺️☺️☺️——————————————豆腐餃子泡菜鍋$68個顏色就夠紅，但其實食落一d都唔辣😟😟，如果可以加多少少辣應該會香d。😄😄😄豆腐同餃子既份量都好多，尤其係豆腐食極都有，都幾抵食！！🤣🤣🤣同埋唔洗驚唔夠飽，因為其實仲跟左配菜同白飯，食完真係超飽！😋😋😋😋——————————————

喺附近買嘢經過見唔多人就入嚟試下Lunch set價錢都合理好普通，仲以為會有魚腐我覺得我包嘅好食啲😂😂呢個炸醬麵同海鮮麵雙拼兩樣個麵底都一樣，賣相好過味道😅真係不過不失😑😑😑

午飯時間到，想食韓國菜。身處油麻地，想增加食慾。記起佐敦附近有間韓國餐廳，邊行邊上App找找。話喺柯士甸道，其實門口喺上海街。見到也有韓籍上班一族入內，應該冇問題，入內後，原來係喺counter落單俾錢，然後等叫號碼取餐，例牌點牛骨湯去試吓。配菜普通，芽菜及泡菜味道都一般，份量不多。到主菜牛骨湯，蘿蔔還可以，找一找牛骨，有三塊，size細咗啲，肉質亦頗硬，不夠鬆化。湯還可以，不太濃。但以$68不包飲品來說，可以有更好選擇，也罷，食飽走人是也。

牛骨湯得肉碎，係肉碎！成舊水得肉碎！仲要個湯係淡茅茅，我所講既淡唔係唔夠鹹，係冇牛味嗰種淡，不如直接攞清水俾我啦…泡菜煎餅淋patpat，一pat嘢咁… 完全食唔出係煎餅，蒸餅呀嘛？ 煎多陣都懶？ 冇香口既口感，只食到全部都係粉漿，泡菜都唔多條…經常韓國香港兩邊跑的我，真係成世女都未食過咁垃圾既韓餐，你仲要話我知係韓國人開既… 我諗全韓國人都會因你而感到羞恥。同老闆娘反映問題啦… 佢話係咁嗰喎，而且態度勁串，唔肯cancel 亦唔肯換第樣嘢，完全冇服務態度，就算係韓國大排檔都唔會有咁差既待遇同態度，當我傻仔第一次食韓國快餐咁… 疫情下好多高質食店都執咗，但應該執嗰D又唔執，而且仲有人話好食同正宗，呢班人平時係咪食開豬X？ 定係槍手？真心希望你快d執笠，咪再影衰真正有誠意有實力既韓國餐廳。阿門。🙏🙏🙏

午飯時間，有唔同套餐。五個人叫咗個部隊鍋套餐(部隊鍋+ 泡菜紫菜飯卷 + 泡菜煎餅 + 兩杯飲品)，再加兩款炸雞(每款半隻)。部隊鍋好足料，辣度啱啱好。唔係好食得辣嘅都冇問題。始終韓食嘛，少少辣都可以嘅。泡菜紫菜飯卷每次嚟都會叫飯卷，紫菜脆，料足，唔會話只係食到飯。佢有另一款‘牛肉紫菜飯卷’都好好味，有少少牛肉燒汁，味會濃啲。泡菜煎餅一上枱已經聞到好香，輕微辣而且唔油膩。夾雜咗啲爽口嘅菜，有啲’咬口‘。甜辣炸雞+韓式炸雞甜辣炸雞：個醬汁幾特別，甜甜辣辣，唔食得辣嘅會有少少甜味中和下。韓式炸雞：唔算太乾，因為我哋唔食皮😆

啱啱同老公喺度食飯， 食物正常但係食食下，老闆娘坐咗喺我哋對面枱， 除咗口罩飲緊茶睇緊電視， 突然間咳咗好多聲 冇戴口罩亦都冇黯口， 我哋即刻啤住佢， 但係佢完全冇理我哋。 之前仲成日嚟呢度而家以後都唔會再嚟！！！ 真係好嬲！如果佢有肺炎我哋咁樣就中咗啦！而家市道已經好差，真係唔明白點解個老闆會咁樣趕客。 佢搞到我哋有陰影之後都可能唔敢再出去食飯啦！

