Hungry Korean (亞士厘道)

營業中

休息中

愈開愈多ge hungry Korean 已經唔係第一次食，開到咁多分店一定有原因ge，快餐、平價、港女甚愛的韓式。唔食辣ge人比較少選擇，但都有好好味ge推介，例如甜雞肉配飯、炒粉絲，而我未食過ge就有牛小排飯、水冷麵等等。話明快餐店，你就唔好預佢有高超ge材料同烹調技巧，味精居多，尤其炒粉絲，但好味。而佢辣味ge菜式，例如辣豬肉、辣雞肉都係同一種辣味，當然配菜同肉ge份量都好足夠，怕唔夠飽ge男士可以叫多飯。紫菜飯卷類，份量較少，唔抵食，當小食兩人分則可。其他類別份量ok多架。另外，叫飲品都相對唔抵，要成10蚊。我食過ge款式不多，便宜好吃就辣雞肉係我至愛，其實到時按個人喜好選擇就得，唔會太伏，但麵類就要慎選...其實款式真係好想試但每次都離不開甜或辣雞肉，唯有待下次開發。

Hungry Korean serves delicious Korean food! Especially the Korean chicken options are fantastic - my favourite chicken in Hong Kong. I highly recommend the honey-garlic fried chicken. Also, the gim bap (sushi-like rolls) are really good and very enjoyable. Hungry Korean is a great take-away option as well.

🇰🇷 韓國菜呢樣野 食材通常都好平 但收費就非常乸痢🌝 與其去韓國街比貴幾倍價錢買一樣既野 我就寧願行到亞士厘道Hungry Korean 食韓式快餐好過💁🏻‍♀️ 當中甜雞肉鐵板燒($52)同牛肉石鍋飯($46)係我次次黎都會叫既 一黎抵食 二黎佢又真係比足料你 淨係飯都大大碗 一個大男人食都夠哂飽😂 另外啲kimbap($36)都唔差架 牛肉/豬肉/吞拿魚餡都正 只係有時包得唔夠實 好易散😂牛小排好味！年糕就有啲乾🤣雖然叫辣年糕 但係完全唔辣既😂 講真呢碟野超級飽肚 食完都食唔到其他🙈呢個泡菜餅一般般 承惠$70唔算抵食 早知叫多個石鍋飯啦😂Taste: 👅👅👅Value for Money: 💰💰💰💰(on a scale of 0-5 emojis)

收工後心思思想食韓國野，就過左尖沙咀食hungry korean啦🇰🇷主打韓國快餐既小店，食物選擇都算多，自己一個食唔叫得多野食，揀左辣豬肉韓式飯卷🌯另外加錢要左Ban Chan，即係三款前菜，有泡菜，薯仔同韓式魚糕😍韓式飯卷好足料，豬肉辣辣的好好味😋平靚正既韓式快餐首選👍🏻👍🏻🇰🇷

今日突然諗到想食kimbap 韓國壽司人在海港城雖然一向食開韓國街果間但唔想行咁遠，就唯有係依度買啦！依間堂食感覺就麻麻，坐又唔舒服食又麻麻咁不過今次外賣都OK喎！Tuna kimbap呑拿魚韓國壽司beef kimbap 牛肉韓國壽司牛肉好食啲啲，但係啲牛肉碎左啲，其實無乜食到乜牛肉味！不過，呑拿魚我就覺得有啲腥，好彩唔係我叫者！我食過其他韓國店既呑拿魚都唔拿咁腥既整體其實啲飯唔係好多，成條食晒都唔係好飽！平時果啲食一條拿好飽架我！我又嫌啲泡菜唔夠多，酸蘿蔔都唔夠多，係好多嗰啲橙色蘿蔔，又硬，又無乜味個蛋都無乜味成條都嫌淡味！嗱！都係韓國街嗰邊好食啲㗎 ！所以我話係懶人晚餐啦！

呢間韓國快餐主要係介紀自己冇味精！冇任何人造色素！仲要係即叫即整！中意食韓國野既朋友仔可以試下！因為佢出餐都好快，所以lunch都特別多人。餐牌都有好多選擇，有鐵板燒跟飯，韓國湯跟飯，伴飯，粉絲，飯卷！所有餐加$10可以揀指定飲品，加$15有3碟仔前菜！今日點左個牛肉伴飯+凍抹茶牛奶=$56個牛肉伴飯賣相唔錯架，但點解明明係石頭鍋飯，但一啲都唔熱？又話係即叫即做？飯入面材料都算唔錯，除左揀左既牛肉之外仲有幾塊菇，蘿蔔絲，洋蔥，一隻生蛋同埋幾條菜。佢有個韓式醬比你加落去撈飯，可以自己決定落多落少，雖然係紅色，但係唔辣既！整體黎講味道係冇問題既，係唔夠熱！反而杯抹茶牛奶有驚喜！唔太甜，小小抹茶味！大家記得叫小冰！因為真係好多冰！