半自助形式，自己出去counter 落單，坐位寬敞舒適，係三四個朋友吹水傾計嘅好選擇！食物質素尚可，冇咩特別出色！😋好味推界😋🍴cheese egg roll芝士蛋卷係最好味嘅，蛋卷很厚很軟，蛋唔會太熟，包住溶化嘅芝士，好味！😶尚可選擇😶🍴Seafood Pancake冇咩特別，都整得香脆，不過味道冇咩出色，食完都唔太知道入面有咩海鮮🍴mango beer 個味係幾得意嘅，一試無妨，唔太甜，唔會藥水味，最可惜係佢個雪櫃唔夠凍，變相令佢冇咁好飲🤢中伏之作🤢🍴half half chicken 沒有味道選擇，只可以係原味同甜酸，失敗位係佢嘅雞好似冇調味咁，淡而無味😖 原味直頭係食緊無味嘅雞，甜酸就只係包咗個汁響面，而個汁都唔算好食

原本對這間餐廳的期望很大，怎料是我吃過最不正宗的韓國餐廳。紫菜包飯做得非常求其，紫菜、飯和餡完全不黏在一起，一夾起來便散了。另外點了牛肉湯，味道非常淡，好像溝了水一樣。吃得出來不是專業廚師做的，像是求其找員工做一樣。而且洗手間衛生情況非常惡劣。總之是一次非常失望的晚飯經驗！

要係佐敦搵韓國菜真係有啲難度，因為選擇少之又少。Issak’s 裡面一啲staff & 老闆娘都係韓國人，又有大screen播韓國新聞 & 綜藝節目，感覺上會令餐廳更加authentic to Korean style. 價錢親民，基本韓國菜式唔會少，kimbap仲好多餸揀。餐廳闊落，坐得舒服。如果要比較既話，我會話差唔多價錢但好食過Hungry Korean。比較推薦既係泡菜辣豆腐煲，有係韓國食既水準。炸雞都唔錯，甜酸醬幾出色。

最近特別想念韓國美食的口味，想起韓式炸雞，想起芝士！就想起這位於佐敦近柯士甸的韓國餐廳，聽聞這餐廳是真正韓國人經營的呢！去到上海街，就看到這門口，餐廳比想像中大得多！座位很多，大概晚上8時入座，大概有一大半的食客在享用了。看到店員有一半是韓國人，一半是說著英文的像印尼人的店員。我們二人行點了兩款食品。由於炸雞只有超大碟份量選擇，我們點了炸雞也只能額外多點一款食物，就選了我們都喜歡的泡菜韓式飯卷。如果餐廳可供客人選擇少一點的份量，就會對我們這些經常二人行的客人方便一點。特別是炸雞呢！吃光炸雞也真的吃不到其他了😆味道方面，先提提炸雞啊，我們點了原味 + 甜辣醬炸雞組合($168)。上菜時非常熱辣辣，熱得燙手，甜辣醬很出味，但雞不算滑，也真的沒有太多的雞味啊，只吃到脆皮。原味更是不過不失，雞也有點點的鞋口。有點點失望呢。而泡菜飯卷($55)就很不錯，每一件都非常飽滿油亮。吃上來也很豐富的感覺，當中的材料更帶有一小片魚糕，是比較少有的呢！不錯的。兩人吃了兩款也已吃得非常飽！

今日唱完k😏跟住同一大班朋友去搵野食，友人介紹有間韓國菜唔錯，又可以坐得耐傾下計😍😍😍一入到去俾我既感覺，幾寬闊舒服，人不是太多😁😁😁最岩傾下計，跟住佢地既運作模式係你去叫餐俾左錢先，佢就會送上你坐果度我地一行6人叫左個6人餐有一大部啤酒機😂😂😂成班人都拎相機出黎影影影跟住有一個部隊鍋＋蛋＋雞首先講下雞先，真心係超正😍😍😍好食過果d kfx, x記果d部隊鍋就不過不失正正常常😆😆今餐整體評分都高，想搵個地方食野加坐得耐既話，呢間係唔錯既選擇👍👍👍蛋比想像中大同好食，軟綿綿😘😘

行過無意間見到呢間韓國餐廳，好有街坊餐廳feel, 冇過份誇張嘅裝修，感覺好踏實所以決定一試😆ice noodle $65只有麵、青瓜絲、蛋，配酸汁/麻醬，簡簡單單清清地，就夠好味！beef rip soup $68個湯好好飲，好暖胃。牛骨大舊好有咬口，加上韓式配菜，好開胃，飯都扒多2 啖。tuna kimbab $48好足料，唔可以話好好食，但好有家的感覺，而且同我去韓國食嘅味道一樣，好想去韓國呀～地方大坐得舒服，食物和價錢都好親民，掛住韓國都唔一定要食炸雞及燒肉，食下韓國住家飯都係一個不錯嘅選擇。