韓國野除左炸雞，喺我心目中唔應該太貴，平價韓食快餐點都要數到呢間hungry korean，講到咁嘅價錢都唔期望太高質素，但都放得入口，起碼好過韓國街某幾間。餐牌供應鐵板類、湯鍋、石鍋飯、麵食、小食等，人均6、70蚊，又平又食得飽。平日晚上都有唔少人，座位唔算好多，不過我地坐靠牆位置，都唔會好逼狹。辣牛肉魷魚湯配飯 $75：呢個價錢算係咁，幾足料呢。 除左牛肉、魷魚，配料仲有豆腐、金菇、年糕、泡菜等，唔係好辣，少少酸。其實都係嗰隻韓醬製成，唔會有驚喜。魷魚夠多，幾爽，重口味係預料中事，配埋白飯75蚊，可以。辣豬肉鐵板燒配飯 $52：份量都幾多，豬肉唔會太肥，不過會有少少乾口。墊底用上大量椰菜絲，都幾好送飯。不過我覺得唔係好夠辣，始終係遷就番口味掛。海鮮煎餅 $70：冇期望下嘅海鮮煎餅反而幾好食，粉感唔重，如果表面可以煎得再脆啲更好。(海鮮就冇乜，我當蔥煎餅咁食，會舒服好多）韓式牛肉壽司 $36：配料可換成豬、雞、魷魚、吞拿魚、芝士、泡菜是但一款，味道唔錯，唔會鬆散，揀左牛肉唔會太重口味。香蒜蜜糖味雞翼 $46：雞翼真係伏伏地 蜜糖味有 但好厚粉。

I ordered black bean noodles from hungry Korean through food panda but the container wasn't fully closed so all the sauce spilled but overall the food was pretty good. One of my recommendations are there dumplings! It was delicious and full of flavors. I would definitely order from this place again!

$46 牛肉石鍋飯 +$15小食個薯蓉好香好好味喎！我平時唔食薯蓉。尼個勁滑，又夾雜著啲洋蔥絲，但又勁match泡菜一般，完全唔辣。牛肉飯好好味丫甜甜地 又唔會好油！配菜多啲就好！唔夠喉！不過個石鍋飯唔夠熱，熱啲就會好好多

一點完餐 Kimbap一秒送到口感硬應該因爲放左成日冇咁新鮮而且份量少餡料也不多最最最失望係呢個酸辣餃子冷麵等左半個鐘我地不停催都係未到一試太辣而且感覺製作得好隨便大失所望下次不會咁夜黎而且呢度性價比不高食物選擇少呢個價錢黎講真係唔洗係度食環境小夜晚好多人送貨黎Staff不斷係我後面搬貨比較危險

魷魚石頭鍋飯 寫明下午茶時段都同樣份量夾啱時間食late lunch or early dinner就抵喇一上枱個石鍋好熱 仲"渣渣"聲鍾意有飯焦焦香就遲d先攪勻魷魚好有咬勁 仲有芽菜 雞蛋 茄子將所有配料撈埋一齊之後其實淨係食到拌飯醬味😂+7蚊配餐飲要咗抹茶牛奶 重奶味——————————————————————$34+7Hungry Korean尖沙咀亞士厘道24-38號天星大廈地下B號舖

由於就黎去旅行，所以前幾日就去左尖沙咀換錢，換完食返個下午茶先走啦行到亞士厘道就見到間韓國菜，價錢都好抵各款石鍋飯係可以選擇一個配料，包括豬/牛/雞/魷魚，我就選擇左雞肉上到枱仲聽到SASA聲，熱辣辣另上一枝辣椒醬鐘意幾辣都得！我個人唔太食得辣，所以就落左好少我仲叫多杯抹茶牛奶，抹茶味道都幾濃，幾好飲一個石鍋飯再加杯野飲都係四十幾蚊，價錢真係好抵呀

幾個同事一齊去食Lunch 周圍都爆曬人 周圍都好多OL Lunchtime 時間幾個同事食飯最麻煩就係要搵一間有位又好食既地方 突然醒起附近有間hungry korean😍😍 咁岩有一班人走咗我哋先至有位入 唔使等 真係好好彩 我哋四個一人叫一個餐Share食 我哋叫牛肉 雞肉 豬肉 泡菜豆腐 全部味道都好濃 勁好餸飯 我哋一齊狼吞虎嚥 平時我哋幾個女仔都好細食 今次個個都食晒成碗飯 我哋四個人每人都係＄50左右咋

有人話韓國食物好多都係同一隻味，因為出自同一款醬，雖然認同，但仍然大愛韓式美食係尖沙咀搵韓國食物一d都唔難，但除左韓國街，係亞士厘道，迄立左一間好sharp醒既綠色招牌，寫住hungry korean..正是今晚既目標，其實都食過好多次，終於有心寫食評!是晚叫左牛肉石頭鍋飯，男朋友就一直鍾情於鐵板辣雞飯 （佢話會諗起韓國橋村炸雞味道wor）【如有不同感覺，實尋男友個人口味】，另外再加$15既配菜牛肉石頭鍋飯，望落都好吸引，特別係半生熟既蛋，放係石鍋度，jajaja幾醒就熟左~呢度會原支辣醬俾你任落，巧味道!鐵板辣雞飯 （其實唔記得個名岩唔岩），呢碟真係好野味，甜甜辣辣咁，雞肉切粒，夠晒滑，再配好多生菜，絕對係飯小偷!一碗白飯真係唔夠 15蚊3碟配菜 ，有薯仔沙律，泡菜，魚板，薯仔沙律好味，配洋蔥絲，份量嫌少，唔夠食呀大佬! 泡菜都易入口，因為本人好怕泡菜會過酸或咸

這天只有自己一人吃午餐，而且不是非常餓，所以去了HUNGRY KOREAN吃午餐。選擇不算多，我點了炒粉絲，可是午餐並沒有套餐呢，之前在旺角分店吃好像是有套餐的(?)店員會將食物送上，粉絲挺足料，有煎蛋、蘿蔔、菜和芝麻，也很夠味，吃得到麻油香，不過份量不多，幸好我不是非常餓，否則一定不夠飽呢!